Коридор 8

Originally posted by gjoko како во прошетка на ЈУРА парк-модерно превозно средство во џунгла амбиент

баш и јас го добив истиот впечаток... можда дека сум навикнат да ги гледам современиве возови на прави отворени пруги со бетонски прагови

Делница Проевце-Доброшане, Куманово

Би било добро ако крајот на реконструкцијата на пругата од Куманово до Бељаковце се поклопи барем со почетните работи од изградбата на делот од Бељаковце до Крива Паланка. На тој начин, првиов дел би функционирал барем како траса за пренос на градежни материјали и опрема, ако за ништо друго.

МЖ инфраструктура и Албански железници заеднички ќе бараат средства за пругата Кичево-Лин

07.11.2014 | 16:34ЕкономијаПрочитано: 199
Координирање и заеднички настап пред меѓународните фондови на ЈП МЖ инфраструктура - Скопје и Албанските железници за обезбедување средства за железничко поврзување на Македонија и Албанија, односно изградба на пругата Кичево-Лин предвидува Меморандумот што денеска во Скопје го потпишаа директорите на двете компании, Ирфан Асани и Генци Ализоти.

Покрај тоа, со Меморандумот се предвидува и размени на искуства, информации и идеи за поврзување на железниците на двете земји и за одредување на точките на поврзување меѓу железниците.

- Од македонска страна веќе е изготвен идеен проект за изгрaдба на пругата од Кичево до албанската граница и сега се работи на изведбениот проект, кој ќе ги покаже точките на поврзување на двете железници, рече директорот на МЖ инфраструктура Асани.

Тој посочи дека очекува до 2022 година целосно да биде функционален коридорот 8 и прецизира дека нема да може да се каже кои ќе бидат точките на поврзување меѓу железниците на Македонија и Албанија без да се изготви главниот проект за македонскиот дел од пругата.

- Македонија покрај со Албанија веќе има потпишани договори за соработка со железниците на Грција и Косово, а наскро се очекува да се потпишат со Бугарија и Грција, нагласи Асани.

Директорот на Албанските железници, Генци Ализоти рече дека Албанија е многу заинтересирана за железничко поврзување со Македонија.

- Албанија треба да доизгради само 2,8 километри железница од Лин до границата со Македонија, за што го има завршено главниот проект. Се чека само да се утврдат точките на поврзување меѓу двете земји, а токму овој Меморандум е база двете страни да го направат тоа. Радува фактот што и од македонска страна се придвижуваат работите, рече Ализоти.

Тој посочи дека е убеден оти железничкото поврзување ќе се случи наскоро.

24 Вести

Не верувам дека е некое придвижување ама да се евидентира веста.

Ще го построим ли до края на десетилетието

СЕ КОМПЛЕТИРА ПРОЕКТОТ ЗА ПРУГАТА КОН БУГАРИЈА

Според првичните процени, изградбата на делницата долга 23 километри, ќе чини 330 милиони евра

Сања Наумовска

За две години треба да биде готов проектот за изградба на последната делница од Коридорот 8, од Крива Паланка до „Деве Баир“, долга 23 километри. Деновиве беше распишан повик за избор на консултант кој ќе го подготви основниот проект за делницата која е последна од трите за железничкото поврзување на Македонија со Бугарија. Заинтересираните компании може да се пријават на повикот до 20 ноември, а проектот ќе треба да биде изработен за 22 месеци. Врз основа на него ќе се знае и точната сума пари за изградба на тој дел од пругата, која според првичните процени би изнесувала 330 милиони евра. За фазата на проектирање се одобрени средства од инструментот ИПА во висина од 3,5 милиони евра.

Со основниот проект се комплетира проектната документација за железничкиот дел од Коридорот 8, кој го опфаќаат и делниците Куманово - Бељаковце и Бељаковце - Крива Паланка. Како што информираат од Министерството за транспорт и врски, во март годинава почна обновата на 31 километар на делницата Куманово - Бељаковце. Изградбата ќе чини 39 милиони евра, а компанијата „Вибе“ треба да ја заврши до третиот квартал на 2016 година.

За делницата Бељаковце - Крива Паланка, во должина од 34 километри, е потпишан договор за изработка на основен проект со компанијата „Обермаер хелас ЛТД“. Претквалификацијата за избор на градежна фирма ќе почне следниот месец, квалификацијата на фирмите кои ќе влезат во изборот - во март, а договорот со компанијата која ќе ги врши градежните работи ќе се потпише во август следната година. Градежните работи треба да почнат во првиот квартал на 2016 година. Инвестицијата за оваа делница ќе изнесува 145 милиони евра, средства што се очекува да бидат обезбедени од ЕБОР по потпишувањето на договорот за заем.

Годинава, Министерството за транспорт и врски ќе избере фирма што ќе реконструира 10 железнички станици на Коридорот 10. На повикот објавен на интернет-страницата на Европската комисија се пријавија девет компании и во тек е евалуацијата на понудите. Со проектот ќе бидат опфатени железничките станици во Велес, Прилеп, Битола, Гевгелија, Богомила, Чашка, Табановце, Демир Капија, Градско и Неготино-Вардар.

Ќе се реконструираат водоводната и електричната инсталација, осветлувањето, санитариите, инсталација на системи за греење и ладење, системи за противпожарна заштита, патнички информативен систем, како и пристапноста за товарен транспорт и достапност и поврзување со патниот транспорт (јавен и индивидуален). Во рамките на проектот, меѓу останатото ќе бидат целосно заменети покривите, подовите, ќе се санираат фасадите и внатрешните ѕидови, ќе биде поставена нова термичка изолација и ќе се изградат нови тоалети. Посебно внимание, информираат од Транспорт и врски, ќе се посвети на подобрување на пристапноста за лица со намалена подвижност.

http://www.utrinski.mk/?ItemID=AB2B21B87489EB48AA1DDB8FF1507C52

Edited by Џоле - 22-Oct-2014 at 06:33