мислам дека околу парите нема што многу да се интервенира.ние го правиме проектот,а на тендер фирмите се натпреваруваат со најниски цени.неможиме ние да ги натераме да бидат поевтини.можиме само во проектот да скратиме нешто,да биди поевтино а со тоа и понеквалитетно.наместо тунел-превој....

Изградба на автопатот Демир Капија - Смоквица: Студентски „десант“ на најголемото инфраструктурно градилиште

Континуираната и неопходна потреба од практика, студентите на Градежен факултет имаат можност да ја остварат низ наменски предмети или во рамки на редовните часови преку организирање на теренска настава. Со оглед на тоа што наставниот кадар е во постојан дослух со градежната оператива, се овозможува посета на објекти чија изградба е актуелна. Последен во низата беше делницата Демир Капија – Смоквица од Коридорот 10, односно автопатот Е-75 (A1), кој е главна транспортна комуникација на релација север–југ и е наменет за моторен сообраќај од Австрија до Грција во должина од 1.451 km.

 

 Изградбата на автопатот започна во август минатата година, и е заеднички македонско- грчки потфат чија реализација се очекува да биде околу 270 милиони евра. Со него, освен поморското поврзување на Македонија, ќе се овозможи побрз и побезбеден транспорт на луѓе и стока од Централна Европа до Грција, или до Турција и Блискиот Исток, бидејќи ќе се надоврзе на автопатот "Виа Игнација" што ги поврзува западните брегови на Грција со нејзините источни краеви. Запознавањето со активностите на делницата започна недалеку од Демир Капија, во канцелариските простории кои се наоѓаат во кругот на сместувачките капацитети за околу 300 работници на фирмата "АКТОР" од Грција, која е реализатор и главен носител на работите.

 

Должината на трасата изнесува околу 28 километри, а започнува на крајот од релативно новиот автопат Неготино– Демир Капија и завршува на почетокот од постоечката делница на автопатот Смоквица - Гевгелија. Таа најпрвин оди покрај Демир Капија, после што во два наврата ја премостува реката Вардар, во меѓувреме поминувајќи низ тунели со должини од околу 1,2 километри и висина 5,2 метри. Автопатот ќе има по две ленти со широчина од 3,5 m, a двата правци на автопатот физички ќе бидат одвоени со средна разделна лента од 3 m.

 

За поврзување на урбаните места со идниот автопат се предвидени два патни јазли: еден за село Миравци, а другиот за врска со село Смоквица. Покрај нив, се предвидени уште неколку патни премини за локални патишта. Предвидената брзина е 110 km/h, и според неа се дефинирани елементите на патот што минува низ рамничарско–ридски и планински предели, заради што дел од придружните објекти се диктирани од теренските услови и просторните ограничувања.

Пред заминување, одговорниот инженер за безбедност, Никос Константелиас, кој во текот на целата посета постојано ја придружуваше групата, ги запозна присутните со правилата за однесување и опасностите на градилиштата, како и вообичаените мерки за безбедност, после што беше поделена ХТЗ опрема: заштитни флуоресцентни елеци и шлемови, а за кои континуирано беше укажувано дека е обврзно да се носат. Освен по високите температури, демиркаписката клисура е позната и како простор каде свој дом наоѓаат и неколку животински вида, меѓу кои најпознати се мршојадците.

Ненарушувањето на нивниот мир, особено во сезоната на размножување, беше еден од еколошките услови поставен пред градежниците. Тоа подразбира темпирано користење на експлозивни средства за потребите на изградбата на тунелите. Сепак, се очекува тие да предизвикаат одрони на растреситата карпеста маса во површинските предели, па за да не доспеат на коловозот, каде сообраќајот и онака е веќе со контролиран застој, неопходно е да се постават силни заштитни челични мрежи на повисоките делови, но не во онаква форма каква е вообичаена на македонските патишта.

