Улица Орце Николов

Originally posted by stef4o Тешко дека ќе се почитува освен ако нема казни,пајак или столбчиња по дел од тротоарите. Проектот може да е и феноменален ама во реалноста е сосема поинаку.

Е па ќе мора да му смислат решение за проблемиве т.е. некултурата зашто иначе џабе проектов што ќе се заврши, ќе биде само дополнителен хаос во однос на претходно.

Океј, ама дали ќе се почитуваат правилата? Еднаш поминав, автомобили беа паркирани на велосипедската патека и тротоарот.

Интензивно работиме на четвртата фаза од реконструкцијата на улицата „Орце Николов“.







https://www.facebook.com/sasha.bogdanovikj

Од понеделник целосно затворање на „Орце Николов“

Во понеделник, 12 јули, започнуваат градежните активности од третата и од четвртата фаза од реконструкцијата на улицата „Орце Николов“, а ќе се реализираат до 12 септември 2021 година. Поради изведбата на градежните активности се воведува нов сообраќаен режим на повеќе улици во Дебар Маало.

Во третата фаза се предвидува целосно затворање на „Орце Николов“ од раскрсницата со улицата „Наум Наумовски Борче“ до влезот на паркинг-просторот пред административните бараки на Општина Центар. Се предвидува целосно затворање на пристапот до Боемска улица, а улицата „Михаил Цоков“ ќе биде пренаменета во двонасочна и возилата што доаѓаат од „Илинденска“ ќе се движат низ паркинг-просторот пред Општина Центар за приклучување до улицата „Орце Николов“. Во оваа фаза улицата „Аминта Трети“ останува двонасочна како во претходните фази, а на улицата „Отон Жупанчиќ“ се воведува двонасочен сообраќај и забрана за паркирање возила. Улиците „Наум Наумовски Борче“, „Антоние Грубишиќ“ и „Радњанска“ ќе бидат еднонасочни во спротивен правец од постојниот сообраќаен режим.

Во четвртата фаза се предвидува целосно затворање на улицата „Орце Николов“ од влезот на паркинг-просторот пред административните бараки на Општина Центар до првиот влез пред Министерството за одбрана. На улицата „Дане Крапчев“ до раскрсницата со улицата „Дебарца“ се воведува двонасочен сообраќај и забрана за паркирање возила, а сообраќајниот режим на улицата „Антоние Грубишиќ“ оставува ист како во третата фаза.

Во претходните фази се реконструираа коловозните, пешачките и велосипедските површини, поставено е ново ЛЕД-осветлување и воведен е нов систем за модернизација на јавното осветлување. Во првата и втората фаза е поставена нова атмосферска канализација и вертикална сигнализација, ослободени се јавните површини и воведен е нов кружен тек на најкритичната точка на улицата заради намалување на сообраќајните незгоди на овој потег, смирување на сообраќајот и зголемување на безбедноста на улицата „Орце Николов“.

Апелираме до сите граѓани и учесници во сообраќајот да ги почитуваат измените во сообраќајниот режим во Дебар Маало и да бидат внимателни поради изведбата на градежните активности во наредните месеци.

Целосната реконструкција на улицата ќе се одвива во шест фази на површина од 7.182 квадратни метри, а инвестицијата за целиот проект изнесува 77 милиони денари, средства од општинскиот буџет.

https://nezavisen.mk/od-ponedelnik-celosno-zatvoranje-na-orce-nikolov/

Ајде сега на ред Ленинова. И тоа најглупавата шема во Скопје што неможам никако да ја разберам, таа дивата кафанска-кафичи логика. Незнам како можеше тие 100 метра така во тој правец да отидат. Ако Скопје покажало дека може да го среди кејот во однос на угостителите, и да ја среди Орце Николов, тогаш може и Ленинова.

Мислење за реконструкцијата на ул. Орце Николов

До: г-н Саша Богдановиќ, Градоначалник на Општина Центар

Сектор за уредување на градежно земјиште и заштита на животна средина

Сектор за урбанизам

Предмет: Мислење за реконструкцијата на ул. Орце Николов



Почитувани,

По завршувањето на првиот дел од реконструкцијата на ул. Орце Николов, група членови на НаТочак ја посетивме и извозевме по новите велосипедски патеки.

Конечно во реконструкција на една општинска улица е земен предвид целиот нејзин профил, а не само коловозот како што досега беше случај.



Водено е сметка за сите типови сообраќај и со тоа ул. Орце Николов ќе стане веројатно првата т.н. комплетна улица (complete street) во општинска надлежност во Скопје (слика 1). Веруваме дека ова позитивно ќе се одрази на многу аспекти на живеењето: изборот и правото на движење со различни превозни средства на граѓаните, квалитетот на живот на жителите, намалување на брзината и бучавата, зголемување на безбедноста и привлечноста на улицата за посетители, што ќе има позитивен ефект и на локалните бизниси.



