Булевар АСНОМ / АВНОЈ (+изградба на нов мост)

Тој дел (за кој што претходно имав напишано и пратено слики ако погледнете на претходните страни) е навистина во ужасна состојба и редно беше веќе да се среди, да се реновира и да се прошири.

Очигледно за време на претходната локална власт не е изведено реновирањето во целост, до кај послена 5ка па така да секако дека сега некој ќе си го лапне тендерот за оваа делница. Нека не ве чуди зошто се делат одредени патишта на повеќе делници, тоа е сосема нормална пракса овде на балканот.

Пооолека малку, може прво да го завршат булеварот кај Фон, која мизерија е тоа...

Ќе се реконструира булеварот „АСНОМ“ од крстосницата со бул. „Србија“ до ФФМ

Град Скопје ќе го реконструира булеварот „АСНОМ“ и тоа на потегот од крстосницата со булеварот „Србија“ до пристапната улица за влез во „Куќата на фудбалот“- ФФМ.



За таа цел Град Скопје склучи договор со фирмата „Бауер БГ“ ДОО од Скопје, вреден 21.851.465 денари која треба работите да ги заврши во рок од 3 месеци.

Оваа фирма треба да изработи сообраќаен проект за времен режим на сообраќај со прибавување на сите согласности од институциите, да ја постави потребната хоризонтрална и вертикална сигнализација за времен режим на сообраќај, да ја обележи и осигури трасата, да ги исчисти постоечките сливници и шахти од земја и шут, да ги урне оштетните бетонски рабоници, да го отстерани дел од тампонскиот слој, да го уреди постоечкиот коловоз со стругање, како и постоечките тротоари исто така со стругање, да постави нов тампон и асфалт, како и да ги нивелира шахтите и сливниците.

https://www.vecer.press/ќе-се-реконструира-булеварот-асном/

Претесни и ископани се тие мали улички, нема шанси да функционира тоа. Мада има и многу вистина во постот.

Мостот АПСОЛУТНО МОЖЕ да се пушти во употреба и со сегашната улична инфраструктура. Претходно позанад имам скицирано уште еден можен сообраќаен режим, еве уште еден. Работата е како ДА НЕ СЕ ПУШТИ, тоа е главната намера на глупачата во Град Скопје. Исто како и Есенинова, го чува за пред избори, или едноставно не сака да се осетат придобивките од проектите на Шилегов.

Поврзувањето на Аеродром и Гази Баба „заглави“ кај Ќерамидница

Во рамките на третата фаза од реализацијата на овој капитален проект, за експропријација имало вкупно 275 предмети, од кои како што информираат од Град Скопје во 2022 година биле решени или се во завршна фаза 186 предмети.

Жителите на скопските општини Аеродром, Гази Баба и Центар и по пет години откако започна да се реализира проектот за нивно поврзување, сè уште не се во можност по скратен пат да преминуваат од една во друга општина. Причина за тоа е бавното решавање на имотноправните работи со граѓаните што имаат свои имоти во Ќерамидница, односно на потегот од мостот „Михајло Апостолски“, кој е целосно изграден со делот од булеварот АСНОМ, кој треба да води до трговскиот центар „Ист Гејт“.

На тој потег, во рамките на третата фаза од реализацијата на овој капитален проект, за експропријација имало вкупно 275 предмети, од кои како што информираат од Град Скопје во 2022 година биле решени или се во завршна фаза 186 предмети.

Како резултат на тоа, веќе изградениот мост „Михајло Апостолски“ комплетно е надвор од употреба поради фактот што на крајот наместо да биде поврзан со булевар, буквално се надвиснува над куќите во населбата Ќерамидница. Поради тоа, овој капитален проект што за многумина значеше значително скратување на времето за патување од една во друга општина, веќе со години наназад останува неостварено ветување, кое во моментот кога ќе се реализира, значително ќе го растовари метежот по скопските сообраќајници.

– Проектот за поврзување на општината Аеродром со општините Гази Баба и Центар започна пред повеќе од пет години, се одвива фазно преку изградба на булеварот АСНОМ, поточно негово фазно проширување, изградба на мост преку реката Вардар и пробивање целосно нова фаза низ населбата Ќерамидница. Изградбата на мостот „Михајло Апостолски“ е завршена, но проектот е започнат без претходно расчистување на имотноправните односи и парцелите во делот на Ќерамидница, со цел да се создадат услови за изградба на последната фаза и поврзување на мостот со делот од булеварот АСНОМ кај „Ист гејт мол“. За реализација на проектот, во делот од Ќерамидница, за експропријација имаше вкупно 275 предмети, од кои во 2022 година решени или во завршна фаза се 186 – велат од Град Скопје од каде што додаваат и дека по завршување на овие постапки, ќе започне последната фаза, поточно пробивање нов булевар низ Ќерамидница и поврзување на мостот со булеварот АСНОМ.

Според овие податоци, остануваат уште голем број нерасчистени имотноправни односни помеѓу граѓаните, што значи и дополнително одолжување на конечната реализација на третата фаза од овој проект. Дополнителен проблем според градските власти се јавува и поради фактот што на терен се случува една иста парцела да биде во сопственост на повеќе лица, а се случува и за даден имот да има одредени спорови помеѓу сопствениците, поради што дополнително се усложнува целосната постапка.

– Проектот досега се одвива во рамките на роковите и сите поголеми застои и проблеми се околу решавањето на имотно – правните односи, бидејќи често се случува една парцела да биде во сопственост на повеќе лица, или да има спорови меѓу сопствениците. Градот Скопје во 2022 година почна со системско решавање на споровите, при што сите нови проекти не се почнуваат додека не се разрешат целосно имотноправните односи, со цел брза и ефикасна реализација на новите проекти без застој – додаваат од Град Скопје.

Додека да се решат сите овие спорови и проблеми што се јавуваат на терен, жителите на најбројната скопска општина Аеродром, со најголемата скопска општина по територија Општина Гази Баба, ќе останат поврзани единствено преку мостот „Близнак“. Токму поради големиот број аеродромци што секојдневно патуваат од дома до одредени делови на Гази Баба, поради фактот што таму се наоѓаат голем број фабрики и индустриски објекти каде што работат, се случува да има огромен застој на возила, особено во периодот кога граѓаните одат и се враќаат од работа.

Колку за потсетување, реализацијата на проектот за поврзување на општина Аеродром со општините Гази Баба и Центар се одвива фазно преку изградба на булеварот АСНОМ, поточно негово фазно проширување, потоа преку изградбата на мост преку реката Вардар и пробивање на целосно нова фаза низ населбата Ќерамидница. Од овие три фази на реализација, комплетно се готови две, а бавната реализација на третата и последна фаза, комплетно го „закочи“ процесот.

https://www.slobodenpecat.mk/povrzuvanjeto-na-aerodrom-i-gazi-baba-zaglavi-kaj-kjeramidnica/

Do kade e ovoj proekt? Uste e vo miruvanje ili otide vo "ad acta"!?

Edited by zlate676 - 14-Jun-2022 at 13:59

Денес,мостот е скоро готов нешто ситно сепак се работеше но најпроблематично е тоа што нема никакви скали кои би воделе од пешачката патека на кеј преку мостот туку за да се пристапи на мостот треба да се кружи скроз од кај руската црква што е сосем нелогично а деновиве работат на нови скали непосредно до мостот кон вело патеката на кеј