Kлучка Бит-Пазар

Се преместуваат кабли на Детелинката Кога ќе заврши преместувањето на подземната инсталација, ќе почне завршната фаза од изградбата на клучката, со асфалтирање и поставување рабници Изградбата на клучката во форма на детелинка на Бит-пазар десетина дена е во застој, бидејќи ЕВН врши дислокација на подземни електрични кабли. Градските власти велат дека наскоро треба да заврши дислокацијата на подземната инсталација, по што екипите на ГП "Гранит" ќе почнат со завршната фаза од изградбата на рабници за клучката. "Освен рабниците, ќе почне и подготовката за асфлатирање на потегот, односно ќе се гребе стариот асфалт и ќе се постави нов слој. Градежните активности на Детелинката на Бит-пазар ги правиме во координација со сообраќајната полиција, која дневно го утврдува времениот сообраќаен режим и поставува соодветна сигнализација", велат од Градот. Изградбата на Детелинката почна лани во ноември, и тогаш градските власти најавија дека ќе биде готова за четири месеци. Овој рок одамна е поминат, а сега од Градот не кажуваат кога очекуваат да завршат градежните работи. Со проектот за изградба на клучката Детелинка е предвидено да се реконструира натпатникот на Бит-пазар и да се изградат четири сообраќајни прстени, по кои сообраќајот ќе се одвива по системот вртење вдесно. Тоа ќе овозможи семафорите целосно да се исфрлат од употреба. За реализација на проектот во буџетот на Градот беа предвидени 40 милиони денари. http://www.vest.com.mk/?ItemID=DC76742DB9357F4487F4795BE31AFFAF

Да не знае некој дали се работи на клучкава, или се чека уште ЕВН?

Изградбата на „Детелинка“ според планот Според надлежните служби на Град Скопје, изградбата на клучката „Детелинка“ кај Бит-пазар се одвива според предвидената динамика. На сите четири краци на детелинката во делниците што не зависат од одвивањето на сообраќајот завршени се земјените работи, теренот е тампониран, подземните инсталации се целосно преместени, а се поставува и нова хидрантска мрежа за наводнување на зеленилото. Од Градот информираат дека се во постојани контакти со сообраќајната полиција околу регулирањето на сообраќајниот режим и дека веднаш штом ќе ја добијат дозвола, ќе се спроведе забраната за сообраќај, а изградбата на „Детелинката“ ќе помине во завршна фаза. По изградбата на клучката „Детелинка“, планирана е и обнова на надвозникот на Бит-пазар, за што во тек е јавен конкурс за избор на стручна организација која ќе изврши комплетен преглед на мостот, ќе ги утврди оштетувањата и ќе понуди решение за негова целосна санација. http://www.dnevnik.com.mk/?ItemID=159D2EEDC0A2CA45B52196D392B368F1

Подземни инсталации ги закочија работите на детелинката „Бит-пазар“ Градот и „Гранит“ ги чекаат ЕВН и „Македонска пошта“ да ги дислоцираат каблите Подземни инсталации на ЕВН и на „Македонска пошта“ ја запреа изградбата на детелинката „Бит-пазар“ на две локации. Градските власти и изведувачот „Гранит“ ги чекаат компаниите да ги обезбедат и дислоцираат своите кабли, кај пластичарите, односно под подвозникот. До нив веќе биле упатени и неколку усни и писмени апели побрзо да ја завршат работата за да може да продолжат градежните работи. Доколку се дислоцираат подземните инсталации од трасата, клучката „Бит-пазар“ во употреба може да биде ставена за најмногу еден месец, велат во Градот. За изградба на клучката, Градот Скопје одвои 40 милиони денари. Во меѓувреме, екипите на „Гранит“, со оглед на временските услови можат да работат бетонски работи, како и поставување на рабници, а асфалтирањето ќе почне кога ќе се вклучи асфалтната база. Во Градот најавуваат и промена на неколку сообраќајни режими на сообраќајниците, за кои, по претходно одобрение од Министерството за внатрешни работи, граѓаните ќе бидат дополнително информирани. Во Градот велат дека по завршувањето на детелинката „Бит-пазар“, на овие сообраќајници веќе нема да има метеж. Со изградба на детелинката целосно ќе се реконструира натпатникот кај Бит-пазар, по кој во иднина сообраќајот ќе се одвива по системот вртење само вдесно. Семафорите ќе бидат извадени, бидејќи нема да има потреба од вртење влево и вкрстување на сообраќај во спротивни правци. (С.Н.) http://www.utrinski.com.mk/?ItemID=12EC8A7A6C0BAF46A5CB539F72BFF613

Зошто па сега 7? Дијамантов ионака оди во историја. А со надвозников ќе живееме уште долго време.

