Искрено не верувам дека под кале ќе никнат хотели.....
.... Според мене ќе направат пренамена на земјиштето и ќе изградат станбени комплекси (како и во многу други ситуации )

Неколку хотели треба да се градат во Скопје – инвеститорите никаде ги нема!

Откако Владата реши државното градежно земјиште за изградба на хотели да го продава по почетна цена од едно евро за метар квадратен, локални бизнисмени но и странски компании побрзаа да ги купат повеќето од слободните локации. Но, ако истите почнеа на време да градат, Скопје сега требаше да има минимум десеттина нови и луксузни хотели. Засега, локациите се уште празни ги чекаат своите инвеститори.

Хотелиерскиот бизнис стана особено атрактивен во земјава откако Владата реши државните градежни парцели да ги продава со почетна цена од само едно евро за метар квадратен.. Ако се земе предвид дека голем дел од продадените државни парцели за изградба на хотели се наоѓаат на атрактивни локации, а се продадоа по багателна цена, која во некои случаи достигна само 20 илјади евра, логично е и прашањето ќе се изградат ли навистина сите тие хотели или по извесно време парцелите ќе се пренаменат за изградба на друг вид комерцијални објекти или пак, станбени. Сомневањата уште повеќе се подгреваат кога ќе се види дека повеќето од локациите се продадоа уште пред две години, а до денеска на ниту една од нив нема градежни активности.

Ги нема барокните хотели на Кале. Ќе плаќаат ли пенали инвеститорите?

Според деталниот урбанистички план „Парк 2“, под Кале требаше да се градат дури пет хотели. Три парцели се веќе продадени, а една од локациите, наспроти Градска плажа, купи Марјан Јованов, поранешниот директор на Дирекцијата за нафтени резерви. Според информациите од општина Центар, Јованов веќе има обезбедно градежна дозвола, иако не информираат дали почнал со изградба на хотелот. Фактор се обиде да стапи во контакт со него, но Јованов остана недостапен за информација. Лани тој изјави дека нема намера во јавност да изнесува детали за изградбата на хотелот и да се промовира себеси.

На левиот брег на реката Вардар, спроти градскиот парк, освен хотелот на Јованов, предвидена е изградба на уште два хотели од страна на фирмата 3Д Тим Инвест ( во сопственост на Марјан Јованов) и на албанската компанија Амадеус Груп. Во општина Центар немаат информации ниту за динамиката на изградба на овие два хотели, но потврдуваат за добиени градежни дозволи, барем за еден од инвеститорите.

„Фирмата 3Д Тим Инвест веќе има градежна дозвола, но Амадеус груп нема уште добиено. Тие доставија идејно архитектонско решение кое се уште се разгледува во општината, што значи се уште се во процедура“, кусо одговорија од општината.

Но, процедурата е јасна за изградба на сите планирани хотели. Инвеститорите имаат обврска да ја обезбедат градежната дозвола во рок од 9 месеци по купувањето на земјиштето, а објектите да ги изградат во определен законски рок од шест години. Нема информација дали Амадеус груп ќе плаќа пенали за доцнењето иако компанијата која има отворено претставништво во Скопје, купи земјиште и во скопската општина Петровец за изградба на друг хотел. Локацијата се наоѓа во близина на аеродромот Александар Велики.

И Охрид ги чека своите луксузни хотели

Хотел од светски бренд, но во Охрид, треба да гради и туристичката агенција Фибула ер травел, која исто така, пред две години купи две атрактивни државни локации за само 20 илјади евра. Но, сопственикот Асим Меџедовиќ за Фактор вели дека се уште ја нема извадено градежната дозвола.

„Земјиштето е чисто, но чекаме некои фирмално правни детали да се средат. Овој период го користевме да разговараме со неколку ланци светски хотели, бидејќи откога ќе го изградиме треба и да го брендираме. Бевме и на саеми во Истанбул, Холандија, Австрија, Хелсинки и веќе бараме потенцијални гости„ вели Меџедовиќ.

Како инвеститор на луксузен хотел во Охрид се јавува и фирмата Дивелоп Груп која пред две години ја купи познатата локација Горица 3, која повеќе години не можеше да најде инвеститор. До денеска и на оваа локација нема градежни активности.

Првиот Мериот во Скопје веќе се гради на плоштадот Македонија

Иако првично беше најавено дека првиот светски хотелски бренд во Скопје ќе биде изграден до октомври годинава, најверојатно ќе има пролонгирање на инвестицијата. Фирмата Дивелоп груп која се јавува како инвеститор на Мериот, дел од светскиот синџир Мериот интернационал, веќе забрзано гради на плоштадот Македонија, но изградбата е се уште во почетна фаза.

