Скопје / 19.02.11 / 14:31
Минситерството за транспорт и врски распиша јавна објава за отуѓување на градежно земјиште сопственост на државата за повеќе локации со цел изградба на хотели.

Станува збор за парцела во Гевгелија со површина од 3.092 метри квадратни, градежна парцела во Кратово со површина од 1.657 метри квадратни и две градежни парцели во Битола со површина од 5.669 и 11.443 метри квадратни.

Предвидено е почетната цена на земјиштето да изнесува 61 денар од метар квадратен.

Минситерството за транспорт и врски распиша јавна објава за учество на јавно наддавање и за локација во општина Центар опфатена со ДУП „Дебар маало 1“.

Локацијата е наменета за изградба на државни институции со компатибилна класа намени за деловно – комерцијален простор до 40%.

Вкупната површина на парцелата изнесува 7.528 метри квадратни.

Почетната цена на јавното наддавање изнесува 6.480 денари за метар квадратен, а по изградбата на објектот наменет за општинска зграда, инвеститорот ќе биде обврзан да го предаде на општина Центар

http://www.time.mk/read/f0c1072c13/f3a4553bd2/index.html

Демант - 12.2.2011

 

Почитувани,

 

Министерството за транспорт и врски ги отфрла како невистинити пласираните информации со кои се наведува дека е поништена постапката за отуѓување на земјиште предвидено за изградба на хотел во општина Штип.

Ве информираме дека земјиштето наменето за изградба на хотел во општина Штип е отуѓено по пат на јавно наддавање за отуѓување на градежно неизградено земјиште сопственост на Република Македонија, на кое за најповолен понудувач е избрана компанијата „Оаза“ ДОО Штип. Потребните средства се уплатени од страна на најповолниот понудувач во предвидениот рок и во тек е солемнизација на договорот за отуѓување на земјиштето.

Со договорот најповолниот понудувач се обврзува дека во рок од 9 месеци од солемнизирање на истиот, ќе обезбеди одобрение за градба на предвидениот објект од општината, а  истиот  ќе  го  изгради  во  рокот  предвиден  согласно  одредбите  од  Законот  за градење.

Министерството за транспортврски согласно своите законски надлежности спроведува јавни наддавања за отуѓување исклучиво на локации кои претставуваат неизградено градежно земјиште за кои е потврдена имотно-правната состојба и кои се целосно во сопственост на Република Македонија.

Информираме дека делот на донесување на Детални урбанистички планови и уредување на земјиштето е во надлежност на локалната самоуправа.

http://mtc.gov.mk/new_site/mk/storija.asp?id=3086

Цел е да изгради современ бањско-рекреативен центар што ќе ги користи топлите, лековити води.

Нема да се гради хотел кај Кежовица

Виолета Кожинкова	Коментари (0)

12.02.2011 15:27

Засега нема да се гради хотел кај Кежовица. Постапката со која штипска компанија го купи земјиштето од 3.000 метри квадратни на лицитација од државата, е поништенa.

Дури откако ја продало парцелата Министерството за транспорт и врски, открило дека на неа има пат. Никој не знаел дека речиси седум години преку овој пат се носи ѓубрето на штипската депонија.

Од општината велат- патот е дивоградба, не е впишан во урбанистичките планови, но одговорноста ја префрлаат кај урбанистите.

„Едноставно некој изумил дека тука има пат и дека е испланиран пат и си направил проект онака како што му одговара“, вели Зоран Алексов, градоначалник на Штип.

Поранешниот градоначалник на Штип, во чие време бил изграден патот долг 4 километри го тврди спротивното. Проектот вреден 460.000 илјади евра, од кои 244 илјади евра се грант добиен од Европската банка за реконструкција бил реализиран со целата потребна документација.

„Тоа е инвестиција која се реализираше врз основа на главен проект. Не може да има главен проект без градежно одобрение, а тоа не може да се добие ако патот не е вцртан на локацијата каде е изграден“, вели Димитар Ефремов, поранешен градоначалник на Штип.

