Нова ограда на мост Гоце Делчев

Одлично би изгледале канделабриве на плоштад.

Само да илустрирам како виси пола ограда од внатрешната страна.

ВИКЕНДОВ ВРЕМЕН СООБРАЌАЕН РЕЖИМ НА МОСТОТ ГОЦЕ ДЕЛЧЕВ

---

Град Скопје ги известува граѓаните, дека во деновите 29.10.2011 (сабота) и 30.10.2011 (недела) година се воведува временсообраќаен режим, со целосно затворање на мостот во период од 06:00 часот до 18:00 часот.

Затворањето ќе се спроведепоради тестирање на динамички карактеристики со амбиент вибрации, со примена на усовршена технологија на мерење и обработка на податоци.

Испитувањата ќе се прават на северниот мост, кој ќе биде затворен за сообраќај, а сообраќајот ќе може да се одвива преку   јужниот мост. Потоа ќе се испитува јужниот мост, а сообраќајот ќе се одвива преку северниот мост.

Поради затворање на делови на мостот и неможноста безбедно да се одвива автобускиот превоз на патници, автобусите што сообраќаат на линии што водат преку мостот ќе бидат пренасочени по околната патна мрежа.

Поради отежнатите услови за движење по мостот,  се известуваат возачите и преостанатите учесници во сообраќајот да бидат крајно внимателни и да ја почитуваат поставената  времена сигнализација на мостот.

Испитувањата ќе се вршат во рамки на Нато – проект „Сеизмичко унапредување на мостови во Југоисточна Европа со иновативни технологии“ , а под надзор на домашни стручни институции.

http://www.skopje.gov.mk/ShowAnnouncements.aspx?ItemID=4585&mid=482&tabId=1&tabindex=0

Edited by N23 - 26-Oct-2011 at 13:11

Originally posted by lslcrew не е работата да се прави нешто по нечиј вкус и на една група луѓе да и се допаѓа, а друга да го мрази дизајнот... уметноста во дизајнот е да создадеш нешто што е пријантно и прифатливо за сите луѓе, а да биде оригинално, а не на мене оградава очи да ми вади, додека некој друг ужива во неа гајле ми е дали на некого му се допаѓала оградава или ја мразел едноставно не ја бива по повеќе стандарди, бидејќи си има начин како се прави и некој упорно го изигнорирал тој начин и решил да биде екстравагантен

друг пат не ми вади вака зборови од контекст, ако реплицираш, реплицирај барем на цела реченица или пост... ќе излезе сосема друга поента
гајле ми е лсл, затоа што можам и јас оградата да ја мразам по личен вкус, а да е сосема легитимна по дизајн... сега подобро ли е составено? сосема небитни се личните вкусови на разни индивидуи
не се работи за тоа авторот да дизајнира специјално студирајќи го посебно секој вкус кај секоја индивидуа, тој автоматски, користејќи се со „прирачникот“ ќе добие дело што ќе е прифатливо и за мене и за тебе, без разлика на тоа каков вкус имаме
имаше ли потреба од волку разложување сега?

Мост Гоце Делчев - минато, сегашност, иднина

1928 На местото на кое денес се наоѓа сегашниот мост, изграден е дрвен мост.

1962 Мостот е одвлечен од поплавата.

1970 Започнува изградба на денешниот мост.

1994 Мостот е главната артерија која ги поврзува двете страни на градот. Се појавуваат пукнатини, навлегува вода во внатрешната конструкција. Бидејќи не постои дренажен систем, водата не се излива. Утврдено е дека мостот почнува да пропаѓа. Започнува изработка на студија за рехабилитација.

2000 Преку мостот поминуваат околу 10.000 возила дневно. Преку француската амбасада обезбедени се средства за негова рехабилитација.

2001 Француската фирма „Фреисинет“ започнува со темелна реконструкција. Работите завршуваат во 2002. Дадена е гаранција од 10 години, под услов мостот да се одржува според напатствијата дадени од „Фреисинет“.

2009 Се најавува поставување на 4 статуи на лавови на мостот и нова ограда. Градот преку писмо поставува прашање до „Фреисинет“ за тоа колкава тежина може да издржи мостот. Испратен е следниот одговор:

Им објаснивме дека тоа не се прави така. За тоа колкава тежина може да поднесе мостот се изработува цел елаборат. Најголемиот проблем е што мостот не се одржува. На пример имаше челична врата која служи да се дојде до сајлите на мостот, но од градот ја завариле. Ние се сомневавме дека во десниот овален столб на мостот има вода, но тоа никако не можеме да го провериме. Што се однесува до најавеното поставување некакви лавови, проблем е тежината на спомениците и на која оддалеченост од мостот ќе бидат поставени. Ако тежината на тие споменици е само неколку тона, тие треба да се постават најмалку на 38 метри оддалеченост од мостот. Во спротивно се нарушува безбедноста на мостот.

