После 10 месеци изведба, успеавме да го отвориме градскиот зелен пазар, нов зелен пазар. За првпат изграден во општина Кавадарци после 60 години, изјави денеска градоначалникот на Општина Кавадарци, Митко Јанчев. -Заедно со советниците и со граѓаните на општина Кавадарци успеавме овој зелен пазар за десет месеци како што кажав да биде изграден. И тоа на три нивоа, по 2.300 м2, со 140 паркинг места, 170 тезги за пазарење соодветни по ХАСАП стандард, и 18 места за продажба со 6 разни либертини во делот на риба, месо, млеко и млечни производи. Така да денеска сакам да го поздравам и претседателот, Христијан Мицкоски на ВМРО-ДПМНЕ за неговото присуство. И сакам да кажам дека е ова една сериозна градба и една капитална инвестиција која што за жал во Република Македонија е се помалку се случува. И ова нека биде предизвик да почнеме да се движиме и напред и како држава, меѓутоа и како општина каде што во текот на наредниот период ќе објавиме уште две сериозни капитални инвестиции, нагласува Јанчев.

https://www.facebook.com/MitkoJanchev

Да се уреди просторот помеѓу ТЦ „Лиса“ и „Рептил“ и да се направи пазар



Жители од населбата Ново Лисиче бараат да се уреди празниот простор помеѓу ТЦ „Лиса“ и маркетот „Рептил“, којшто е ограден со лабава и ’рѓосана бодликава жица и за којшто велат дека е натрупан со ѓубре, а е во близина на основно училиште, парк и згради со многу деца и таму да се направи соодветен пазар.

-Овој простор е предвиден за пазар пред многу години, таму има и недоградена црква, која според план требала да биде завршена во 2012 година. На просторот веќе постои импровизиран пазар. Тоа значи дека има реална потреба од него. Околината е затрупана со отпад, црквата недоградена, заградена со бодликава жица која виси на сите страни. Зборуваме за близина на училиште и згради каде што има голем број деца. Освен што е нехигиенски и опасно за нив, сликата којашто ја гледаат секој ден не е добра за нивниот развој и животна перспектива. Треба да ги научиме на ред и чистота, ако сакаме истата да ја одржуваат и применуваат во животот – сметаат граѓаните.

Тие бараат: да се доизгради црквата во близина на пазарот, да се изгради зелен пазар во близина на црквата, на погодна локација за тоа, со тоа на луѓето кои се обележани како „диви пазарџии и препродавачи“ да им се даде шанса за достоинствен живот, да се исчисти околината од отпадот и редовно да се одржува хигиена на локацијата.

Притоа, граѓаните предлагаат доколку тоа не е изводливо и бара големи инвестиции и време, тогаш како привремено решение да се постави „дневен пазар“, како што постои во сите европски градови, каде што на локалните производители им е овозможено во одредени денови да продаваат сопствени производи, а по завршувањето на пазарниот ден околината да се чисти.

Од Општината Аеродром, во деталниот урбанистички план за Реонски центар на празниот простор меѓу „Лиса“ и маркетот „Рептил“ нема предвидено изградба на пазар.

-Дел од посочената локација е во сопственост на МПЦ, каде што е предвидена изградба на верски објект, а другиот дел е во приватна сопственост. Сепак, можност за изградба на пазар има на парцелата зад црквата, која е во сопственост на „Скопски пазар“, затоа што на таа локација е предвиден деловен објект со содржини од Б2, односно се дозволува изградба на продавници или затворен пазар – одговорија од Општина Аеродром.

Што се однесува до импровизираниот пазар, од локалната самоуправа велат дека општинските инспекциски служби редовно ја контролираат состојбата и ги опоменуваат граѓаните за диво поставените тезги.

https://www.vecer.press/да-се-уреди-просторот-помеѓу-тц-лиса/

Бетонирање на армирано бетонска плоча со две пумпи на Градски зелен пазар-Кавадарци







https://www.facebook.com/gradba.promet/videos/571629300979533

СКОПЈАНИ ПРЕДЛАГААТ: Бувљакот од Кванташки да се премести под Железничка

На Бувљакот, или попознат како Канта-пазар, кој се наоѓа кај Кванташки, му треба нова локација. Скопјани сметаат дека дел од просторот кај новата железничка, односно просторот под железничката би бил идеален за ваков вид на пазар.

– Сегашниот „Канта-пазар“ е далеку од центарот на градот и воопшто го нема шармот кој го имаат сите вакви пазари по големите градови. Дефинитивно му треба друга локација – е еден од предлозите на скопјани на интернет страницата „Мој Град“.

Оттаму оценуваат дека ова решение е многу добро, затоа што ќе овозможи побезбеден и поефикасен пазар за муштериите и дополнителни нови работни места за институцијата која ќе го стопанисува истиот.

– Дополнителна придобивка е што пазарот ќе биде покриен од самата железничка со што пазарот без проблеми би можел да се одвива и во услови на снег и дожд – сметаат од „Мој Град“.

https://www.vecer.press/скопјани-предлагаат-бувљакот-од-кван/

Зелен пазар од птичја перспектива







https://www.facebook.com/NatasaKotlar

Интензивно се работи на изградба на современиот градски пазар во Делчево. Во моментов во тек е поставување на челичната конструкција на покриениот дел од пазарот, а претходно на проектираната површина се завршени бетонските работи, а поставена е водоводната и фекалната канализација.
Изградбата на првата фаза од современиот градски пазар, капитален проект за Делчево, треба да заврши до декември оваа година.
Комплетно се обезбедени средства за дореализација на проектот современ градски пазар и за прва и за втора фаза од изградбата во висина од околу 35 милиони днеари. Воедно, сакам да истакнам дека станува збор за доста значаен проект за Делчево кое ќе биде уште едно место двигател на локалната економија и кој има регионално значење за Општината која е на крајниот исток од државата, каде доаѓаат посетители од соседна Бугарија, но и како транзитно место, често посетувано од граѓани од цела држава и пошироко.
Со реализацијата на овој проект, Делчево ќе добие современ градски пазар со целата инфраструктура, каде ќе бидат испочитувани сите критериуми за соодветно чување и продавање на храната и на најразновидната стока, како и соодветен паркинг- простор. Градскиот пазар е со површина на градежна парцела 11.599 м2 и површина за градење 6.944 м2 и содржи продажен простор за земјоделски производи, но и други стоки.









https://www.facebook.com/GoranTrajkovskiZaDelcevo

Бахаха, не е дека не е во право до негде. Малку си сака да си драматизира и преувеличува, но факт е дека пазарите во таква форма каква што се се навистина знак на сиромаштија. Друго е американски farmers' market, со farm-to-table и некакви си органски производства, друго е кај нас доодено бабе и деде одвај вадат пари за да преживеат. Греота е да се мачат за ич пари.

Кочани:
Се уредува зелениот пазар кај Автобуската станица

https://www.facebook.com/gpaarchitecture/

Ги уби овие зелените пазарчиња И јас се согласувам дека се одраз на сиромаштијата, но во САД и Западна Европа, од друга страна, тие се баш олицетворение на „имашност“. Купуваш био производи, farm-to-table и такви ми ти глупости. Треба да се најде начин да се подобри презентацијата, да не личат и да не смрдат на сточни пазари, туку да изгледаат попристојно од супермаркет.