Индустриски објекти и зони (општо)

Во Узус и Речани 2 се гради на големо Потегот на Владата беше повеќе од потребен и е за поздравување. Сега можам да се проширам и да отворам покрај сегашниот, уште еден погон. Работа обезбедив со странски партнери, а до крајот на годинава ќе примам и нови работници, вели сопственик на фирма од Комплексот "Узус" Со продажбата на сите плацеви во индустриските зони Комплекс "УЗУС" и "Речани 2", за едно евро по квадратен метар се отворија можности за побрз развој на изградбата на мали и средни компании во Велес. Бизнис-секторот е задоволен од одлуката на Владата земјиштето да се продава за едно евро квадрат што ќе придонесе плацевите, кои поради високата цена со години беа празни, сега на последниот оглас сите да бидат продадени. И додека во "Речани 2" сопствениците се при крај со прибирањето на потребната документација, во индустриската зона Комплекс "Узус" се гради на големо. -Потегот на Владата беше повеќе од потребен и е за поздравување. Сега можам да се проширам и да отворам покрај сегашниот, уште еден погон. Работа обезбедив со странски партнери, а до крајот на годинава ќе примам и нови работници - вели сопственик на фирма од Комплексот "Узус". Со затворањето на големите фабрики, велешките стопанственици единствениот излез од тешката состојба сега го гледаат во изградбата на мали и средни компании. Во досега изградените педесетина фирми во оваа индустриска зона која целосно е урбанизирана, егзистенција обезбедуваат над 350 работници. Во тек е градба на десетина помали и поголеми претпријатија во кои се очекува работа да обезбедат уште 150 невработени лица. -Преку огласот на Министерството за транспорт и врски купив 800 квадратни метри што ќе ми бидат доволни да отворам нов погон за преработка на дрво. Сегашниот погон е претесен. Сакам покрај палети да произведувам и паркет, брикети и друго, а за тоа ќе ми бидат потребни и уште дваесетина нови работници - вели Тодор Маџаров, сопственик на "Ангро Вардар". Индустриската зона "Речани 2" е уште поатрактивна за стопанствениците не само од Велес, туку и од други градови. Таа е целосно урбанизирана, со воведена електрична, водоводна и канализациона инсталација, изградени се асфалтни улици и во неа се продадени 33 плацеви со површина од над 1.000 квадратни метри. Доколку не се јавеа некои проблеми од нерешени имотно-сопственички прашања досега во оваа индустриска зона ќе беа изградени поголем број од објектите. За изградбата и уредувањето беа инвестирани над 230.000 евра што беа обезбедени од општина Велес и од Европската унија. Досега се изградени седум објекти, а деновиве се очекува да почне изградбата и на останатите во кои работа ќе обезбедат над 300 работници. Инаку, Зоната е посебно атрактивна бидејќи се наоѓа веднаш до автопатот Скопје- Велес. Токму поради ова од општина Велес најавија дека во најскоро време индустриската зона ќе се прошири за нови дваесетина плацеви за изградба на мали и средни претпријатија. Оттаму велат дека во двете индустриски зони, кои се единствена можност за побрз развој на велешкото стопанство и на решавање на најгорливиот проблем - невработеноста, егзистениција треба да обезбедат околу 900 велешани. Во нив свои компании веќе најавија да изградат и бизнисмени од десетина градови од повеќе европски земји со кои Велес се побратими.

