Море море како се јуриша со вцртување на хотели на секое ќоше. Ова веројатно е навремена подготовка за сите оние силни туристи што ќе навалат да ги видат убавините на Скопје 2014 и традиционалните двокатни скопски автобуси  

Еве една листа на „идните“ хотели во Скопје од она што веднаш ми текнува, без особено да листам или да истражувам. Веројатно ќе пропуштам по нешто, но мислам и ова е доволно за да се стекне слика. Покрај посточеките, моментално се гради (ако може така да се дефинира нивото на активности и вкупниот прогрес до сега) и Радисон зад Рамстор, а и Соравиа Ресорт ќе содржи хотел. Но еве што следува наводно:

Огромен хотел на Плоштад Македонија
5 хотели на кејот на Вардар, под Кале, еден до друг
2 хотели на кејот на Вардар во населба Јане Сандански (овие од веста)
Хотел кај МОБ
Хотел на местото на печатницата Гоце Делчев
Хотел зад постоечкиот хотел Јадран
Хотел во комплексот Александрија
Кулите на G-Mall се спомнуваат со намена за хотелско сместување
Хотелско сместување зацртано во облакодерите карши Холидеј Ин
После фијаското со турската болница, кај Панорама пак ќе се правел хотел
Хотели кај „идните“ терени за голф во Петровец (како беше, три Хилтони и два Шератони или обратно? )... Лани имаше лицитација на 150.000 квадратни метри за еден хотел, ама не слушнавме како заврши 
Хотели на аеродромот Александар Велики (а да го видевме прво планот за претворање на аеродромот во транзитен а? бидејќи не се ломоти само за онакви мали хотели за потребите на екипажите, како најавениот на скајвингс...)

П.С.
Дури и Тинекс-Тодоровиќ начука хотел во трговскиот центар „катна гаража“ Зебра...

Ај баш да видиме до кога ќе се пумпа овој балон

Никој не сака да инвестира во антички хотел под Кале

Шест часа пред истекот на рокот за учество на лицитацијата нема заинтересирана компанија за парцелата

Ниту една компанија не е заинтересирана да гради ексклузивен хотел на просторот под Кале со фасада во антички стил на каква инсистира државата. Шест часа до истекот на рокот за пријавување на учество за лицитација, повик што го распиша Министерството за транспорт и врски, не била доставена ниту една понуда, па извесно е дека нема да се одржи ниту предвиденото јавно наддавање закажано за втори март.

Од Министерството набргу треба да одлучат дали и кога повторно ќе распишат тендер за оттуѓување на парцелата. Истовремено, надлежните велат дека ќе утврдат и дали ќе бидат распишани објави за продажба на локациите кои се во непосредна близина на локацијата наменета за хотел, имајќи предвид дека парцелите се државни, а урбанистичкиот план предвидува изградба на комплекс од пет ексклузивни хотели и други содржини. Останува нејасно на кој друг начин би се продале парцелите, со оглед на тоа дека актуелната власт е противник на оттуѓување на државна земја со непосредна спогодба.

Инаку, на продажба беше понудена парцела со површина од 4.745 квадратни метри, а објектот може да достигне висина до 14,5 метри. Утврдената почетна цена изнесуваше 6.600 денари. На повикот за продажба на парцелата, хотел со фасада во антички стил беше еден од главните урбанистичко архитектонски услови што би требало да ги исполнува инвеститорот. Надлежните образложија дека тоа, всушност, е наложено со планираниот изглед воопшто на сите објекти што се градат и допрва ќе се градат по течението на Вардар, за да се добие една целина. Фасадите на хотелите треба да се приспособат кон оние на Уставен суд, Театарот, музејот на ВМРО и другите во реонот од кои речиси сите ќе имаат антички примеси. (Дс.Т.)                                                                                                                                          http://www.utrinski.com.mk/?ItemID=F433189AD0571C46859CA27DE149BBFF   

Еве една штура денешна објава од министерството за транспорт и врски:

СООПШТЕНИЕ ЗА ПОВЛЕКУВАЊЕ НА ОБЈАВА - 25.1.2010 Министерството за транспорт и врски им соопштува на сите заентересирани физички и правни лица дека Јавната објава објавена во дневните весници Вечер и Време на ден 23.12.2009година, која се однесува за оттуѓување на градежно земјиште сопственост на Република Македонија по пат на јавно наддавање предвидено со Урбанистичи план наменето за изградба на хотел на Охридско езеро СЕ ПОВЛЕКУВА ВО ЦЕЛОСТ . http://mtc.gov.mk/new_site/mk/storija.asp?id=2276

Под соопштението има линк „Кликнете тука за да го погледнете целото соопштение“, но тој носи на The page cannot be found