Поради утврдени неправилности во врска со одржувањето на мостот според напатствијата од „Фреисинет“, фирмата ја повлекува гаранцијата.

Договорот со градот Скопје беше конкретен што сé треба да се прави за правилно одржување на мостот. Ако градот Скопје го почитуваше договорот, ќе важеше нашата гаранција до 2012 година.

Градот испраќа писмо и до Градежниот факултет со истото прашање во врска со тежината која мостот може да ја издржи. Одговор:

Доколку станува збор за релативно мало зголемување на товарот, би можела да се изврши замена на постојната ограда со нова, која нема да биде многу потешка од сегашната. Несериозно би било од наша страна без никаква анализа да го посочиме максималниот можен износ на товарот од оградата по еден метар, како што се бара во нашето писмо

2010 Поставени се статуите на 4 лавови на двете страни на мостот (надвор од конструкцијата но во негова непосредна близина).

2011 Поставена е нова ограда која според информации од градот е потешка за 7кг. од претходната.

2012 --> ???

Во истражувањето користев официјални документи на „Фреисинет“ и информации од неколку медиуми.

Originally posted by OKA Исто така, срдечни честитки за модераторите, кои ноншалантно си го самопрогласија муабетов за конструктивен, па ни го овозможија тоа задоволство, еве, и длабоко после полноќ.

Муабетот е добар - меѓу препукувањата човек ќе дознае и нешто. Нема белким модераторите да забрануваат дебати??

Можеби нема да Ви значи многу, ама...едно дестина часа наназад, кликам на нишкава, чисто формално колку за да не ми сигнализира дека имам непрочитан, пропуштен пост. Немам намера да читам Jerry Springer муабети, а верувам не сум ни осамен.
Исто така, срдечни честитки за модераторите, кои ноншалантно си го самопрогласија муабетов за конструктивен, па ни го овозможија тоа задоволство, еве, и длабоко после полноќ.

Originally posted by Dave Gahan   Во случајов мислам дека е непотребно наметната оваа дискусија и затоа и предизвикува вакви демек-хормонални расправи...испаѓа дека сите релевантни институции од периодот (вклучително и странски фирми и институции)паселе трева - е ама затоа сега, некој што му треба нова ограда (само Господ знае зошто)- тој е меродавен по сите параметри, вклучувајќи и естетски, за кои демек не треба очи да си вадиме...

Непотребно наметната во нишкава да, но дефинитивно е интересно да дискутираме за конструктивните и експлоатациски специфики на инфраструктурни објекти како мостот Гоце Делчев.

Не се сложувам дека за вкусови не треба да се дискутира...смешни огради ставајте си дома по куќите и оградите на дворовите, а за вакви објекти за јавна, општа употреба и тоа како треба да се дискутира...

Јасно е дека никој не треба да си го премолчи својот став, само велам дека е веќе безпредметно да се убедуваме едни други (односно да влегуваме во лични препукувања) за било што од СК2014.

Originally posted by gjoko искрено овие да ги наречам меѓусебни убедувања слабо ги читам,и ќе дадам коментар за оградата од мој аспект.

Се сложувам, личниве убедувања за стилот на СК2014 (помеѓу про и контра таборите) стануваат излишни и мислам дека убедувањето едни други треба да прекине и секој едноставно да си го кажува својот став без да се влегува во лични конфликти.

Но дискусијата која се разви за конструкцијата на мостот е навистина интересна и многу померлива од тоа дали оградата е убава или не.

Originally posted by lslcrew Младен, Дејв е сега баш ми докажавте дека неја бивало оградата. Младен па уште ми тури во уста аргументи од политичка природа кои не ги реков...

Не ја коментирам јас оградата воопшто, ионака се надевам еден ден пак да се промени.. Ќе си коментирам за конструкцијата, секако со осврт на тоа што во моментов се случува наоколу, бидејќи планирам да го бранам „крајниот минимализам“..

Тоа што најмногу ми се допаѓа кај конструкцијата на мостот е начинот на кој го остава слободен просторот под него и дозволува поврзување на Градскиот парк со централното градско подрачје. И кога пишувам поврзување, не мислам на тоа дека може да се помине, туку на оформување на просторна целина. Тоа го нема ниеден друг мост, напротив под некои е непријатно да се помине.

Би сакал да расчистиме дали зборуваме за мостот Гоце Делчев и баналната идеја за додатни столбови или општо за пристапот во градењето мостови, што отвара легитимна дебата.. Ете, за да не се расплинуваме или провоцираме..