Разликата, освен во непристапноста на теренот и капацитетот за прием на масивни одронети карпи кои со голема брзина паѓаат од голема височина, се состои во тоа што тие мрежи се поставени нормално на површината на косината, а за таа цел се потпрени на неколку челични столбови прицврстени во карпестата косина. Токму нивната реализација се одвива на исклучително специфичен начин, и тоа не само за локални услови, бидејќи е неопходна хеликоптерска поддршка, заради што задачата за спроведување беше доделена на специјализираната фирма "GEOBRUGG" од Швајцарија.

 

 

Студентите со деталите ги запозна претставникот на компанијата за Република Македонија, Вјекослав Будимир, и благодарение на него тие имаа исклучително ретка можност да ја видат демонстрацијата на одвивање на работите. Имено, со хеликоптерот се врши транспорт на материјал, опрема и рачна механизација за потребите за бушење на дупнатини во кои ќе се постават челичните столбови, достава и "придржување" на столбовите при нивното поставување, како и пренос на плетените мрежи кои се поврзуваат за челичните столбови и на друг материјал потребен за вбризгување во дупнатините. Сепак, предизвик се ограничувањата: максимална транспортирана маса е до 150 kg, а можен временски термин за работа е само наутро и околу два часа, бидејќи потоа започнуваат појаки ветрови на повисоките делови.

 

Вакви мрежи со столбови се поставени над северниот портал на постоечкиот тунел, како и над јужните портали на новопроектираните, кои во моментов се изведуваат (два тунели, посебно за секоја насока на движење). Заради минерските активности и потенцијалната опасност од внатрешни одрони, истовремено и постоечкот тунел се зајакнува со анкери, арматурна мрежа и прскан бетон. Изградбата на новите тунели се врши со машини во погодните зони, и повремено со експлозив, а што ќе биде речиси стандардно за подлабоките делови. За подграда се користат анкери, ременати, арматурна мрежа, прскан бетон и финална бетонска облога, кои се подготвени во локалната бетонска база. Воедно, на сличен начин се стабилизирани и влезните портали. Тунелите, како впрочем и сите останати конструкции, активности и мерки за безбедност, ги почитуваат европските стандарди со излези за случаи на итност, современ систем на вентилација, осветлување, SOS ормарчиња, SOS телефони и видео надзор кој ќе се контролира од посебен центар во Неготино. За премостување на реката и суводолиците се предвидени вкупно шест мостови со различни меѓусебни должини, како и со различни распони.

 

Притоа, вкупната должина на мостовските конструкции е 2,3 километри, а најдолгиот ќе биде 660 метри, кој ќе биде и најдолг мост во Република Македонија. Инаку, дел од столбовите за едниот од мостовите преку Вардар се лоцирани во водотекот, па заради олеснување на нивната изведба, а за која потреба, освен заштита на градежна јама се неопходни и многу пумпи со голем капацитет за црпење на подземна вода која е обилна благодарение на реката, одлучено е тој да се препроектира и столбовите од коритото на реката да се "преселат" на брегот, со што е обезбедена значителна финансиска заштеда. Трасата на автопатот потоа продолжува кон село Удово и село Миравци после кои, во повисоките предели, е изградена бетонска база со дробилка и сепаратор за гранулат и армирачки погон на "АКТОР", како и паркинг-простор за механизацијата и придружни лаборатории за контролно испитување на и онака квалитетните градежни материјали.

 

Попатно има можност да се видат активности на неколку објекти: потпорни ѕидови, пропусти, насипи, армирана земја итн. Во близина на локалитетот, но на безбедна оддалеченост е и магацинот за експлозивните материи. На целиот овој простор, освен за безбедноста на вработените, се води особена грижа и за заштита на природната средина, па сите непотребни или неискористени течности од бројните возила се складираат во станици, а се одржува и "хигиена" на самите возила не дозволувајќи тие да излезат од базата или да се вклучат на коловоз со прашливи гуми.

Имајќи предвид дека добар дел од проектот е ограничен со еколошки барања, може да се наведе уште еден куриозитетен еколошки податок, поврзан со пропустите: во одредени делови на трасата се внимавало нивната висина и широчина да бидат доволно големи за да може да помине мечка. На таков начин, "џентлеменски" е водено сметка поврзувањето на народите и економиите да не биде на штета на незасегнатите, нешто што, за жал, неретко се случува помеѓу државите.

