Паркови (општо)

Дали има некој информација каде точно локациски се наоѓа парков?

Originally posted by stef4o Општина Аеродром ќе плати речиси 500.000 евра за реконструкција на веќе постоечки парк https://telma.com.mk/2020/08/07/општина-аеродром-ќе-плати-речиси-500-000-евр/

По 2 години,парков е тотално запустен,дел од плочките се расклатени а игралиштево од постот откако го направија го држат под катанец.А многу од игралиштата се со искршени реквизити и уништена подлога.

----------------------------------------------------
МЕТАЛНАТА ВРАТА ПАДНА ВРЗ ГРБОТ НА МОЈОТ СИН, ИМА СКРШЕНИЦА НА Р’БЕТОТ:



Игралиштето во Аеродром е опасно подолго време, мајката на повреденото дете сведочи за Фактор

Безгрижната детска игра стана сериозна и тешка повреда на рбетниот столб на малото скопјанче, откако тешка метална врата од детското игралиште му паднала врз грбот. Мајката, Александра Живковска Савеска, која моментално заедно со својот син е на Интензивното одделение на Клиниката за детска хирургија проговори за неговата здравствена состојба и подетално раскажа за целиот инцидент.

-Направени се сите иследувања, направена му е компјутерска томографија која покажа скршеница на петтиот пршлен на рбетот. Освен тоа целиот грб му е модар, има и гребаници. Мора да мирува, лежи на даска и во ваква положба треба да биде два до три месеци. Нема да се интервенира хируршки за среќа, чекаме појас да му стават, за да може да ја тргнат даската, но целиот летен распуст ќе го помине вака, вели Савеска.

Инцидентот се случил завчера вечерта, посолува мајката, нагласувајќи дека веднаш повикале брза помош, а полицијата направила увид во текот на вчерашниот ден.

-Влезната врата од игралиштето беше откачена и само потпрена и во таква состојба беше оставена подолго време. Тоа игралиште е во Аеродром веднаш после Железничката станица, кај високите кули до фонтаната. Како трчале, деца ко деца, се бутнале во вратата и таа тешка метална конструкција му паднала точно врз грбот на мојот син. Навистина сме револтирани од тоа што од општината досега не е изреагирано по не знам колку апели од сите нас да се поправи вратата или да се тргне.

Пријавувано е неколку пати, што значи дека требаше да се случи ваква несреќа за да се преземат мерки. Тука има стотина деца, особено летно време, меѓу сиот овој бетон од висококатници, ова им е место за рекреација, за активности, вели мајката на повреденото дете.

Фактор стапи во контакт со градоначалникот на Општина Аеродром, Тимчо Муцунски, кој изјави дека е запознаен со несреќата на детското игралиште и оттаму добивме писмен одговор.

-Ние, како Општина, ќе ги преземеме сите мерки што се во наша надлежност да провериме за што точно станува збор и каде е направен евентуален пропуст од службите кои се грижат за безбедноста. Сепак, веднаш штом ја добивме информацијата за овој немил настан, службте во истиот момент излегоа на терен и ја санираа направената штета. Периодов активно работиме на обнова и реконструкција на сите детски игралишта на нашата територија, а еден од нашите главни приоритети е проверката на безбедноста токму на реквизитите кои се користат од децата. Истовремено, ја информираме јавноста дека Општина Аеродром досега во неколку наврати ги повикуваше и ги повикува граѓаните да ги почитуваат јавните површини и да се однесуваат совесно кон заедничките добра, затоа што тие се често мета на вандалски чинови, кои можат да имаат и лоши последици кон здравјето и безбедноста на жителите, велат од Општината Аеродром за Фактор.

https://faktor.mk/metalnata-vrata-padna-vrz-grbot-na-mojot-sin-ima-skrshenica-na-rbetot-igralishteto-vo-aerodrom-e-opasno-podolgo-vreme-majkata-na-povredenoto-dete-svedochi-za-faktor

Ги изедначија термините парк и сквер,секаде редат бекатон и клупи или пак само ќе посадат трева и нема никаква сенка.
Побитно е да се даде име на паркот отколку да се има некоја корист и сенки за во иднина.
Слично вака е и зеленилото околу новите згради,каде пред да почнат сечат огромни 50-годишни дрва.

Парков без ни едно дрво...

Уреден новиот зелен плоштад на кеј „Димитар Влахов“
На кејот „Димитар Влaхов“ е формиран и хортикултурно уреден нов зелен плоштад. Екипите на ЈП Паркови и зеленило го завршија уредување на зелената површина на кејот, со вкупна површина од 3.244 квадратни метри.



https://www.facebook.com/ЈП-Паркови-и-зеленило-Скопје-NP-Parqe-dhe-gjelbërime-Shkup-247235442093152

Да ми кажеше некој дека е ова некој УЧК споменик во Липково, скроз ќе поверував! Па добро бе до кога со овакви скверови, "плоштади", "паркови", што врска немаат, туку се само пералница на пари преку бекатон фирми?!




Edited by user8642 - 16-May-2022 at 17:26

од утре, четврток (5.5.2022), ќе биде ограден просторот познат како „Урбан Парк“.
На денешниот увид, од страна на инвеститорот „Лимак“, ми беше претставен проектот за тоа како ќе изгледа новиот парк, кој ќе се простира на површина од близу 5000 метри квадратни.









https://www.facebook.com/gerasimovskig

Урбана општина со испопаркирани автомобили на секој чекор, не личи баш на урбана општина. Прво нека изградат монтажни паркинзи, нека имплементираат паралелно паркирање, косо паркирање и слично, и конечно нека го решат проблемот со паркирањето во општината, а после има време и за други работи. Очигледно има пари, ама не сакаат во тоа да вложат и скоро сите забораваат дека тој сообраќаен хаос во однос на паркирањето директно негативно влијае на животната средина (барање слободно паркинг место подолго време од вообичаеното = повеќе издувни гасови, узурипирани тротоари/велопатеки = демотивација за одење пеш или користење велосипед, паркирање по диви паркинзи кои не се асфалтирани = дигање прашина итн.).

Извадок од видео, обновен парк Ќиро Крстев во Кавадарци