Индустриски објекти и зони (општо)

Ќе живне велешката индустриска зона „Речани 2“ Државата ќе инкасира 14.771.933 денари од вчерашното јавно наддавање на кое продаде 18 градежни парцели во велешката индустриска зона „Речани 2“. Парцелите со вкупна површина од 17.910 метри квадратни се со намена за складишта, производство и занаетчиство, а за нив пристигнале 175 пријави за учество на наддавањето. Најповолните понудувачи се должни да ги уплатат средствата во рок од 15 дена и да обезбедат дозволи за градба во рок од 9 месеци. Заради поттик на локалното стопанство и отворање на нови работни места, Општината планира да ги ослободи од плаќање на комуналии. Инфраструктурата во зоната беше градена со средствата од наградата за добро проектно управување што Општина Велес ја доби од Европската Унија во рамките на програмата „Награда за општините“. Со инвестиција од 197.000 евра, просторот кој се наоѓа во непосредна близина на автопатот Скопје – Велес доби сообраќајна инфраструктура. Општината вложи дополнителни 25.000 евра за друга инфраструктура, а ЈКП „Дервен“ обезбеди средства за поставување на водоводна мрежа. Зоната „Речани 2“ опфаќа 33 парцели со просек на површина од 1000 метри квадратни. За разлика од другата актуелна велешка индустриска зона, „Комплекс УЗУС Велес“, Речани подолг период се соочуваше со проблеми и покрај изградената инфраструктура. Претходно беа продадени 12 плацови на заинтересирани домашни инвеститори, но продажбата на 18-те парцели од завчерашното наддавање беше блокирана две години поради имотно-правни спорови во врска со денационализацијата.

http://www.build.com.mk/?p=5530

Во индустриската зона Визбегово инвестирани стотици милиони евра, а нема канализација, ниту инфраструктура Лоша инфраструктура, отсуство на атмосферска и фекална канализација, градски превоз. Ова се само дел од нерешените проблеми во индустриската зона Визбегово, иако според бизнисмените досега овде се инвестирани над 200 милиони евра. Затоа денеска формираа здружение, да обезбедат подобри услови за работа.  “Со проблемите губиме време и енергија тропајќи по вратите на институциите. Сметаме дека со ова здружение проблемите што ги имаме ќе се решат, како недоволно напојување со електрична енергија, нерешена инфраструктура и комунални прашања. Ќе воспоставиме поголема соработка со сите институции кои што постојат и треба да ги решат проблемите заедно со нас изјави Марјан Здравевски, претседател на здружение на стопанственици на на индустриска зона Визбегово.  “Ние сакаме да и помогнеме на државата вкупниот бизнис амбиент да биде поинаков, но ни локалната ниту државната власт не треба да заборават дека внатрешните инвестиции се многу битен двигател на домашната економија изјави Таип Јакупи, бизнисмен.  Поддршка добија и од странските амбасадори во земјава.  “Многу е важно локалната и државната власт да го слуша гласот на бизнисмените, оние кои работат тука и вработуваат над 3000 луѓе во оваа индустриска зона. Тоа е продуктивно и важно за економијата на Македонија и одлично е што заедно формираа организација која е мултиетничка и е фокусирана на прашањата за бизнисот и секако Владата треба да ги слуша нивните потреби и барања изјави Филип Рикер, амбасадор на САД во Р. М.  Неколку градоначалници беа поканети, но не присуствува на формирањето на ова здружение. Поддршката на општината Бутел ја пренесе претставник од месната заедница. Во индустриската зона Визбегово има околу 150 компании и над 3000 вработени. Според бизнисмените оваа е најголема индустриска зона, иако од 800 хектари, искористени се само 30%.  Љупка Камчева

http://kanal5.com.mk/default.aspx?mId=44&eventId=66011

tie se novinari od makedonija sto ziveaale 30 godini vo germanija, investicijata e 1 milion evra a kje se vrabotuvaat 70 lica!

Edited by my Macedonia - 29-Sep-2010 at 19:29

ОБЈАВА За јавно наддавање за продажба на градежно неизградено земјиште, сопственост на Република Македонија, кое се наоѓа на територијата на општина Велес со намена мало стопанство - 24.9.2010

ПРЕДМЕТ НА ЈАВНОТО НАДДАВАЊЕ

Предмет на јавното наддавање е градежно неизградено земјиште, сопственост на Република Македонија, предвидено со Детален Урбанистички План за мало стопанство дел од комплекс УЗУС Велес донесен со одлука бр.0701-696/3 од 15.04.2003 од Општина Велес, со намена мало стопанство. Површините на градежните парцели, со податоци за катастарските парцели и почетната цена за секоја парцела поединачно, се опишани во Табела 1 подолу. Јавната објава е објавена и на WEB страната на Министерство за транспорт и врски: www.mtc.gov.mk Заинтересираните лица, за подетални информации може да се обратат и до надлежната Општина Велес.

Кликнете тука за да ја погледнете целата објава

ОБЈАВА за отуѓување на градежно земјиште по пат на jавно наддавање, сопственост на Република Македонија, кое се наоѓа во Општина Свети Николе наменето за изградба на објекти за мало стопанство - 24.9.2010

ПРЕДМЕТ НА ЈАВНОТО НАДДАВАЊЕ

Предмет на јавното наддавање е градежно неизградено земјиште, сопственост на Република Македонија, предвидено со Детален Урбанистички План -Индустриска Зона ,,МАЛО СТОПАНСТВО„ на општина Свети Николе донесен со одлука бр.0701-685 од 31.10.2008година, на кое е предвидено да се изградат објекти за мало стопанство .