Допрва ќе се утврдува кој затаил во случајот. Парцелата ќе се оформува повторно и веројатно пак ќе се нуди на продажба. Но, ова не е единствениот случај во Штип што говори за урбанистичкиот хаос.

Така на пример едно од спортските игралишта финансирано од државата е изградено на свлечиште. Неговата санација сега ќе чини дополнителни 5 милиони денари.

http://daily.mk/cluster3/4aac27246717aeee67f0177e295c80f6/593969

Fail 

Повторно се бара инвеститор за хотел кај Горица Откако домашната фирма „Каса градба“ не ги уплати средствата за фамозната парцела кај Горица, државата во нов обид да најде инвеститор за изградба на хотел на оваа атрактивна локација покрај Охридското езеро. Земјиштето со површина од 15.878 метри квадратни повторно ќе биде предмет на јавно наддавање со почетна цена од едно евро за квадрат. Површината за градење изнесува 6.667 метри квадратни, а максималната бруто развиена површина 29.343 метри квадратни. Најповолниот понудувач ќе биде обврзан  да изгради хотел со 5 ѕвездички и да го брендира со име на хотелски ланец кој поседува или пак управува со повеќе од пет хотели. Пријавите за учество можат да се достават најдоцна до 07.03.2011, а јавното наддавање ќе се оддржи на 09.03.2011. „Каса градба“ беше најповолен понудувач на претходното јавно наддавање кое се одржа во ноември минатата година. Фирмата ја доби парцелата за само 23.817 евра, но не ги уплати во предвидениот рок. Единствена компензација за државата беше симболичниот депозит на „Каса градба“ во вредност од 1.600 евра, кој беше предуслов за учество во постапката.

http://www.build.mk/?p=6653

Дизајните од Stone Bridge излгедаат супер, се надевам дека ќе се изградат.

Израелци заинтересирани за инвестирање во Струга
понеделник, 29 ноември 2010


Неколкумина бизнисмени од Израел беа во посета на Струга, каде со помош на претставници на локалната власт и Агенцијата за промоција и подршка на туризмот разгледаа десеттина потенцијални локации каде би можеле да се изградат хотелски капацитети



Од општина Струга информираат дека на заинтересираните им биле понудени места каде со Деталните урбанистички планови се предвидени маркици за градба на туристички комплекси. Дел од понудените површини се во сопственост на државата, неколку се приватни парцели, но останува на бизнисмените сами да одлучат за која локација ќе се определат рекоа од општина Струга.
- Мислам дека ќе има успешно решение, се надевам дека ќе изградат барем еден хотел на локациите кои им беа понудени. Ги видоа локациите кои им ги нуди државата за продажба, така што, од тоа што го видоа и од мое лично мислење се задоволни. Барањата на господата ќе бидат дефинирани во Израел.Ни рекоа оти ќе испратат електронски писмо до Министерставото за надворешни работи на Израел по што ќе се потпишат договорите, изјави заменик директор на Агенцијата за промоција и подршка на туризмот Владо Суклоски.

Тој најави дека бизнинсмените од Израел најавиле повторно доаѓање во Македонија во февруари и оти со нив ќе дојде и претставник на голема туроператор агенција кој што ќе помогне да се обноват чартер летовите од Тел Авив до Охрид кои беа прекинати во јуни оваа година.


http://kirilica.com.mk/vest.asp?id=60311

Проект на Stone Design за хотел на Плачковица. Нема никакви податоци дали е само конкурсен труд, дали е предлог, дали е почнато со градба. Знчаи никакви информации околу евентуална изградба.

