Кружен тек кај Момин Поток

Голем метеж на крстосниците кај Момин Поток и „Хубо маркет“



Нервозни се возачите што секојдневно мораат да поминуваат по крстосниците кај Момин Поток и кај „Хубо маркет“. На терен има многу градежни машини, кои треба да направат клучка кај Момин Поток и кружен тек кај „Хубо маркет“, но динамиката се одвива бавно.

Улицата по која дневно поминуваат по 25 илјади возила е раскопана, со градежни машини и со колони возила кои чекаат да го минат овој дел до планираниот кружен тек што почна да се гради пред една и пол година.

Во исто време почна да се работи и клучката, но не се наѕира нејзиното завршување, бидејќи на терен машини го копаат ридот и земјата се преместува малку погоре. Изградени се некои пристапни делови од големиот и најсложен проект што го работел Градот. Сличен, но поедноставен проект за изведба беше оној на клучката кај хотелот „Континентал“, изградена пред 16-ина години.

Станува збор за огромен проект во вкупна вредност од околу 18 милиони евра, чија изведба ќе трае од две до две и пол години. Од Град Скопје велат дека нема никаков застој во изградбата на клучката и рокот за изведба е до февруари 2024 година.



Клучката кај Момин Поток е една од двете главни маршрути што ги поврзуваат северниот и јужниот дел од градот. Со цел да се намали сообраќајниот метеж на овој потег, се предвидува изградба на два кружни тека, при што првиот треба да ја замени крстосницата кај булеварот „8 Септември“ и улицата „Скупи“, а вториот треба да ја замени крстосницата на булеварот „Никола Карев“ и патот кон Визбегово, обиколницата и косовската граница. Од вториот кружен тек улицата продолжува до крстосницата со булеварот „Словенија“, каде што се поврзува со булеварите „Словенија“ и „Босна и Херцеговина“.



Вкупната должина на сообраќајницата меѓу двата кружни тека и до пред раскрсницата со булеварот „Словенија“ изнесува околу 1.600 метри. По должина на целата сообраќајница ќе биде поставено најсовремено ЛЕД-булеварско осветлување, како и пешачки и велосипедски патеки од двете страни на коловозот.

Проектот предвидува и изградба на два моста на реката Серава, која тече под оваа сообраќајница, како и изградба на натпатник во продолжение на булеварот „8 Септември“, над булеварот „Никола Карев“, со распон од 42 метри, потпорни ѕидови со вкупна должина од 2.000 метри, атмосферска и фекална канализација.

За непречено одвивање на пешачкиот и на велосипедскиот сообраќај, предвиден е пешачко-велосипедски натпатник над булеварот „Никола Карев“ и три подземни пешачко-велосипедски премини во рамки на денивелираниот јазол на спојувањето на булеварот „8 Септември“ со булеварот „Никола Карев“.

https://www.vecer.press/голем-метеж-на-крстосниците-кај-момин/

Ако не се лажам овој проект е со пари од ТАВ и како таков, во целост го менаџираат истите, градот Скопје само може да им асистира по потреба. Не би било лошо новинари од скопските поратали и медиуми да ги исконтактираат за динамиката на реализација.

Што ќе посееш, тоа ќе ти никне...

Originally posted by Џоле Овде горе се копа, веројатно поврзано со проектов:

од Гугл Мапс

Со проектов изгледа бавно им оди,секој ден е голем хаос тука(од твитер)

Кај Тојота

Не знам што е проблемот, јас ги гледам.

Две фотки од вчера, малце матни поради облачното време...

Originally posted by MKDSTRUGA ... Кое фајде би имала данела да закочи проекти...

Ќе го има истото фајде што го имаше Шилегов со одложувањето на мостот што требаше да биде тркало! Значи никакво! Го развлечка непотребно до наредни избори, како што сега Данела мисли дека со истата финта нешто ќе добие со влечкањето на мостот. Само гнев и негативни гласови, ништо неможе друго да добие.

Јас, како и повеќето тука, не сме ботови на дугме и критикуваме тоа што треба да се критикува. За разлика од многу "спијачи" што искачате како црви после дожд кога треба да се брани нешто неодбранливо.

Edited by user8642 - 28-Mar-2022 at 17:34