Булевар Илинден

НАДЛЕЖНИТЕ РЕШИЈА

Ако нема проблеми со временските услови, проширувањето на првата делница на Илинденска, од крстосницата со улицата Наум Наумовски - Борче до Рузвелтова, во должина од 500 метри ќе доцни само 15 до 20 дена. Ова било договорено на состанокот што градоначалникот Коце Трајановски го имаше со фирмата изведувач „Гранит“. - Во моментов се реализираат повеќе активности како подготовка за завршната фаза. Асфалтот е изгребан, се поставува финалниот слој на новооформените коловозни ленти, дислокацијата на подземната инфраструктура е при крај и поставени се новитеподземни инсталации. Исто така, во тек се подготовки за поставување на новото улично осветлување и за проширување на крстосницата кај фонтаната. По целата траса се поставени рабници и трасирани се пешачки и велосипедски патеки, а во тек е и изградбата на новата ограда за бараките на Град Скопје, која беше дислоцирана од старата траса. Изведена е и мрежата за сливници со регулациони шахти за атмосферските води - велат од одделението за односи со јавност на Градот. Оттаму додаваат дека динамиката за останатите два дела кои треба да се прошират, од Рузвелтова до булеварот 8 Септември и од Фонтаната до булеварот Свети Климент Охридски, ќе се одреди кога ќе почнат градежните работи и тогаш ќе се знае дали првичниот рок ќе бил незначително пробиен или работите навремено ќе завршат.

Илинденска не доцни, туку „одмара“ за викенди



Иако градоначалникот Трајановски призна дека проширувањето на улицата ќе доцни поради подземна инфраструктура, од неговиот кабинет смируваат дека се' е во предвидената динамика

Откако градоначалникот Коце Трајановски пред три дена призна дека проширувањето на улицата Илинден ќе доцни поради проблеми со подземни инсталации, вчера од неговиот кабинет пристигнаа смирувачки изјави дека се' се одвивало како што предвиделе. Градоначалникот Трајановски, како што пренесоа медиумите, деновиве се пожали дека подземните инсталации ја закочиле изведбата на „Т“ раскрсниците кај фонтаната „Лотосов цвет“ и таа кај Зоолошката градина. За тоа на колку време ќе биде одложено завршувањето на правата фаза од проширувањето, Трајановски најави одговор за вчера, по состанок со изведувачот „Гранит“. Но, наместо одговор дали на крајот од летото „Илинденска“ ќе биде пуштена за сообраќај, по одржаната средба од Градот не прецизираа ништо. Си дадоа екстра-време од две-три недели, со тоа што крајниот рок го дополнија со плус денови, кои во почетокот на градежните работи не беа споменати.

- Реализацијата на втората фаза на Илинденска, од фонтаната до раскрсницата 8 септември, се реализира во рамки на предвидените рокови во проектот. Предвидени беа 120 работни дена, но без викенди и државни празници, а во оправдано доцнење се и деновите во кои поради временските услови не ќе може да се работи - изјавија од градското одделение за односи со јавност.

Она што градоначалникот Трајановски го спомена како клучно, дека не е истражено какви инсталации има под земја на местата каде се проширува, од Градот вчера го негираа. Тие сега тврдат дека во зафатот за „Илинденска“ влегле со целосен увид на подземјето.

- Во овој проект Градот влезе со целосно предвидени ситуации за состојбата со подземните инсталации, имотно-правните односи и со комплетна сообраќајна студија за времени сообраќајни решенија.

Нашата инфраструктура беше благовремено дислоцирана, а згора на тоа беше инсталирана нова атмосферска канализација со огромен зафат на атмосферски води - изјавија градските власти.

Од „Гранит“ вчера останаа недостапни да кажат дали „Илинденска“ ќе биде изградена навреме.

Градските власти сепак признаваат дека понекогаш може да се јави мал застој поради другата инсталација, која е обврска на операторите.

- Дислоцирањето оди малку побавно од предвиденото, но независно од забавувањеѕо на работите околу овој дел на инфраструктурата, Град Скопје очекува на задоволство на граѓаните проектот во оваа фаза да заврши во предвидените рокови - изјавија надлежните.

