Кучиња скитници

Само прееска видов шест кучиња-скитници надвор.

Ако се намали бројот на агресивни кучиња на улиците, ќе се намали и бројот на каснати граѓани

Речиси и да нема населба во Скопје во која дел од локалното население не стравува од глутници кучиња кои се шетаат низ улиците, парковите, детските игралишта…

И покрај бројните обиди од страна на надлежните институции, но и од организациите посветени за заштита на животните, и покрај стотиците посвојувања направени од страна на хумани граѓани од земјава, но и од странство, сепак бројот на бездомни кучиња кои талкаат низ Скопје е огромен. Речиси и да нема населба во градот во која дел од локалното население не стравува од глутници кучиња кои се шетаат низ улиците, парковите, детските игралишта. За среќа, огромен број од кучињата скитници се мирни и не напаѓаат, но за жал постојат и агресивни кучиња кои претставуваат сериозна закана за случајните минувачи кога ќе се најдат во нивна непосредна близина. Причина за дополнителен страв кај дел од скопјани е и групирањето на бездомните кучиња. Според познавачите, токму глутниците на кучиња се проблем, иако и изолираните единки знаат да нападнат.

Во обид да се надмине или барем да се намали ваквиот проблем со бездомните кучиња, кои оправдано или помалку оправдано претставуваат причина за страв кај населението, од ЈП „Лајка“ излегоа со апел до граѓаните да пријават доколку забележат глутница на кучиња или агресивно куче во нивна непосредна близина или во непосредна близина на местото на кое што живеат.

Доколку се соочувате со проблем од глутница кучиња или агресивно куче во вашето населено место, ве молиме пријавете на нашата електронска адреса prijavi@lajka.com.mk, како би можела екипата на ЈП „Лајка“ да постапи на терен по вашата пријава. Вашата пријава потребно е да содржи фотографии или видео од кучето или глутницата од кучиња – информираат од ЈП „Лајка“.

Според информациите добиени од ова јавно претпријатије, во моментов во прифатилиштето има околу 70 кучиња кои се комплетно здрави и кои чекаат хумани граѓани да ги посвојат и на тој начин да им обезбедат топол дом, соодветни услови за живот и редовни оброци.

Во моментот во прифатилиштето на Лајка има околу 70 здрави единки кои го имаат поминато целиот хуман третман и за кои активно бараме дом. Доколку сте во можност и имате желба да вдомите куче испратете меил на vdomi@lajka.com.mk. Вдомувајќи бездомно куче од Лајка ќе добиете миленик кој за возврат ќе ви подари многу љубов и живот полн со забава – децидни се од ЈП „Лајка“.

Од ова јавно претпријатие во обид да им олеснат на новите сопственици на кучиња, на сите оние кои првпат се соочуваат со улогата дома или во двор да чуваат куче, но и за сите хумани граѓани кои сакаат да започнат да им даваат храна на кучињата кои на овие ниски температури се наоѓаат надвор и талкаат, излегоа со низа совети околу типот на храната и начинот на грижа која треба да им се пружи на животните.

Правилната и урамнотежeна исхрана е важна за среќен и здрав живот на вашето куче. Здравата исхрана кај кучињата е исклучително важна за нивната здравствена состојба бидејќи дел од здравствените проблеми може да произлезат токму од несоодветниот начин на исхрана. Во таа насока препорачуваме сува дехидрирана или влажна храна за кучиња. Секој производител на сува храна има пропишана таблица за дневно потребно количество на сува храна изразено во грамови. Ваквата храна за кучиња е најчесто на база на говедско, пилешко, јагнешко, зеленчук или риба. Количеството на храна кај кучињата на дневна основа зависи од неколку фактори: возраст на кучето, здравствена состојба на кучето и нивото на активност на кучето – објаснуваат надлежните од ова јавно претпријатие.

Според нив, во зависност од возраста и килажата на кучето, потребно е за кучиња до 4 месеци да се даваат 4 до 5 помали оброци, за кучиња од 6 до 12 месеци по 2 оброка на ден, а за кучиња над 12 месеци по 1 или по 2 оброци на ден.

