Економски вести

Ova zvuchi mnogu dobro

Голема контрола за купување компјутер со ваучер

За десетина дена факултетите ќе ги добијат ваучерите со кои околу 10.000 студенти можат да купат компјутер


Целокупниот промет на ваучерите ќе се следи со помош на дигитална заштита, обезбедена преку креираната веб-апликација на Генералниот секретеријат на Владата

ВЕРЧЕ ГЕОРГИЕВСКА

Факултетите во државава во почетокот на ноември ќе ги добијат ваучерите со кои околу 10.000 студенти во државава кои запишале четврта година можат да купат компјутер. Студентите ќе можат да ги искористат ваучерите во висина од 200 евра до 22 декември. Министерството за финансии во моментално ги разгледува понудите од фирмите за печатење на ваучерите. Од Министерството велат дека нема да се распишува тендер за избор на фирма која ќе ги печати, туку ќе се оди на избор на најповолна фирма од веќе пристигнатите десетина понуди, бидејќи висината на набавката-печатењето не ја надминувала сумата од 3.000 евра за да се објави јавен повик.

За да нема недоразбрање и за да се спречат евентуални малверзации, Министерството за финансии јавно ги обелодени правилата за издавање и користење на ваучерите. Како што се појаснува од Министерството, целокупниот промет на ваучерите ќе се следи со помош на дигитална заштита, обезбедена преку креираната веб-апликација на Генералниот секретеријат на Владата. Студентите, кои првпат запишале четврта година, за да земат ваучер, треба да пополнат барање до матичниот факултет. А, за да го подигнат ваучерот, мора секој студент да пополни формулар со изјава за прием на ваучерот, во која ги наведуваат своите лични податоци. Откако ќе го земат ваучерот, студентите го носат и приложуваат во фирмата за компјутери, а подоцна таа компанија ги добива средствата од Владата во висина на вредносниот ваучер.

Но, студентите, не ќе можат да купат компјутер во која било ИТ- компанија. Според Упатството од Министерството за финансии, сите субјекти регистрирани за дејност поврзани со трговија, одржување и поправка на компјутери, кои се заинтересирани за продажба на компјутери, мора прво да пополнат пријава. Во пријавата мора да се внесат точните податоци за компанијата, а истовремено е неопходно компаниите да приложат документ дека се регистрирани во Централниот регистар на РМ. Ова значи дека студентите ќе можат да набават опрема само во фирми кои ги исполнуваат условите.

„При приемот на ваучерите фирмите ќе пополнат формулар со изјава за купување на компјутер во која се наведуваат личните податоци на студентот, број на индекс, лична карта, серискиот број на ваучерот, името на факултетот и потпис на студентот“, стои во Упатството од Владата за начинот и постапката на издавање и користење на вредносните бонови.

Акцијата на Владата за доделување на вредносни бонови од 200 евра, со кои студентите од четврта година ќе набават ИТ-опрема во основа наиде на позитивни критики во јавноста, но со одредена резерва дека мора да се најде начин да се елиминираат можностите за малверзации. И Стопанската комора за информатички и комуникациски технологии МАСИТ ја поздравува одлуката на Владата за прифаќање на предлогот за воведување ваучерски систем за олеснување при набавка на персонални компјутери наменета за апсолвентите на сите факултети. Според МАСИТ, иако станува збор за само еден сегмент од граѓаните на РМ кои имаат потреба од вклучување во современите информатички текови, со успешна реализација на овој владин проект се отвора пат за поширока примена на ваучерскиот модел за максимално широк слој на корисници.

Зголемени стимулациите за сточарите

10.10.2007

Заради сушата и кризата за добиточна храна, Владата донесе одлука за два милиона евра да ги зголеми стимулациите за сточарите.

„Заради зголемените цени на добиточната храна, пченка и јачмен, на светскиот пазар, Владата на денешната седница одлучи значително да ја зголеми поддршката за сточарите, при што за сите категории на сточен фонд ќе се издвојат дополнителни два милиона евра од буџетот на РМ“, изјави Никола Груевски, премиер.

Стимулации за сточарството:

• за одгледувачите на говеда 2.700 денари за грло,
• за одгледувачите на јагниња 1.000 денари за грло,
• за одгледувачите на кози 500 денари за грло.