Постоечкиов има 5 ленти, не 4 (непарен број на ленти е честа работа кај надвозници за дијамантски клучки)

Originally posted by mitatos pa toj most ,ili nadvoznik da go nareceme e mnogu star, ne deka ne e dobar ili stabilen , no koga se gradi nova klucka sega zosto da ostavime star most

Надвозникот реално е убедливо најскап дел од клучкава, а тоа е и воопшто правило за секоја клучка - премостувањата се најскапиот дел. Она што се работи е буквално минорен зафат во споредба со изградба на нов надвозник.

Но тоа не значи дека сум против изградба на нов надвозник доколку има реална потреба од тоа. Ама дури и во случај да има потреба и финансиите да не беа проблем, има друг огромен проблем - во конкретниов случај за да се гради нов надвозник прво стариот ќе мора да се урне, што значи долгорочно затварање на овој многу важен сообраќаен јазол. Доколку имаше адекватни алтернативи за сообраќајот, тоа ќе беше изводливо (тунелот под кале и врската со Булевар Климент Охридски, Булевар Хрватска, оформен Северен Булевар со поголем капацитет и слично...). Но во ваква ситуација кога исклучиво овој надвозник опслужува така голем дел од сообраќајот за не баш мал дел од градот, не можеме ни да помислиме да превземеме нешто порадикално со надвозникот. Едноставно тој мора да остане континуирано во функција.

Тоа истото за жал се однесува и на други круцијални проекти низ градов кои ќе бидат ѓаволско тешки за реализација затоа што чекаме да се натрупаат проблемите, а после кога ќе дојде нож до коска да мора да затвараме за собраќај клучни места без вистински алтернативи за пренасочување.


Edited by Cloverstack - 17-Feb-2009 at 19:00

Originally posted by mitatos ako ne go menuvaat mostot kluckava ne vredi nisto, a za toa deka e 90 % gotova e cisto laga od sigurni izvori posto pominuvam sekoj den od tuka.

Клучка со вакви димензии на некои клучни делови секако не вреди ништо

Инаку не знам што подразбираш под менување на мостот. Нов надвозник сигурно нема да градат, ама мислам се подразбира и беше најавено дека сегашниов ќе го поправат. Каков ќе биде обемот и квалитетот на реконструкцијата е веќе друго прашање...

Edited by vardar - 17-Feb-2009 at 12:48

Изградбата на Детелинка ќе заврши до изборите

Градските власти апелираат до граѓаните да го почитуваат воспоставениот привремен режим на движење со цел да се овозможи непречено одвивање на сообраќајот и да се заштити безбедноста на сите учесници во него

Изградбата на клучката "Детелинка" кај Бит-пазар викендов почна со засилено темпо. Според Коста Зекмановски, надлежен за надзор на изградбата, досега се завршени 90 проценти од градежните работи кои можат да се вршат без застои во сообраќајот и во моментов се подготвуваат услови за воведување на нов, привремен сообраќаен режим.
- Досега беше полесно бидејќи се работеше надвор од коловозите. Но, сега почнуваме со трасирање и со подготовка за асфалтирање на коловозите кои ќе минуваат во делот на сообраќајниците околу надвозникот. За таа цел добиено е одобрение за поставување посебен сообраќаен режим со кој фазно ќе се регулира соообраќајот, во зависност од тоа како ќе се изведуваат работите на коловозите. Изведувачот за секоја фаза ќе постави соодветна сигнализација, а за регулирањето на сообраќајот побарана е асистенција и од сообраќајната полиција. Утре ќе имаме состанок на кој ќе прецизираме кога ќе стартуваме, рече Зекмановски. Тој најави дека ако градежните работи се реализираат според предвидената динамика, изградбата ќе заврши до крајот на март.

Крстосницата на Бит Пазар, која претставува едно од најтесните сообраќајни грла во градов, ќе се трансформира во модерна клучка во форма на детелинка. Проектот предвидува изградба на четири сообраќајни приклучни правци во облик на прстени по кои сообраќајот ќе се одвива по системот вртење надесно, при што семафорите целосно ќе се исфрлат од употреба.
За клучката Градот подготви идејно решение и обезбеди 35 милиони денари, а градежните работи ги изведува фирмата Гранит.

Градските власти апелираат до граѓаните да го почитуваат воспоставениот привремен режим на движење со цел да се овозможи непречено одвивање на сообраќајот и да се заштити безбедноста на сите учесници во него.