Покрај препораките за користење на посебна храна наменета за кучиња, некои сопственици се одлучуваат за готвена храна, па доколку се одлучите за овој начин на исхрана препорачуваме да одбегнувате многу зачинети и солени, запршки и мрсна храна, благи производи, особено чоколадо, пилешки коски, сувомеснати производи кои содржат многу конзерванси, јаткасти плодови, авокадо и др. Човечка храна која е безбедна за кучињат е морков, брокула, јаболко, бел ориз, риба, пилешко, варено јајце, путер од кикирики и др. Ако самите готвите за вашето куче, мора да обезбедите разновидна и урамнотежена исхрана. Кучешката храна, како што е сувата или влажната храна, веќе ги содржат сите важни хранливи материи кои му се потребни на секое куче на дневна основа – објаснуваат „Лајка“.

https://www.slobodenpecat.mk/ako-se-namali-brojot-na-agresivni-kuchinja-na-ulicite-kje-se-namali-i-brojot-na-kasnati-gragjani/

Порталб: Кучиња скитници постојано напаѓаат жители во Тетово, општината ветува решение

Само во текот на 2021 година во Секторот за внатрешни работи Тетово имало 112 пријави за каснувања од кучиња скитници, пишува Порталб.мк. Сепак, оваа бројка е поголема бидејќи не се сите случаи пријавени во полиција.

Во текот на јавната расправа за буџетот на општина Тетово за 2022 година граѓаните побара да се реши проблемот за Тетово да биде побезбедно, пред сé за децата.

„Со оглед на тоа што сите се будиме рано, секој ден се соочуваме со кучиња скитници. Скоро, минатиот месец и самиот се соочив со нив излегувајќи од дома, имавме и случаи на напади врз деца. Барам да се направи проект за решавање на овој проблем, за да немаме повеќе кучиња скитници на улица затоа што навистина е многу голем проблем и се надевам дека овој проблем ќе се отстрани. Пред неколку месеци имавме случај во Речица, па случајот во Гостивар, затоа што кучиња имаме секојдневно на улица“, рече еден граѓанин.

Мемет Јонузи, раководителот на секторот за комунални дејности рече дека за оваа година планираат изградба на прифатилиште за кучиња скитници, во вредност од 2 милиони денари.

„Истовремено ја имаме и програмата што треба да ја одобриме, тоа е предлог програма за решавање на проблемот со кучињата скитници на територијата на општина Тетово. Генерално во програмата се опишани сите активности, кои ние како општина треба да ги спроведеме, односно преземање одговорност за овој проблем кој е проблем на целиот регион и на државата. Ќе ги преземеме нашите мерки, но проблемот е поопшт. На последната средба на градоначалникот со другите градоначалници на Полог, се договорија дека со овој проблем треба да се носат сите општини и за истиот да се најде поиздржливо решение“, рече Јонузи.

Општината планира секој месец да лови по 20 кучиња за да ги засолни и да ги вакцинира.

„Во буџетот се предвидени средства за континуирано третирање на овој проблем, но во соработка со другите општини од Полог. Центарот за регионален развој веќе има предвидено проект за регионален центар за третман на кучињата скитници затоа што парцијалниот третман од страна на одредени општини е проблематичен бидејќи има појава на префрлување кучиња од една во друга општина“, рече градоначалникот Билал Касами.

Инаку, финансиските средства што општина Тетово ги издвои за овој проблем се пониски од лани, односно за годинава општината издвои 2 милиони денари, а лани беа издвоени 3,5 милиони денари. Да потсетиме дека во септември, кучиња скитници нападнаа четиригодишно дете од Мала Речица додека играло пред својата куќа и сериозно го повредија. Мораше да се хоспитализира.

https://meta.mk/portalb-kuchinja-skitnici-postojano-napagjaat-zhiteli-vo-tetovo-opshtinata-vetuva-reshenie/

ЈП "Лајка" да се прекрсти во ЈП "Идриз"...

ВО ТЕТОВО СЕ ПОТРОШЕНИ ПАРИТЕ И НЕМА КОЈ ДА ГИ ЗАЛОВУВА АГРЕСИВНИТЕ КУЧИЊА КОИ ВЧЕРА ИСКАСАА 5-ГОДИШНО ДЕТЕ



Уличните кучиња во Тетово никој не ги третира, ниту заловува ако се болни и агресивни, бидејќи биле потрошени парите за таа намена за годинава. Вчера, од глутница кучиња беше искаснато петгодишно дете од Мала Речица кое доби повреди по целото тело и главата, но кучињата кои го нападнаа не можат да се заловат за да се види дали се болни и агресивни.