Во отсуство на попрецизни информации, можеме само да шпекулираме дека можеби има некаква поврзаност со „аферата“ околу хотелот Окото на Охрид:

http://www.build.com.mk/forum/forum_posts.asp?TID=763&PID=50878#50878

Стара руина меѓу нови старински хотели Се најавуваат големи градежни активности на левиот брег на Вардар, каде што ќе се прават хотели што треба да се вклопат во амбиентот на Стариот театар и на музеите, но останува една полуразурната градба што не се вклопува во ниту еден амбиент, освен можеби во некој постапокалиптичен Левиот брег на реката Вардар се урбанизира. На старински начин. Тоа нема да ги опфати само државните градби во строгиот центар, како музеите, архивот или театарот, туку и тие што ќе се протегаат по линијата на реката кон лизгалиштето и кон поранешниот полигон за обука на возачи. Токму на ова место се предвидува да се направат пет луксузни хотели и една катна гаража, кои треба да се вклопат во архитектонскиот стил на музеите и на другите државни градби. Но еден објект на таа локација стои речиси цела деценија и не се вклопува во никаков архитектонски амбиент, освен можеби во некој постапокалиптичен. Тоа е зградата што заедно ја градеа јавното претпријатие за стопанисување со спортски објекти и фирмата „Рудине“, која недоградена и полуразурната се претвори во вечно градилиште на кое не му се гледа крајот. ДРЖАВАТА СИ УРНАЛА СВОЈ ОБЈЕКТ Зградата почна да се гради во почетокот од 2002 година, но по само неколку месеци од изградбата се донесе решение таа да се урне. Причината за тоа, како што се објаснуваше, беше бидејќи фирмата „Рудине“ не градела угостителско-спортски објект, како што се предвидувало во урбанистичкиот план, туку магацин за храна. Од јавното претпријатие тогаш испратиле предупредување до „Рудине“ да запре изградбата, но тоа не се случило и градежната инспекција почнала да урива. Таа скратила по 80 сантиметри од столбовите и ги пресекла железата во бетонот, за да оневозможи зградата да продолжи да се гради. Во овие случаи инвеститорот е должен да го дорасчисти плацот од урнатините, но овде тоа не се случи, бидејќи сопственик на земјиштето е државата, а градител на објектот приватна фирма и никој не се чувствува повикано. Фирмата „Рудине“ стопанисувала со објектите на јавното претпријатие уште од 1990 години. На градбата што се наоѓала на местото на сегашната карабина и се урнал покривот, а ЈПССО немало пари да го обнови, па затоа се договорило со „Рудине“ тие да го сторат тоа, а како замена да не плаќаат кирија. По неколку состаноци, фирмата одлучила дека е поисплатливо да се направи цел нов објект отколку да се реконструира стариот и се извадиле сите потребни дозволи за да почне изградбата. Но по само неколку месеци стигнало и решение за уривање, со образложение дека се градел магацин. Од фирмата „Рудине“ велат дека почнале да градат зграда што целосно соодветствувала со одредбите од урбанистичкиот план, бидејќи во неа требало да има фитнес-центар, хотелско сместување и ресторан, а не магацин. Во спортскиот центар требало да се вработат 50 луѓе. - Објектот што го градевме беше во сопственост на јавното претпријатие, значи државата си урна своја градба. Не ни е јасно како некој може да каже што ќе биде некоја зграда додека таа сé уште се гради, но се случи тоа што се случи - велат од „Рудине“. Краток период откако објектот бил онеспособен, Министерството за транспорт и врски го поништило решението за уривање. Веднаш потоа фирмата „Рудине“ поднела тужба и бара да биде обесштетена за нејзиниот влог во градбата. БЕЗ ИДЕЈА ЗА ИДНИНАТА Никој не знае што ќе се случува со објектот во иднина. Министерството за транспорт и врски веќе распиша јавен оглас за наддавање на дел од соседното земјиште, за кое треба да се најде инвеститор што ќе направи хотел. Изгледот на таа градба треба да го проектира самиот градител, но да го одобри посебна државна комисија, која има за цел да се осигури дека ќе биде запазен старинскиот стил. Руината, пак, сите ја заборавија. - Без разлика на најавите дека ќе има големи градежни активности за да се уреди целиот овој простор, со нас никој не контактирал за да се договориме што ќе се прави со објектот. Не знаеме ниту ние што ќе се случува понатаму, односно дали ќе се направи нешто на неговото место - велат од „Рудине“. Лична карта објект: „Рудине“ инвеститор: „Рудине“ и ЈПССО почеток на градба: почеток на 2002 година прекин на градба: крај на 2002 година изграденост: разурната карабина проблем: нерасчистени односи меѓу државата и ин веститорот    http://www.novamakedonija.com.mk/NewsDetal.asp?vest=12510105314&id=14&prilog=0&setIzdanie=21892

Edited by lslcrew - 25-Jan-2010 at 14:55

Руски инвеститор сака да гради хотели и казина

Голем руски инвеститор е заинтересиран за изградба на модерни хотели и казина што ќе ги привлече туристите да дојдат во нашата земја



Изградба на хотел и казино, подадена рака за гасификација, враќање на клириншкиот долг од 60 милиони долари, вклучување на нашите градежници на рускиот пазар, пласман на македонското вино, се само дел од најавените проекти за економска соработка меѓу Македонија и Русија. Кај руските инвеститори има голем интерес за вложување во Македонија, вели рускиот амбасадор во нашата земја Владимир Солоцински. Тој нагласува дека за големите проекти, како гасоводот „Јужен поток“, има место и за Македонија, за што потребно е да се постигне и меѓудржавен договор.