Според најавите, проширувањето на булеварот Илинден ќе се изведува во две фази. Во првата се врши проширување на потегот од улицата Наум Наумовски-Борче до Рузвелтова, во должина од 640 метри, а во втората фаза се работи на потегот од Рузвелтова до булеварот 8 Септември, во должина од 800 метри. Булеварот ќе има четири коловозни ленти. Во првиот дел, улицата ќе биде без средишно зеленило, а во делот од Рузвелтова до Карпош 3 ќе има жардиниери. Инвестиција ќе чини 80 милиони денари, односно 1,3 милион евра.

http://www.dnevnik.com.mk/?ItemID=3F8F192F5D79CC48B7F2C2E59A518669

НОВИ ГОЛЕМИ СООБРАЌАЈНИ МАКИ ЗА СКОПЈАНИ Новата „Илинденска“ ќе доцни Роза Петковска Поради непредвидени градежни работи, проширувањето на булеварот „Илинденска“ нема да биде на време, соопшти вчера градскиот татко Коце Трајановски. Кога ќе биде пуштен во сообраќај дел од „Илинденска“, Трајановски најави дека ќе се знае денеска, по состанокот со надлежните од фирмата „Гранит“, кои ги изведуваат градежните работи. Првично од страна на скопскиот градоначалник беше најавено дека првиот дел од проширувањето требаше да биде готов до први јуни, а целосната реализација на овој проект требаше да заврши до септември, односно истиот и официјално требаше биде пуштен за сообраќај на Денот на независноста, осми септември. Изградбата на оваа сообраќајница, потенцираше Трајановски, претставувала една од најтешките изведби со кои се соочиле поради подземната инфраструктура, која била откриена на теренот, како и поради неколкуте раскрсници што се наоѓаат по нејзината траса. Граѓаните, пак, кои секојдневно се принудени да кружат по споредните сообраќајници се гневни поради ваквата одлука на градските власти. - Кога станува збор за сообраќајница, која се смета за една од најфреквентните во градот и на нејзината изградба треба да се работи постојано за да може да се запази рокот. Во други земји градежни екипи работат и по три смени, а кај нас секој проект се одложува до бескрај. Единствени жртви на сообраќајниот метеж сме ние, кои секој ден вртиме кругови низ градот за да стигнеме до дома - вели еден граѓанин. Во исчекување на новата сообраќајница возачите ги користат алтернативните сообраќајници, односно улицата Орце Николов и булеварот Партизански одреди. Трајановски, пак, одби да прецизира за колкав временски период ќе се одложува проширувањето на Илинденска и најави дека, со цел да се интензивираат градежните активности за денеска има закажано состанок со надлежните од фирмата „Гранит“, на кој, најверојатно, ќе се прецизира новиот краен рок за реализација на проширувањето. Инаку, градежните работи за проширувањето на булеварот Илинден се изведуваат во две фази. Во првата е предвидено да се врши проширување на потегот од улицата Наум Наумовски-Борче до улицата Рузвелтова, во должина од 640 метри. Во втората фаза, пак, ќе се работи на потегот од крстосницата со улица Рузвелтова до таа со булеварот 8 Септември, со вкупна должина од 800 метри. Предвидено е булеварот да има четири коловозни ленти, кои ќе бидат широки по 3,25 метри, односно неговата вкупна широчина ќе биде 13 метри. Во првата етапа е предвидено сообраќајницата да биде направена без зеленило во нејзините средишни делови, а во делот од Рузвелтова до булеварот 8 Септември ќе има жардиниери со широчина од пет метри. Покрај тоа, по целата должина на проширениот дел ќе бидат изградени пешачки и велосипедски патеки. Проектот за проширување на булеварот Илинден е инвестиција на Град Скопје и ќе чини 80 милиони денари. Пред да почнат градежните активности, Град Скопје изврши поставување на нова атмосферска канализација низ целата улица, која чинеше околу 32 милиони денари. http://vreme.com.mk/DesktopDefault.aspx?tabindex=1&tabid=1&EditionID=2030&ArticleID=141503

ОК, се гледаат контурите и јас барем сум задоволен за делот Фонтана-Рузвелтова. Идеално ќе беше да не се чепка страната од кај Општина Центар, но жртвата не е преголема.

