тоа ми е поентата,ама позадината е сосема од друг вид

За кај Кеопс не ми се верува дека тоа е проблемот што го кажува градоначалникот,но тоа веќе не е тема за овој форум

Нектариј Битолски се асфалтира

Улицата Нектариј Битолски или поранешна Жикица Јованович Шпанац денес беше асфалтирана . Целата инвестицијата на овој инфраструктурен зафат изнесува 9 милиони денари

-Од денес во Битола започнува уште една интензивна градежна сезона во која ќе бидат преасфалтирани најмалку 25 улици. Со денешните активности се заокружува уште еден проект вреден 9 000 000,00 денари. На оваа улица беше променета канализационата мрежа и завршено тампонирањето, а во тек е асфалтирање, изјави д-р Владимир Талески градоначалник на општина Битола

Оваа улица е од големо значење за жителите а и за сите оние кои секојдневно го посетуваат пазарот во Битола, вели првиот човек на ЈП Нискоградба Битола

-Претходната година направивме канализација која ја изведува ЈП Нискоградба, а за асфалтирањето е задолжен Гранит. Направена е 290 метри канализација, 280 метри е коловозот а со бехатон ќе бидат направени двете пешачки патеки, изјави Кире Крстевски директор на ЈП Нискоградба

Талевски вели дека со овие градежни активности ќе ја надминат бројката од 100 улици што ја ветија за нивниот 4 годишен мандат .

 

Асфалтирање на улиците Кукуш и Јабланица

Дали Црн мост ќе го обели образот на власта во Битола



Опозициските советници се сомневаат дека има грешки во изведбата на објектот, бидејќи е изграден на повисоко ниво од спојот со булеварот „1 Мај“

Битола - Битолската локална власт гради нов мост на реката Драгор, веднаш до познатиот Црн мост. Новиот Црн мост е еден од ветените предизборни проекти на градоначалникот Владимир Талески, капиталната инвестиција финансирана од градската каса.

Додека битолчани коментираат оти со голо око се забележува дека мостот е изграден повисоко од спојот со булеварот „1 Мај“, за опозициската ЛДП, пак, тој личи на постамент за споменик. Отворајќи дилеми за погрешна изведба на мостот, ЛДП прашува дали е точно дека Општината чека мислење од релевантна институција од Виена, Австрија, за тоа како да се справи со проблемот. На обвинувањата на опозицијата Талески првично возврати дека изведбата е според проектот и како што се потпишани договорите со фирмите изведувачи. Но, само неколку дена подоцна кажа дека се појавил проблем надвор од мостот поради нивелација на патната инфраструктура со самиот мост, односно дека е неопходна дополнителна интервенција.

Талески појаснува дека новиот мост е всушност, кружен тек кој 70 проценти е над речното корито и 30 проценти се поврзува со постојната патна инфраструктура.

„Тој е завршен пред неколку месеци, меѓутоа, по сугестија на инженерите правиме приспособување на висинските разлики околу мостот. Бидејќи теренот е нерамен има потреба од нивелација на просторот, така што, убеден сум дека со потребната динамика и договорите што се потпишани тоа ќе биде завршено во догледно време“, рече Талески.



Изградбата на новиот Црн мост во Битола почна годинава и уште не е завршена, иако првично се најавуваше дека тој ќе биде пуштен во употреба на 1 септември. Финансиската конструкција за проектот е околу 36 милиони денари, а од буџетот за 2013 година се предвидени 25 милиони денари.

Опозицијата изрази сомнеж дека локалната власт во Битола ќе може да го изгради мостот според сите стандарди. Дали фирмите избрани на тендерот досега имаат изградено барем еден мост, кој ќе одговара за евентуалните пропусти, се главно дилемите на опозиционерите.

„Дали на ова место се гради мост или постамент за нов споменик, бидејќи како што гледате оваа градба е повисока од околните улици кои треба да ги поврзува? Дали е точно дека погрешната изведба е причината за да прекине работата на објектот кој требаше да биде пуштен во употреба на 1 септември? Дали е вистина дека и Градежниот институт од Скопје кренал раце од проектот и ја одбил ревизијата за него, а документацијата за испитување била испратена во соодветен институт во Виена?“, праша Горан Милевски, еден од потпретседателите на ЛДП.

Според него, остануваат отворени и други прашања, особено тоа дали приспособувањето на висинските разлики меѓу мостот и околните улици ќе значи и повеќе пари од првично предвидените за изградба.

„Дали ова ќе продуцира непотребно 30-отстотно зголемување на трошоците за завршување на проектот? Кој ќе го плати тоа? Кој ќе ја понесе одговорноста за потенцијалните грешки, кој ќе одговара за потрошените средства, за ревизиите, за доцнењето, дали некој ќе плати пенали и казни?“, праша Милевски.

На последната седница на Советот на Битола и коалицискиот партнер на ВМРО-ДПМНЕ, партијата ПОДЕМ на советнички прашања побара одговор од Талески до каде е изградбата на мостот. Тој, пак, откако потврди дека ќе се прави нивелација на просторот најави дека по тој зафат ќе се постави оградата и осветлувањето на мостот, иако тој недовршен веќе се користи за сообраќај.

„Мостот не само што ќе биде убав за очи, туку ќе биде и едно убаво современо решение потребно за нашите граѓани. Тој ќе биде само за возачите, а ќе се интервенира на стариот мост кој ќе претставува безбедна пешачка зона“, рече Талески.

http://www.utrinski.mk/?ItemID=5C7E0E31A35ABB46BAC60EA25C5D2C22

https://www.facebook.com/media/set/?set=a.589846341050727.1073742141.455666064468756&type=1

Два кружни тека на Васко Карангелевски

Се работи на влезот на Буковски ливади

Инфраструктурните ангажмани на општина Битола и денеска продолжуваат односно се селат во населбата Буковски ливади каде се интевренираше на улицата и водоводната мрежа.

„ Овде ја уредуваме улицата во должина некаде околу 500 метар водоводна мрежа а асавалтирањето ќе биде до првата раскрсница кон Буково и населбата."- вели м-р Владимир Талески

Жителите од населбата задоволни од сорботката со општината и локалната самоуправа.

„ Според планот на месната заедница овде во Буковски ливади еден од приоритетите ни беше влезот и наидовме на разбирање кај локалната самоуправа.Имаме и други потреби во населбата какао што е дворот на училиштетот бидејќи во есенскиот и зимскиот период од дождовите децата се прскаат и валакаат."- вели жител на населбата

„ И на најстарата улица и дојде денот да биде напрванеа бидејќи оваа населба беше како отсечена сега се уредува и ќе заличи и голема благодарност до градоначалникот што ни излезе во пресрет."

„ Јас во оваа населба живеам 50 години и знам како изгледаше улицата предходно и сум многу балгодарен и задоволен што сега истатата инфраструктурно се уредува."- велат жители на населбата

Градоначалникот Талески најави дека после 12 август ќе почне изградбата на најавениот нов кружен тек на крстосницата на улиците Партизанска и Васко Карангелевски кај ВЕРО, и ќе се дозаврши делот на улицата Никола Тесла од кај стакелната до Уредот.

http://www.tera.mk/2013080168201/aktuel/se-raboti-na-vlezot-na-bukovski-livadi

Сега брзо ги сменаа имињата на еден куп улици, така да најверојатно некој веќе ги поправил на Google maps. Гледам дека и мојата улица (порано Иван Милутиновиќ) е веќе преименувана во Филип II Македонски.

p.s. мал трол