Имаме позитивна реакција за тоа како се смени ликот на улицата. Со стеснувањето на коловозните ленти, ослободените пешачки патеки, новите велосипедски патеки и зелените острови со дрвја се добива многу попријатна улична атмосфера. Посебно го поздравуваме моментот на подигнати пешачки премини (слика 2) кои дополнително ќе го смират сообраќајот и ќе го олеснат преминувањето на улицата.

Нè радува и тоа што широчината на велосипедските патеки овозможува возење на два точаци еден покрај друг и придонесува за социјалниот аспект на возењето точак (слика 3).



Зачувувањето на постојните дрвја и формирањето на зелени острови каде што се групирани повеќе дрвја (слика 4) е одличен потег кој позитивно ќе придонесе за подобрување на микроклимата на улицата, а и ќе ги штити ранливите учесници во сообраќајот. Со забелешка дека во изведениот дел од улицата, неколку поединечни дрвја имаат оставено многу малку отворена почва околу стеблото што мислиме дека негативно ќе се одрази на нивното преживување и е спротивно на заложбите за “ослободување на дрвјата“ (слика 5).





Во однос на велосипедскиот сообраќај, имаме едно прашање и една забелешка за изведбата на ул. Орце Николов, како и една сугестија на ниво на Општина Центар.

1. Прашање за ул. Орце Николов

Потезите каде нема дрвја и зелени острови и кои се искористени како џебови за паркинг места, како граница со велосипедската патека имаат спуштен рабник што резултира со слободно навлегување на возилата на патеката (слика 6). Практично, како да сугерираат дека патеката е пристапна за автомобилите и да ги покануваат возачите слободно да влезат (?)

Што е планирано за да се избегне овој проблем? Дали се размислува за поставување на некакви бариери во облик на столпчиња или високи рабници на остатокот од улицата? Се надеваме дека овие бариери нема да одземат од корисниот профил на велосипедската патека кој има добра широчина.



2. Забелешка за ул. Орце Николов

Во однос на рабниците, при спуштање и качување на велосипедската патека, сметаме дека треба да бидат послеани и возењето да биде поглатко бидејќи моментално имаат мал раб и прекршување кое го прави возењето неудобно, а и не е по стандардите за пристапност (слика 7).



На само неколку метри од ваквите рабници со прекршен раб на улица Орце Николов, на самиот бул. Климент Охридски може да се забележат целосно слеаните рабници (слика 8) кои ги користи Град Скопје и кои овозможуваат целосно гладок преод од коловоз кон издигнат тротоар. Ова е исто така важно, не само за велосипедите, туку уште повеќе и за тротинетите и за лицата со посебни потреби.



Би било добро доколку Општина Центар се консултира со Град Скопје во врска со искуството за изведба на велосипедски патеки и пристапни тротоари и поуките да се земат предвид долж останатиот дел од ул. Орце Николов на кој што допрва ќе се изведуваат градежните работи, а на изведениот дел да се коригираат каде што е можно.

Забележавме и дека приклучувањето од велосипедската лента на бул. Климент Охридски кон велосипедската патека на ул. Орце Николов е практично да биде на уште едно место пред раскрсницата каде има висок рабник (слика 9).



3. Потреба од велосипедска мрежа на ниво на О. Центар

Очекуваме со изведбата на ул. Орце Николов да се увидат поволностите (набројани погоре) од ваков тип, комплетни улици. Очекувано е поединци и натаму да зафаќаат јавен простор предвиден за пешаци и велосипеди за бесправно паркирање. Тоа не треба да ја обесхрабри општината да го штити просторот од узурпација и да спроведува ред, да ја гарантира безбедноста и да води зелени политики.

Воспоставување на транспортен модел кој на прво место ќе го стави пешакот и Подготовка на План за подобрување на пешачкиот и велосипедскиот сообраќај во општина Центар се дел од мерките во Акцискиот план на Локалниот еколошки акционен план на Општина Центар (2019-2025) за кои е предложен и буџет и рок за реализација до 2025 (стр.157 и стр.158).

Во дописот испратен по електронски пат од НаТочак до Општина Центар во декември 2020 година (достапен како линк тука: http://natochak.blogspot.com/2020/12/2021.html и како прилог на овој допис), ова е второто од нашите 3 клучни и 2 дополнителни предлози до скопските општини: 2. ВЕЛОСИПЕДСКА МРЕЖА. Препорачаната димензија за растојание на велосипедски патеки и ленти меѓу себе изнесува 500 м за периферни делови на градот и нестанбени зони (или за примарна мрежа во урбани зони) и максимум 250 метри за станбени зони, препорачано и помалку, 100-150 метри.

