Булевар АСНОМ / АВНОЈ (+изградба на нов мост)

Така треба, нека биде трајно решение. Освен тоа не заавршува само со мостот, туку и со улицата накај Јане Сандански која е 2х2.

Проширувањето на булеварот АСНОМ го „јаде“ зеленилото во Аеродром

Што се гради, кој ги корне неодамна засадените дрвја, зошто се навлегува толку длабоко во зеленилото кон зградите, се само дел од прашањата кои ги поставуваат жителите на Аеродром, откако започнаа градежните активности за проширување на булеварот АСНОМ.

Најавите за проширување на булеварот минаа без поголеми реакции, се до моментот кога багерите почнаа со копање, па стана очигледно уништувањето на зеленилото на сметка на новиот бетон и асфалт.

Помалку зеленило, поголемо гушење, се дел од коментарите по социјалните мрежи на луѓето кои живеат во Аеродром, инаку една од најзагадените општини во Скопје.

Како што информираат од Град Скопје, градежните работи кои во моментов се вршат на потегот од мостот „Близнаци“ со салата „Јане Сандански“ се само првата од трите фази кои ќе бидат реализирани во рамки на проектот за поврзувањето на Аеродром со Ќерамидница.

„Во првата фаза од овој проект се врши проширување на булеварот АСНОМ, што се одвива на потегот од крстосницата со бул. Србија до крстосницата со бул. Васко Карангелески. Должината на трасата во првата фаза изнесува 845 метри, каде што новиот булевар АСНОМ ќе добие по 3 коловозни ленти од двете страни, средишно булеварско зеленило, пешачки и велосипедски патеки од двете страни на булеварот, како и тактилни патеки за лицата со оштетен вид по целата должина на пешачките патеки“, објаснуваат од Градот.

Во следните фази пак, ќе биде изграден нов мост на реката Вардар непосредно до салата „Јане Сандански“, со преку кој ќе се овозможи спојување со бул. „Гоце Делчев“.

Навлегувањето во зеленилото кон зградите на АСНОМ пак, нешто што последно ги изреволтира жителите во околината, како што појаснуваат од Градот, се прави за изградба на пешачки и велосипедски патеки кои отсуствуваа на старата улица.







https://www.radiomof.mk/proshiruvanjeto-na-bulevarot-asnom-go-jade-zeleniloto-vo-aerodrom/?fbclid=IwAR3iLggd339-pp0rTuUFvVXkBGlQp8QiGYTNhEfTlvDeA_29wuom6a_kNLc
-----------------------
Од фб

Originally posted by daci92 Ова би требало да се тротоарите во стилот на Јане Сандански.На која уличка мислиш скопскодете , на онаа кај црквата или на оваа сервисната од хотел Русија до хотел Дабл Трее?

Сервисната. На каков начин таа би се поврзача со булевар АСНОМ? Бидејќи со проектот се премногу блиску еден до друг улициве.

Не. Според ДУП-от покрај паркот ќе поминува булеварот. Само мене не ми е јасно како таа уличката (со паркинг-местата) ќе се приклучува на булеварот бидејќи ќе бидат блиску булеварот и уличката, меѓусебно.

Edited by skopskodete - 13-Jul-2019 at 16:29

А засадените дрвја пред некое време, сега ќе ги пресадат ли на друго место?

Се надевам преку паркот ќе оди. Нема потреба од толку остра кривина кога може да се премести паркот.

Еве фотки(од фб на Град Скопје)

Еве ја веста,се вели дека повеќе од 30 отсто од трасата на која треба да поминува булеварот е веќе расчистено е сега дали се мисли дека постигнат е договор за уривање на објекти или дел веќе се урнати тоа незнам.
-------------------------------------------------------------------------
Побрз и побезбеден сообраќај: 120 метарски мост преку Вардар во населбата Ќерамидница

Пролетва ќе почнат градежните активности за булеварот кој ќе поминува низ населбата Ќерамидница.

Повеќе од 30 отсто од трасата на која треба да поминува новиот булевар во делот кај скопско Сајмиште е веќе расчистено. За изгрдабата на новиот коридор ќе бидат урнати 180 објекти низ Ќерамидница.

Новиот коридор во градот задолжително ќе биде проследен и со нови автобуски линии на јавниот градски превоз.

Проектот предвидува и изградба на нов мост преку Вардар кој ќе ги поврзе општините Аеродром, Гази Баба и Центар. Мостот ќе биде со должина од 120 метри, ќе се изгради во близина на хотелот Русија и ќе ги поврзе булеварот „АСНОМ“ во населба Аеродром со булеварот низ населба Керамидница.

Изградбата на новиот сообраќаен коридор треба да обезбедува развојна компонента на градот и да овозможи побрз и побезбеден сообраќај.

http://skopjeinfo.mk/pobrz-i-pobezbeden-soobrakjaj-120-metarski-most-preku-vardar-vo-naselbata-kjeramidnica

Пред некој ден прочитав вест дека веќе било почнато со расчистување на трасата односно со објектите во Ќерамидница.