http://vecer.com.mk/?ItemID=E69E0FD2B2EFE649BAEAC2A5330DE66C

Нова швајцарска инвестиција од пет милиони евра во тетовско Бизнис Во близина на тетовско Желино поставен камен темелник за фабриката Енфло Продакшн која ќе произведува ветерни турбини. Инвестор е швајцарска компанија. Во Македонија ќе изработуваат турбини за ветер. Фабриката Енфло продакшн започна да се гради денес во близина на тетовско Желино. Во првата фаза инвеститорот ЛСД Холдинг од Швајцарија ќе вложи вкупно 5 милиони евра, а ќе вработи 100 луѓе во еден од 4-те производствени погони што се очекува да проработи до крајот од годинава. Според генералниот директор на Енфло, Дирк Сус, тие се решиле да инвестираат на свое земјиште кое го купиле во близина на Желино затоа што иако слободните економски зони нудат поволности, според нивните проценки, евтината работна сила на овој простор, како и пристапноста на регионот биле одлучувачки што се решиле тука да го отворат својот погон и очекуваат овој проект да биде профитабилен, успешен и долгогодишен. - Се работи за инвестиција што не само што ќе овозможи нови работни места, туку и трансфер на технологија бидејќи компанијата „Енфло“ во својот погон ќе употребува последна генерација на технологија во оваа област што е многу важно за нас бидејќи станува збор и за трансфер на знаење, рече Пешевски. Во останатите фази во Енфло продакшн ќе се градат уште 3 фабрички погони каде се очекува да се вработат до 1000 луѓе. http://sitel.com.mk/dnevnik/biznis/nova-shvajcarska-investicija-od-pet-milioni-evra-vo-tetovsko

Originally posted by axel Распродадени сите 60 парцели од индустриската зона Василево Бизнис Намалените комуналии за 30% и владините мерки за продажба на неизграденото градежно земјиште за 1 евро од метар квадратен  ги дадоа и конкретните резултати во индустриската зона во општина Василево. Сите 60 парцели се продадени ,а во најголемиот дел од нив  веќе интензивно се гради. Во индустриската зона ке бидат застапени повеќе дејности, а најголемиот дел од новоизградените објекти се наменети за откуп и преработка на земјоделски производи. - Приоритет дадовме на оние капацитети кои се за откуп и преработка на земјоделски производи затоа што знаеме дека нашиот крај е земјоделски, на тој начин ќе ги мотивираме и самите земјоделци за производство на земјоделски производи но и да имаат каде да ги пласираат своите производи. Ова за општина Василево ќе значи еден голем економски раст и на тој начин ке поттикнеме вработување на самото население од општина Василево - вели Ване Стојанов, градоначалник на општина Василево. Од локалната самоуправа во Василево со најава дека инвеститорите кои ќе понудат програма со која се гарантираат  20 до 30 вработувања ќе добијат дополнителни бенефиции. - За развој на индустриската зона сме подготвени за сите оние инвеститори  кои се заинтересирани и ке донесат своја програма во која треба да дефинираат некои одредени  мерки со кои ке вработат дваесетина до триесетина луѓе самите инвеститори ке бидат ослободени од комуналии т.е. нивните комуналии ке изнесуваат нула -додаде градоначалникот Стојанов. Индустриската зона во Василево се протега на површина од 88 хектари лоцирана од двете страни на магистралниот пат М-6. До истата локалната самоуправа веќе има донесено техничка и индустриска. http://daily.mk/cluster3/2ecb6a6006b0266bdbac3e82c27eb6b1/698540

Hmm, nogo brzo se raprodadeni ovi parceli... ama mi se dopagja, i stvarno nogo se grade tamu! sega znam oti gradat edna bezinska i poveke magazini za semjodelski proizvodi i druzi raboti...

Прилеп гради индустриска зона

Вкупно 23 парцели од 1.700 до 5.000 квадратни метри во околината на фабриката „Металец“ во Прилеп се урбанизираат за да им бидат понудени на оглас на стопанственици за градба на индустриски капацитети. Ова на членовите на Управниот одбор на регионалната стопанска комора на Прилеп им го соопшти Илија Карески, раководител на секторот за урбанизам при локалната самоуправа.

- Наскоро на тендер ќе бидат понудени 13 парцели, штом ќе заврши процедурата за измена на корисничкото право, а другите подоцна. Станува збор за урбанизирано градежно земјиште со обезбедена инфраструктура, кое моментно го користи фабриката „Металец“, а е во сопственост на државата - рече Карески.

Стопанствениците го поздравија потегот и побараа процедурата да заврши брзо. Ристо Најдоски, извршен директор на комората, смета дека покрај овие, на стопанството во Прилеп му се потребни и други парцели.

