Карпош - Скопје

Има некој информација до каде е изградбата на овој објект и какви материјали се користени при изградба (квалитет)?

Тоа ТУ е веќе постоечки објект, половина е Германска амбасада, половина фирма за ладење „Ладење“

Во секој случај тука ќе се градат зградите. Денес прашав од тие што рушат, ми рекоа само дека ќе се градат згради и потпорни ѕидови позади поради брдото. Рокови, изведувачи и слично незнаеа да ми кажат

Originally posted by Cloverstack Djole88, за овој дел ли велиш?

Да со тоа што гледано од улица Трнодол па на исток, првиот објект е веќе изграден некои 3-4 години. Тоа е една грда каскадна зграда, ќе ја сликам деновиве. Повеќе личи на стар хотел или болница отколку на зграда. Е сега се чисти просторот кај што е прекршената портокалова маркица(не се разбирам, пиши што е тоа, ваљда е стамбен објект). На парцелите 5.1 и 5.2, кои се веднаш до каналот има куќи за кои што се збори дека ќе се срушат со цел сите овие станбени објекти да одат до Германската амбасада( тоа е крајната портокалова маркица).

Со оглед на тоа дека не се разбирам од урбанистички планови, можеш да ни кажеш што значат тие 3 парцели? портокаловата, 5.1 и 5.2. Односно што е дозволено да се гради на нив?

За цена најдобро да се обратиш до фирмата..си има на сајтот контакт. ИМО, 3-собните имаат потенцијал (што не значи дека се добри, ама имам видено далеку полоши, особено по новоградбиве ). Едино терасичкиве ми се многу бедни...не контам зошто е ко кибритче т.е. нема издадени тераси. И приметив нешто чудно кај еден 2-собен - од кујна се влегува во спална т.е. во дегажман кој води кон истата.

Околу името, за Порта Влае и Буњаковец имам оддамна чуено дека било планирано во проектот истиот објект да биде пресликан и од другата страна на Партизанска па затоа и името Порта. Тоа не било направено, од х причини, ама имињата останале... на која основа овој го добил истиот „префикс“ не ми е јасно.

Катастарот ги „заклучи“ армиските станови

Општина Карпош веќе еден и пол месец ги чека катастарските податоци потребни за продолжување на постапката за ДУП-от

Деспина Трајковска



Проектот за армиските станови е закочен во Катастар, а не во Општина Карпош. Според градоначалникот Стевчо Јакимовски, токму Катастарот неразбирливо се' уште не ги доставил податоците за сопствениците на дел од парцелите кај касарната за да продолжи постапката за донесување на предметниот урбанистички план. Иако од Карпош уплатиле 3.500 денари, средства на кои инсистираше Катастарот за да ги достави информациите, општинарите и по еден и пол месец немаат добиено ништо повратно.

„Ова сега е уште еден момент на необјасниво забавување на ДУП. Иако Катастарот се вадеше на неуплатени пари за податоци на сопствениците на парцели, сепак, и по нашата уплата уште на 12 јануари се' уште не ни се проследени податоците за да се продолжи постапката околу донесувањето на ДУП ’Илинден‘. Се прашувам, кој брза пред јавноста, а на мала врата го кочи процесот“, вели Јакимовски.

Од Агенцијата за катастар на недвижен имот вчера не ни беше одговорено на нашето прашање зошто Катастарот се' уште не и' ги доставил на Општина Карпош бараните катастарски податоци, кои се неопходни за да изврши излагање на земјиштето од ДУП, а со цел претходно да биде информиран секој граѓанин што има имот во атарот за кој се носи планот.

Токму на таква транспарентност, која не е вообичаена за сите донесени планови, инсистираа од советничката група на ВМРО-ДПМНЕ во Советот на Карпош. По излагањето, планот во постојната нацрт-фаза треба да ја помине јавната анкета и по разгледувањето на евентуалните забелешки, „спакуван“ во предлог-фаза, треба да оди на конечно одобрување пред Советот.

Инаку, овој ДУП, приоритетен за државата поради владиниот проект „Станови за АРМ“, беше причина за разгорување на страстите меѓу двете најголеми партии во Советот на Карпош. ВМРО-ДПМНЕ го обвинуваше Јакимовски дека свесно го кочи проектот, додека, пак, од СДСМ потенцираа оти токму коалицијата уште од старт стави сопка на ДУП од нејасни причини. Иако Општината експресно пред Советот го стави на разгледување планот во нацрт-фаза, тој на барање на советниците од ВМРО-ДПМНЕ беше симнат од дневен ред со образложените дека, наводно, треба да се доработи.

Од друга страна, пак, за да докаже дека токму Владата е таа што го кочи проектот од само за неа познати причини, Јакимовски го посочува фактот дека ДУП бил на ревизија седум месеци и во меѓувреме се пропуштила можноста за негово донесување во скратена постапка.

„Момент што Владата до неодамна го криеше во крајна конспирација, наспроти сите наводни залагања околу проектот, е дека планот го чувала во фиока седум месеци, односно од јули 2009 година до 5 февруари 2010, и тоа очигледно од нејасни причини. За да биде злото поголемо, иако ДУП ’Илинден‘ беше на приоритетната листа проекти што требало да се донесат со законот за итна постапка, односно во една фаза, таа (не)свесно го промаши терминот на важење на тој Закон - до 20 јануари 2010 година. Проектот ни го вратија 15 дена подоцна од тој термин, со што сама си ја ‘минираше‘ брзината на донесување на ДУП, па сега е принудено тој да се донесе побавно, поточно во две фази“, објасни Јакимовски.

http://www.utrinski.com.mk/?ItemID=DE34DFC3724F1A4796747ABCF05223F5

Козле, ова е у мое маало...

http://www.karpos.gov.mk/images/dup/2009/dup-kozle-a.gif

Бидејки одамна поминав - некако вака ми делуваше...

Горчо извини за која чистина збориш. Може мапа? Го повредува ли коридорот што го постирав или не? И дали си сигурен за што станува збор на градилиштето?

Горчо ме заинтересира за што точно зборуваш, и на мое изненадување кога отворив во ГУП-от, во овој дел поместена е трасата, најверојатно во интерес на Реплек уште пред многу години. Еве што вика ГУП-от. Сликава е 2010-та година (понова е од Гоогле Еартх) и има едно градилиште се гледа, за тоа ли?