Интернет и телекомуникации

дали има некоја нова статистика за рекордери по тв саатница, до пред некое време бевме 2-ри во ЕУ, веднаш зад Србија .. но не куца може магарето толку од квантитетот туку од квалитетот, прото нема никаква регулација што како моќе да оди преку ден на тв и кај домашните а не пак странските програми кои ко за промена дпмне им наметна дѐ мораат да имаат титл, а сдс нека ги удри и со синхронизација, та да пазат што оди во етер и кога накмлѐдите дремат пред то визијата на телето ..

дали АЕК мониторингот го прави 24/7 на сите канали и во однос на етиката, а ако е така до сега кабловски канали ко Е-то, Фешнтв, фентв, гранд, пинк и остали шундои, сигурно ќе ги беше обврзал кабловските да ко такви ги имаат само ко посебен пакет и никако поинаку ... за почеток нека удрат по рекламите за кладилници, мислам кај нас веќе не смејат да се рекламираат, или нешто лошо сум сонувал, зш подолго не сум бил во земјава ...

МАКЕДОНИЈА НА 60. МЕСТО ВО СВЕТОТ СПОРЕД ПРИСТАП ДО ИНТЕРНЕТ

Во светот 3,2 милијарди луѓе користат интернет, што е 43,4 отсто од глобалната популација, покажува анализата на Меѓународниот телекомуникациски сојуз, Интернешенал телекомуникејшн унион. А пристап до мобилен интернет-мрежа сега има над 95 отсто од светското население, при што мобилните претплати се вкупно 7,1 милијарди. Анализата на ИТУ покажува дека најразвиена држава во овој дел е Јужна Кореја, каде што пристапот до интернет-услуги е најголем. Втора е Данска, а трет Исланд. Македонија е на 60. место во светот и на 36. во Европа. Во регионот највисоко е рангирана Словенија, која има ИДИ, поради што се најде на 33. место во светот, Грција е 39., потоа Хрватска на 42., Бугарија 50., Србија е на 51. место, Црна Гора на 65., БиХ на 77. и Албанија е на 94. место. (Ек.Р.)

http://www.utrinski.mk/?ItemID=1F139A289D1333469E65A65E81C77484

ПО СПОЈУВАЊЕТО НА ВИП И ОНЕ

ДОПРВА РЕГУЛАТОРОТ ЌЕ ПРОЦЕНИ ДАЛИ СТАНУВА ЗБОР ЗА ФОРМИРАЊЕ ДУОПОЛ



Државните регулатори допрва треба да го одобрат договорот за спојување на операторите „Вип“ и „Оне“. Здружувањето на подружниците на „Телеком Австрија“ и „Телеком Словенија“ во Македонија ќе предизвика тектонско поместување на пазарот на мобилната телефонија и на платени телевизиски услуги.

Се здружуваме за подобар настап на исклучително конкурентниот македонски пазар. Вака од централата на Телеком Австрија ја објаснуваат одлуката ВИП и ОНЕ да отпочнат процедура за спојување во една компанија. Во моментов се прави проценка на двете компании и се очекува до крајот на ноември да има прецизни информации за трансакцијата.

– Има силна конкуренција меѓу операторите. Идејата да се спојат е очигледно јасна, со оглед на тоа дека двете компании не работиме во најдобро кондиција и пазарот е многу тежок. Подобро е за двете страни да ги здружат силите, изјави Питер Шифер, портпарол на Телеком Австрија, за еден од македонските портали.

Со спојувањето, кое треба да го одобрат македонските власти, има можност двете компании да прераснат во мобилен оператор со најголем пазарен удел во земјава.

Во Kомисијата за заштита на конкуренцијата и во Агенцијата за електронски комуникации засега не се изјаснуваат за спогодбата со образложение дека с` уште го немаат добиено договорот помеѓу двете компании за да може детаљно да го разгледаат. Според неофицијалните толкувања, за конечната одлука важен ќе биде фактот како ќе се спроведе договорот, односно дали тоа ќе биде со купување акции, присоединување на една кон друга компанија, размена на капитал или друга форма. Засега, од ваквото соединување највознемирени се вработените во овие компании кои се плашат за своите работни места и можното преклопување на работните позиции.

– Прерано е да се каже како ова ќе се одрази на корисниците. Најпрво претстои спојувањето на компаниите и акционерството. Ако се комплетира зделката ќе знаеме подобро како ќе продолжиме со споени компании, рече Шифер.

http://www.dnevnik.mk/default.asp?ItemID=69D50D90DEFBD04E85F713F81D65A630

Прашањето ми беше директно поврзано за Албафон. Дека Карлос Слим во глобален заговор против Македонците го купи мнозинскиот пакет на Телеком Австрија за да ги спои ONE и vip јасно е дека не, но дали во некои задкулисни игри тендерот за четврт оператор ќе изостане/ќе се одолговлечи преостанува да видиме.

Мислам, кога веќе тендерот беше доделен на толку неспособна компанија само за да има некаква си етничка рамнотежа во операторите (сериозно?), зошто да не очекуваме да им дадат и малку поволен ветер, така 2-3 годинки?

Економската логика е дека Albafone сигурно ќе го зголеми уделот во тој меѓупериод. Колку ќе биде зголемувањето, ќе зависи во добар дел од нивната понуда, но исто така и од времето кое ќе биде потребно за да се распише тендер за четврт оператор.