Кликнете тука за да ја погледнете целата објава

---

http://mtc.gov.mk/new_site/mk/

Пекабеско“ гради фабрика во општина Илинден

Административно деловен објект на фирмата “Гоива“ во Пинтија.2007-2010 Пинтија, Скопје http://www.dabar.com.mk/index.php?id=70

"Прототип" - Пинтија, Скопје 2009 година http://www.dabar.com.mk/index.php?id=35

Edited by lslcrew - 14-Sep-2010 at 01:30

de ja vu e ovaa rabota

Две фирми заинтересирани за инвестиции во штипската техничко-технолошка зона Штип - Две странски компании се заинтересирани за инвестирање во новата техничко-технолошка зона кај приградската населба Три чешми во Штип.
Според градоначалникот Зоран Алексов, заинтересираните инвеститори оствариле средби со него, но склучувањето на договорите го реализира централната власт.

- Станува збор за две фирми кои најмногу имаат отидено напред со преговорите за изградба на фабрики во оваа зона. Едната се занимава со изработка на специфичен градежен материјал, а другата, германска, произведува течни детергенти, изјави Алексов.
Тој потенцира дека според плановите, фирмите ќе вложат еден до 10 милиони евра. (МИА)

http://www.porta3.com.mk/index.php?option=com_content&task=view&id=2559&Itemid=125

Економската зона ќе го прероди Кичево

Благоја Деспотовски

Во малите фабрики се планираат работни места за стотина лица: градоначалник на Општина Кичево

Киро Кипроски

Кои се Вашите приоритети во работењето?

Кога седнав на градоначалничката фотелја, имав цел да создадам услови за изградба на нови индустриски капацитети и да отворам циклус на инвестиции што ќе бидат двигатели на развојот на општината. Тоа е предуслов за нови работни места што ќе го врати оптимизмот кај моите сограѓани, дека и во Кичево може пристојно да се живее и да се заработува. А и ќе се намали иселувањето од овој регион. Индустриската зона ќе го прероди Кичево. Станува збор за површина од 25.000 квадратни метри. Ќе се протега на просторот меѓу погонот за шрафови „Тане Цалевски“ и силосите, на западната магистрала Кичево - Охрид, во непосредна близина на железничката пруга. Во првата фаза продадовме 18 локации. Купувачи се бизнисмени од Кичево. Тие најавуваат дека наскоро ќе изградат мини-фабрики за производство и за услуги, а на почеток да вработат над сто лица. Од локациите во зоната непродадени останаа уште две, но и тие ќе добијат сопственици. Верувам дека наскоро ќе ги почувствуваме првите ефекти.

Што реализиравте од предизборните ветувања за граѓаните?

Кичевци сами забележуваат дека работите тргнаа во сите сфери на живеење откако општината ја води нов тим. Многу е важно што по шест години ја деблокирав сметката на општината за сто милиони денари. Со чиста сметка брзо и ефикасно ги решаваме секојдневните проблеми. Но, истовремено можеме да се зафатиме и со повеќе инфраструктурни проблеми таложени со години.

Врз која основа беше блокирана сметката и на кој начин ги собравте средствата?

Шеесет отсто, односно 60 милиони денари беше долг кон сопствениците на имот, за експропријација на земјиште, за изградба на улици и на други јавни објекти, пред дваесеттина и повеќе години. Другиот дел, 40 милиони денари се однесува за неплатени фактури за изградба на улици и тротоари. Со моето доаѓање на градоначалничката позиција и во услови на економска криза успеавме двојно да ги зголемиме општинските приходи. Од Министерството за одбрана општината ја доби касарната. Годинава очекуваме дополнителни средства од продажбата на тоа земјиште. На јавен тендер очекуваме да продадеме 21.000 квадратен метар, а така ќе се реализира и нашиот проект за изградба на станбено-деловен центар. Според урбанистичкиот план, се предвидува изградба на седум згради, со габарит од по 3.600 квадратни метри.

Што станува со дивите градби, дали ќе ги легализирате?

Советот на Општина Кичево донесе одлука за измена и дополнување на деталните урбанистички планови за неколку градски населби. Ова го направивме за да се исполнат барањата на граѓаните што се подготвени да инвестираат во домови за живеење. Со зголемениот прилив на средства во буџетот ќе ги решаваме комуналните проблеми. Исто така, со измените на урбанистичките планови ќе бидат легализирани неколку стотици објекти изградени без потребната документација. Но, се разбира, под услов да се вклопат во новите урбанистички решенија. Годинава вложивме над милион евра за поправка на улици и тротоари, за поставување цевки за фекална и атмосферска канализација, го подновивме локалниот пат за селото Раштак... И во новата зграда за подрачното училиште во населбата Пашино вложивме милион евра, а во финална фаза е спортската сала. Со средства од Светска банка ќе се асфалтира локалниот пат Крушино - Кнежино во должина од пет километри, а за оваа намена ќе се потрошат 350.000 евра.

Има ли проблеми што не може општината сама да ги реши?

Да. Има два крупни комунални проблема, дивата депонија покрај реката Темница и водоснабдувањето. Граѓаните треба да бидат потрпеливи, бидејќи сме на пат да ги решиме. Очекуваме финансиска поддршка од државата. За замена на старата и дотраена водоводна мрежа, потребни се 700.000 - 800.000 евра. Единствено решение за депонијата е фабрика за преработка на ѓубре. Контактираме со фирма од Канада. За овој зафат е потребна помош од надлежните министерства и од Владата.

http://www.utrinski.com.mk/?ItemID=21E471B5F1502249A4BA64118B222BEB