Швалерите ги спасуваат хотелите од загуба Една третина од вкупно регистрираните 356 хотели во државава се во Скопје. Од нив, 128 хотели се во главниот град и работат со искористеност од само 20 проценти! Бизнисот го спасуваат „дневните престои“, чии корисници бараат загарантирана дискреција Краток одмор од неколку часа или т.н. „дневен престој“ е најбараната услуга, која ги спасува од загуба регистрираните 128 хотели во главниот град. Без швалерските услуги, степенот на искористеност на хотелските легла во државава е само 20 проценти, што во светски рамки се смета за разочарувачки малку! Зошто тогаш Скопје полека но сигурно прераснува во хотелски град? Една третина од вкупно регистрираните 356 хотели во државава се во Скопје. Од тие, 128 хотели во главниот град, некои се хостели или само куќи што издаваат соби. Скопје го следи Охрид, кој има педесетина хотели и хостели. Другите сто и педесетина хотели во земјава се распрскани по другите градови. Иако бројот на туристите не се зголемува за да има потреба од нови хотели, велат познавачите, Скопје станува хотелски град. Бизнисмените што се занимаваат со оваа дејност велат дека отварањето нови хотели, особено во главниот град, е ризичен потег, кој инвестицијата може да ја дефинира како неисплатлива. - Скопје во хотелите може да прими 6.500 гости дневно, но слободните легла во градов ја надминуваат бројката потребна за сместување на туристите што го посетуваат. Степенот на искористеност на леглата во државава е само 20 проценти, што во светски рамки е разочарувачки низок - оценува Кристијан Џамбазовски, доктор по туризам и сопственик на хотелите „Амбасадор“ и „Сан“ во Скопје. Државава има слаба економија, која не може да донесе многу туристи, вели Џамбазовски. Културниот туризам е недоволно развиен, а бизнис-туристите последниве години речиси ги нема. Ова го потврдуваат и од Факултетот за туризам, додавајќи дека кај нас речиси и нема големи хотели, па затоа се создава простор за отворање и работа на оние со помал капацитет од 5 до 30 соби. - Неколкуте поголеми хотели во Скопје работат на високо ниво и се многу скапи. Цените им се нереални и затоа помалите хотели сé почесто работат со поголема исполнетост од големите. Во нив сместување наоѓаат туристи на кои луксузот не им е битен - изјавува Димитар Бојаџиески, професор на Универзитетот за туризам и менаџмент во Скопје. Меѓу овие туристи се и нелегалните љубовници, кои користат т.н. „дневен престој“ . Тоа е поминато време во хотелска соба, ретко сам, најчесто со партнер, кое хотелиерите го наплатуваат од 700 до 1.200 денари. - Ваквите швалерски комбинации се барани од лица што сакаат да поминат убави мигови, а тоа од разни причини не можат да го прават јавно. Јасно е за што се работи. Но, муштерии си се муштерии, ние никого не враќаме. Друго не нé интересира - смеејќи се вели сопственик на еден мал хотел од населбата „Црниче“. Најчесто вакви посети имало за време на викендите, но не биле за потценување и паузите од работа помеѓу 10 и 12 часот. За ваквите услуги важат неколку непишани правила на однесување. Најчесто мажот ја остава личната карта на рецепција. Се избира најоддалечената соба, која е и најтивка. Дискрецијата е загарантиранана од сите страни. Скопје, Охрид и Гевгелија најатрактивни Плоштадот „Македонија“, центарот на градот, локацијата зад „Рамстор“, Аеродром наспроти трговскиот центар „Бисер“ и околу мостот „Близнак“, Водно и Карпош се неколкуте веќе купени локации во Скопје со намена за изградба на хотели. Влегување во хотелскиот бизнис најавија и светските брендови „Хилтон“, „Мериот“ и „Резидор хотел груп“. Во Охрид, пак, како најголема туристичка локација изминативе неколку години на големо се