За потегот од фонтана до влада пак не ми се допаѓа тоа што го гледам. Не дека претходно со паркираните коли имаше простор за пешаците, ништо чудно сега да остане и повеќе простор за нив во споредба со претходно. Но, профилот на улицата претходно ми беше посоодветен за овој простор.

Имаме дискутирано порано баш ме интересира како ќе се реши раскрсницата со Ленинова. Семафоризација ќе оди на живци но без семафори тек сега нема да може да се пресекува илинденска таму.

Вчера поминувајќи покрај бараките сфатив што всушност прават со оградата. Отприлика половина, оној дел што е накај фонтана, беше малце поиздаден накај улицата. Само тој дел е срушен, и веројатно само ќе го повлечат малце поназад, ќе го израмнат со останатиот. Инаку комплетниот тротоар од јужната страна е срушен. Кога ќе завршат, ќе го обноват тротоарот, но ќе биде потесен. Од страната на бараките ќе нема тротоар воопшто.

Супер напредуваат тука, гледам се работи со брзо темпо,зошто ова е една од најважните градски сообраќајници. Само ме интересираат неколку работи, па некој ако знае нека ми објасни.

1.Дали потегот кој што се работи сега кога ќе биде завршен ќе биде пуштен за сообраќај или веднаш ќе се прави и делот до влада? Малку лошо би било кај раскрсницата кај Фонтана од две да се преминува во една лента

2. Дали овие бараки што се од десна страна на Илинденска се на општина Центар или на АРМ? Ептен би било добро кога и тие бараки би ги немало, па би имале велосипедска патека + зелен појас и од десна страна

3.Дали има најави(дати) кога се ќе средуваат 1виот дел(од Фонтана до Влада) и 3тиот дел(ул.Рузвелтова до раскрсница со 8ми Септември?

Може за овие прашања имало предходно во некои од најавите, ама јас барем набрзина кога ги проаѓав не успеав да најдам вакво инфо

1


2


3


4


5


6


7


8


9

Градоначалникот Трајановски рече дека градските служби особено внимавале на тоа семејството да не биде оштетено и затоа им доделиле станови со многу поголема вредност од куќата што се руши.

Не ми е јасно што сака да каже градоначалникот со оваа изјава. Дека свесно ја оштетиле градската каса?
Дополнително, ваквата (барем декларирана) великодушност не е баш наша пракса... Зарем на едни се штеди за средствата да бидат пренасочени кон други? Би било убаво Коце да се дообјасни зошто институциите за некого да бидат мајка, а за некого маќеа.


Edited by Cloverstack - 23-Apr-2010 at 23:10

УРНАТ СПОРНИОТ ОБЈЕКТ НА ТРАСАТА НА БУЛЕВАРОТ ИЛИНДЕН

Градежните екипи коишто работат на проширувањето на булеварот Илинден денеска го урнаа најспорниот објект на трасата на сообраќајницата којашто деновиве се проширува на потегот од фонтаната „Лотосов цвет“ до улицата Рузвелтова. Станува збор за објект којшто се наоѓаше спроти последната барака на Град Скопје. -  Со семејството коешто живееше во куќата најдовме поволно решение, на заедничко задоволство. Со нив долго преговаравме за да постигнеме договор, а во преговорите беа вклучени и претставници од Градот Скопје и од Министерството за финансии. Членовите на семејството што живееше во оваа куќа се веќе сместени во станови во новите згради до општинските бараки во населбата Бутел. Сега, нема пречка за проширувањето на булеварот Илинден во овој дел и градежните работи непречено ќе се одвиваат. Работиме на изнаоѓање решение и за другите семејства коишто живеат во објекти на трасата на булеварот – изјави денеска градоначалникот на Град Скопје, Коце Трајановски. Заради лична безбедност, Градот Скопје ги замолува пешаците во текот на денешниот ден да го одбегнуваат овој потег на булеварот Илинден.

http://www.skopje.gov.mk/ShowAnnouncements.aspx?ItemID=3299&mid=24&tabId=&tabindex=0

Нели според Скопје 2014 офицерски на плоштад требаше да биде за градската администрација? Или само за матичното беше тоа?