Паркови (општо)

Се комплетира паркот во Капиштец


     
Екипи на јавното претпријатие „Паркови и зеленило“ деновиве интензивно работат на комплетирање на паркот помеѓу улиците Јуриј Гагарин и Теодосиј Гологанов.
     
Конкретно се работи на делот спроти Министерството за економија, каде што претходно запре изградбата на новите содржини предвидени за целиот овој комплекс од зеленило.

Од ЈП „Паркови и зеленило“ велат дека овој дел, од Министерството до автобуската станица, претходно беше грда глетка за граѓаните поради запуштеноста на тревниците и на лулашките.

- Старата земја сега е ископана и ќе биде заменета со нова квалитетна и плодна почва, која ќе биде посеана со висококвалитетно семе за трева. Понатаму предвидуваме да засадиме дрвја и цвеќиња, кои ќе бидат полевани со најнов софистициран систем за наводнување - информираат од „Паркови и зеленило“.

Паркот ќе се простира на површина од 4 илјади квадратни метри, а предвидено е да биде готов и пуштен во употреба на 11 октомври годинава. Уредувањето чини 3,7 милиони денари, а проектот е под водство на градот Скопје и ЈП „Паркови и зеленило“.

http://www.novamakedonija.com.mk/NewsDetal.asp?vest=92613940358&id=14&prilog=0&setIzdanie=22987

Се надевам дека некој што живее во близина ќе појде да сними неколку фотки од паркот. Баш ме интересира како ќе излезе.

Најпрвин треба да се ОТСТРАНАТ автопералната и ресторанот,па да се среди и заживее просторот како целина ,но некому не му е во интерес да ги измести привремените објекти(ако во меѓувреме не добиле имотен лист) како и објектите на потегот од треска до споменикот на Чакаларов,кои се наоѓаат на трасата на јужен булевар, а некој од нив имаат добиено имотни листови, што претставува криминал!

Паркот не се наоѓа меѓу булеварот "Теодосиј Гологанов" и "Народен Фронт", туку помеѓу булеварот и улицата "Јуриј Гагарин" веднаш пред министерството за економија. Многу е симптоматично што спаѓа на територија на Општина Карпош. После избори, партиски се на иста должина градоначалнициве и веднаш се гледа соработката

Кога веќе ми ја спомнаа мојата улица Народен Фронт, помеѓу булеварот и истата таа моја улица, нема ништо друго освен паркинзи, биртии ("елитни" ресторани) и паркче од цели 3м2 со две клупи.   

Edited by Teglarot - 05-Sep-2013 at 13:24

ПАРК НА 100 ДРВЈА НА БУЛЕВАРОТ МИТРОПОЛИТ ТЕОДОСИЈ ГОЛОГАНОВ

Градоначлникот на Град Скопје, Коце Трајановски и претседателот на Советот на Град Скопје, Ирена Мишева, денеска /05.09.2013 година (четврток)/ го најавија почетокот на уредувањето на новиот Парк на 100 дрвја, што ќе никне на локацијата помеѓу булеварот Митрополит Теодосиј Гологанов и улицата Народен фронт.



- Градот продолжува да го зазеленува Скопје, и на овој простор што е со површина од 3 900 квадратни метри, ќе изврши реконструкција на зелената површина, ќе подигне нов тревник во кој ќе се постави систем за полевање со 60 прскалки, ќе се отворат 8 нови шахти, како и систем капка по капка до сите новозасадени садници. Во паркот ќе се засадат нови листопадни садници од видовите платани (platanus orientalis), јапонска цреша (prunus serulata), црница (morus alba), јавор (acer negundo), планинска пепел (sorbus aucuparia), како и зимзелени садници од видовите туја (tuja), чемпреси (cupresociparis) и смреки (picea). Во изминатиот период нашите екипи засадија околу 50 000 садници и подигнаа тревници на 25 000 квадратни метри на различни локации, што ја измени сликата на градот и придонесува за подобрување на животната средина на скопјани, а се надевам дека и овој нов парк, за кој од Буџетот издвоивме околу 3,7 милиони денари, ќе ги мами жителите од околината да излезат и да се рекреираат - истакна градоначалникот Трајановски.



Во новиот парк ќе има и алпинетум (каменестa градинa) со засадени садници, перени и сезонско цвеќе, а се планира да биде поставен и еден летниковец.



На уредувањето на паркот на терен ќе работат екипите на ЈП „Паркови и зеленило“.

http://www.skopje.gov.mk/ShowAnnouncements.aspx?ItemID=6018&mid=482&tabId=1&tabindex=0

Отворам нова, општа нишка за парковите во Македонија. Тука може да објавуваме информации и слики за реконструкција и изградба на нови паркови и зелени површини, како и слични проекти.

За почеток, неколку фотографии од реконструкцијата на парк во Велес (во близина на ликовниот салон). Сликите се преземени од Фејсбук страницата на Општина Велес.

Парк пред судот во прилеп: