Мост кај МНТ (првично планиран со Панорамско трк.)

https://www.facebook.com/petreshilegov

Се надевам наскоро целосно ќе го средат овој потег,еднаш веќе конечно да ги тргнат тарабите и да заличи местово,инаку мостов не е нешто посебно чинам оградата требаше да биде стаклена а незнам што им се оние куќарките на втората фотка лево,трафики ли,сендвичари ќе ги прават?сосем непотребно и грдо би било ако е така.

Originally posted by FT Мостот не е толку битен, што се однесува до мене може и вечно да остане затворен, околината е УЖАСНА.

Да, се согласувам дека просторот наоколу е ужасно запуштен, но мислам дека штом ќе го пуштат мостот (а можеби и пред тоа) ќе се среди и околината, гледам дека го чистат кејот после мостот кај хотел Александар Палас, не би било проблем и тука да се зачисти, да се поткастрат грмушките и да се среди.

Мостот не е толку битен, што се однесува до мене може и вечно да остане затворен, околината е УЖАСНА.

Сликано пред еден час, сајлите на мостот се осветлени, првпат го гледам тоа (сликав со мобилен, така што квалитетот на снимката е крш):

Изградбата на мостот никако да заврши, кејот непрооден шест години



Од едната страна лимени табли со кои е заграден недовршениот објект – копија на некогашниот Офицерски дом, а од другата страна тараби со кои е ограден влезот на мостот каде што требаше да биде сместено панорамското тркало, а меѓу нив еден метар широка каллива и неосветлена патека по која минуваат граѓаните, кои се движат покрај Вардар. Вака некако со години изгледа овој дел во најстрогиот центар на Скопје.

Доколку некој се реши од плоштад да тргне накај Градскиот парк, одејќи покрај Вардар, мора да помине по оваа патека која води кон паркингот на МЕПСО, затоа што движењето долу на кејот е невозможно заради оградите од мостот. Пешачкиот мост што се протега над реката до Македонскиот народен театар навидум е готов, но сѐ уште не е пуштен во употреба.

Градежните работи се во финална фаза и наскоро ќе бидат целосно завршени. Поради корона-пандемијата градежните работи беа забавени и затоа се одолговлечи процесот. Во моментов се вршат некои финални занаетчиски работи (плочки, браварија и слично) – велат од Град Скопје, без да прецизираат кога мостот ќе се пушти во употреба, со што ќе се овозможи нормално движење на пешаците во овој дел.

Мостот почна да се гради пред шест години и на него требаше да биде поставено панорамско тркало заедно со неколку придружни содржини. И овој објект, како и сѐ друго од проектот „Скопје 2014“ требаше да биде со барокен изглед.

По доаѓањето на власт на новата градска гарнитура на чело со Петре Шилегов, првичната идеја беше мостот да се урне за да се ослободи коритото на Вардар, а со тоа да се намали и опасноста од излевање на реката. Потоа Градот реши сепак да не го урива мостот, затоа што увиде дека уривањето би чинело исто колку доградбата. Град Скопје склучи договор со ГП „Бетон“ мостот да се догради по пониска цена од онаа во претходниот договор, односно наместо 7, Градот да доплати 3,1 милиони евра. Па, така, пред година и пол почнаа градежните работи за негова доградба како висечки пешачки премин, со сајли наместо столбови во реката и со проѕирна ограда за да не го попречува видикот од Камени мост кон мостот „Гоце Делчев“.

До почетокот на годинава целосно беше исчистено коритото на реката од градежен шут и од бетонските столбови на кои требаше да стои панорамското тркало. Остана да се постават уште пристапни рампи и да се завршат некои ситни зафати, па според Шилегов, мостот пролетта требаше да биде отворен за пешаци. Сега од Град Скопје повторно велат дека работите се при крај, но повеќе не кажуваат кога ќе биде пуштен во употреба мостот, со што кејот би станал прооден, и конечно би се тргнале грдите лимени огради.

https://www.slobodenpecat.mk/izgradbata-na-mostot-nikako-da-zavrshi-kejot-neprooden-shest-godini/

Нешто ново тука?

Неодамна приметив некои градежни работи на овој мост.
Мислам или местеа, или мачкаа нешто, неможам баш да се сетам, ама изгледа за мостов има уште работа.

Добро бе, центар на град наводно, тоа коритоно на Вардар уште крокодили да се појават, Кејон под музејон обраснат, мислиш се наоѓа во напуштено село во Мариово. Поради вакви слики се нервирам кога ќе некој ќе почне да релативизира за граѓаните, кога очигледно е дека градските власти со прст не мрднуваат за општата состојба во градот.

Да не зборувам за затворениот Кеј со години. Ругло, беда. Едните почнаа, другиве абер немаат да расчистат, и така, мизерија.

Аман бе, нека го отворат веќе

Edited by The Wild Boy - 20-Jul-2020 at 11:44