Се уште трае пријавувањето кај свињите и живината, по што ќе се знае по колку ќе добијат од грло. И за овие две сточарски гранки има зголемување на вкупната сума на пари, а стимулациите се 10% повисоки во руралните средини.

Годинава фармерите ќе добијат поддршка од над 12 милиони евра, како најпогодени од сушата и постојаниот раст на цените добиточната храна. Владата преку ребалансот обезбедила и пет милиони евра за набавка на 20.000 тони пченка и јачмен за стоковите резерви.

„Вкупниот недостиг е 60.000. Бирото за стокови резерви со постоечката сточна храна, која ја има како залиха, и овие цениме дека ќе може да интервенира во случај на недостаток на сточна храна, а до тие 60.000 треба да го оставиме приватниот сектор да си набавува“, рече Ацо Спасеновски, министер за земјоделство.

Годинава Владата, согледувајќи ги последиците од сушата, за стимулации во земјоделството ќе исплати вкупно 27 милиони евра.

Еве неколку вести од А1:

14.10.2007

Израелската фирма „Нетафим“ доаѓа во Скопје оваа недела. Фирмата е светски познат бренд, производител на системот капка по капка.

На закажаната средбата со претставници од македонската Влада треба да се одлучи на колку локации ќе се користи овој современ систем за наводнување и кој ќе го финансира.

Abe ova e se OK ali MORA li da iskacaat site tamu da se redat ko fudbaleri za da kazat deka klupi kje menjaat???????

ИНВЕСТИЦИИ ВО РЕГИОНОТ

Црна Гора ни отвора бизнис

Во Црна Гора се бара градежник повеќе, особено затоа што македонските работници се докажале со квалитет во регионот

Црногорскиот пазар им нуди речиси двојно поголема заработувачка на македонските градежни работници. Во земјата се случува вистински инвестициски бум, а има недостиг од работна сила што ќе одговори на потребите на инвеститорите, велат нашите бизнисмени вклучени во градежен бизнис во Црна Гора.

- Нашата компанија „Елмак“ се занимава со електрика. Случајно стапивме во контакт со црногорски инвеститори, кои се соочиле со недостиг од работна сила и од материјали, а почнуваат милионски проект во градежништвото. Ние доставивме понуда, но тие ни рекоа да размислиме со македонски фирми да се спроведе целиот проект на површина од 100 илјади квадратни метри - раскажува бизнисменот Алберто Пренков. Тој им го доставил црногорскиот проект со предлозите на сите компании што се поврзани со градежниот бизнис. Вели дека се отвора работа за многу наши компании. „Елмак“ ќе ги поставува електричните инсталации во објектите, ќе го менаџира проектот, односно ќе ги поврзува македонските фирми со црногорски инвеститори и ќе ангажира градежни работници.

- Успеавме да најдеме 185 работници заинтересирани за четиригодишен ангажман во Црна Гора, а проектот бара 500 градежници. На работниците им се нуди многу повисока плата одтколку во Македонија, со обезбедени сместување и храна. Работниците што заминаа велат дека се задоволни, затоа што работат во земја што им е блиска - вели Пренков.

Според него, на градежните фирми од Македонија многу им се исплати бизнисот во Црна Гора затоа што квадратен метар чини двојно повеќе отколку во земјава.

- Со оглед на тоа што не можеме да најдеме 500 работници што не се во постојан работен однос во Македонија, контактиравме со градежните фирми и тие се заинтересирани да испратат работници во Црна Гора. Се' уште не можам да ги објавам имињата на градежните фирми што се вклучени во овој проект затоа што не ги завршиле сите детали од договорите. Но, можам да ви кажам дека „Керамика нова“ веќе склучи договор за сите керамички производи во објектите, а Мермерниот комбинат од Прилеп ќе испорачува мермер. Инвестициската експанзија во Црна Гора може навистина да се одрази многу позитивно и на нашата економија и треба да се искористи моментот. Уште поповолно е што македонските градежници се докажани со својот квалитет во Црна Гора и се барани многу повеќе отколку српските и босанските работници - додава Пренков.

Според неговите сознанија од бизнис-контактите во Црна Гора, градежната експанзија таму е на почеток и се очекува во наредните години инвестициите да се зголемуваат неколкукратно, особено со развојот на туризмот.

http://www.dnevnik.com.mk/?ItemID=78BC825BED67594E8887EAC9E8E22B69

...