Фудбалски стадиони во Македонија (општо)

Message Topic Search Topic Options Post Reply Create New Topic Printable Version

   Штип добива стадион каков што заслужува! (

Еден од најфудбалските градови во Македонија, Штип ќе добие нов модерен стадион, нешто што веќе подолго време се најавува, а наскоро ќе започне со реализација на проектот со кој овој град ќе добие фудбалски храм како што заслужува.

Градоначалникот на Штип, Благој Бочварски беше на состанок со раководството на Фудбалската федерација на Македонија (ФФМ), која ветила изградба на една од двете трибини на новиот стадион, откако градот Штип неодамна најави дека општината ќе изгради една нова трибина на стадионот.

На состанокот, Бочварски со федерацијата се договориле за заедничка реализација на комплетно нов стадион, кој ќе ги задоволува сите стандарди, па ќе може да биде домаќин и на европски мечеви, како и на мечеви на репрезентацијата.

„Во Фудбалската федерација на Македонија одржавме состанок со претседателот на ФФМ, Муамед Сејдини, дел од раководството на федерацијата и сопственикот на ФК Брегалница, Кирил Гогов. Од наша страна, информиравме за потребата од изградба на Градскиот стадион во Штип со нова, репрезентативна инфраструктура која би претставувала гордост за градот и ФК Брегалница, како еден од најголемите фудбалски брендови во државата. Проектот за новиот стадион го изработи Општина Штип, веќе е доставен во ФФМ, а федерацијата ќе ја разгледа целата техничка документација, ќе даде свои сугестии, а потоа нашата општина ќе издаде одобрение за градба. Исклучително сум задоволен затоа што добив позитивен одговор од страна на претседателот на ФФМ и подготвеност тие да ја финансираат изградбата на едната трибина. По завршувањето на изградбата, Општина Штип ќе започне изградба на втората трибина на новиот фудбалски храм на штипјани. Во наредниот период како Општина ќе ги преземеме сите обврски за отстранување на постоечката трибина од Градскиот стадион. Ова се навистина важни чекори кои ги превземаме за сериозен раст и развој на спортот во Штип, како еден модерен фудбалски град кој ќе биде пример за успешна спортска приказна во државата и надвор од неа„, изјави градоначалникот на Штип, Бочварски.

https://sport1.mk/