Оваа градежна компанија, која е прва што реализира тест на сигурноста со „вештачко земјотрес“ на станбена зграда во самостојна Македонија во соработка со Институтот за земјотресно инженерство и сеизмологија ИЗИИС, проектот го реализира по повод 50 години од скопскиот земјотрес.

На настанот присуствуваа градоначалникот на град Скопје Коце Трајановски, претставници на ИЗИС, инспекциски служби од подрачјето на Скопје и заинтересирани граѓани.

„На овој начин ја потврдивме гарантираната врвна безбедност на станарите во елитните станбени објекти, што 11 години ги гради „Адора инженеринг“ во Македонија. Како прв човек на компанијата, тврдам дека докажаната асеизмичка стабилност и цврстина на станбените објекти се должи  на употребата на најквалитетни градежни материјали по најсовремените стандарди, на што воопшто не се штеди, со 30 % повеќе железо и голема цврстина на бетон МБ 40. Поради тоа градбите на компанијата со висока геомеханичка стабилност од 100 мегапаскали, можат да издржат и јапонски земјотрес од големи размери, без жртви, на што се гордееме“, изјави Ванчо Чифлиганец, генералниот директор на Адора.

Елитниот станбен објект на „Адора инженеринг“, по вештачки пат, со симулирани вибрации беше разнишан со јачина од 5,5 степени според Европската макросеизмичка скала, што сепак се разликува од природен земјотрес.

„Добиените резултати и фактот што по повеќето вештачки земјотреси деновиве и денес, не предизвикаа никакви несакани последици, и тоа што тестирањето мина без ниту една пукнатина или оштетување на зградата, е потврда дека зградата издржа голем притисок и е асеизмички стабилна, како и другите станбени објекти на Адора“, изјави Михаил Гаревски, директорот на ИЗИИС и претседател на македонската и европската асоцијација на земјотресно инженерство.

Преку вибратори за вештачки вибрирања, по повеќе претходно  направени тестови, и мерења на 100 мерни точки, присутните на 10-тиот кат на станбениот објект, реално почувствуваа тресење со „вештачки земјотрес“, што хоризотално ја разниша зградата, но не резултира со никакви  оштетувања на градежната конструкција..

Чифлигаец им додели пригодни признанија за добрата соработка на градоначалникот на Скопје Коце Трајановски, на директорот на ИЗИИС и на професорот Предраг Гавриловиќ, по повод 50 години од скопскиот земјотрес.

„Адора Инженеринг“ деновиве започна со изградба на три нови елитни  станбени објекти во Скопје, во центарот на општина Аеродром.