Здравствени институции (општо)

Ако не се лажам, во повеќето слични случаи во светот најчесто виновникот испаднал доводот за кислород. Баш пред неколку дена имаше оштетување на цевката кога луѓе се обиделе да ја сечат (веројатно за да ја украдат). Неблагодарно е да се коментира ваква трагедија, ама ДУИ се купче планинци со калашникови, и додека се на власт не ни може да се очекува нешто друго од нивната „експертиза“. И да даде оставка СДСМ, и да дојде пак ВМРО, ДУИ ќе си остане вечно. Лесна им земја на починатите, тоа е стравотна смрт.

ИМА ЗАГИНАТИ ВО ПОЖАРОТ ВО ТЕТОВСКИОТ КОВИД-ЦЕНТАР, СЕ УТВРДУВА БРОЈОТ, ПОТВРДИ МИНИСТЕРСТВОТО ЗА ЗДРАВСТВО

Има и жртви во пожарот кој го зафати Ковид-центарот во Тетово, потврди Министерството за здравство. Од таму велат дека станува збор за страотна несреќа, а во моментов се утврдува точниот број на лица кои загинале, на повредените и нивната состојба.

„Пожарот е веќе изгаснат и сите тимови од болницата се мобилизирани да дадат помош на повредените. Тие итно се транспортираат во Скопје за да им се пружи соодветна нега, тимовите на Клиника се мобилизирани. Министерот за здравство д-р Венко Филипче е во Тетово“, велат од Министерството.



Сашо Трајчевски, заменик-командир на тетовската противпожарна единица, за Алсат изјави дека се вадеа и жртви додека се гасеше пожарот, а пламените јазици беа огромни бидејќи модуларна е болницата и има пластика.

„Во 21 часот и 2 минути е пријавено дека гори модуларната болница во Медицинскиот центар во Тетово. Екипите, за 3-4 минути, нема повеќе, се пристигнати на лице место. Со околу 7 возила и над 30 пожарникари е учествувано од двете страни. Кога се екипите пристигнати беше целото во пламен. Значи тоа е внатрешно (почнато), не е надворешно. Се што е од наша страна е употребено. 21.30 е локализиран пожарот. Во 21 и 45 е ликвидиран комплетно“, рече Трајчевски.

Премиерот Зоран Заев, министерот за здравство Венко Филипче, министерот за внатрешни работи Оливер Спасовски и лидерот на ДУИ Али Ахмети беа во обиколка на болницата, разговараа и со роднините на лицата кои биле во болницата и чекаа пред изгорениот објект. Тие потоа заминаа на средба со градоначалничката Теута Арифи во Кризниот штаб на Општина Тетово.

Пред болницата се изнесени неколку колички на кои има тела покриени со бели чаршави.

Во тетовскиот модуларен Ковид-центар има 24 хоспитализирани болни, а во последниве 24 часа има еден починат од Тетово.

На 23 август, непознат сторител ја оштети цевката со која Клиничката болница се снабдувала со кислород. За среќа, беа оштетени само една помошна цевка од системот за снабдување со кислород, и една цевка наменета за довод на азотен оксидол. Главната доводна цевка за кислород, која била веднаш до нив и преку која со кислород тогаш се опслужуваа 120 пациенти кои беа хоспитализирани поради ковид-19, за среќа не беше оштетена. До денес не е пронајдено кој ги оштети цевките за кислород.

https://sdk.mk/index.php/dopisna-mrezha/ima-zaginati-vo-pozharot-vo-tetovskiot-kovid-tsentar-se-utvrduva-brojot-potvrdi-ministerstvoto-za-zdravstvo/

Рушење на старата амбуланта во Бутел за изградба на нова





https://www.facebook.com/velimiramsmilevski

Uste eden "tender" vo 4 ochi za Tenderbeg i Brako

Зел кредит од 2 милиони евра, па му кажале дека треба да доплати комуналии оти му ги згрешиле, па не му се плаќало ама на крајот ги платил (а во меѓувреме почнале градежни работи), па го фатиле дека градел без дозвола па решиле дека поради тоа нема да добие дозвола.

Реално една од малкуте професионални здравствени установи во Битола, дали е во право или не не знам, ама дека се апсолутно некомпетентни тие paper pushers во општината, тоа е факт.

И не сфаќам каде е грешката на општината тука, колку и да се општините утепани. Издале по грешка пресметка, се корегирале и му доставиле нова. Кога била грешката му било добро, сега не чинат.

