Клучка Континентал

ova stranica ja najdov kaj http://www.skopje.gov.mk/images/File/Vesnik%20SKOPJE/Grad%20Skopje%20br.1.pdf  se zboruva za nekoj projekti ama pervata slika e od kluckata (golema slika) e ce bese poubavo ako tamu kaj krugot da imase jabuka so mak.zname a ne sjalici i tie kucarkite..... grdoooooo ama ok.....

super slika

Елена Мачевска

На скопскиот градоначалник Трифун Костовски в понеделник ќе му биде поднесена кривична пријава од адвокатот Зоран Георгиевски, кој тврди дека дел од клучката кај хотелот „Континентал“ е изградена на негово земјиште. За Георгиевски се спорни 60 квадратни метри, каде што се изградени тротоар и дел од скалите, а притоа, како што вели, за тоа никој не побарал дозвола од него. Тој обвинува дека неколкупати досега, додека клучката се уште се градела, се обидел да стапи во контакт со Костовски, но оттаму не добил повратен одговор за да се реши случајот. - На таа локација со брат ми поседуваме земјиште од 320 квадратни метри уште од 1924 година. Со узурпацијата на шеесет квадратни метри од моето земјиште буквално ми е уништена целата парцела. Главен виновник за оваа измама е градоначалникот Трифун Костовски и токму затоа ќе му поднесам кривична пријава, но и граѓанска тужба за узурпација на земјиште во туѓа сопственост - изјави Зоран Георгиевски, адвокат и сопственик на спорното земјиште. Тој тврди дека сега и да му понудат каков било договор нема да прифати затоа што добро го познава законот, но и цената од минимум 200 евра која се плаќа за земјиште во овој дел на градот. Бранко Трајчевски, од правната служба на Град Скопје, вели дека секој граѓанин доколку сака може да тужи, но пред суд, ќе мора да докаже дека бил во право. Од Одделението за односи со јавност на Градот, пак, ни одговорија дека до Секторот за просторно уредување и планирање пристигнало барање од страна на Георгиевски за експропријација, за кое допрва ќе спроведе постапка и ќе постапи во согласност со законот и одлуките на Советот на градот Скопје. Оттаму појаснуваат дека при подготвувањето на документацијата за клучката, Градот имал сознание дека дел од земјиштето е во приватна сопственост и за изградба на скалите на сопствениците им било исплатено обесштетување за 68 квадрати експроприрано земјиште. - За остатокот од земјиштето на кое е изградена клучката немаше индиции дека е во приватна сопственост, ниту, пак, за време на изградбата имало реакции од страна на некои сопственици. Клучката се градеше осумнаесет месеци, а барањето е поднесено пред околу еден месец - тврдат од Одделението за односи со јавност на Град Скопје. Скопскиот градоначалник вчера беше недостапен за одговор, со образложение од неговите стручни служби дека Костовски е зафатен со состаноци.