Протест: Не го силувајте Скопје!!!

Со човекот се слагам потполно до секоја буква во текстов, а поинтересните ќе ги обележам.... Вреди да се прочита комплетно и внимателно....

Не силувајте го Скопје Во саботата напладне на градскиот плоштад во Скопје мала група на студенти од Архитектонскиот факултет во Скопје со транспаренти од хартија во рака се обиде јавно да побара мислење од своите професори и од македонската јавност во однос на најновите прекројувања на отворениот простор во центарот на градот. Студентите не протестираа против некаква црква, против Исус (?), уште помалку протестираа против политичка опција или против кого било. Студентите се собраа да искажат свој став. Точка. Ама било една недела пред избори, па што? Што треба да се прави една недела пред избори, да седиме сите дома и да јадеме пуканки гледајќи ТВ-дуели? Ако е ова слободна и демократска држава, таква треба да биде во секое време, во време на дожд и снег, во време на финалето од Лигата на шампионите, па и во време на избори. До толку повеќе, мислам дека тајмингот на протестот беше намерно избран единствено поради желбата да се привлече поголемо медиумско внимание, што и се потврди. Инаку, кој во оваа држава би се загрижил што мислат студентите по архитектура во „неизборен период“. Тоа што во последен момент на собирот се прилепија, го поддржаа или се оградија од него разноразни интересни групи, меѓу кои и политички, тоа е сериозен проблем на нашето општество. Во фамозниот изборен период во Скопје куче да уринира на плоштадот „Македонија“ за 10 минути на прес-конференција ќе се појават портпаролите на главните политички партии заемно обвинувајќи се за политички инструирана физиологија. Веројатно илузија е да се повикува оваа практика да престане, оваа држава е од вчера и тоа се веројатно детски болести на секоја млада демократија, болести што едноставно треба да се прележат. Сепак тажно е дека оваа колективна хистерија на поделби пополека станува колективно слепило во кое целото општество жестоко се втурнува. Патем, чисто заради информација на „знатижелните“, од тие што успеав јас да ги видам на протестот на студентите по архитектура, во нивните редови имаше деца и на истакнати вмровци, и на истакнати сдсмовци, и деца на архитекти, лекари, новинари, стечајци, деца на менаџери, бранители, деца на Албанци, Турци, Срби. И нема што повеќе да се разговара за тоа, каква политика, какви глупости. На мирен начин да се изнесуваат ставови за теми поврзани со урбаниот живот се најдобредојденото право во едно демократско општество. Дури и во времето помеѓу два изборни круга! Тоа е право што отвора дијалози и дебати за светот што треба сите заедно да го создаваме, право кое треба јасно да се стимулира почнувајќи од врвот на политичката, културната и социјалната елита, па надолу. Добро е градот да се гради, тоа е навистина добро. Лично се радувам што во Скопје по многу години почнаа да се отвораат градилишта на кои нема да се градат станови. ОК е да се гради и црква, тоа веројатно не е само човечка, но е и божја промисла едновремено. ОК е да има и скулптури ако има кој да им се радува. Сепак ценам дека треба малку поширок дијалог пред да решиме да замениме некој отворен градски простор со изграден. За мене исто така не е спорно што секој од „владетелите“ сака да се вгради во ткивото на градот, да остави свој траг, паметник. Ќе повторам, и тоа е ОК. Така било отсекогаш, така и ќе биде, на примерот на Фиренца, Берлин, Париз, на примерот на речиси секој град. Критично е само колку долго треба да се мисли пред да почне нешто да се прави. Знаете, градењето градови е исто како кроењето, двапати мери - еднаш сечи! Знаете зошто, затоа што цената е многу висока! Ако погрешиш, нема каде да се купи резервна ткаенина. Цената на непромисленоста ќе ја платат сите што живеат во градот, и „ние“, и „вие“, и децата на политичарите заедно со сите нас. Во Македонија во градењето на градовите отсуствува суштинското мислење, формалното го има колку ни душа сака. Институции, институти, заводи, доктори на науки, експерти, закони, подзакони, стручни мислења, сè и сешто. А што на крајот? Цврц! Па токму центарот на Скопје е најсоодветниот пример за ова што ви го зборувам. Сè е по план, сè е по закон, сè е одобрено, потпишано, верификувано, потврдено, нема ништо спорно. И што добиваме на крајот, простор што личи на празна ледина на која почнува да се инсталира циркусот „Медрано“. Денес сме сведоци дека преку манипулативно читање на историјата и нејзините архитектонски стилови, на Скопје почнува да му се навлекува стилска наметка, која е базирана на негирање на постојното. Плоштадот во Скопје го формираат згради од пред неколку децении, тоа е тоа, тоа е така. Па што сега ако тоа некому не му се допаѓа? Ние не сме ниту Париз, ниту Лондон, ниту Атина. И тоа е повторно ОК, заради тоа што ние не сме ниту Французи, ниту Британци, ниту Грци. Ние сме тоа што сме и имаме град таков каков што сме создавале. И тоа е тоа. И тоа е вредност. На кого повеќе му се допаѓа плоштадот во Прага нека токми план за преселба, ете до крајот на годинава нели и визно ќе нè либерализираат. Се прашувам само ќе успее ли некој и културно да нè либерализира нас, нели, што ќе останеме овде да живееме? Па погледнете само што ни се продава како автентичен македонски архитектонски производ? Не зборувам за проектот за црквата, добро знаете за што ви зборувам. Треба ли нечии материјализирани кошмари да почнам да ги сметам за свои? Кој ги врти Грците или ЕУ или не знам кого, баш ми е гајле за нивното мислење, поважно е што мислиме ние што сме одбрале да живееме овде. Нам ни останува просторот на овој град. Ќе успее ли конечно некој да препознае дека во Скопје, спротивно на приказните што тежнеат да создадат (нов) демек јасен идентитет на градот, паралелно постојат силни културни флуиди составени од образовани луѓе што не мислат така. Патем, тие се студенти по архитектура. Тие се луѓето што ќе ја градат оваа држава! Зошто сакате да ги тепате бе море „граѓани“? Тие луѓе се иднината на оваа држава и не се ни обидувајте да го релативизирате нивното мислење! Не обидувајте се ни да ги етикетирате! Соросоиди, геј, анархисти, шиптари, што уште не! Наместо да тресете глупости, треба да соберете храброст да признаете дека тие млади луѓе се борат да го направат нашиот заеднички свет подобар. Не мора да се во право, но барем се обидуваат да направат нешто што вие очигледно не можете, или не знаете. Но тоа не е ништо страшно! Ако не можеш да помогнеш, не одмагај. Тргни се настрана, јади сендвич и остави ги луѓето да дишат кога имаат дробови за тоа! За верниците-туристи во Скопје, со ланч-пакет, дневница и икони во рацете, не сакам ни да зборувам. Како православен верник срцето ми се расплакуваше кога гледав на каков начин се злоупотребуваше божјото име. Господ ним нека им е на помош! Јован Ивановски, архитект асистент на Архитектонскиот факултет во Скопје

