Кружен тек кај Момин Поток

Originally posted by MKDSTRUGA Ајде по ред: 1. Момин Поток турбо се гради освен во делот на индустриските објекти кои се заглавени по судови и спорови. (По судовите Данела удел нема) 2. Мост АСНОМ привршува со градба според предвидената динамука (во време на Петре е предвидена). Булеварот од АСНОМ до Ист Гејт, никој никогаш не кажа кога ќе биде, а во судовите може да се провери во чие време се трчале постапките побрзо (пак Данела нема удел во работата на Судот). 3. БРТ иаме исто мислење горе доле. 4. Универзална сала болје скрос да ја стопираат, си ги видел ли фасадните панели? Па на пумпите од Макпетрол болје фасада имаат контењерите за продавничките... Се на се сигурен сум дека со Петре ништо побрзо и ништо поспоро немаше нитуеден проект да се заврши. Разликата е што побрзо се почнаа пред изборите, па затоа сега делуваат успорени.

А муабетите на Данче дека мостот АСНОМ ќе биде за ловење риби?

Друже. Момин Поток, мост Асном, БРТ, Универзална сала.......она све закочи, што гледаш ти јас незнам.....пак ќе речам, од политички глупости си патиме.

Како и да е од политички аспект, битно е проектот да тече, да се изведува...

Тоа "стопирање" мене ми личи као после да се китат дека е нивни проект. Околу експропријацијата не сум запознаен но овие делови кои постојано се во градба никогаш не прекинаа дури веќе се маркира и кружниот тек кај Тојота а мислам дека потпорните ѕидови се веќе завршени.

Нели Данела го стопираше проектов?

https://www.facebook.com/p.shilegov

КЛУЧКАТА КАЈ МОМИН ПОТОК ВО СКОПЈЕ ЌЕ СЕ ГРАДИ 2,5 ГОДИНИ, ЗА ЈАДРАНСКА МАГИСТРАЛА ДОПРВА ЌЕ СЕ ПРАВИ ПРОЕКТ ЗА БУЛЕВАР

Град Скопје денеска почна со градежни работи за изградба на клучката кај Момин Поток и кружен тек кај „Хубо маркет“. Како што најави градоначалникот Петре Шилегов градежните работи на овој потег ќе траат 2,5 години бидејќи станувало збор за сложен проект.

„Со цел да се намали сообраќајниот метеж на овој потег, се предвидува изградба на 2 кружни тека, каде што првиот треба да ја замени крстосницата кај булеварот 8 Септември и улицата Скупи и вториот кој треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булевар Словенија каде што се поврзува со булеварот Словенија и со булеварот Босна и Херцеговина. Оваа сообраќајница е една од клучните градски сообраќајници бидејќи дневно овде поминуваат 25.000 возила и метежот е голем“, рече градоначалникот Петре Шилегов на денешната прес-конференција.

На крстосницата со булеварот Словенија се предвидува исто така изградба на кружен тек за што Град Скопје со ребалансот на државниот буџет ќе добие 11 милиони. Потегот од булевар Словенија до Обиколница или Јадранска магистрала која сега е во катастрофална состојба со дупки и прокопи на секој чекар и две коловозни ленти, по една во двата правци, Шилегов вели дека ќе почне да се решава догодина. За оваа делница допрва ќе треба да се прави проект за проширување во булевар и спојување со Обиколницата и автопатот кон границата со Косово.