 

На крајот од увидот во реализацијата на сложените работи, како од технички и безбедносен аспект, така и од еколошки и археолошки, компанијата "АКТОР" организираше и ручек, а воедно и остави отворена покана за нови посети на автопатот за чија изградба претстојат уште три и пол години, на што студентите од Градежниот факултет од Скопје искрено се заблагодаруваат.

 

http://porta3.com.mk/index.php?option=com_content&task=view&id=3513&Itemid=122

ОК, фино.
Значи од 33,5 км делницата ќе се скрати на 28,5. А постоечкиот пат станува локален.

5km помалку

Edited by alexsend - 02-Jun-2013 at 19:21

Originally posted by FoSsiL Добро утро... од секогаш било така...

И што ќе биде со постоечкиот пат?
Логично, побрзо и поевтино ќе беше да се доградеа уште 2 ленти само.

Се шалам...

Под претпоставка дека ја кажува сумата на самата инвестиција, неоданочена... и под претпоставка дека инвестицијава подлежи на ддв и други даноци... тогаш... само ддв е 40 милиони евра...

Ама незнам, не се разбирам во овие работи... многу нејасно ми е како би подлежела под ддв, мене тоа ми е несфатливо и бесмислено... али ај

премиерот спомна дека проектот ќе кошта комплет 220 мил.евра,а досега во јавност се оперираше со бројки околу 270-280 мил.евра???????????????

Ајде едно прашање

Зошто се прават две одделни тунелски окна?
Да не ја префрлаат целосно трасата т.е.место доградба на еден правец да не ја преместуваат комплет и постоечката траса?

Originally posted by Denko Originally posted by mackomk http://www.kurir.mk/makedonija/vesti/117998-FOTO-Se-intenziviraat-rabotite-na-Koridorot-10 Kurir kako i sekogas najbitno im e sho ke kaze premierot. Da ne bidam sfaten pogresno, sekako deka izjavite na premierot se najvazni, no toa mozat da go prasat i vo Skopje, a prisustvoto na teren da go iskoristat za detali i konkretno zapoznavanje za samata gradba.

Мене оваа реченица ми падна во очи ’Се работи за најголем проект на Балканот, а изведувач е грчката фирма „Актор“’.

Мегаломанија, типична за провладините медиуми кои им припишуваат епски размери на обични проекти? Веќе видено, благодарам.

Изградбата на автопатската делница Демир Капија-Смоквица почна на 8 септември 2012 година и треба да заврши во 2016 година. Досега компанијата има пробиено вкупно околу 500 метри од првиот тунел, кој е во должина од 1,2 километри. Градежните работи на овој потег треба да завршат за седум месеци. Вкупната должина на делницата е 28 километри, а со нејзиното градење се комплетира главната оска од Коридорот 10, кој поминува низ Република Македонија и е во целосна должина од 1.451 километар. Коридорот 10 е најзначајната инфраструктурна артерија во нашата земја која не поврзува со Европа и Солунското пристаниште.

Вкупната инвестиција за изградба на оваа делница е 257 милиони евра од кои 130 милиони се од Европската инвестициска банка, 45 се ИПА гранд од ЕУ, 170 милиони од Европската банка за обнова и развој и шест милиони евра се од Буџетот на Република Македонија.

Демир Капија - Смоквица ќе биде автопатско решение со по две ленти, секоја од нив со ширина од 3,5 метри. Планирано е да бидат изградени два тунела во должина од 1.200 метри, по еден во двата правци, како и шест мостови од кои најголемиот во должина од околу 660 метри, кој воедно ќе биде и најголемиот мост во државата. Предвидени се и две клучки кон населеното место Миравци и Смоквица.

http://www.novamakedonija.com.mk/DetalNewsInstant.asp?vestInstant=19236

Originally posted by mackomk

Edited by FoSsiL - 01-Jun-2013 at 17:44