Во близина на мостот Близнак, покрај реката Вардар, хотел треба да гради и Ајдован Адемовски, инвеститорот на Стоун бриџ, а во општина Петровец, освен Амадеус груп,  парцела купи и наш повратник од Австралија со фирмата Лид градба, која плати 35.000 евра за земјиште за изградба на хотел кој ќе биде со висина од 25 метри, приземје и шест ката.

Соња Наумовска

http://faktor.mk/archives/25652

поентата ми е ако има нешто вредно,што ќе ја смени сликата во земјава од корен,вреди и да се жртвува вакво природно богатство.нормално ако се вложи ова што се најавува,а не по секоја цена таму некој си да гради во езерото.

да се стават на вага двете работи и ако натежни према проектот нека се дава тоа што треба

можеби ќе звучам нелогично,но да сум јас на место кој треба да одлучува за ваква инвестиција сум спремен и да се раздружам со Унеско и со сите природни убавини од човечка рака нечепнати,но од кои досега немавме никаков корист.Би понесол одговорност за добродит на народот,па нека викаат на мене

подобро е благосостојба на народот и државата,него сиромаштија и некаква си диплома или медал од Унеско која служи само да си ја закачиме на ѕид(да неречам на што друго)

Сите западни држави прво помина низ овој пат,прво развој по било која цена,па потоа мислење за екологија.

Кој немисли така нека се присети на што личеше реката рајна во германија и слични такво во 60-70-тите години,и колку беше загадена почвата.И душата во рајот и.......НЕМА

Steta sto ke se unisti takva priroda. Da se nadevame deka voopsto nema da se izgradi

Браво. Човеков навистина ќе инвестира во Македонија. Се надевам природата нема да биде жртва на туристичкиот развој. Искрено кампот Љубаништа ми беше омилено место во Охрид а сега по се изгледа ќе го нема повеќе,барем не во тој вид...ама сепак побитен ми е економскиот просперитет на луѓето. Интересен податок за Субрата Рој од лани крајот на ноември
Иndian billionaire Subrata Roy has bought the luxury Plaza Hotel at the corner of Central Park in Manhattan.

Mr Roy's Sahara group, known for its sponsorship of Indian cricket and motor sports, paid the US-Israeli retailer El Ad $575m (£360m) for its 75% stake.

Државата ја стопира изградбата на хотел од 15 милиони евра во Охрид Државата барем за сега ја стопира домашната инвестиција во туристичкиот сектор која требаше да се реализира во Охрид. Хотелот кој требаше да се гради во туристичката населба Свети Стефан, а за кој советот на општината на претходната седница даде зелено светло за сега нема да се реализира бидејки Државниот градежен инспекторат ја стопира целата постапка. Како што информираат од Државниот инспекторат за градежништво и урбанизам, при спроведената контрола биле утврдено дека Деталниот урбанистички план бил изготвуван во спротивност со Законот за просторно и урбанистичко планирање и истиот не бил во согласност со Генералниот урбанистички план. Инвестицијата тешка неколку милиони евра требаше да ја гради бизнисмен од Охрид кој претходно извршил откуп на земјиштето кое беше во приватна сопственост. „Од страна на Државниот инспекторат е дадено укажување на градоначалникот да постапи согласно со одредбите од Закон за просторно и урбанистичко и да побара од надлежните комисии да изготват предлог за отстранување на неправилностите со предлог до Советот на општина Охрид да ја поништи-укине oдлуката, а исто така и предлог до Советот на Општината Охрид и градоначалникот на општина Охрид да не ја објавуваат oдлуката во „Сл.гласник на општина Охрид“, односно да ја запрат постапката за примена до преиспитување на постапката за донесување и на законитоста на предметниот урбанистички план согласно дадените насоки“ се вели во соппштението на Државниот инспекторат. Од општина Охрид најавија дека ќе поднесат жалба на ваквата одлука на инспекторатот, и оти не ја исклучуваат можноста да поднесат и кривични пријави. Инвеститорот вчера најави дека во хотелот кој сака да го гради во Свети Стефан ќе инвестира околу 15 милиони евра, и оти планира да направи репрезентативен хотелски капацитет.

