Депонии и комунална механизација

Сега пред 5 минути еден ваков камион видов во акција, кај мене на улица. Супер е многу се тивки (за разлика од претходните), целите светат и мн брзо си ја вршат работата.  5+

Изгледа од оваа фирма се  http://www.atrik.si/index.php?PRODUCTS:Refuse_collection_vehicles:AP%2FAPO

Странци ќе ја градат регионалната депонија кај Добрашинци

На повидок трајно решение со отпадот во Полог

На тендерската постапка за изградба на депонијата „Русино“ кај Гостивар, до крајот на годинава ќе се избере најповолен понудувач

Гојко Ефтоски

ТЕТОВО - Во седиштето на Полошкиот плански регион во тетовско Џепчиште вчера официјално беше прогласен за отворен тендерот за изградба на депонијата „Русино“ кај Гостивар. Тоа, практично, ќе значи почеток за трајно решение со еден од најтешките комунални проблеми со кои најсериозно се одрази минатата година во Тетово.

Во изминатите неколку месеци било работено на подготовка на проектот за меѓународен тендер, кој веќе се распиша на принцип на конкретен дијалог првпат применет во нашата земја, а до крајот на годината треба да се избере најповолен понудувач. Проектот содржи прашања за собирање, пренос, рециклирање и преработка на комуналниот отпад во сите девет општини во Полошко-мавровскиот регион. „Проектот е поддржан од Министерството за животна средина на Италија. Во фаза на подготовка на тендерот имавме меѓуопштинска соработка на највисоко ниво“, рече Неџати Јакупи, министер за животна средина и просторно планирање, кој најави учество и помош од искусни меѓународни експерти.

Градоначалниците на Тетово и Гостивар, Сади Беџети и Руфи Османи, побараа исполнување на обврските за успешно решавање на проблемот, изградба на депонија со нови европски стандарди како и паралелно решавање на инфраструктурните потреби до „Русино“, кое наполно ќе ја обезбеди животната средина. Од новиот концесионер ќе се бара брз почеток на работите чиј старт се очекува на почетокот од идната година, но и вклучување во реформи на постојните комунални претпријатија што подразбира приспособување на нивната работа кон потребите на идната модерна депонија и кадровска поставеност, која ќе гарантира поголем успех. На новинарско прашање дали сегашната претоварна станица во Тетово каде што, всушност, беше дивата депонија ќе биде дислоцирана, тетовскиот градоначалник рече дека биле на пат да се реши и тоа прашање.

Претседателот на Полошкиот плански регион, Фатмир Изаири, најави поинтензивна работа и поголемо инвестициско вложување на идниот концесионер во првите две години кога се очекува да биде изграден и пристапниот пат од магистралата до депонијата „Русино“.

http://www.utrinski.com.mk/?ItemID=7E7111437C175941B63BF2A2F1033CA7

„Комунална“ ќе се поднови со возила за 130 милиони денари

Ќе се купуваат 12 возила за собирање смет, кипери, цистерни за миење улици

Советот на Скопје по подолго натегање меѓу позицијата и опозицијата ја поддржа инвестициската програма на „Комунална хигиена“, која предвидува набавка на нови возила во вредност од 130 милиони денари. Новите возила за подигнување на сметот би требало да ја заменат дотраената механизација, која едвај ги задоволува потребите на градот.

Сепак, и покрај очигледната потреба да се инвестира во „Комунална хигиена“, во Советот се разви едночасовна дискусија која резултираше со воздржано гласање на опозицијата. На дел од советниците програмата на „Комунална“ им се виде многу амбициозна, иако директорот Ракип Дочи образложи дека сите планирани набавки се неопходни за нормално функционирање на претпријатието. „Во Загреб, град со 800.000 жители, сметот го собираат 110 камиони, а во Скопје имаме едвај 10 или 12 возила кои се веќе амортизирани, а мораат да работат во три смени“, објасни Дочи.

„Комунална хигиена“ треба да инвестира во 12 нови комунални возила за собирање смет, кои чинат 62 милиона денари, потоа во кипери, цистерни за миење улици, како и две возила за подигнување амбалажа и хартија. Вкупната инвестиција за сите планирани набавки на возила е околу сто милиони денари.

На седницата, која е продолжение на истата на која се расправаше за проектот „Скопје 2014“, точка на дневен ред беше и субвенционирањето на „Комунална хигиена“ за реализација на програмата за третман на бездомни кучиња. Јавното претпријатие доби помош од Градот Скопје од три милиони денари за реализација на програмата во изминатите четири месеци кога биле истретирани околу 1.100 бездомни животни.

И за оваа точка опозицијата и позицијата имаа различни гледишта, а повеќето советници во дискусиите лицитираа со бројки колку кучиња скитници има на градските улици. Генерален заклучок е дека бројката, и покрај неколкугодишниот третман на бездомниците, не е драстично намалена. Советниците побараа во иднина да се воведе и регистер на домашни миленици поради се' позачестените случаи нивните сопственици да ги пуштаат на улица откако ќе одлучат дека не сакаат повеќе да ги чуваат.

Се бара трајно решение за отпадот во Полог

ТЕТОВО - Тетово и другите осум општини во Полошкиот регион интензивно работат на пронаоѓање трајно решение за справување со отпадот. Во оваа функција се остварените контакти со компании во земјата и во странство за натамошно облагородување на сметот со рециклажа и производство на електрична енергија.

Токму поради актуелноста на проблемот неодамна расправал и Советот на Полошкиот планински регион, при што се разгледувала студијата подготвена од експерти од оваа област. Советот, составен од градоначалниците на сите девет општини во Полошкиот регион, со мали забелешки, ја усвоил студијата и врз основа на тоа наскоро ќе биде распишан меѓународен тендер за давање на депонијата „Русино“ кај Гостивар под концесија, врз принцип на јавно-приватно партнерство.

Фатмир Изаири, претседател на Советот на Полошкиот плански регион и градоначалник на општина Желино, вели дека во сите општини постои интерес за долгорочно решение на прашањето со отпадот. Општините и јавните комунални претпријатија се заинтересирани за акционерско учество со компанијата што ќе ја преземе депонијата „Русино“.

„Завршуваме со подготовките за распишување меѓународен тендер. Тоа најверојатно ќе се случи во првите денови од мај и ќе трае 37 денови. Во тој период очекуваме да се јават заинтересирани фирми од земјата и од странство, пред се', оние со кои веќе е контактирано, а тие се од Италија и од Австрија“, вели Изаири. Според него, инвестицијата на компанијата што ќе го користи отпадот во полошкиот крај ќе изнесува од 30 до 35 милиони евра.

Тетово најсериозно го почувствува проблемот со комунален отпад, кој складиран на дивата депонија кај железничката станица, два месеца се пренесуваше во „Русино“. Граѓаните девет месеци беа изложени на сериозните опасности што може да ги предизвика отпадот. Поради тоа, Советот на Тетово донесе одлука со прецизирани права и обврски во сферата на справувањето со комуналниот отпад. (Г.Е.)