Radisson Blu Skopje

МИНИСТЕРСТВО ЗА ТРАНСПОРТ И ВРСКИ

ПОВТОРНА ОБЈАВА

за јавно наддавање за оттуѓување градежно земјиште сопственост на Република Македонија

за изградба на хотел

ПРЕДМЕТ НА ЈАВНОТО НАДДАВАЊЕ

Предмет на јавното наддавање е градежно неизградено земјиште, сопственост на Република Македонија, предвидено со урбанистички план  со намена : хотел, деловен објект, банка и трговско деловен центар , кое претставува дел од: КП бр.151/5, 152, 153, 154, 155, 156, 157, 158, 159, 161, 160, 162/1, 162/2, 163 и 2904/3  сите во КО- Центар 2 со вкупна површина од  4.930 м?, наменето за изградба на хотел.

Минимум услови што треба хотелот да ги исполни се условите соддржани во Правилникот за категоризација за угостителски објекти (кој е усогласен со ЕУ стандардите за хотели и угостителски објекти), објавен во “Службен Весник на РМ” бр.16/2006 - Прилог 1, во кој се објаснети условите кои треба да ги исполнува хотел од прва категорија со 5 ѕвезди што е предмет на јавното наддавање.

ПРАВО НА УЧЕСТВО

Право на учество на јавното наддавање имаат:

ФИЗИЧКИ И ПРАВНИ ЛИЦА

Лицата учесници треба да го исполнат условот за поседување на ланец на хотели, да поседуваат договор за франшиза со лица кои поседуваат ланец на хотели или деловна соработка која обезбедува ексклузивно право за употреба и припадност на носители на ланци на хотели.

Под ланци на хотели се подразбира поседување на минимум 250 хотелски објекти со категорија од 4 или 5 ѕвезди.

Како доказ за исполнување на условот потребно е да биде приложен доказ за сопственост на ланец на хотели, односно доказ за сопственост на правниот субјект кој поседува ланец на хотели, договор за франшиза склучен со лице кое поседува ланци на хотели (во овој случај и доказ за сопственост на хотелите на лицето со кое е склучен договор за франшизата) и доказ дека врз основа на франшизата има изградено најмалку еден хотел или договор за деловна соработка од кој ќе се утврди дека постои правото да се користи стандардот на лице кое поседува реномиран ланец на хотели, со доказ дека врз основа на претходно склучена деловна соработка има изградено најмалку еден хотел со горенаведената категоризација.

Лицата кои нема да приложат доказ за поседување на ланецот на хотели, односно доказ за сопственост на правниот субјект кој поседува ланец на хотели, договор за франшиза склучен со лице кое поседува ланци на хотели (во овој случај и доказ за сопственост на хотелите на лицето со кое е склучен договор за франшизата) и доказ дека врз основа на франшизата има изградено најмалку еден хотел или договор за деловна соработка односно соодветен договор за соработка и дека врз основа на овој договор има изградено најмалку еден хотел, ќе бидат исклучени од јавното наддавање, односно нивните понуди нема да бидат предмет на разгледување.

Договорот за франшиза склучен со имател на ланци на хотели или договорот за деловна соработка со имател на ланци на хотели треба да биде потврден со изјава од овластено лице на самиот имател на ланци на хотели со кој е склучен договорот при што Министерството за транспорт и врски го задржува правото да ја провери веродостојноста на горенаведените договори.

Сите горенаведени документи треба да бидат доставени во оригинал, а доколку се на различен јазик од македонскиот истите да бидат преведени и заверени кај овластен нотар.

Најповолниот понудувач е должен да ја заврши изградбата во рок од најмногу 24 месеци сметано од денот на добивањето на дозволата за градење, која ќе ја обезбеди во рок до 6 месеци од склучување на договорот за отуѓување на градежното земјиште. Овие два услови ќе претставуваат една од основните одредби на самиот договор за отуѓување на градежното земјиште. Во договорот исто така ќе стои дека ако купувачот не ги исполни условите утврдени во договорот се смета дека се откажал од договорот, истиот е еднострано раскинат, банкарската гаранција ќе биде активирана, а уплатените средства нема да му бидат вратени.