http://www.novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=354&ArticleID=21444


Edited by Cloverstack - 31-Mar-2009 at 02:31

beTon, целата конструкција ти паѓа во вода со фактот дека на терен отсуствуваше полиција. Ако ти си можел да предвидиш како ќе се одвиваат работите, ваљда можеле и во МВР. Ако имаше повеќе полиција (наместо со автобуси довлечкани контра-протестанти од други градови) извесно дека мирниот протест немаше да биде насилно загушен и растурен. Така да ако бараш малициозен план и сценарио, барај го на другата страна, а не кај оние што мирно протестираа. Па побогу, буквално сите комбинации што ти текнаа на памет ги кажа, само суштината уште ти промакнува.

Фактот што политички профитери и опортунисти сега тријат раце, не може да фрли флека врз ова мирно движење на студенти и интелектуалци кои едноставно саакаат да го искажат своето мислење. Движењето, колку и да почна слабо и анемично, сепак е благородно (не само поради идејата и целта, туку особено поради досегашната апатија и премолчување на се и сешто), а иронично, случувањата од плоштад сигурно ќе придонесат во процесот на негово засилување.


Edited by Cloverstack - 30-Mar-2009 at 17:05

@ ls

види тоа е и замката, се пушти абер и тоа само по блогерај, воопшто по медиуми како би се осигурало да не дојде до инциденти, знаеја најверојатно според, претпоставувам расположението на тифозите за ова прашање и едноставно со воинствено мото како востание веднаш се отиде на "спонтан" протест на маркицата за Црквата. целта беше крајно политички монтиран настан од кој ќе извлече бенефит опозицијата на овие избори каде прв пат се сотрени политички на локално ниво.

меѓу другото не им беше гајле како може да излезе на крај цела монтировка, дури се повеќе имам впечаток дека целта им беше и да се оцрнат МПЦ и Верниците индиректно, како подршката за најавениот Црковен Храм изгуби на сила, незнам што да кажам, со ова само на својот народ му стегнаа заврзлама која морам да кажам доколку не ја спуштат топката ќе ја дотераат до опасна омраза.