http://a1on.mk/wordpress/archives/69456



Edited by Cloverstack - 06-Dec-2012 at 16:35

СКОПЈЕ ГО СЛЕДИ ТРЕНДОТ НА ЕВРОПСКИТЕ МЕТРОПОЛИ


Хостелите никнуваат како печурки


Спиењето во соба со уште седум или девет луѓе и делење на тоалет не им претставувало никаков проблем кога цената за едно ноќевање е само десет евра
Хостелскиот бизнис во главниот град е во подем. Сместувањето во младинските хотели и во Скопје се повеќе станува прва опција во изборот на туристите особено на оние што не можат да си дозволат скапо хотелско сместување, а поседуваат авантуристички дух. Освен што секојдневно по улиците може да се сретне некој турист што ќе ве праша каде е лоциран некој хостел, доказ дека бројот на овие капацитети расте е тоа што на веб пребарувањето за вакво сместување во главниот град резултати има и повеќе од доволно. Најчести гости се младите кои привлечени пред се од ниската цена ова лето ги наполнија скопските хостели. Спиењето во соба со уште седум или девет луѓе и делење на тоалет не им претставувало никаков проблем кога цената за едно ноќевање е само десет евра. Сопствениците потврдуваат дека имале одлично лето со многу гости. Познатата скопска населба Маџир Маало веќе потполно заликува на хостелска населба. Сопствениците на куќите ги пренаменуваат објектите, а локацијата е атрактивна бидејќи е на пет минути од плоштадот Македонија. Друга предност на оваа населба е близината на автобуската и железничката станица. Неколку нови хостели оваа година се отворени и во Центар, но нивниот број драстично се зголемува и во подножјето на Водно.
- Оваа година најмногу гости имавме од Британското кралство и од Ирска. Иако тие важат за едни од полошите гости, со нив немавме ниту едно лошо искуство. Гости имавме и од Холандија како и од азиските земји - ни одговори сопственикот на хостелот Игуана лоциран во Маџир маало. Таму цените се движат од 13 се до 36 евра за полуксузните соби. Во хостелите пак во Центар, поевтината варијанта во која кревет за една ноќ чини 9 евра од човек, е во соба со шест кревети.
- Гостите најчесто гледаат што поевтино да платат за престојот и што повеќе да видат од градот, па затоа собите најчесто им служат само за преспивање. Најголем број на гости ни се од Холандија, а оваа година имавме и голем број туристи од Италија - велат од хостелот Најс.

Уште еден доказ кој потврдува дека хостелската понуда во главниот град се зголемува е планот за уште еден нов хостел кој ќе се гради кај Градскиот стадион.
- Хостелот ќе биде еден вид преноќувалиште, но ќе има и улога на карантин со сместувачки капацитет за одредени клубови кои ќе дојдат да имаат подготовки на помошниот терен, потенцираше директорот на Јавното претпријатие за стопанисување со станбен и деловен простор, Цветко Грозданов.

Сепак, колку точно хостели има во градот, не можеа да ни одговорат ниту од секторот за туризам при Министерството за економија, ниту од државниот пазарен инспекторат. Според податоците на Заводот за статистика во еден месец во земјава во младинските хотели престојуваат нешто повеќе од 400 гости. Секако најголем дел од овие хостели се лоцирани во главниот град.
Во хостелите во градовите од соседството цените се слични како во Скопје. Во белградскиот хостел Магна, цените за ноќевање се движат од 11 до 20 евра, а во Чилтон од 10 до 25. Цените на хостелите во европските метрополи се нешто поскапи од оние на Балканот. Во Амстердам во синџирот на хостели Флаинг Пиг кревет може да се најде од 20 евра па нагоре, додека во хостелот Космос од 20 до 35 евра. Во Барселона, од понудата на најразлични хостели кои може да се најдат на интернет, најниската цена изнесува 13 евра за преспивање и појадок. Како една од поскапите дестинации за туристите кои решиле да престојуваат во хостели се издвојува Париз, каде што најниските цени започнуваат од 30 евра.

Кога цените за престој во хостелите ќе се споредат со хотелските цени, станува јасно зошто поголемиот број туристи се решаваат за престој во хостел. Еднокреветна соба за една ноќ со појадок во хотелот Карпош чини дури 93 евра, а во хотелот Континентал 75 евра. Ноќевањата пак во хотелите Холидеј ин" и Александар палас" чинат од 140 евра нагоре. (Гр.З.)

Центар прв по бројот на еднодневни посети на странски туристи
Она што им оди во прилог на хостелите се податоците кои велат дека општина Центар е на прво место според бројот на еднодневни посети на странски туристи, додека на второ е Охрид. Според податоците на Стопанската комора за туризам на Македонија, бројот на туристи кои ја посетиле општина Центар во мај оваа година е 40% поголем од истиот месец во изминатата 2011 година. Интересен е податокот што бројот на туристи во Скопје од година во година се зголемува. Во 2009 година бројот на туристи кои го посетиле главниот град бил 111.281, 2010 година - 114.663 туристи, 2011 година 130.726 туристи. Од приложените податоци 80 проценти од туристите кои го посетиле Скопје биле гости во Центар.

http://www.vecer.com.mk/?ItemID=411970DCAF51B147AEFBD2F9180755B4

Verojatno e del od kompleksot makedonija.Ama bombasticna najava, najgolem, najmoderen itn za 6 miljoni evra ,samo za sporedba, Ace spomenikot 9 miljoni evra. Vo kakva tragicna situacija Skopje e so hoteli.

41°59'49.08"N 21°24'14.71"E