Во случајот со ул. Орце Николов на пр. таа се планира на 100-200 метри од примарна велосипедска патека на бул. Илинден и тоа е одлично. Во насока на овие препораки кои се применуваат на европско ниво, очекувано е покрај подолжно, да се појават уште барем 2 велосипедски врски и попречно (север-југ) на населбата Дебар Маало помеѓу бул. Партизански Одреди и бул. Илинден.

Доволно е да се појават овие неколку главни издвоени велосипедски патеки/ленти на препорачаните растојанија и остатокот од маалото може да се реши како улици каде автомобилите и велосипедите ги споделуваат коловозните ленти (споделени ленти).

Само на овој начин, со достапна мрежа на блиско растојание од сечиј дом, велосипедскиот сообраќај ќе стане сигурна и сериозна опција во Скопје.

Се надеваме дека проектот со Орце Николов е само почеток на едно поинакво планирање на маалата низ општина Центар, со велосипедска мрежа, со смирен сообраќај и по принципите “град за луѓе“.

Со почит,

НаТочак
неформално здружение за урбан велосипедизам
За подобро вело - Скопје

e-mail: natochak@gmail.com
blog: natochak.blogspot.com
FB: facebook.com/NaTochak
TW: twitter.com/NaTochak

https://natochak.blogspot.com/2021/06/blog-post.html?fbclid=IwAR3qvMemx3wjHMXjqQybsMwQai2sATHrGWPCb2GqxfX0jCLh-3V4iz2L6d4

Денес беше извршена помасовна сеча на 15-тина дрва







https://www.facebook.com/MinisterstvoZaBezzhivotnaSredina

Вика, резиденцијална улица. Како може да биде резиденцијална, кога по цела улица има секакви бизниси, институции и што не? Тие вработени и сл. каде би се паркирале?

РЕНОВИРАНИТЕ ТРОТОАРИ НА „ОРЦЕ НИКОЛОВ“ ВО СКОПСКО ДЕБАР МААЛО ПАК СЕ ПРЕТВОРИЈА ВО ПАРКИНГ ЗА КОЛИ Градоначалникот на Општина Центар Саша Богдановиќ вели дека во моментов сликата е таква бидејќи е затворен вториот дел и жителите немаат каде да паркираат, но излегуваат на терен и казнуваат.(Фото: Фејсбук) Реновираниот дел на улицата Орце Николов во скопско Дебар Маало повторно е блокиран од коли. Пешачките и велосипедските патеки кои сега се изведени, наместо за пешаци и велосипедисти повторно се наменети за возила. Никој не се паркира палалелно во изведените џебови, туку како стигне. Пред две недели градоначалниците на Општина Центар и на Град Скопје Саша Богдановиќ и Петре Шилегов заедно со премиерот Зоран Заев одржаа прес-конференција означувајќи го завршувањето на првиот дел од улицата, која како што кажаа ќе биде најубава во Скопје, со место за пешаци, мајки со колички и велосипедисти. „Неубавите слики кои што ги гледавме, каде лица со посебни потреби со инвалидски колички се движеа по коловозот и мајки со деца во колички поминуваа само кога нема возила по улицата, полека но сигурно стануваат минато“, рече Богдановиќ на прес-конференцијата на 15 мај. Но, само неколку дена подоцна откако градежните машини се префрлија во вториот дел, сликата е иста како и пред реконструкцијата, узурпирани тротоари од коли. Градоначалникот на Општина Центар Саша Богдановиќ вели дека во моментов сликата е таква бидејќи е затворен вториот дел и жителите немаат каде да паркираат, но излегуваат на терен и казнуваат. „Штом се заврши и втората траса состојбата ќе биде поинаква. Секако дека нема да дозволиме да се паркира кој каде сака, ќе има ред, ќе поставиме одредени елементи долж улицата со кои ќе се спречи паркирањето на тротоарите“, вели Богдановиќ. Со проектот за реконструкција долж цела улица ќе биде воведено паралелно паркирање со изведба на т. н. џебови во кои ќе биде дозволено паркирање само за жителите на зградите, со оглед на тоа дека е намален бројот на паркинг места. Коловозниот дел на улицата е стеснет за околу метар и пол, со задржување на двете ленти за возила. Целиот зафат чини околу еден милион евра, средства обезбедени од буџетот на Општина Центар. https://sdk.mk/index.php/dopisna-mrezha/koj-kade-stigne-parkira-na-renoviraniot-del-od-ulitsata-ortse-nikolov-koja-trebashe-da-bide-oslobodena-od-koli/

pocekajte malce uste ne e otvorena ulicata oficijalno, sigurno ke staat stolpcinja.

Edited by xnx - 26-May-2021 at 10:50