распродаваат парцели за изградба на хотели. Кај Горица, една од најатрактивните крајезерски локации, простор за хотел досега неколкупати неуспешно се продаваше. Се нуди и локација кај каналот Билјанини извори и плац во близината на некогашната Детска болница во Свети Стефан, како и локацијата кај кампот „Андон Дуков“ на излезот од Охрид кон Струга. Сите тие се во близината на брегот и имаат убав поглед на Охридско Езеро. Од Советот на градот Охрид велат дека интересот во последниве неколку години кај инвеститорите е голем. - Сепак до денес ниту еден странски инвеститор не купил земјиште во Охрид, иако се најавуваа големи светски фирми, позиционирани на врвот на хотелскиот бизнис - велат во Советот на градот. Последниве неколку години најголеми инвестиции во овој бизнис имаше во Гевгелија, каде што бизнисот со хотели-казина доживува вистински бум. Минатата недела беше отворен најновиот хотел-казино „Принцес“, најлуксузниот и најголем хотел, со 130 соби во државава, изграден во Гевгелија со турска инвестиција. На македонско-грчката граница успешно работат и хотелите „Фламинго“ и „Аполонија“, кои вработуваат неколку илјади жители на Гевгелија и околните места, што позитивно влијае на економската состојба на овој регион. Низ македонската јужна граница годишно транзитираат околу 4 милиони патници. Досегашниот хотелски капацитет беше недоволен да ги задоволи потребите на гостите, меѓу кои најмногубројни се Грците. Околу 5.000 од нив неделно го полнат гевгелиските казина и ресторани. Цените во облаци, услугата просечна Михаил Крстов од Бугарија, кој деновиве престојува во Скопје, вели дека цените за хотелско сместување кај нас се нереално високи во споредба со понудената услуга. - Спијам во хотел со три ѕвезди, во соба од петнаесетина квадрати. Не е лошо, но за 40 евра од ноќ, колку што плаќам, навистина е премногу. За оваа цена имам спиено во луксузни бренд-хотели по европските градови - вели Крстов. Во хотелот „Шератон“ во Софија за еднокреветна соба се плаќаат 60 евра за ноќ. Истата услуга во Скопје во еден од поголемите хотели чини од 90 до 150 евра. Разликата во цената е огромна, а брендот „Шератон“ не може да се спореди со ниеден наш хотел, без оглед на нивниот луксуз. Хотелиерите имаат објаснување и за оваа состојба. - Кај нас исполнетоста на леглата е мала, па затоа цената се држи високо за да се постигне економска исплатливост. Зголемувањето на конкуренцијата само ќе ја влоши состојбата. Треба да се мисли за бизнис-стратегија за привлекување туристи, а не само да се ѕидаат хотели - вели Џамбазовски.  град цена во евра Париз Виена Љубљана Загреб Берлин Софија Белград Скопје   80 - 180   50 - 75   40 - 90   40 - 60   40 - 50   30 - 60   30 - 70   40 - 60 http://novamakedonija.com.mk/NewsDetal.asp?vest=1112101558352&id=9&prilog=0&setIzdanie=22132

ОАЗА ЌЕ ГРАДИ ХОТЕЛ ВО ШТИП

Штипската фирма Оаза ќе гради нов хотел кај Кежовица.  Плацот од 2.877 м/2 наменет за изградба на хотел, Оаза го купи денес за 345.240 денари, односно по 120 ден. по м/2.Лицитацијата се одржа денес, во министерството за транспорт и врски, а освен Оаза, заинтересирани за изградба на хотелот беа уште две фирми. Сепак, како најповолна, беше избрана понудата на штипјани.Ова е прва продажба на градежно земјиште во Штип, откако државата цената за м/2 ја намали на едно евро. Според планот, кај Кежовица треба да биде изграден хотел со приземје и четири ката.Сепак, за Оаза и официјално да стане сопственик на земјиштето, во рок од 15 дена од приемот на писменото известување , на сметка на Министерството за транспорт и врски треба да ги уплати парите.Дозвоолите за градба, пак, треба да ги обезбеди во наредните 9 месеци.


http://www.tvstar.com.mk