Русија е убедливо земјата од која Македонија најмногу увезува, и тоа пред Германија, Србија и Грција. Ваквиот примат ќе остане и во иднина бидејќи увозот од Русија од година во година покажува тренд на раст. Во 2008 тој изнесуваше 930 милиони долари, од што 97 отсто отпаѓа на увозот на горива. За досегашната соработка меѓу двете земји амбасадорот Солоцински вчера го одликува со медал министерот за транспорт и врски Миле Јанакиески.



По врачувањето на наградата имавте одвоена средба со министерот Јанакиески. За што разговаравте?

- Стана збор за цела низа прашања од дневен карактер. Во рацете на Јанакиески се сите локации за индустриски градби. Ако нема локации, нема да има ниту инвестиции.



Има ли конкретен интерес за некоја инвестиција?

- Секако. На средбата присуствуваше и Михаил Бортник, кој е еден голем руски инвеститор и има мрежа на хотели и казина во разни земји, како и во соседна Бугарија и Србија. Тој изрази интерес за изградба на хотел и казино и во Македонија. На тој начин ќе се зголеми туристичката понуда на земјата и дополнително ќе се привлечат туристи да дојдат во Македонија.



До каде е постапката со враќањето на клириншкиот долг?

- Се надеваме дека ќе го затвориме ова прашање до април годинава, кога планираме да се одржи состанок на Меѓувладина комисија за научно-техничка и економска соработка. Комисијата ќе се состане во Русија, а во нејзината работа ќе учествуваат претставници на повеќе министерства и институции. На состанокот лани во Москва меѓу вицепремиерот и министер за финансии Зоран Ставрески со рускиот вицепремиер и министер за финансии Алексеј Леонидович Кудрин постигнат е договор за регулирање на советскиот клириншки долг кон Македонија. Останаа да се прецизираат уште некои технички детали. Со тоа ќе се затвори едно отворено прашање во односите меѓу Русија и Македонија и ќе ни дозволи да се занимаваме со гасификацијата, што ќе придонесе за развој на индустријата и воопшто на економијата на Македонија. Очекувам до 2011 да бидат прецизирани сите проекти и да започне практичната реализација на гасификацијата.



Какви се шансите се вклучување на Македонија во проектот „Јужен поток“, односно еден крак од овој значаен магистрален гасовод да дојде и до нашата земја?

- Се работи за огромен проект во кој има можност за учество и на Македонија. Тоа е прашање на преговори. Планираме да одржиме меѓувладина седница за економска соработка. Еден ваков меѓудржавен проект, кој е скап, се остварува, освен од комерцијални интереси, и со договор помеѓу државите.



Дали досега имало барање од Македонија за учество?

- Директно обраќање немаше, но може да се постави тоа прашање и ние сме спремни да го разгледаме.



За кои македонски производи сметате дека може да бидат атрактивни за рускиот пазар?

- Главно се работи за традиционални прехранбени производи и вино. Потребно е да се создаваат заеднички руско-македонски претпријатија ориентирани кон извоз во Русија, но и во трети земји. За ова има интерес и нема политички пречки.     
      
Автор: Александар С. Димковски

Извор:НоваМакедонија

Па ете имаме доста лошо искуство. На крајот на краиштата целиот овој наплив на „стара“ архитектура е погрешен уште во корен. Која е поентата да се чекаат готови објекти за да се искаже негативен став околу тоа?

Barem i amerikancive ambasadata da ja napravea belata kukja so anticki stubovi

мислам дека најлошо е што не знаеме што не чека, нетранспарентноста на владата е таа што убива, објектите се познати само како маркици, а оставени сме на милост и немилост на медиумите кои секој ден си измислуваат нови стилови, нови зборови (не дека досегашнава „нова“ архитектура припаѓаше на некој стил, ама сепак)

Edited by zabegan - 14-Jan-2010 at 20:00

gorco, навистина, да не ја спуштаме дискусијата на тоа ниво со такви ругања

Штом се удри со тн. „антички фасади“ по кејот, има логика да се доврши тоа стилизирање на градот, инаку ќе биде каша-попара.

Само никогаш не ми беше до крај јасно што тоа значи „антички стил“, бидејќи ко што мене ми личи повеќето од објектите се со типична архитектура од 17-19 век (која пак влече црти од антиката, ама сепак со изразен австро-унгарски стил).