Википедија

Па можно е јас да сум премногу захтевен (како се вика на македонски?) но сметам дека барем половина од статиите не би го привлекле вниманието на читателите. Јас искрено веќе 4 години придонесувам таму, а ако верувате за сè што ми требало во животот да се информирам од википедија, никогаш ама баш никогаш не сум читал од нашата. Не значи дека е бескорисно тоа што го правиме, нормално ако беше немаше ни да го правиме, но факт е дека статиите се многу кратки, а има дури и околу илјада и нешто празни, за селата низ Македонија во кои стојат само името на селото и локацијата, и е оставено на корисниците (на луѓето од селата поточно) да си пополнат тоа што го знаат за своето место на живеење. А има и неколку (иако поретко) квалитетни статии, од кои 99% се превод од англиските, а 1% се некакви семинарски кои некој ги објавил подоцна на википедија. Сè на сè лесно е да се пишат нови статии (така се напредува во листата на википедии), но тешко е да се подобруваат веќе напишаните, барем за мене. Секогаш има банални грешки од типот на запирки наместо точки за одделување на илјадарките, големи букви наместо мали за национални придавки и сл. Нешта кои мене ме бодат во очи (а се направени од немарност при преведувањето од англиски), а некому воопшто не му сметаат. Значи можеби навлегувам многу технички во работите, но сметам дека и самото тоа што има само 10тина активни уредници, (колку Википедија на јазикот на Тонга) е показател колку никој не се грижи за Википедија. Сепак по бројот на статии сме понапред и од Википедии со многу повеќе уредници. Сепак често имаме вандали (од Бугарија се разбира) и се обидуваат да наметнат некои националистички ставови и сл. А најлошо пишуваат од оние 'смешните', веројатно средношколци, шо е бе ова ништо немате кај ќе најдам јас за семинарска LOL и некои такви многу контрапродуктивни коментари. Значи википедија ја посетува некој само кога му треба нешто за семинарска, таков впечаток имам барем јас. Кој од вас ја посетил македонската википедија некогаш, а уште повеќе, кој прочитал нешто?

Originally posted by гитардемон Е сега цел проблем е, што цело време се обидувам да го кажам, е: на википедија одвај се пишуваат статии за било што, а камоли за Скопје и за објекти во Скопје. Затоа ако чекате некој да ви побара слика, тешко дека ќе се случи. Еве јас сум доброволец да изнапишам статии за сите објекти во Скопје, само еднаш нека ми заврши сесијата (15 февруари). А по тоа што гледам од другите корисници, никој не е заинтересиран за архитектура, освен еден корисник кој имаше напишано статии за античката архитектура. Нема за ништо друго на нашата Википедија. Се надевам дека јас ќе го сменам тоа

Не знам зошто ова ограничување

Пишав и на википедија, а нагласив и тука - спектарот на фотографии е широк, не само за објекти во Скопје и воопшто не само за објекти. Во иднина се надевам тој спектар на материјали уште повеќе да се прошири.

Плус тоа комуникација ни е потребна меѓудругото и за да ја движи целата работа. Ако оставиме на еден проглас, работата веројатно бргу ќе замре.
Е сега ако навистина изостане интересот од уредувачите на Википедија тоа ќе биде навистина штета, но барем ќе знаеме дека сме се обиделе.

Да додадам на на што го кажа пбанкс дека комуникацијата има уште една предност во однос на механичко подигање на материјали - доколку некој побара специфична фотка која ја немаме „на лагер“, ќе може евентуално да ја направиме... дел од нас секако апаратите ги земаме каде и да одиме низ МК.

@гитар

незнам зошто предлогот на Кловер не ти се допаѓа.

Мислам дека е оптималниот модус каде и едните и другите имаат најмалку работа/обврски а бенефитот за википедија е голем.

На пример јас може да обесам еден тон фотки за НЛБ Тутунска Банка но доколку во скора иднина некој не мисли да направи објава за тој објект во Википедија сликите џабе ќе чмаат на commons.

А и тоа не е мала работа, треба да правиме нови серијали слики без жигови, да вчитуваме слики кои можеби ќе се искористат а можеби нема да се искористат а за да сето тоа го направиме како треба ќе треба да ги следиме конвенциите на википедија за именување и метадата.

Верувам дека вие што ја терате македонската википедија имате јасен увид и веројатно некаков план кои објави се пишуваат во моментот, кои се нови, за кои фалат материјали... Се што предлагаме ние е кога некој пишува статија за било која од темите кои са најверојатно покриени на build.mk (Погледни ги насловите на трите Главни форума и се е јасно) само да дојде во оваа нишка, или преку тебе или преку некој 10ти канал да не искомуницира и да ни каже.