Изградбата на клучката кај Момин поток чини 18 милиони евра.

https://sdk.mk/index.php/dopisna-mrezha/kluchkata-kaj-momin-potok-ke-se-gradi-2-5-godini-za-jadranska-magistrala-doprva-ke-se-pravi-proekt-za-bulevar/

ПОЧНА ДА СЕ ГРАДИ КЛУЧКАТА КАЈ МОМИН ПОТОК, ПРОЕКТОТ ОД 18 МИЛИОНИ ЕВРА ЌЕ БИДЕ ЗАВРШЕН ВО 2023 ГОДИНА

Денеска започна реализацијата на уште еден голем инфраструктурен проект за Скопје – изведбата на клучката кај Момин Поток, која е една од двете главни рути што ги поврзуваат северниот и јужниот дел од градот. На почетокот на градежните работи се обрати градоначалникот на Скопје Петре Шилегов.
- Станува збор за огромен проект во вкупна вредност од околу 18 милиони евра, чија изведба ќе трае од 2 до 2,5 години. По својата комплексност се работи за најсложениот сообраќаен проект којшто Град Скопје го има изведувано од 1965 до денес, каде што сличен, но поедноставен проект за изведба беше тој на клучката кај хотелот „Континентал“, изградена пред 15-тина години. Со цел да се намали сообраќајниот метеж на овој потег, се предвидува изградба на 2 кружни тека, каде што првиот треба да ја замени крстосницата кај булеварот 8.Септември и улицата Скупи и вториот кој треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булевар Словенија каде што се поврзува со булеварот Словенија и со булеварот Босна и Херцеговина. Оваа сообраќајница е една од клучните градски сообраќајници бидејќи дневно овде поминуваат 25.000 возила и метежот е голем – рече Шилегов, на денешната прес-конференција.
Вкупната должина на сообраќајницата меѓу двата кружни тека и до пред раскрсницата со булевар Словенија изнесува околу 1.600 метри. По должина на целата сообраќајница ќе биде поставено најсовремено ЛЕД булеварско осветлување, како и пешачки и велосипедски патеки од двете страни на коловозот.
Проектот предвидува и изградба на 2 моста на реката Серава која тече под оваа сообраќајница, како и изградба на надпатник во продолжение на бул. 8. Септември, над бул. Никола Карев, со распон од 42 метри, потпорни ѕидови со вкупна должина од 2.000 метри, атмосферска и фекална канализација. За непречено одвивање на пешачкиот и велосипедскиот сообраќај предвиден е пешачко-велосипедски надпатник над бул. Никола Карев и 3 подземни пешачко велосипедски премини во рамки на денивелираниот јазол на спојувањето на бул. 8. Септември со бул. Никола Карев.
- Сакам да нагласам дека во 2017 година кажавме дека ќе работиме и градиме по план. Во делот на сообраќајната инфраструктура во северниот дел од градот ги завршивме булеварите, Никола Карев, Босна и Херцеговина и Христијан Тодоровски Карпош, и ако на тоа ја додадеме и оваа клучка и нејзиното поврзување со булевар Словенија, и сега веќе се гледаат резултатите од ваквото планско работење – нагласи Шилегов.
Тој додаде дека создавањето на инфраструктурни услови во северниот дел на градот неминовно води до намалување на притисокот на урбанизацијата во јужниот дел, која се случува повеќе децении наназад, заради нерамномерниот развој на различните делови од градот.
На прес-конференцијата Премиерот Зоран Заев истакна дека Владата на РСМ во континуитет работи на давање на финансиска и политичка поддршка за проектите кои се во насока на подобрување на животот на граѓаните. Владата тоа изминатиов период ќе го реализира преку 94 проекти во целата земја, каде што преку реализацијата на ТАВ Програмата се предвидени 49,7 милиони евра.
На денешната прес-конференција присуствуваа и претседателката на Советот на Град Скопје, Љубица Јанчева, градоначалникот на Општина Карпош, Стефан Богоев, заменик-министерот за информатичко општество и администрација, Александар Бајдевски и Заменик на Претседателот на владата за борба против корупцијата и криминал, одржлив развој и човечки ресурси, Љупчо Николовски







https://www.facebook.com/CityofSkopje

Со среќа и што побрзо да се заврши. Чинам дека најавата беше 2 години а еден месец веќе каснат.

Edited by Влатко - 20-Jul-2021 at 09:13