Авиокомпании и линии

За LHR само аеродромските такси се 100 евра минимум, дури малку сумливо.

Edited by gorazd - 25-Jun-2020 at 21:10

Edited by gorazd - 25-Jun-2020 at 12:51

Wizz Air “го сардиса регионот“ - Тирана, Софија, Белград, Приштина, Солун.......

По 5ти пат годинава ми откажуваат лет Не презакажувам повеќе. Ќе чекам да се стабилизира ситуацијава до крај и тогаш ќе купам карта.

Многу пати е повторено тука: Wizz Air нема право да оперира летови SKP-GVA, бидејќи како компанија регистрирана во ЕУ/ЕЕЗ, барем една од двете точки (појдовната и дојдовната) мора да се во ЕУ.

Може да се направи „исклучок“, но само врз база на билатерален договор (кој ние би го потпишале без око да ни трепне, ама земјите со сериозна авијација како Израел, ОАЕ, Швајцарија и Русија не би). Затоа во текот на претходните години имаше апели и залагања за формирање на Wizz Air Македонија со воздухоплови регистрирани тука (налик на W9 - Wizz Air UK и Wizz Air Україна). И во тој случај би бил потребен билатерален договор, но веројатно такви веќе постојат од времето кога имавме авиопревозници регистрирани кај нас. Некогаш договорите се рестриктивни, и за секоја нова линија треба да се преговараат услови (Турција и Србија нон-стоп кршат копја за BEG-IST, колку неделни фреквенции за TK и колку за JU, колку капацитет и слично), а некогаш се во форма на отворено небо и нема потреба од барање на одобрение (блискоисточните компании имаат нешто такво со ЕУ и САД).

Русија имаше таква иницијатива пред неколку месеци, каде дозволи летови од 30-тина држави само кон Санкт Петербург (меѓу кои и С. Македонија), при што Wizz ќе смееше да лета SKP-LED, но Русите се попишманија изгледа со короната.

Најново, Wizz Air формира фирма ќерка во ОАЕ, и ќе лета од Абу Даби. Скопје е на списокот на дестинации, и би требало да имаме линија SKP-AUH кога тогаш (која ќе биде оперирана од фирмата регистрирана во Абу Даби, не Будимпешта, иако де-јуре и де-факто авионите и екипажот се планира да бидат со европски лиценци и регистрации).

Се надоврзувам на вашите коментари за летови од Скопје до Прага.
Изминатиов период Европската Македонска дијаспора неколку пати директно им сугерираше на Wizz air за воведување на најбараните (неопходни) летови.
Од Скопскиот аеродром:
1) Скопје-Женева (голем потенцијал, нашинците кои живеат пред се во Женева, Лозана, Југозападна Швајцарија. Исто така и за нашинците кои гравитираат во Источна Франција, пограничниот предел на швајцарско-француската граница).
2) Скопје-Прага (исто така голем потенцијал, за нашинците во Чешка, но би била голема искористеноста за нашинците кои живеат во Германија, пред се во пограничните градови, како што е Дрезден. Нивниот број, од година во година постојано се зголемува.
3) Скопје-Клагенфурт (Австрија) (повторно голем потенцијал на искористеност би било. Го впишавме токму Клагенфурт, од проста причина што официјална Љубљана нема да дозволи на ниско буџетните авио-компании да воспостават летови пред се со градовите од Балканот, се додека не се донесе одлука за повторно обновување на „Адриа“, или воведување на Словенечи национален авио-превозник со друго име/бренд. Местоположбата на аеродромот Клагенфурт е на самата словенечко-австриска граница што дозволува искористување на авио услугите на нашинците во двете држави Австрија и Словенија. Овој аеродром е оддалечен од Љубљана нешто повеќе од 70-тина километри, 100-тина километри од Марибор и 50-тина километри од Крањ, како и од другите помали градови од Северна и Источна Словенија. Но исто така, важно аеродромот во Клагенфурт е оддалечен 100-тина километри од австрискиот град Грац. Сметаме дека доколку „Адриа“ или друг Национален Словенечки авио-превозник повторно воведе летови од Љубљана до Скопје, нема многу да влијае на бројот на нивните патници, под претпоставка и да ја има веќе воведено авио-линијата Скопје-Клагенфурт (некоја ниско буџетна авио-компанија). Бидејќи Љубљана најповеќе е трансфер зона. Но, да не се заборави дека во Словенија бројот на нашинците е голем (вклучително и на тековите македонски студенти), но и во Јужна Австрија не е занемарлив овој број. Зборот ми е дека може да опстојуваат двата аеродрома и Љубљана и Клагенфурт (барем двапати неделно со ниско-буџетна авио-компанија) со услуги до и од Скопје.
4) Скопје-Мадрид (директна конекција со центарот на Пиринејскиот полуостров. Трансфер зона за другите градови во Шпанија и Поругалија. Можност за шпанските туристи интензивно да ја посетуваат Македонија, а нивниот број од година во година се зголемува и постојано се пројавува интерес).

Од Охридскиот аеродром:
1) Охрид-Трст (Итлија) (средишен аеродром на линијата Љубљана-Венеција, местоположбата на овој аеродром дозволува искористување на авио-услугите на нашинците и во Словенија и Источна Италија. Овој аеродром би бил алтернатива на Љубљанскиот аеродром и на аеродромот во Тревизо. Оваа авио-линија би ја користеле и нашите соседи од Албанија).
2) Охрид-Антверп (Белгија) (местоположбата на овој аеродром е на самата белгиско-холандска граница, неколку десетици километри од Брисел и 100-тина километри од Амстердам и Ротердам. Се знае голем потенцијал за белгиските и холандските туристи кои го посетуваат Охрид, а нивниот број е огромен. Но, дел и искористување на нашинците во овие две држави, како и од соседите од Албанија.

„Визер“ ја продолжи суспензијата за летови од и до Македонија

Нискобуџетната авиокомпанија „Визер“ денес најави дека како резултат на продолжените рестрикции за патување наменети за сите странски летови од и до Република Северна Македонија, авиокомпанијата ја продолжува суспензијата на сите летови до земјата до 14 јуни.

„Патниците со резервирани билети погодени од овие суспендирани летови кои ги направиле резервациите директно на wizzair.com или на мобилната апликација на авиокомпанијата, ќе бидат автоматски известени преку електронска порака. 120% од целата сума ќе им бидe автоматски префрлена на Wizz сметката на корисникот, и истите ќе можат да ги искористат во текот на наредните 24 месеци за купување на сите производи и услуги на Wizz Air. Патниците исто така можат да одберат опција за враќање на парите – за која треба подолго време да се реализира – и ќе бидат информирани за сите потребни чекори за трансфер на парите преку банка или преку картичка во посебна електронска порака. Во овој случај, патниците ќе можат да изберат 100% поврат на сумата. Патниците кои направиле резервација преку туристички агенции – вклучувајќи ги и онлајн туристичките агенции – треба да ја контактираат компанијата преку која ги купиле своите билети“, соопштија од компанијата.

https://vecer.mk

^ Визер отвори линија Тирана - Прага, Скопје никако да дојде до Чешка...