Центар - Скопје

Message Topic Search Topic Options Post Reply Create New Topic Printable Version

Originally posted by stef4o

Дел 2 - Нови градилишта и парцели 

Се вршеше сеча на дрва на парцелата кај бивши Бургер Кинг на бул.Климент Охридски 

маркичка 2.2 од планот

на терен 

Жителите ќе се спасат од руината пред нивните домови, центарот на градот ќе се „збогати“ со уште една зграда

Во Деталниот урбанистички план Градска четврт Ц 04 – Дом на градежници на Општина Центар, донесен во 2021 година, на овој простор предвиден е објект за домување на приземје, шест ката и поткровје. Просторот е веќе ограден, теренот наскоро ќе се расчистува, по што ќе започне изградбата.

На местото на стариот напуштен објект, кои со години стоеше руиниран и преполн со ѓубре, лоциран покрај булеварот Свети Климент Охридски во центарот на Скопје, ќе се гради зграда. Просторот е веќе ограден, теренот наскоро ќе се расчистува, по што ќе започне изградбата .

Објектот, во кој на времето функционираше сендвичарница, последните неколку години беше со искршени прозорци и врати, преполн со ѓубре, а околината со израснато, запуштено и неуредено зеленило.

Жителите од околните згради постојано реагираа и бараа нешто да се преземе со објектот, а од Општина Центар објаснуваа дека станува збор за приватно земјиште и дека сопственикот законски е должен да го одржува и да се грижи за него.

 Со години е вака и секојдневно сѐ повеќе пропаѓа. Не само што е грдо на „око“, туку е и опасно. Прозорците се искршени, стакла искршени има насекаде околу, а да не зборуваме за ширење зарази, бидејќи внатрешноста е претворена во депонија. Не можам да разберам никој ништо да не преземе за да се тргне оваа урнатина од тука. Не е битно дали е приватно или државно земјиште. Не може во градов кој што сака да прави, мора да има некаков ред – реагира Мартин, кој живее во близина на руинираниот објект.

Одобрението за градење е издадено во октомври, а правосилно е од 14 ноември 2024 година. Инвеститори се скопските фирми ДПУ „Гарник“ и „Нов дом визион“, како и четворица граѓани, а ќе градежните работи ќе ги изведува „Декон-ком“ од Скопје.

Па така, центарот на градот ќе се „збогати“ за уште една нова зграда, а жителите на околината на овој начин ќе се спасат од руината и ѓубрето пред нивните прозорци, кога веќе сопственикот со години не се потруди барем да ја исчисти парцелата.

https://www.slobodenpecat.mk/zhitelite-kje-se-spasat-od-ruinata-pred-nivnite-domovi-centarot-na-gradot-kje-se-zbogati-so-ushte-edna-zgrada/