Дечки ни требаат слики од тој и тој објект дали имате нешто на лагер? Бидејќи ние секогаш имаме слики на лагер правиме мала селекција според нарачката и или му ја предаваме на побарувачот или самите тогаш ја закачуваме на commons на википедија.

Сите други комбинаторики ми личат хаотични и неефикасни.


Edited by pbanks - 28-Jan-2009 at 22:40

Не се разбираме баш.

Прво мислам дека статиите се бават и со специфични теми па требаат и специфични фотографии за да се илустрира одреден дел од статијата. Каква фотка треба најдобро знаат уредниците.

Друго, не збориме само за градби, туку за материјали од најразлични области - градови, села, културно наследство, природни убавини, инфраструктура, случувања и настани, скици... Секако гледано во иднина треба да гледаме и пошироко и се надевам дека сајтов ќе има уште многу што да понуди за википедија. Поентата е да развиеме тековна комуникација, а не сега да прикрпиме нешто и да баталиме.

Не се слагам ни дека тие 2-3 фотки што ги има за Скопје се доволни, ниту пак нешто многу квалитетни. Истото важи и за многу статии - токму тоа ми беше мотивацијата за целава работа - подобро да се илустрираат статиите.

Во моментов едноставно барам модуси како тоа отстапување на материјали да оди најефикасно и најцелисходно.

Па ако нема потреба на македонската википедија, можеби ќе има на англиската, германската, на некој викиречник (пр. слика од Скопје), но во глобала тоа се истите датотеки. А моментално на македонската не ѝ треба ништо бидејќи нема статии за градби од Скопје. А во статијата за Скопје има веќе 2-3 фотки кои се доволни, сепак не е сликовница. Е сега ако бидат напишани такви статии, пр. зграда на МТВ или Соравиа или било што тогаш ќе ни требаат слики. А, на англиската веќе ги има овие статии, но тогаш ќе треба да прашаш некој корисник на англиската кои слики му требаат, и бидејќи има сметка да ги подигне (ако не сакаш да правиш ти сметка). Ако не подигни ги сам, и дај ми линк тука до сликата на википедија, па ќе ја вметнам јас соодветно во статијата (иако е многу лесно)

Па добро штом сите ги давате слободно, подигнете ги на http://commons.wikimedia.org/wiki/Main_Page, а и тука ќе ви треба сметка но сепак, вака ќе бидат достапни на сите. Инаку кога ќе ја подигате, ќе наведете дека е ваша слика, значи ваше дело, и ако сакате може да оставите авторски права на неа, делумни или целосни. Мислам дека нема проблем со создавање на сметка и логирање, нели? Јас ви советувам да подигнете сè што имате од Скопје (ако не ви е мака) бидејќи таму има редовно корисници кои ги уредуваат категориите и сето тоа, така што полесно е подоцна да ги преземе некој за Википедија Викиречник или било што. Затоа велам подобро на commons отколку на Википедија (кои се ќерки на Викимедија). Значи ако не ме сфативте, commons е место каде што се качуваат сите ЗАЕДНИЧКИ датотеки на викимедија проектите. И пак, најдобро е да качите cè што сте расположени да качите, и тоа само ќе си го најде местото во соодветната статија (некој друг сигурно ќе се погрижи за тоа). Инаку именувајте ги сликите објаснително, т.е. ако качувате од МТВ слика, напишете Зграда на МТВ или на кирилица или на латиница, или на англиски, но важно да е појасно, за да нема забуни. Инаку јас веќе имам аплоудирано сè што имам па така...

Имам гигабајти и гигабајти слики, но се што ви треба е аплоудувано тука, и го имам на фотобакет. Се е на располагање и без прашување

Еве сега ќе отворам.


Инаку дечки ајде да се изјасниме кои сме спремни нашите фотки да ги поделиме со Википедија (оргиналите нормално, без никакви жигови). Ние од редакцијата сме сите за тоа. Значи:
- clovestack
- la linea
- lslcrew
- pbanks

сигурен сум дека и гитардемон може одма да го вклучам во листава

Ајде да направиме едно почетно пребројување, па од тоа што ќе е на располагање јас ќе аплоадирам тоа што е најпотребно во моментов

гитаро, јас имам убава фотка од МТВ

ете баш ги исконтактирав дечките од Википедија и мислам ќе почнеме една плодна соработка
сега моментално гледам има други проблеми таму па затоа не форсирав, чекам да се смири малце ситуација