Општина Тетово, бидејќи нема своја служба за третман на уличните кучиња, ангажира приватна ветеринарна ординација која ги заловува, стерилизира, лекува или еутанизира кучињата. За оваа намена од буџетот беа одвоени 3 милиони денари, што за голема Општина како Тетово е малку. Од приватната фирма која беше избрана на последниот тендер велат дека веќе не ги третираат кучињата скитници, бидејќи се потрешени парите предведени со тендерот.

„Нашата ветеринарна станица го доби тендерот и за оваа година, но пред еден и пол месец парите се потрошија и сега чекаме Општината да распише нов тендер. Досега сме третирале над 650 кучиња скитници во Тетово и околината, од што само со последниот тендер опфативме над 300. Според бројот на третираните кучиња и цената на третманот кој опфаќа заловување, прочистување и стерилизација и кој во просек изнесува околу 9.000 денари по едно куче, средствата се исцрпени и ние прекинавме со работа. Дали и кога ќе има нов тендер немаме никаква информација“, вели ветеринарот Рами Селмани.

Селмани не е сигурен дали повторно би се јавил на тендерот ако го распише Општината бидејќи, како што вели, имало многу работа, многу нервози, а и финансиски проблеми. Сепак вели дека вистинскиот начин да се реши проблемот со кучињата скитници е да се направи голем стационар, решение какво се применува во сите развиени земји.

За таков современ стационар зборува и Општина Тетово, но не кажува кога би се направил и колку пари би чинел.

„Во подготовка сме на проектот „Градење на општинските капацитети за имплементација на проекти“, финансиран од страна на Шведската агенција за меѓународна соработка (СИДА). Овој проект има за цел да се осврне на главните предизвици во локалниот развој и да ги поддржи капацитетите на општините, во изработката и имплементацијата на проектите за локален развој. УНДП во моментов бара искусна компанија за проектирање за поддршка на Проектот во изработката на документација за урбанистички и основен проект за изградаба на регионален центар за бездомни кучиња со прифатилиште“, велат од Општина Тетово.

Според последните информации од СВР Тетово, од почетокот на годинава во Тетовскиот Регион досега биле пријавени 54 каснувања од кучиња скитници, а во Гостиварско 36. Но, од полицијата велат дека овие бројки сигурно се поголеми, бидејќи дел од каснатите луѓе не го пријавувале каснувањето во полиција.

Од Општина Тетово побаравме и податок колку лица кои биле каснати од кучиња скитници ја тужеле Општината и добиле отштета, но таа информација никој не сакаше да ја соопшти.

https://sdk.mk/index.php/dopisna-mrezha/vo-tetovo-se-potrosheni-parite-i-nema-koj-da-gi-zalovuva-agresivnite-kuchina-koi-vchera-iskasaa-5-godishno-dete/

А бе мора да се најде решение, зашто вака веќе не оди. Во Скопје врие од кучиња-скитници.

Се согласувам со тоа стерилизирање до ниво да нема веќе улични кучиња иако има постоечки кои се преопасни за да бидат згрижени,за нив еутаназија е правилно решение.Она што ме зачуди,џукелите што ми се сипаа имаа жолти беџови или што и да се тоа на ушите,претпоставувам тоа значи биле вакцинирани против беснило ? или скопани...сеедно не беше пријатна случка посебно што беа оддалечени некои 15-20 метра и пак се сипаа,што значи се територијални и напаѓаат секој што ќе помине на одредено место.
Прилично голем проблем од многу агли кој мора под итно да се реши.


П.С. Спомна мачки,не сум баш љубител на мачки ама група мачки се безопасни,дури и корисни во бркањето глувци,така да,попрво би оставил по некоја мачка а нула улични кучиња,тој што си сака нормално нека си чува.

Edited by Vire - 21-Sep-2021 at 15:14

Не и текнало да Теута популистички да отвори некоја "Лајка,шајка"...
Мене ми се сипаа кај судовите кај МТВ две џукели,мали итоа се стрчаа накај мене а јас на поминување не ги ни видов мислев по нешто друго лаат,кога до нога ми дојдоа и им се раздрав се разбегаа.

