Авиокомпании и линии

„ВИЗЕР“ ГИ УКИНУВА ЛЕТОВИТЕ ОД ОХРИД ДО МИЛАНО И МЕМИНГЕН ДО СЛЕДНИОТ МАРТ, ОСТАНУВА САМО ЛЕТОТ ЗА ВИЕНА

„Визер“ привремено ќе ги укине летовите од Охрид до Меминген и Милано, што ќе биде на сила до крајот на март, објави специјализираниот сајт „ЕксЈуавиејшн“. Авиокомпанијата претходно ги суспендираше своите услуги од Базел, Дортмунд, Малме и Лондон (Лутон) до стартот на зимската сезона на 25 октомври.

Единствената линија до Охрид што постојано се одржува е онаа до Виена, иако и таа е намалена на еден лет неделно до крајот на октомври.

„Визер“ претходно објави дека ќе ги намали и своите услуги во Скопје преку зимата, па до крајот на март 2021 нема да ги има летовите до Барселона, Бремен, Хановер, Ларнака, Сандефјорд (Норвешка) и до два аеродрома во Шведска, Скавста во близина на Стокхолм и Вешо, а претходно беше укината и линијата до Салцбург.

https://sdk.mk/index.php/makedonija/vizer-gi-ukinuva-letovite-od-ohrid-do-milano-i-memingen-do-sledniot-mart-ostanuva-samo-letot-za-viena/

→ Здравство

Можеби, ако сите други параметри беа идентични. Ама не се.

Процентот на починати од регистрираните случаи кај нас и ширум светот се намалува, пред сѐ, поради подобрените капацитети за тестирање, со што регистрираме многу поголем % од реалните случаи споредено со пролетта. Ако порано се откриваа, карикирам, 150 од 650 инфицирани и 5 од 7 починати (CFR 3.3%), сега се откриваат 300 инфицирани и 6 починати (CFR 2%). IFR-то — вистинската смртност — си останала 1.1%. Кај нас ова е помалку изразено поради послабиот бран во март/април; во западна Европа, североисточен САД и други области кои беа погодени пролетва разликата е поголема. Влијанието врз реалната смртност не е многу големо, но повеќе тестирања значат и порано откривање на вирусот, а со тоа и порано почнување со терапија. Исто така, колку повеќе инфицирани лица бидат пронајдени, толку повеќе ќе бидат изолирани и толку помалку и пократко ќе го шират вирусот.

Други причини за помалиот CFR, а кои водат и кон помал IFR се поголемото внимание од луѓето кои би можеле да бидат во ризик при заболување и подобреното лекување на болните од COVID-19. Во март болеста беше нова и малку се знаеше за влијанието на лековите и апаратите, сега медицинските лица знаат повеќе.

Дали вирусот слабее се открива во лабораторија по сериозно истражување, не со просто делење на починати со инфицирани па множење со 100 на калкулатор.

Додека ризикот од него не биде сериозно смален, светот ќе функционира со рестриктивни мерки. Ако сите ги почитуваат меките мерки, а системот на тестирање, трагање и изолирање работи како што треба, нема да има потреба од застанување на светот, финансиски колапс, полициски часови и затворени граници.

Тоа ќе продолжи и по пронаоѓање на вакцина - истата нема да може да се произведе и дистрибуира, а потоа даде на милијарди луѓе веднаш. Уште не знаеме и колкава ефикасност ќе има, дали ќе треба ревакцинација, и дали таа ќе штити од болеста или и од заразување други лица. Останува да се надеваме дека догодина ќе се вратиме во старата нормалност. И мене ми здосади иако не сум екстровертен, а продуктивноста ми падна на 0. Човекот е социјално и мобилно суштество, и токму затоа треба да се почитуваат меките мерки; алтернативата се строги, а тие носат сериозни здравствени, психолошки, социјални и економски проблеми.

Edited by Staro Skopje - 20-Sep-2020 at 02:11

Како заклучи дека вирусот слабее?

Не Денко, ај да летаме сите и да се испоразболиме. Може?