- Нужни се повеќе парцели, зашто постојните претставуваат тесно грло за развој на бизнисот. Трошоците им се товар, оти не мал дел од фирмите работат во изнајмени простори по високи кирии. Поради тоа ефикасноста е слаба, не можат да инсталираат модерни технологии и конкурентноста им е помала - вели Најдоски.

Карески објаснува дека со новиот генерален урбанистички план на Прилеп, кој ќе биде готов за два месеца, се проширува градежната бизнис-зона за нови 500 хектари градежно земјиште.

- На бизнис-секторот ќе им бидат ставени „на тацна“ вкупно две илјади хектари за градба на стопански објекти за мали и средни претпријатија - вели Карески.

Во околината на село Алинци кај Прилеп наскоро ќе почне со градба новата бесцаринска зона со комплетна инфраструктура. Стопанствениците имаат индиции дека Владата ќе го прифати прилепскиот предлог, приватизацијата земјиштето на стопанските објекти и дворови од сегашните 16 да се намали на шест евра за квадратен метар. Бизнисмените сметаат дека на тој начин оптоварувањата ќе бидат помали, а расположливите слободни средства ќе ги насочат во развој, а новиот амбиент ќе создаде услови за кредитирање со заложување на капиталот кај банките.

Крајниот рок за почеток на процесот е 1 јануари 2013 година

http://www.dnevnik.com.mk/?ItemID=ABE8F1E9D149704ABD5E7CD8132AB10D

Општината Дојран започна постапка за урбанизација на стопанската зона во село Николиќ.

Новата стопанска зона претставува дополнување на постојната индустриска зона на која се наоѓаат производните погони на  фирмата „Дојран стил“, метален индустриски гигант, околу кој е предвидено изградба и на други објекти од лесна незагадувачка индустрија, како и објекти за домување и стамбени куќи.

Изготвена е стратегиска оценка на животната средина која содржи податоци за можните влијанија врз населението, здравјето на луѓето, биолошката разновидност, почвата, воздухот, климатските фактори, материјалните добра, културното наследство и е дадена на јавна расправа во период од 30 дена.

Анализата на влијанието врз животната средина има за цел да ги идентификува можните проблеми, да ги рационализира трошоците и да направи оптимален избор на мерките за заштита на животната средина, со цел новите содржини предвидени да се градат со урбанистичката документација да немаат негативно, или деструктивно влијание врз живиот свет и животната средина воопшто.

Документот го изготви стручен тим од друштвото за еколошки консалтинг „ДЕКОНС-ЕМА“ од Скопје.

Тој има добиено позитивно мислење од сите релевантни министерства, пред се Министерството за земјоделство, шумарство и водостопанство, кое дало и упатства на кој начин треба да се третираат водите и брегот на Дојранското езеро, како специфичен воден ресурс.

Градоначалникот Глигор Чабулев, ангажманите на општината на полето на урбанизацијата на стопанската зона во Николиќ ги квалификува како придонес на општината во развојот и на други гранки од стопанство, наспроти туризмот кој важи за една од носечките дејности по кои е познат Дојран.

http://kurir.mk

Еве ја пиварата од Кауфбојрен, и еве им ги пивата. Ама тајниот код „бајсвадер“ никако не можев да го најдам во името ниедно од пивава:

http://www.aktien-brauerei.de/index.php?DasBier

И Кавадарци со пиварница

Инвестиција на „Кожувчанка“ и на германската пиварница од Кауфборен

Ангел Данов



КАВАДАРЦИ - Станува се' поизвесно дека градот на грозјето и виното наскоро ќе добие и фабрика за производство на пиво. „Кожувчанка“ од Кавадарци со германската пиварница од градот Кауфборен, според неофицијални информации, ќе здружат средства за инвестиција во износ од 15 милиони евра. Изградбата на пиварница ја потврди градоначалникот на Кавадарци, Александар Панов, и сопственикот на „Кожувчанка“, Митко Јанчев, кои престојуваа во дводневна возвратна посета на германската пиварница.

Јанчев на средба со новинарите најави дека германска делегација, која заедно со експерти идниот месец доаѓа во Кавадарци, има задача да ја изберат најповолната локација за новиот капацитет.

