Министерот за транспорт и врски Миле Јанакиески заедно со двајцата директори на Железничките компании, Дерковски и Асани извршија увид во гардежните работи.  За рехабилитација на оваа делница се потрошени три ипол милиони евра. Завршен е и ремонтот на делницата Миравци- Смоквица.

Со реконструкцијата на двете делници во должина од 27 километри времето на движење на возовите за превоз на стока ќе се скрати за цел еден час, претходно ако движењето беше 4 часа и 15 минути просечни сега е 3,15 минути. Односно на овие делници порано брзината на движење беше 40 – 50 километри на час а сега просечната брзина ќе биде 100-120 километри на час изјави Миле Јанакиески министер за транспорт и врски

Во делот на овие реконструкции  на овие две делници што ги завршивме годинава и другата што ке се заврши идната година се завршува циклусот на инвестиции во коридорот 10, односно од тие 28 црни точки што ги имапше 28 се елиминирани изјави Ирфан Асани директор на МЖ Инфраструктура.

Двете делници се само првиот дел од предвидениот ремонт на 55 километри пруга на Коридорот 10 со финансиска поддршка преку заем од Европската банка за обнова и развој во висина од 17,6 милиони евра.

Наредниот месец ќе започне и ремонт на делницата Ногаевци-Неготино во должина од 31 километар.