„ВИЗЕР“ ПРИВРЕМЕНО ЌЕ УКИНЕ СЕДУМ АВИОНСКИ ЛИНИИ ОД СКОПЈЕ

Визер“ дополнително ќе ги намали своите услуги во Скопје оваа зима и привремено ќе укине седум линии, објави специјализираниот портал ЕксЈуавиејшн. Авиокомпанијата објави дека до крајот на март 2021 нема да ги има летовите до Барселона, Бремен, Хановер, Ларнака, Сандефјорд (Норвешка) и до два аеродрома во Шведска, Скавста во близина на Стокхолм и Вешо, а претходно беше укината и линијата до Салцбург.

Без овие линиии „Визер“ преку зимата ќе продолжи да одржува авионски линии од Скопје до 23 европски дестинации, но и тоа може да биде подложно на промени. Дел од овие линии во моментов се привремено суспендирани и нема да продолжат до стартот на зимската сезона 2020/21 кон крајот на октомври.

Скопје е најголемата и најпрометна база на „Визер“ во поранешна Југославија и минатата година, 60% од сите патнички летови од главниот град на Македонија отпаѓаа на унгарската нискобуџетна компанија. Минатата година команијата имаше лоцирано пет авиони од типот А320 и А321 во Скопје. Македонската влада на крајот на 2019 објави дека ќе инвестира 1,7 милиони евра во авионскиот сектор на земјата и најголем дел од овие средства беа наменети за „Визер“.

Скопскиот аеродром моментално опслужува седум авиокомпании. Во зависност од коронакризата, можно е оваа зима да оперираат и десет компании, кога своите летови би требало да ги обноват „Флајдубаи“, „Катар ервејс“ и полската „ЛОТ“.

Поради кризата од Скопје се повлече грчката Ејџиан ерлајнс, без најава кога би ги обновила летовите за Атина.

https://sdk.mk/index.php/makedonija/vizer-privremeno-ke-ukine-sedum-avionski-linii-od-skopje/

Грчката авиокомпанија „Ејџиан“ ги прекинува летовите меѓу Атина и Скопје на неодредено време

Грчката авиокомпанија „Ејџиан ерлајнс“ ги прекина летовите меѓу Скопје и Атина на неодредено време. По затворањето на Меѓународниот аеродром Скопје кон средината на март годинава, од компанијата најпрво излегоа со официјален став дека летовите ќе ги возобноват на почетокот од септември годинава, но во меѓувреме одлуката за летовите меѓу двата главни града е променета, пишува „Ex-Yu Aviation News“.

Скопје како дестинација за летање од Атина не може воопшто да се пронајде при пребарувањето на можноста за купување авиобилет на веб-страната на „Ејџиан“.

Идентично како со македонскиот главен град, грчката авиокомпанија ги прекина и летовите кон Сараево, Загреб, Дубровник, Сплит и Подгорица поради пандемијата со ковид-19 и драстичното намалување на бројот на патници за овие дестинации. Од септември со „Ејџиан“ ќе може да се лета единствено кон Белград, како и кон хрватскиот главен град, но со застанување во Белград.

Летовите меѓу Скопје и Атина беа обновени на 1 ноември 2018 година, со по два лета неделно во текот на целата година. Грчката авиокомпанија користеше помали авиони за одржување на оваа авиолинија меѓу двата главни града.

Инаку, поради лошата состојба со големиот број на заразени лица со ковид-19 во нашата земја и во Србија, летово кон Грција не сообраќа ниту меѓународниот воз од Белград и Скопје за Солун, ниту пак редовната автобуска линија меѓу Солун и Скопје.

https://meta.mk/grchkata-aviokompanija-ejdjian-gi-prekinuva-letovite-megju-atina-i-skopje-na-neodredeno-vreme/

LOT gi odlozuva SKP i OHD za avgust (pisi propalo) 

Секоја сабота овој месец е планиран A330/A340 на Edelweiss кон Скопје.

Edelweiss со почетокот на летовите кон Скопје и Приштина ќе лета со wide body (A330,A340), денес Приштина 3x A330, кај нас е планиран 4ти Јули со А340