„Пиварницата за почеток ќе произведува само неколку од вкупно 16 брендирани пива на германската пиварница, пред се', светли пива. Исто така, ќе се произведува и познатото германско пиво ‘бајсвадер‘. Пиварницата ќе биде со среден капацитет, со можност за проширување, зависно од побарувачката на пазарот. Освен Македонија, со дистрибуција ќе биде покриен и најголемиот дел од Балканот“, вели Јанчев. Тој нагласи дека германската пиварница има традиција од над 700 години и дека веќе потпишале писмо со намери.

Во почеток се размислуваше „Кожувчанка“ да биде дистрибутер на германските пива. Но, по согледувањето на сите трошоци поврзани со дистрибуција, заклучено е дека цената на увезеното пиво не може да биде конкурентна на македонскиот пазар. Од тие причини, „Кожувчанка“ и германскиот партнер изградиле став дека е најдобро да се изгради објект во Кавадарци.

„Нема да се оди на квантитет на производство. Ќе се оди на германско-баварски квалитет на пиво. Пакетот на управување и пакетот на поголем удел ќе го има германската пиварница, а ние ќе бидеме нивни поддржувачи. Германците очекуваат поддршка од ЕУ за инвестирање надвор од унијата. Штом се определи локација, веднаш се изработува проект. Доколку во март се завршат првичните согледувања, в лето ќе имаме изведбено решение и почеток на изградба“, потенцира сопственикот на „Кожувчанка“.

Германците, кои во декември беа во посета на Кавадарци, ги започнаа првите контакти околу заедничката инвестиција. Искажаа големо задоволство од природните убавини што ги поседува Македонија и предусловите за изградба на фабрика за пиво.

Градоначалникот Панов рече дека инвеститорите ќе ги добијат сите законски поволности, а пиварницата ќе има големо значење за Кавадарци и за намалување на невработеноста.

http://www.utrinski.com.mk/?ItemID=B00F89A436669D4FB1BA2944F9097DC0

„Витаминка“ ќе гради нов погон за чоколади, вреден 2,5 милиони евра

Architectonica www.arh.com.mk Фабрика КОЛЕКТИВ Скопје, ама каде е и што нема информации.

Originally posted by build.mk Ќе живне велешката индустриска зона „Речани 2“ http://www.build.com.mk/?p=5530

Продадени 18 парцели во „Речани 2“

Во Министерството за транспорт и врски се одржа јавно наддавање за продажба на 18 градежни парцели во индустриската зона „Речани 2“ за изградба на објекти наменети за магацини, складишта, занаетчиство и производство. Почетната цена на јавното наддавање изнесуваше 61 денар по метар квадратен. На јавното наддавање пристигнале вкупно 175 пријави. За 18 парцели со вкупна површина од 17.910 метри квадратни, постигната е цена од 14.771.933 денари. Најповолните понудувачи се должни во рок од 15 дена ги уплатат средствата согласно постигната крајна цена од наддавањето. Индустриската зона „Речани 2“ е отворена во 2006 година.

Инфраструктурата во зоната беше изградена од средствата од наградата за добро проектно управување што Општина Велес ја доби од Европската Унија во рамките на програмата „Награда за општините“. Со инвестицијата вредна 197.000, атрактивниот простор кој се наоѓа во непосредна близина на автопатот Велес Скопје и аеродромот „Александар Велики“  доби патна инфраструктура. Општината вложи дополнителни 25.000 евра за изградба на подземна инфраструктура, а ЈКП „Дервен“ обезбеди средства за поставување на водоводна мрежа. Во првата фаза беа продадени 12 плацови на заинтересирани домашни инвеститори. Продажбата на уште 18 плацови во зоната го врати оптимизмот во Велес во насока на реализација на стратешките определби на општината за интензивен економски развој. Со последното законско решение за градежно земјиште се очекува 80% од средствата од продажбата да влезат во општинската каса. Велес како и сите општини во Македонија го очекуваат и новото законско решение што од 2011 година треба да овозможи општините да управуваат со градежното земјиште. Ова решение според градоначалниците и ЗЕЛС ќе овозможи привлекување на инвеститори и вистинска децентрализација во областа на урбанизмот и локалниот економски развој.

http://www.veles.gov.mk