Ќе се гради пругата Белјаковце-Крива Паланка

Obrmеyer Hellas LTD е команијата што треба да направи проект за изградба на железничката пруга од Белјаковце до Крива Паланка- делот на Коридорот 8.

Денеска претставници од Македонски Железници и од Obrmeyer Hellas ќе потпишат договор за изработка на идеен проект.

Парите за изградба на пругата за овој дел се веќе обезбедиени, проектот треба да биде готов до крај на годината. Изградбата на делницата од Бељаковце до Крива Паланка ќе започне најдоцна во 2015 година, а ќе заврши во 2020 година. Се проценува дека ќе чини околу 145 милиони евра, од кои 2,5 милиони евра веќе се обезбедени како грант од ЕБОР со намена за изработка на проектна документација.

За делот од Крива Паланка до Деве Баир, кој е најтежок и најскап, Министерството за транспорт веќе поднесе барање до ИПА за обезбедување два милиони евра за изработка на основните проекти. Се проценува дека оваа делница ќе чини 332 милиони евра, кои треба да се обезбедат од ИПА, ЕБОР и од Европската инвестициска банка.

http://ekonomski.mk/?p=46832

Zatoa kruzerot se parkira na 500 metri od bregot

знаат да влезат и крузери,ама оние помалите и се закотвуваат околу 500 метри од плажата,и доаѓаат со кајчина на обала.на едниот од нив им отидов со пливање и обезбедувањето малку матно ме гледаше,но беа пријателски расположени со напомена да не се приближувам поблиску од 10 метри,бродот беше дански со патници од Норвешка

Епа јас колку што разбрав.. овие најголемиве бродови што се, пожелно е да се има длабочина поголема од 12 метри, ама од друга страна пак 70% од пристаништата се поплитки од 12 метри...

Од друга страна пристаништето во Драч (незнам дали пред или по продлабочувањето) е длабоко 11,5 метри

Датум: 27.05.2013, 17:42
ДРАЧ САKА СПОЈУВАЊЕ СО ВАРНА

Албанија бара пруга до Kичево и до Црно Море



Kорист од пробивањето на Kоридорот 8 ќе имаат стопанствата на трите соседни балкански држави бидејќи ќе добијат нови пазари и алтернативна транспортна рута за превоз на стоки и на луѓе со пониски трошоци

Паневропскиот транспортен Kоридор 8, кој ја поврзува Македонија со Албанија на запад и со Бугарија на исток, за неколку години ќе стане реалност бидејќи трите балкански држави по повеќедецениската зачмаеност ги отстрануваат пречките за негово завршување. Земјава веќе во соработка со Светската банка, ЕБОР, ЕИБ и со европските ИПА-фондови ги обезбеди потребните финансии за завршување на патните и на железничките делници, нашиот источен сосед Бугарија го привршува автопатот „Тракија“, кој ги поврзува Софија со црноморскиот град Бургас, а во Албанија се гради патната инфраструктура и се проширува пристаништето во Драч.

Од сево ова корист ќе имаат стопанствата на трите држави бидејќи ќе добијат нови пазари и алтернативна транспортна рута за превоз на стоки и на луѓе со пониски трошоци. Довршувањето на Kоридорот 8 е посебно значајно за македонските компании и транспортери, кои ќе добијат нов излез на море. Засега Солунското пристаниште поради непостоењето квалитетни патни и железнички врски е единствен исплатлив излез на море за нив, но токму овој монопол ги оневозможува да договорат подобри цени за прием и за испраќање стоки. Освен тоа, сметките на македонските компании им ги поматуваат честите штрајкови на грчките пристанишни и железнички работници или, пак, бирократијата на цариниците, со што им се создаваат дополнителни трошоци во транспортот.

Нова пруга

Албанија во изминативе години вложи десетина милиони евра за да ги продлабочи коритото од 8,5 метри и влезниот канал во пристаништето од кое сака да направи нова морска порта за земјите од Западен Балкан, а со тоа и за Македонија. Kако резултат на тоа, пристаништето во Драч значително го зголеми волуменот на обработка на стоки со контејнери и поради геостратешката положба и се очекува во блиска иднина, со добро менаџирање на капацитетите и на услугите, да се претвори во силно транзитно пристаниште. Според официјалните статистики на пристанишната управа, во 2010 година биле преработени 71.614 ТЕУ (единица мерка, која се користи за капацитетот во транспортот на контејнерите). Следната година количеството обработени контејнери се искачила на 78.327, а во 2012 година бројот се искачил на 83.194 ТЕУ.

Сепак, како што велат во пристаништето, транспортот со контејнери, кој е попрактичен и за испраќачите и за примачите на стоката, наидува и на тешкотии поради лошата инфраструктурата.

