Бензински пумпи

Жителите и советот на општина Аеродром против идејата на градоначалникот Тодоровски да изгради две бензински пумпи во близина на населени згради. Граѓаните веќе собрале повеќе од 1500 потписи, а советниците планираат да ја откажат утрешната седница – требаше да гласаат за урбанистичките планови предложени од градоначалникот.

 

И тие и жителите тврдат нелогично е да се градат бензиски пумпи до згради, оти тоа и буквално може да го загрози животот на населението

 

„Тука минува главниот гасовод, а на само 20 метри има згради ја не знам како може тука да се гради бензинска пумпа“ рече Несковски Кирил - член на иницијативен одбор.

 

Ден пред закажаната седница на советот, граѓаните се сомневаат дека можно е седницата на советот сепак да се одржи. Обвинуваат за рекетарство.

 

„Разбравме дека се спрема пуч утре викнати се рекетари за да се гласаат присилно дуповите“ – вели Радевски Аспарух - претседател на Иницијативен одбор за спас на Ново Лисиче.

 

Во меѓувреме од градоначалникот стаса соопштение во кое се обвинуваат советниците дека ја кочат работата во општината. Градоначалникот Тодоровски веќе неколкупати ги повикува советниците да ги гласаат предложените дупови, оти како што тврди само така Аеродром ќе стане модерна општина.