УСЛОВИ ЗА УЧЕСТВО НА ЈАВНОТО НАДДАВАЊЕ

Заинтересираните физички и правни лица поднесуваат пријава за учество на јавното наддавање, согласно условите од Објавата, во затворен плик со назнака на пликот “за јавно наддавање за оттуѓување на градежно земјиште” комплетирана со следните докази:

1.      Доказ за платен депозит

2.      За физичките лица уверение за државјанство

3.      За правните лица доказ за регистрација на правното лице од соодветен регистер

4.      Доказ за сопственост на ланец на хотели, односно доказ за сопственост на правниот субјект кој поседува ланец на хотели, договор за франшиза склучен со лице кое поседува ланци на хотели (во овој случај и доказ за сопственост на хотелите на лицето со кое е склучен договор за франшизата) и доказ дека врз основа на франшизата има изградено најмалку еден хотел или договор за деловна соработка и доказ дека врз основа на овој договор има изградено најмалку еден хотел

5.      Изјава уредно заверена кај овластен нотар, дека доколку учесникот биде избран за најповолен понудувач на јавното наддавање, во рок од 15 (петнаесет) дена по изборот за најповолен понудувач, ќе достави банкарска гаранција во висина од 1.000.000,00 евра, од реномирана банка со добра класификација и со најмалку „Б“ кредитен рејтинг, наплатлива безусловно на прв повик за навремено и квалитетно завршување на објектот предвиден за градба на градежното неизградено земјиште, кое е предмет на јавното наддавање, а која гаранција ќе трае до завршување на изградбата на објектот.

6.      Уредно полномошно за полномошникот што го претставува правното лице, односно доказ за својството овластено одговорно лице на правното лице.

                                                                                                ПОЧЕТНА ЦЕНА

Почетна цена на јавното наддавање изнесува 8.000,00 денари од метар квадратен.

ДЕПОЗИТ

1. Депозитот  за учество на јавното наддавање изнесува 3.000.000,00 денари.

            2. Депозитот се уплатува вирмански или преку пошта на Буџет на Република Македонија, Народна Банка на Република Македонија, сметка 130010025669613, Приходна шифра и програма 733111-10 со назнака “депозит за јавно наддавање за оттуѓување на градежно земјиште”, за предметот на јавно наддавање;

            3. Депозитот се враќа на подносителите на пријавите за јавно наддавање кои ќе се откажат од учество во јавното наддавање, како и на учесниците во јавното наддавање кои не понудиле најповолна цена, во намален износ за трошоци на постапката во износ од 5 % од депонираните средства;

            4. На понудувачите чии понуди не се прифатени им се земаат податоци на записник што ќе послужат за враќање на депозитот во согалсност со Објавата на начин на кој е извршена уплатата.

РОКОВИ

            Пријавите за учество на јавното наддавање можат да се достават до 23.07.2007 година на адреса на Министерството за транспорт и врски: ул.”Црвена Скопска Општина” бр.4, во Скопје.

            Јавното наддавање ќе се оддржи на ден 26.07.2007 година, во 11,00 часот, во просториите на Министерството за транспорт и врски.

ПОСТАПКА

1.      На денот на јавното наддавање учесниците се легитимираат со лични исправи (лична карта или патна исправа) и уредно полномошно за полномошниците.

2.      Јавното наддавање согласно горенаведените услови може да отпочне и ќе биде важечко и доколку за предметот на објавата се јави само еден учесник кој ги исполнува потребните критериуми и уплатил депозит за јавното наддавање.

3.      Јавното наддавање го спроведува Комисија  формирана од Министерот за транспорт и врски.

4.      Наддавањето почнува со јавно соопштување на почетната цена утврдена во Објавата од страна на Комисијата.

5.      Наддавањето се врши “чекорно” со зголемување на вредноста со секој “чекор” не помалку од 500,00 денари над почетната цена за метар квадратен и за успешно наддавање е потребно да има најмалку едно чекорно наддавање.

6.      Учесникот на наддавањето кој понудил најголема цена, која и по три пати соопштена не биде наддадена се стекнува со статусот најповолен понудувач.

7.      Најповолниот понудувач е должен во рок од 15 дена од приемот на писменото известување и на записник  кои Комисијата ги издава по завршувањето на Јавното наддавање да ги уплати средствата согласно постигната крајна цена од наддавањето. Во цената се засметува и уплатениот депозит, намален за трошоците на постапката во износ од 5 % од депонираните срдства.

8.      Доколку најповолниот понудувач не ги уплати средства во утврдениот рок, ќе се смета дека градежното земјиште не е оттуѓено, нема да се пристапи кон склучување на договор за оттуѓување и депонираните средства на најповолниот понудувач нема да бидат вратени.

9.      По извршената уплата во утврдениот рок Министерот за транспорт и врски склучува договор со најповолниот понудувач за оттуѓување на градежното земјиште, што е предмет на оваа Објава.

10.  Најповолниот понудувач се обврзува да го плати данокот на промет што ќе произлезе како обврска по склучениот договор за оттуѓување на градежното земјиште.

11.  Во цената на градежното земјиште не е вклучен надоместокот за уредување на градежното земјиште.

12.  Трошоците за нотарската процедура и воведувањето во евиденцијата на недвижностите во Државниот завод за геодетски работи паѓаат на товар на купувачот на градежното земјиште.

13.  Незадоволните учесници на јавното наддавање може да изјават приговор до Министерот за транспорт и врски во рок од 8 дена од оддржаното јавно наддавање. По приговорот со решение одлучува Министерот за транспорт и врски.