- Моменталниот железнички систем не може да се соочи со товарот што го ветува блиската иднина, а патничкиот транспорт се соочува со големи трошоци во врска со состојбата на патиштата и потребата за нивно постојано одржување - велат во пристаништето, од каде што очекуваат дека изградбата на железничката линија Лин-Струга-Kичево ќе овозможи поврзување на југозападна Македонија со пристаништето во Драч, а со тоа и излез на Црното Море и продолжување на транспортот на стоката со контејнери до Варна и до Бургас во Бугарија.

Пругата од гратчето Лин, кое е сместено на албанскиот брег од Охридското Езеро, до Kичево е со должина од 67,8 километри, од кои само 2,8 се на албанска територија. Во Македонија во тек е меѓународен тендер за избор на фирма, која ќе подготви детален проект, но и тендерска документација за изградба на пругата.

- Повикот се спроведува со финансиска поддршка од 8 милиони евра од ИПА-фондовите. Изготвен е евалуациски извештај за првата фаза, која претставува претквалификација на пријавените компании согласно со објавениот јавен повик и истиот е испратен до делегацијата на Европската Унија. По негово одобрување, претквалификуваните компании треба да достават понуди. Предвидено е избраната компанија да почне со работа до крајот на оваа година - вели Миле Јанакиески, министер за транспорт и врски.

Идната пруга кон Албанија е предвидено да биде во еден колосек и електрифицирана, преку која ќе се вози со брзини не помали од 100 километри на час.

Освен железница, Македонија ќе гради и автопат кон Албанија. При крај е проектот за автопатско решение за делница од Kичево до охридскиот аеродром, од каде што се двои патот кон Охрид и кон Струга. По прецизирање на делницата од 60 километри, ќе се почне со експропријацијата на земјиштето за овој западен дел од патниот Kоридор 8.

Kон Бугарија во 2020

Во правец кон Бугарија годинава ќе се обновува пругата од Kуманово до Бељаковце, за кои Македонија лани во август доби 46,4 милиони евра од Европската банка за обнова и развој (ЕБОР). За делницата од Бељаковце до Kрива Паланка потребни се 145 милиони евра за градежни работи. За делот од Kрива Паланка до Деве Баир, пак, кој е најтежок и најскап, ќе се бараат пари од ИПА-фондовите за изработка на основните проекти.

- Се проценува дека оваа делница ќе чини 332 милиона евра, средства што треба да се обезбедат од ИПА, ЕБОР и од ЕИБ. Се планира изградбата на оваа делница да почне во 2017 година, а проектот да заврши до 2020 година - вели Јанакиески.

Во соработка со ЕБОР, како гарант дека проектот успешно ќе биде спроведен, веќе е објавен повик за консултантски услуги за изградба на делницата Бељаковце-Kрива Паланка.

- Kонсултантот треба да обезбеди проектирање за дванаесет нови моста и за четири нови тунели, изградба на 33 километри од главната пруга и 7,5 километри станична пруга. Ќе треба да го провери статусот и да подготви ажуриран дизајн за дополнителни 25 моста и за 10 постојни, односно делумно изградени тунели - вели министерот Јанакиески.

Две варијанти за трасата

За железничко поврзување со Албанија преку делницата од Kичево до струшкото село Радожда се предвидени две варијанти, првата траса е Kичево-Извор-Ботун-Радожда, а втората Kичево-Другово-Велмевци-Брежани-Ботун-Радожда. Со втората траса се овозможува со доградба уште на околу 11 километри да се обезбедат врските Kичево-Радожда-Албанија, Kичево-Битола-Грција, Албанија-Битола-Грција, како и првиот железнички прстен Скопје-Велес-Битола-Kичево-Скопје.

МарЈан Блажевски

http://www.dnevnik.com.mk/default.asp?ItemID=9A7C5E42EDCFD741B0E3B37A0672C7A8

се утепаа од анализирање и проектирање... мислам дека Ајнштајн низ целиот свој животен век не анализирал толку многу колку овие...

Пругата Куманово – Бељаковце се уште чека рехабилитација…

Иако, според најавите,во првиот квартал од годинава требаше да почнат градежните работи за реконструкција на пругата од Куманово до Бељаковце, на терен се уште не е почната реализацијата на првата фаза од железничкиот Коридор 8. Во МЖ Инфраструктура велат дека доцнењето било предвидено во договорот, оти се работело за крупен проект

Се уште не се соопштува ниту името на градежната компанија што треба да ја изведува рехабилитацијата. Во МЖ Инфраструктура велат дека ќе се бира меѓу девет европски компании, а се очекува градежната оператива да ги започне планираните работи во септември.