Проблем се големите џукели што се во глутница,од нив и мажи и жени и деца можат да настрадаат,никој не сака јавно да посака нивна смрт затоа што ќе биде нападнат од баби-девојки и окарактеризиран како мразач на животни,а реално друго решение нема. Плус што градовите губат пари за плаќање казни на каснати луѓе.

Сѐ поголемиот број бездомни кучиња во Тетово им создава главоболки на граѓаните



Последниве денови кучињата скитници станаа кошмар за жителите на Тетово. Градските улици се полни со кучиња, кои често напаѓаат минувачи. Последниот случај беше нападот на петгодишно дете, кое се здоби со повеќе повреди од каснување на кучиња скитници, додека си играше со пријателите. Здравствената состојба на петгодишното дете е стабилна. Граѓаните се жалат дека се плашат да излезат на улица, бидејќи улиците и раскрсниците се преполни со кучиња.

И сами видовте како е детето. Тоа не ни треба, но ете, кучињата вредат повеќе од луѓето…“

„Многу сме исплашени, одиме со страв, верувајте. Се плашиме, видете колку кучиња има“…

„Ги гледаме и навистина е опасно бидејќи децата одат на училиште, ова се работи за кои треба да се преземат мерки“, реагираат тетовци.

Од општина Тетово велат дека досега се издвоени околу три милиони денари за третирање на кучињата скитници, додека најавуваат дополнителни средства. Компанијата, која се занимава со третман на кучиња скитници, вели дека во последно време има зголемување на бројот како резултат на нивното носење од другите градови. Властите бараат поголем ангажман на полицијата за да се спречи таквата појава.

https://alsat.mk/mk/s-pogolemiot-broj-bezdomni-kuchina-vo-tetovo-im-sozdava-glavobolki-na-graganite/

ОПШТИНА ВЕЛЕС ЗА ШЕСТ МЕСЕЦИ ИМ ИСПЛАТИЛА 35.000 ЕВРА НА ГРАЃАНИТЕ КОИ БИЛЕ КАСНАТИ ОД КУЧЕ

За половина година, од буџетот на Општина Велес се исплатени 2,13 милиони денари (35.000 евра) како
обесштетување за каснување од куче. Стигнале 34 пријави од оштетени граѓани.

„Дел од средствата се исплатени по пат на спогодба, дел по основ на судска пресуда. Како обесштетување од општинскиот буџет се исплатени вкупно 2.132.954 денари“, велат од локалната власт.

Лани биле исплатени 2,7 милиони денари за 69 случаи, во 2019 година 2,3 милиони, а во 2018 година 1,7 милиони денари за 58 претставки.

Во првите шест месеци од годината, на Инфективното одделение на велешка болница биле пријавени 26 граѓани кои побарале помош откако биле каснати од куче. Оваа бројка се однесува и на кучињата бездомници и на кучињате кои имаат сопственици, а такви случаи имаше неколку, според билтенот на СВР Велес.

„Исплатени се огромни суми од општинскиот буџет по тужби на граѓани, кои наместо за инфраструктурни работи, ги даваме за обесштетување“, вели градоначалникот Аце Коцевски.

Локалната власт го решава проблемот со бездомните кучиња во соработка со „Пансион Гиовски Тим“, со кого има склучено договор за заловување, стручен третман и грижа на кучињата скитници, кои потоа се враќаат назад на улица.

„Оваа пракса ‘залови, кастрирај, вакцинирај, пушти го‘ не дава резултати, тоа е евидентно. Потребно е залови и смести, да се изгради стационар, прифатилиште“, вели Димче Никушев, претседателот на здружението „Вила Зора канис“.

Здружението „Гласот на животните“ располага со стационар кој згрижува повеќе од 150 бездомни кучиња. Овој стационар, во сопственост на невладина организација, функционира на основа на донации од поединци и фирми и таму волонтираат членовите на здружението.

„Проблемот не се кучињата скитници, туку неодговорните сопственици, кои ги оставиле на улица“, вели Меги Ѓорѓиева-Ѓаков од „Гласот на животните“.

https://sdk.mk/index.php/dopisna-mrezha/opshtina-veles-za-shest-mesetsi-im-isplatila-35-000-evra-na-graganite-koi-bile-kasnati-od-kuche/