Општинска зграда Аеродром

АЕРОДРОМ ЌЕ СЕ СЕЛИ

Општината објави оглас за привремено сместување на друга локација, оти пропаднаа двата обида за изградба на канцеларии со јавно-приватно партнерство

Општина Аеродром ќе се сели во нова зграда. Таа објави оглас за привремено сместување на друга локација, оти за сегашниот простор на улицата Венијамин Мачуковски плаќа кирија од 6.000 евра месечно. Сопственикот на зградата во која сега е сместена Општината, побарал во рок од 30 дена да се иселат, со најава дека се повлекува од договорот за изнајмување.
На новото месо, кое планира да го изнајми на минимум четири години, ќе биде додека не се изгради нова општинска зграда следната година.
"Новите канцеларии треба да се наоѓаат на територијата од мостот на железничката пруга покрај Вардар до булеварот Февруарски поход, покрај булеварите Видео Смилевски-Бато и Србија и покрај пругата која граничи со општините Центар и Кисела Вода. Колку точно ќе изнесува закупот, ќе зависи од понудата и од локацијата", вели Маја Манчевска, портпарол на Општина Аеродром.



Манчевска нагласи дека Општината ќе биде сместена под кирија додека не се реши изградбата на сопствено седиште, преку јавно-приватно партнерство.
"Досега имаше два обида за изградба на општинска зграда преку Министерството за транспорт и врски, но неуспешни, најверојатно, поради неатрактивност. Затоа сега се изработува измена на Деталниот урбанистички план, кој се очекува да се донесе до крајот на годинава. Во 2016 година одново ќе се објави повик за јавно-приватно партнерство", рече Манчевска.
Постојниот проект за нова општинска зграда предвидува објект на три ката, кои ќе бидат користени само за потребите на општинската администрација, односно во него нема да има дуќани за комерцијална намена.
Според проценките на Општината, вкупната површина на целиот објект е 10.964 квадратни метри, од кои 75 отсто деловен простор и 25 отсто гаражи, магацини и помошни простории.

http://www.vest.mk/default.asp?ItemID=10397AEBCAA9934FA70539B869310673

Уште еден обид, од пред десетина дена:

http://mtc.gov.mk/new_site/mk/storija.asp?id=3742



Мада поради пост-фестум поигрување и манипулирање, овие тендери со специјални услови сосема го изгубија легитимитетот, еве што вели во делот за регулирање на односите помеѓу општината и потенцијалниот инвеститор:

1.        Најповолниот понудувач е должен пред склучување на договорот за отуѓување на градежното земјиште предмет на оваа објава,во рок од 15 дена од завршување на јавното надавање  да склучи договор со општина Аеродром со кој ќе ги уреди правата и обрските  за изградба и реализација на деталниот урбанистички план за ГП 1.2 Детален урбанистички план локалитет Реонски Центар-УЕ А, на општина Аеродром, т.е. договор за изградба на  објект со намена В4 –јавни институции односно административна зграда за потребите на општина Аеродром. 3.       Реализицијата на градбата во рамките на градежната парцела 1.3, согласно одредбите за реализација на Деталниот урбанситички план локалитет реонски центар УЕ А“ може да започне и да се одвива  фазно, по завршување на изградба на административната зграда на општина Аеродором со ентерериерно уредување согласно изготвен основен проект со тех. број 43/11 од 06.2011 година за ГП 1.2

Е сега би било добро доколку некој може да објасни каква заштита претставуваат овие штуро дефинирани услови во пракса.

Originally posted by FoSsiL Хмм... да не ги утнале овие броевите на градежните парцели

Нешто дефинитивно утнале...
Мене ми личи дека збрката ја имаат направено оние од општина Аеродром:

