Зграда за јавна администрација и ФДУ

Originally posted by jyvation

Каде ѝ е левата нога?

Абе зошто навреда за класицизмот? Тоа си е само наша слободна интерпретација на класицизмот. Инспирирано од класицизмот, не баш дека е класицизам.

Си имаме ние наши верзии од се, од класицизмот, од модерната архитектура (избери која било бљувотина од нова модерна станбена зграда, како Гранд Престиж со рефлектирачките стакла).

Да имавме некоја јака модерна архитектура, или јакa урбанa култура, или јаки стандарди во било која друга категорија (школи, болници, универзитети, технологија), па да е чудо што ваква карикатура некој ни ја продава за класика. Ама тука ништо нема чудно. Се си е во склоп со останатото.

Колку што е нашата модерна архитектура модерна и архитектура, колку што ни е урбаната култура ем урбана ем култура, толку е и барокот наш прав барок.

Таман се зградичкиве. Ајт сеа вие.

Па, да. Една од карактеристиките на класицизмот е симетријата и правилните пропорции, во суштина, сето она што е спротивно на Скопје 2014.

Апсолутно се согласувам со тебе. Неверојатно грда и асиметрична зграда, вистинска навреда за неокласицизмот. Ова спаѓа во т.н. „турбо-фолк неокласицизам“.

никогаш не ми стана јасна потребата од тоа фасадата да биде половична... сфаќам дека се работи за посебни институции, ама или нека им изградат посебни објекти, или нека направат усогласен „унифромиран“ објект... вака на ништо не личи... особено со тие збунетите просори што не знаат на колку спрата се наоѓаат

Еве ја и причината..

ФИНАНСИИТЕ ПРЕЧKА ЗА ДОВРШУВАЊЕ НА ЗГРАДАТА KАЈ ЦРKВАТА „ПРЕСВЕТА БОГОРОДИЦА“

ФАСАДАТА ПРИ КРАЈ, ЕНТЕРИЕРОТ ЌЕ ПОЧЕКА



Финансиските средства се пречката што повеќе од две години се гради административната зграда до црквата „Пресвета Богородица“, потврди Васил Доневски, директор на Службата за општи и заеднички работи при Владата на Македонија.

Во објектот треба да се сместат десет државни институции, но и Драмскиот факултет.

- Оваа градба се изведува полека, во согласност со приливот на финансии. Наредната година, ако има средства, комплетно ќе се доврши. Не сакаме да заглавуваме ако нема средства - изјави Доневски и додаде дека во моментот се работи на фасадата, која е при крај.

Ќе се оформат сали за обука и мали театри

Според него, потоа на ред ќе дојде внатрешното уредување, ентериерот, односно поставување плочки, мебел и друго. Сепак и тоа ќе биде сложено, бидејќи, како што објасни тој, се работи за специфичен објект.

- Ќе треба да се оформат сали за обука, еден вид мали театри, а се работи и за специфична опрема. И тоа бара време - образложи Доневски.

Објектот почна да се гради во април 2012 година, а рокот за конечно завршување беше октомври 2013 година. Освен парите што се појавиле како кочница, втората причина за одолжување на работите биле и тендерите, појасни директорот. Едниот се однесувал за изградба на карабината на објектот, а вториот за фасадата, но и двата одзеле време.

Во овој објект, освен факултетот за Драмски уметности, ќе бидат сместени: Бирото за судско вештачење, Управата за јавни приходи (големи даночни обврзници), Агенцијата за планирање на просторот, Дирекцијата за спречување перење пари, Државниот девизен инспекторат, Државниот завод за индустриска сопственост, Националната агенција за европски образовни проблеми, Бирото за регионален развој, Технолошко-индустриските зони и Агенцијата за цивилна воздушна пловидба.

Административната зграда има приземје, седум ката и поткровје. Површината за градење изнесува 2.126 квадратни метри, а изградена е површина од вкупно 19.134 квадратни метри.

Подземна гаража за 130 возила

Паркирањето е решено со подземна гаража на две нивоа со капацитет за околу 130 возила. Секоја од државните институции, а и Факултетот за драмски уметности, ќе има посебен влез, без разлика што ќе бидат сместени во истата зграда.

За изградбата на објектот до карабина беше ангажирана фирмата „Гранит“ за сума од над 19,9 милиони евра, а за фасада се ангажирани „Бетон“ и „НИПРОМ Николов Петре“ од Струмица. Според склучените договори, точниот износ за изведба на фасадата е околу 5,5 милиони евра, односно 340 милиони денари, односно околу 4.353.398 евра добива „Бетон“ и 1.159.305 евра „НИПРОМ Николов Петре“ од Струмица.

БИБЛИОТЕКАТА И СИНОДСКАТА ЗГРАДА ОСТАНАА ИДЕИ НА ХАРТИЈА

Во комплексот „Пресвета Богородица“, според урбанистичкиот план за тој реон, освен плоштад, зад храмот беше предвидено да се гради и библиотека на Македонската православна црква, во која ќе се чува хундусот на нивните вредни книги. Исто така, планирана е и изградба на седиште на Синодот на МПЦ. Тие ќе се градат со средства од Црквата. Предвидената библиотека и синодска зграда с` уште се само идеја, без конкретни детали дали и кога би се граделе. Нема никаква одлука на Синодот. Од МПЦ за детали упатија на митрополитот Тимотеј, портпарол на Синодот, но тој не сакаше да зборува и надлежноста ја префрли кај МПЦ.

http://www.dnevnik.mk/?ItemID=D8B5B2161E57F140BFB54FA336BE1AC2

Задниот и страничниот дел...

DSC06376 by george k. 1981, on Flickr

DSC06377 by george k. 1981, on Flickr

Овде се гледа и малку од предниот дел...

DSC06378 by george k. 1981, on Flickr