Edited by гитардемон - 24-Oct-2014 at 13:57

Овде не е напоменато дека Албафон има удел од 0,23%. Се прашувам до кога можат да тераат вака, до кога ќе им биде дозволено да тераат вака, и дали воопшто ќе има оглас за четврт оператор (покрај Т-Mobile, ONE+vip, Albafone)?

Ако го спроведат во делот како што го направи самата Европска Унија, мислам дека нема да има такви скриени работи, зашто и таму и тука државите преку закони/директиви им одредија/наредија на самите оператори, така да ако добро „препишат“ нема да има некои проблеми.

ПОТПИШАНА СПОГОДБАТА ЗА ПОЕВТИН РОАМИНГ ВО РЕГИОНОТ

Пет пати пониски услуги на цените во роаминг за разговори, СМС и интернет меѓу Македонија, Црна Гора, Србија и Босна и Херцеговина, треба да овозможи денеска потпишаната Спогодба за намалување на цените на услугите во роамингот во јавните мобилни комуникациски мрежи.

Спогодбата, во Будва, ја потпишаа заменик министерот за информатичко општество и администрација на Македонија Марта Арсовска Томовска, босанскиот министер за комуникации Дамир Хаџиќ, црногорскиот министер за инфирматичко општество и телекомункации Вујица Лазовиќ и министерот за трговија, туризам и телекомуникации на Србија Расим Љајиќ.

Реализацијата на спогодбата ќе ја координира тело основано од претставници на регулаторите на државите потписнички. Спогодбата е отворена, што значи дека во иднина, секоја заинтересирана земја, која не е опфатена со неа, може да се приклучи кон иницијативата.

- Цените во роаминг за говорни услуги во мобилната телефонија, за смс пораки и интернет сообраќај, ќе бидат намалени, односно нивелирани на нивото на земјите од ЕУ. Услугите ќе бидат за петпати пониски од досегашните, што ќе овозможи граѓаните полесно и почесто да патуваат во земјите од регионот, заради туризам или креирање бизнис, рече по потпишувањето на спогодбата заменик министерката Арсовска.

Нашите мобилни оператори, додаде, ја разбираат потребата за овој чин, ќе ги вклучиме во координативното тело и со тоа ќе имаат влијание во неговата работа. Врз основа на разговорите со нив ќе ја направиме динамиката и начинот на кој ќе се намалат цените.

- Очекуваме овој потег да влијае и на подобрување на стандардот на граѓаните, истакна Томовска.

Со спогодбата е предвидено етапно усогласување на цените на роаминг услугите со цените во земјите од ЕУ. За реализација на спогодбата се надлежни регулаторните тела за електронски комуникации.

Надлежните министерства на земјите потписнички на договорот треба да почнат процедура за дополнување на законот за електронски комуникации, со што цените за услугата ќе се регулираат на реципрочна основа.

http://www.utrinski.mk/?ItemID=41D9B005BE4ADC48853A42F30CD84989

Македонците сè повеќе купуваат онлајн

Зголемена е свеста за купување преку интернет во Македонија, но од друга страна се уште има граѓани кои се скептични кон овој тип набавка на производи, пред се поради интернет измамите.

Истражувањата покажуваат дека приближно 60 проценти од населението во Македонија користи интернет што е првиот предуслов за онлајн купување. Во 2013 година се извршени околу шест проценти трансакции преку интернет што е зголемување за петпати за разлика од 2010 година кога се регистрирани само еден процент онлајн трансакции.

Денес се повеќе се отвораат веб страници кои нудат различни производи по многу атрактивни цени. Постојано се зголемува нивниот број така што сега има над 250 е-продавници за разлика од 2010 година кога функционирале околу 10 вакви продавници.

Оние кои купуваат преку интернет велат дека позитивната работа е тоа што со ваквиот начин на набавка на производи се заштедува време, а од друга страна на веб сајтовите кои нудат купување преку интернет, има поголем избор на производи. За македонските потрошувачи е интересно онлајн купувањето и поради големите попусти и атрактивните понуди што се нудат на овие сајтови или е-продавници, како и можноста купениот производ да им биде доставен до дома.

Резултатите од истражувањата укажуваат дека младата популација најчесто го користи онлајн купувањето, а најмногу се купува облека, обувки, производи за здравје и убавина, како и купони за патувања.

http://www.utrinski.mk/?ItemID=A7437A678007C54DB8C5189A3997C753

Друже, да не ти хакнал некој профилот

„Т-мобиле“ овозможи пристап до 4Г-мрежа

„Т-мобиле Македонија“ информира дека на своите корисници им овозможува пристап до 4Г-мрежа. Мрежата, во прво време ќе биде овозможена во поголемиот дел на Скопје (Центар, Карпош, Аеродром, Кисела Вода) и во Маврово. Во иднина, информираат од компанијата, 4Г-мрежата ќе се надградува со цел да им биде достапна на сите корисници.

Пристапот до 4Г зависи од поддршката на самите мобилни уреди, затоа ќе може да ја користат само оние кои имаат апарати што ја поддржуваат. Исто така, корисниците кои имаат СИМ-картички набавени пред 2009 година ќе треба да ги заменат со нови за да можат да го користат 4Г-пристапот. Мрежата овозможува побрз и поквалитетен пренос на податоци преку мобилните уреди, како и услуги кои сегашната технологија не може да ги овозможи со доволно добар квалитет.

http://www.utrinski.mk/?ItemID=95FC1524447BA344BD5BDAB4E4CEFBE8