доколку сакаа ќе ја истераа работата како што треба, имаат и средства и медиуми и експерти и сила, нешто да истераат како што треба. еј пази еден студент од австрија се крена и можеше да организира тука форум и издржана дебта, овие да неможат. кратко кажано не сакаа, целта не е маркицата и плоштадот, целта е масирање мозок на избирачите!

Бетон додека ваквите радикални "верници" фундаметлисти го завмезаат монополот врз терминот ВЕРНИК, се додека вакви радикални кругови го држат ексклузивитетот врз терминот ВЕРНИК, се дотогаш јас се осеќам загрозен како верник зашто што јас не сум истото што и таквите радикални кругови! Ете затоа и се деси жигосување на сите верници. Ни ти јас не се слагам со оцрнување на сите верници. Не сакам никој да ме жигосува неоправдано!

Црквата, никогаш и никаде, не може да го прифати насилството како начин за изразување на мислење

За некого можеби е доволно, но ваква генеричка флоскула мене не ми значи ама баш ништо, уште повеќе доколку се земе во предвид тежината на инцидентот.

Кловер ја не се слагам со тебе. Факт е дека штуро, може би само штуро е пренесоно од медиумот. Срамно не е воопшто туку напротив е многу добар чин. Сега на ред е на тие "верници" да си ја преиспитаат верата и да видат дали се во право кога дури и црката се оградува од нив како нејзини припадници! 

Edited by lslcrew - 30-Mar-2009 at 16:06

Ова е многу битен потег од страна на МПЦ! Добро е што се оградуваат од насилството така и треба! Пола од дискусијата извртрена од горе паѓа во вода!

beTon, ништо јас не извлекувам од контекст, твоите постови се тука и сведочат сами за себе (освен доколку не решиш да ги изедитираш и фризираш, што сепак ќе биде регистрирано)

Нишкава не е место за лично препукување со други членови и криво ми е што успеа да ја однесеш натака, а и јас наседнав и ме вовлече во тоа. Но сега како администратор ти кажувам дека тука повлекувам линија за таквата пракса. Слободно можеш да го толкуваш како цензура, но коментари на таа тема немаат место на форумов.

Назад на тема


Edited by Cloverstack - 30-Mar-2009 at 15:57

за греота сега фекалниве фабриканти сами не закопуваат до крај во земја, па што може да смисли еден соросоид како милчин, да не се погледне во огледало и да рече чекај што тоа терам јас против кого против вмро или против сопствениот народ!? незнам само како успеваат да истресат и тоа пред светот дека организатори биле архитекти студенди, тие биле само искористени и изманипулирани, перјаницата на овој протест јасно беше истактата филозоф кој е диџеј трансер и медиумски покровител филолг кој е истакнат геј публицист! незнам само дали се свесни за што и во каква цел ја покренуваат фекалната медиумска фабрика, но очигледно не е од естетски мотиви!!! што да каже човек ќе монтираат сега приказни за мали деца на секој чекор, сигурно ќе повикаат борци за човекови права и од комшилукот. но добро бар се потрудиле да направат дистинкција во текстов дека толпата што наводно "мирните" протестанти ги нападнала се разликува од оние кои излегле во контра протест со Црковни обележја. сепак приказнава тука не завршува ова е тема за мачкање очи цела година, ќе ме зачуди доколку сите извештаи на сите европски и македонски транспарентни невладини организации не бидат редовно ажурирани за случкава и наредните години! кому му прават услуга и како и кому сакаат да му извршат притисок, спонтано пак ја враќаат МКД во транзицијата, секогаш дури и кога нема потреба режираат сцени, можеби ова да е евнтуално будење пробен балон да видат колку и во каква кондиција им е мрежата за понатамошни социјални раздрмувања. очигледно се до пред светската економска криза беа успани бар околу црниве сценарија, но дојде време за искористување на неистрошениот потенцијал, кој несреќно се намали со најавата за визна либерализација, па ајде сега дај да не ја изгубиме шансата и да го турнеме тој надежен момент по секоја цена, како спротивниот табор не би набилдал доволно поени и за наредните избори! навистина за жалење! 

инаку кло незнам дали и зошто имаш инспирација да бидеш дрзок, но како велат имај бар осет дека човек е од другата страна! јас првпат посочив дека единствен пристап и кога имаш и кога немаш аргументи ти е дрскоста, што на моменти може да се разбере креативно, но на моменти кога сакаш да ја одбраниш позиција на некоја партија или пак сакаш да затераш некое убедување, во многу што зачинето во случајов за атеистички тон, дрскоста ти оживува како небаре пишуваш на некој хардкор фанзин за малтретирање на неистомислениците. убаво наврати се на моите постови ќе видиш дека омраза во моите зборови нема кон нечие право или нечија слобода, туку кон манипулирање на истите од страна на оние кои не дотераа до ова дереџе и кои и ден денес немаат ни тронка усул во бирањето средства и начини за остварување сопствени интереси, сепак не се ни тие криви што уште кога тргнале во школо им ја скршиле кичмата и ги направиле подобни само за служење на "слободоумни" диктатори, дури и да ги немаа ќе мораа да ги измислат како би можеле да продолжат да функционираат во нивната  подземна реалност. 