БИТОЛСКАТА БОЛНИЦА „ПЛОДНОСТ“ СЕ ОТКАЖА ОД ДОГРАДБАТА ПО СПОРОТ СО ОПШТИНАТА



Наместо да ја доградува болница „Плодност“ во Битола, сопственикот Таше Трпчевски одлучи да се откаже од градењето и местото пак да го претвори во паркинг. Ова го соопшти на денешната прес-конференција истакнувајќи дека одлучил вака по несогласувањата со Општина Битола во врска со пресметките за комуналии и одолговлекувањето на постапката за градба.

„Дефинитивно се откажувам од оваа инвестиција, можеби во иднина ќе ја реализирам доколку некој умее да го цени она што јас го првам и да ги цени придобивките на градот и битолчани од оваа инвестиција. Јас сакам да ја изразам мојата длабока разочараност за тоа што градот не успеа да ме препознае, не препозна во мене ни инвеститор ни хуманист, ни професионалец од највисок ранг. Ќе вработевме нови 60 луѓе. Жал ми е е што немам простор да воведам компјутерска томографија и да отворам гастроскопија со колоноскопија“, рече Трпчевски.

Проблемот настрана минатата година, кога на „Плодност“ му беше доставена пресметка од 6.500 евра за комуналии кои ги плати, но не доби дозвола за градба, за по неколку месеци да дознае дека пресметката е погрешна и треба да плати уште 112.000 евра, на што се жалел до Министерство за транспорт и врски. Кога поднесол барање до Општината за нова премсета вели дека добил одговор да ја повлече жалбата, но иако го сторил тоа, до денес пресметака не добил.

Запрашан дали не се посомневал во грешка по првата преметка која била мала, одговори дека работата ја оставил на архитектите кои го известиле дека „пресметана е супер сума“.

Од Општина Битола соопштија дека остануваат доследни дека законот важи за сите и не може да се гради без градежна дозвола.

„Инвеститорот изминатиот викенд работел на градежни активности – отстранување на бесправната градба. Истото е констатирано на терен при извршениот вонреден инспекциски надзор“, соопштија од Општината.

Додаваат дека од нивна страна експедитивно брзо и во рамките на законските рокови е водена целата постапка се` до воочувањето на неправилноста, по што се преземени сите законски мерки. Додаваат дека за неправилноста во пресметката спровеле процедура на проценка на одговорност со внатрешна контрола и ревизија на постапката. По утврдената грешка не можеле да издадат одобрение за градба, зашто тоа е кривично дело.

https://sdk.mk/index.php/dopisna-mrezha/bitolskata-bolnitsa-plodnost-se-otkazha-od-dogradbata-po-sporot-so-opshtinata/

Жителите на Бутел бараат поликлиника – Смилевски: Стартуваме идната година



https://tv21.tv/mk/zhitelite-na-butel-baraat-poliklinika-smilevski-startuvame-idnata-godina/

Завршена гасификација на болницата „Мајка Тереза“ во Чаир, проектот вреден 17 милиони денари

Заврешна е гасификацијата на Специјалната болница по гинекологија и акушерство „Мајка Тереза“ во Чаир, што беше обележена како еден од најголемите загадувачи во Скопје, бидејќи досега се грееше на мазут. За гасифицирањето на болницата се инвестирани 17 милиони денари.

Министерот за здравство Ванко Филипче, кој денеска заедно со првиот заменик-претседател на Владата и министер за политички систем и односи меѓу заедниците Артан Грубим и мнистерот за животна средина и просторно планирање Насер Нуредини, беше во посета на болницата и истака дена дека станува збор за значеаен капитален проект со кој ќе се реши проблемот со загадувањето во тој дел.
– Досега оваа болница се грееше на мазут и беше еден од најголемите загадувачи во Скопје, се жалеа сите. Овие црни оџаци повеќе нема да функционираат. Поставени се панели на кровот коишто се користат да се загрее водата во бојлерите и посебен резервоар за гас којшто прима компримиран гас со којшто ќе се грее болницата во зимските периоди, но истовремено ќе се користи за топла вода, образложи Филипче.

Министерот за здравство рече дека вкупната инвестирана сума е 17 милиони денари со ДДВ.

-Мислам дека е многу значаен проект, посебно што во проектната единица кај нас во Министерството за здравство се разгледуваат и други проекти со коишто ќе продолжиме. Со поддршка на Светска банка разговараме за енергетска ефикасност и за други здравствени институции. Има инвестиција во кадар, инвестиција во опрема. Сеопфатно инвестирање во секој сегмент од болниците, посебно во овој каде што болницата повеќе нема да биде загадувач, ќе се загрева на гас, истакна Филипче.

Тој информираше дека резервоарот е направен такашто во тој момент кога ќе стигне и централната гасификација ќе може да се приклучи на доводните цевки.

https://tv21.tv/mk/zavrshena-gasifikatsija-na-bolnitsata-majka-tereza-vo-chair-proektot-vreden-17-milioni-denari/