Интересни мапи

Message Topic Search Topic Options Post Reply Create New Topic Printable Version

   Mапа од американската шпионажа: Висок степен на шпионажа над Македонија

10.06.2013 | 19:58

Извор: Тoчка

Мапата на која што е претставен степенот на шпионажа на американската Национална агенција за безбедност "NSA" над земјите во светот покажува дека кај Македонија е забележан висок степен на контрола и шпионирање на дигиталните податоци.

Британскиот "Guardian" објавил мапа од алатката за надзор наречена "Boundless Informant", која го врши надзорот за агенцијата "NSA" во земјите во светот во кои прибира информации за сите видови на комуникација, од електронската пошта до телефонските повици, а тука се вклучени и пораките на социјалните мрежи. Така, известувачките агенции добиваат податоци за телефонските броеви, должината на траењето на повиците, единствениот сериски број на мобилниот телефон и потенцијалната локација на учесниците во разговорот. На тој начин, безбедносните служби ги поврзуваат потенцијално опасните личности и вршат надзор на нив и нивните контакти. Само во март, американската Национална агенција за безбедност "NSA" пресретнала 97 милијарди дигитални податоци за телефонските повици и размената на електронски пораки од целиот свет. 

Како што може да се забележи од објавената фотографија, Македонија е обоена со темно зелена боја што значи дека е забележан висок степен на контрола и шпионирање на дигиталните податоци. Она што е интересно е тоа што Србија е единствената земја на планетата која на мапата е обележана со црна боја, што значи дека таа е и најмалку шпионирана, односно од нејзината територија се пресретнати и снимени минимален број на информации. Истовремено, Босна и Херцеговина, Црна Гора и Хрватска се означени исто така со зелена боја, како и Македонија. Косово пак е издвоено од Србија и е обележано со портокалова боја, што е во истиот ранг со Индија, Кина и Египет, од каде што "NSA" пресретнала убедливо најмногу податоци. 

Запрашани за оваа мапа, српските експерти велат дека црната боја над Србија може да означува две нешта: "Најпрво и основно, Американците за Србија знаат доволно, па не им е потребно дополнително следење и шпионирање. Од друга страна, овие следења се однесуваат на прашањата за национална безбедност, па можно е Американците да ја снимале Србија и виделе дека од нас нема потенцијална опасност и го запреле надзорот", истакнал Драган Јовановиќ, заменик шеф на Одделението за високотехнолошки криминал во Србија. 

Националната агенција за безбедност "NSA" е дел од воената известувачка заедница на САД и претставува служба помеѓу безбедносните организации во оваа земја за која најмалку се знае. Во центарот на вниманието агенцијата е откако беше вклучена во скандалот кога беше откриено дека ги следи податоците на интернет.

http://tocka.com.mk/1/97338/mapa-od-amerikanskata-spionaza-visok-stepen-na-spionaza-nad-makedonija