Originally posted by beTon кло повторно заради толпа хулигани пробуваш сите да таму собрани контра протестанти да ги окарактеризираш како крстоносци, а капак и сите Христијани да ги обвиниш за монтировкава, не е проблемот дали некого ќе омаловажиш или добро исплукаш како би си ги самозадоволил сопствените лични фрустрации кои очигледно ги истураш со  посебен кеиф против иницијативата за Црква на плоштад, туку повеќе кажува за тебе колку си без осет за она што е суштина а што минливост во животот на еден човек и колку жолчно треба нешто од тие две крајности нешто да браниш! верувај  дека ова со Црквата веќе е апсолвирано прашање, едно што и за таква работа има и потреба, но има и мнозинство, а друго што сега со ова исфингиранава иницијатива на силуваните жртви кои пишуваат геј поезија во МКД подршката станува уште поголема! само луд човек може да глуми востание организирано од филозофи и филолози, подсобирајќи нереализирани архитекти и естетски засегнати урбани еколози! патем со дрскиот речник со кој редовно настапуваш на форумов верувај дека на улица не само што ќе испровоцираш некој тифоз на вардар, туку сигурен сум дека можеш да да завршиш и со бастун по глава! ало незнам дали и до кога ќе го оправдуваш ова манипулирање заради себе исклучиво естетски причини, како не разбереш дека вака сега со вмешана политика и со веќе истакнатите ќерки на исмаил и грчев како организатори на востанието дека работава че биде на арно, факт е дека дури допрва ќе се организираат од спротивниот табор, што не ме чуди да предизвика и бетер сценарија.

Ја цитирам гнасотијава од пост за да не ти текне да го едитираш.

Ти бетон, злоупотребувајќи го форумов се обидуваш да ми делиш некакви (во твој стил) завиткани закани? Кога веќе го урнисуваш форумов до тоа ниво, морам да ти укажам дека закани кај мене делуваат единствено контрапродуктивно.

Инаку јасно е како ден, јас не зборам за вистинските христијани ниту за некакви верници - тој збор го ставав во наводници. Крстоносците од плоштад или таквите како тебе се разбира дека не ги сметам ниту за верници, ниту за правдољубиви и слободољубиви луѓе.
Еве во меѓувреме со своите ставови на форумов си станал идол на ваквите „верници“:

http://sherb.blog.com.mk/node/220105

Во земјата која се нарекува библиска крвожедните неверници успеаја да се бунтуваат против изградба на црква... Следниот пат доколку пробаат да чепкаат по нашата црква да знаат дека нема да поминат само со шамари...... Не пали повеќе да им го вртиме и другиот образ туку и ние ќе почнеме да враќаме со исти методи како нив затоа што толеранцијата кон овие мизерни суштества е дојдена при крај..

Ти честитам на славата, посветено работеше да ја здобиеш.

A најсмешен си кога ќе почнеш да плукаш по комуњари. Во нишкава приметив само еден комуњар, а тоа си ти. Ретко се гледа комуњар од таков калибар како твојот. Фактот што твојата недемократска идеологија на нетрпеливост и невешто оправдување на насилство си ја обвиткал и со квази-религиозност, воопшто не го спречува човека да биде и комуњар, што ти одлично го доловуваш.
Ти не си во состојба да поднесеш различно мислење и прибегнуваш кон:
- гнасно етикетирање на другиот
- мижење и пред најочигледни докази како видео снимки
- прашуваш зошто воопшто се излегувало на протест - во смисол џабе ви е да протестирате, посилни сме и ќе си го протуркаме нашето (патем, се лажеш)
- прашуваш зошто не сме ги подвиткале опашите и да се прибереме дома кога сме виделе дека има контра-протест
- заплашуваш со понатамошно организирање на насилници и „бетер сценарија“ ако не се замолчело.

Ти бетон појма немаш од најосновните начела на демократија или христијански вредности. Од твојава верзија на демократија и вера, мене лично, а сигурен сум и на најголем дел од народот би му се дигнала косата на глава. Џабе хараш по разноразни нишки на форумов, објаснувајќи ни дека отпорот е бесцелен. Отпорот е оправдан, неопходен, ќе расне и ќе вроди со плод. Историјата е добар учител за тоа.


Edited by Cloverstack - 30-Mar-2009 at 14:59