„Два месеци доцниме со изборот на фирма, но сепак станува збор за крупен проект и доцнењето е предвидено.Имаше повеќе пријавено компании, од кои само девет влегоа во потесен круг и тоа се компании кои веќе работеле на многу вакви крупни проекти. Дел од нив настапија во конзорциум со домашни градежни фирми, но се уште се прави евалуација и објавата на избраната компанија ќе биде во септември кога и се очекува почеток на градежните работи“, вели Ирфан Асани, директор на МЖ Инфраструктура.

Рехабилитацијата на пругата во должина од 30,8 километри, според планот,  треба да заврши најдоцна до 2017 година. Парите се веќе обезбедени од Европската банка за обнова и развој, која лани и додели заем на државата од 46,4 милиони евра. Рехабилитацијата на пругата всушност ќе значи замена на шините и праговите како и санација на мостовите. На железничката траса од Куманово до Бељаковце се предвидени вкупно девет станици и стојалишта, а Куманово ќе добие уште една железничка станица, која ќе биде поблиску до центарот на градот.

Оваа пруга е дел од источната делница на Коридорот 8, односно првата секција од планираното железничко поврзување на Македонија со Бугарија. Ставењето во функција на железничкиот коридор 8 е од стратешки интерес за државава, а кога ќе биде завршен, ќе се протега од јадранскиот брег во Албанија преку Македонија до регионот на Црно Море во Бугарија, со што ќе се овозможи пристап и пократка рута до пристаништата.

Изградбата на делницата од Бељаковце до Крива Паланка ќе чини околу 145 милиони евра, а од Крива Паланка до Деве Баир дури 332 милиони евра. Овие пари уште не се обезбедени.

ЕБОР обезбеди и грант од 2,5 милиони евра за да заврши проектната документација и да може да се аплицира и за втората фаза од проектот, кој опфаќа изградба на пругата од Бељаковце до Крива Паланка.

Според анализата на сегашната состојба во сообраќајот и во транспортот, неопходни се вложувањата во железничката инфраструктура, посебно во Коридорот 8, кој низ Македонија треба да има должина од 317 километри и да ги поврзе Драч–Тирана–Скопје–Софија–Бургас и Варна.

Изградбата на делницата од Бељаковце до Крива Паланка ќе започне најдоцна во 2015 година, а ќе заврши во 2020 година. Се проценува дека ќе чини околу 145 милиони евра, од кои 2,5 милиони евра веќе се обезбедени како грант од ЕБОР со намена за изработка на проектна документација, која треба да биде готова до крајот на годинава. За делот од Крива Паланка до Деве Баир, кој е најтежок и најскап, Министерството за транспорт поднесе барање до ИПА за обезбедување два милиони евра за изработка на основните проекти. Се проценува дека оваа делница ќе чини 332 милиони евра, кои треба да се обезбедат од ИПА, ЕБОР и од Европската инвестициска банка.

Македонија има изградено само 154 километри од железничката пруга од Коридорот 8, што е половина од нејзината вкупна должина.

http://faktor.mk/archives/48927

Оффф мори мајко...кога гледам како нонстоп се пролонгираат работите за коридоров, се прашувам дали воопшто некогаш ќе се заврши...

http://www.mzi.mk/news-info.php?id=155&&cat=1
Ајде нека е на добро.

Инаку да не знае некој до каде е со тендерите за изградба и надзор на Куманово- Бељаковце ,бидејќи на страната на МЖИ нема информации а на претходната објава пишува дека треба да се знае до Мај.


Edited by daci92 - 12-May-2013 at 01:58

Originally posted by mr bombastic Originally posted by geny Междудругото знаете ли за изграждането на втора инфра жп линия имам предвид между България -Македония линията Благоевград-Кочани  Ние веќе повеќе од 20 години неможеме ни да мрднеме со коридорот 8, а камоли да почнеме со градење на втора линија кон Бугарија-мислам дека е тешко да доживееме вакво нешто...

Да се надоврзам со слика на твоите зборови... Сликата е преземена од мој пријател на Фејсбук.



Edited by Џоле - 05-May-2013 at 18:33

Originally posted by geny Междудругото знаете ли за изграждането на втора инфра жп линия имам предвид между България -Македония линията Благоевград-Кочани

Ова е речиси невозможно да се направи некогаш. Пругата Кочани-Велес е во катастрофална состојба, на неа не можат да возат стандардни локомотиви над 18т., максималната брзина е 50 км/ч и пругата завршува во Велес, а не во Скопје. Ако некогаш во иднина би се градела втора врска, тогаш јас би ја правел во насока бугарска граница-Струмица-Радовиш-Штип-Св.Николе-Куманово, заедно со постоечката врска Штип-Велес.