Се продава земјиште во Аеродром, купувачите ќе треба да изградат и административна зграда за општината Вистинска рашомонијада од информации на Општина Аеродром и Министерството за транспорт и врски околу продажбата на атрактивно земјиште во Реонски Центар Аеродром. Во текот на денешниот ден министерството и општината излегоа со различни информации околу големината и бројот на градежните парцели и временскиот период за доставување на пријавите и продажбата на земјиштето, кое двете институции го поврзуваат со обврска на купувачот да изгради административна зграда за Општина Аеродром. Според податоците на Општина Аеродром, распишан е оглас од надлежното министерство на 25.2.2012 година, во кој се нудат три градежни парцели опфатени со ДУП „Ново Лисиче УЕ-А“, со вкупна површина од 2.640 метри квадратни или поединечна површина од 760, 930 и 950 метри квадратни, кои се продаваат по почетна цена од 5.000 денари за метар квадратен. На нив ќе можат да се подигнат објекти со приземје и кат, со вкупна висина до 7 метри. Од локалната самоуправа напоменуваат дека најповолниот понудувач на јавното наддавање ќе има обврска да изгради административна зграда и да и ја предаде на користење на општината. Од друга страна, Министерството за транспорт и врски денеска објави дека исто така со почетна цена од 5.000 денари за метар квадратен се нуди една градежна парцела со површина од 4.269 метри квадратни опфатена со ДУП „Локалитет Реонски Центар УЕ-А“. Предвидената намена е за комерцијален и деловен простор, а висината на објектот може да достигне 28 метри, односно приземје и седум ката. Според објавата на министерството, најповолниот понудувач ќе има обврска да склучи договор со општината за изградба на административна зграда за нејзини потреби на соседна парцела, во согласност со проект изготвен од страна на локалната самоуправа.   # Објавено на 20.03.2012 во категорија Вести. Тагови: Административни, Деловни, Комерцијални, Општинска зграда Аеродром, Скопје, Тендери и лицитации

http://www.build.mk/?p=13469

ОПШТИНА АЕРОДРОМ


Нова административна зграда

Министерството за транспорт и врски неодамна издаде објава за отуѓување градежно земјиште во државна сопственост, на кое, меѓу другото, е предвидена и изградба на нова административна зграда на општина Аеродром. Според објавата на Транспорт и врски, како дел од предвидениот ДУП, локацијата на новата зграда на општината треба да се најде на план локалитетот Ново Лисиче УЕ-А.

Најповолниот понудувач на јавното наддавање ќе има обврска да изгради административна зграда на општина Аеродром и објекти за мали комерцијални и деловни единици, а по изградбата треба да го предаде објектот на користење.

Отуѓувањето на земјиштето ќе се врши по пат на електронско јавно наддавање, а пријавите за учество на јавното наддавање можат да се достават до 3 април.

Повеќе детали можат да се добијат директно преку

ЛИНКОТ

ВЕЧЕР

ГОТОВ ПРОЕКТОТ ЗА НОВИТЕ ОПШТИНСКИ КАНЦЕЛАРИИ

Зградата на Аеродром без дуќани

Новиот општински објект, кој ќе се гради во Реонски центар, ќе биде на три ката и ќе се користи единствено за потребите на Општината, без други дополнителни дејности

Аеродром, конечно, ќе добие сопствени канцеларии. Проектот за новата општинска зграда е готов, па преселбата веќе се подготвува.
Со него е испланиран изгледот на објектот, кој ќе биде изграден во населба Реонски центар, во близина на новата пошта.
Канцелариите ќе бидат користени исклучиво за потребите на општинската администрација, односно во него нема да има дуќани за комерцијална намена.
Објектот ќе биде модерен и на три ката, а општинарите деновиве ја расчистуваат и локацијата каде што ќе се гради тој.
"Откако ќе се донесе измената на ДУП-от и ќе се издаде одобрение за градење, административната зграда ќе може да почне да се гради.
Основниот проект е дониран од Друштвотото за градежништво, посредување, трговија и услуги 'Диас Констаракшан'", изјавија од Аеродром.
Според проценките на Општината, вкупната површина на целиот објект е 10.964 квадратни метри, од кои 75 отсто деловен простор и 25 отсто гаражи, магацини и помошни простории. Според првите пресметки, за изградбата на општинската зграда ќе се потрошат 300 милиони денари.
Градоначалникот на Аеродром Ивица Коневски и општинските служби сега се сместени под кирија во зградата на фирмата "Брилијант".

http://www.vest.com.mk/?ItemID=75D6F3D11258324ABF78D1AABFAC107F