Урбанистички планови и парцели (општо)

Тунелот под Кале нацртан на нова хартија

Потребата од тунел под Кале, како продолжение на булеварот Свети Климент Охридски, е внесена и во најновата нацрт-верзија на детаљниот урбанистички план за локалитетот Тетовска трошарина, што Советот на општината Центар го усвои завчера попладне. Тунелот ќе биде долг 180 метри и ќе минува во близина на Калето. Сообраќајницата ќе има четири коловозни ленти, односно 14 метри широчина и плус околу два метра заштитни тротоари, кои ќе се користат при сервисирањето и одржувањето на коловозите. Движењето на пешаците по овие тротоари нема да биде дозволено, односно тунелот ќе го користат само возила.

Презентацијата на планот пред Советот ја изврши проектантот Благоја Тагасовски од проектантското биро „Инпума“, кое со години ги изработува детаљните планови за Општина Центар.

- Тунелот постои во генералните урбанистички планови уште од 1965 година, потоа е потврден и во плановите од 1985 и 2002 година. Овој пат само го внесовме во детаљниот урбанистички план за Тетовска трошарина, односно го потврдивме, оти тој бил планиран и во претходните детаљни планови. Тој ќе има неверојатно олеснителна функција во однос на сообраќајниот метеж. Влезот на тунелот би бил во близина на лизгалиштето. Нема да минува под тврдината, туку под Музејот на современата уметност - рече Тагасовски.

Булеварот Свети Климент Охридски во Генералниот план е дел од прстенот брзи сообраќајници. Предвидено е откај Владата, до каде се протега моментно, да продолжи со мост преку Вардар и со тунел под Кале да се поврзе со булеварот Никола Карев. И овој булевар е предвиден за брза сообраќајница, а моментно функционира како обична улица со четири коловозни ленти, попозната како „пластичарска улица“.

Иако тунелот во плановите постои со години, досега ниту една гарнитура не се нафати да преземе посериозни чекори за да дојде до неговата реализација. Со години се повторува дека е значен за решавање на сообраќајниот метеж, а се' што се прави е само прецртување од стар во нов урбанистички план.

Освен тунелот, во планот за Тетовска трошарина се предвидува и изградба на шест резиденцијални објекти, кои може да бидат наменети за амбасади. Поголем простор треба хортикултурно да се уреди како заштитна зона.

Планот беше едногласно условен од Советот на Центар, без прашања и забелешки.

На седницата, советниците без забелешки ги изгласаа и измени на детаљните урбанистички планови за локалитетите Судска палата и Спортско-рекреативен центар „Кале“, кои, според објаснувањето на презентерите, не нудат големи измени во просторот.

Edited by SkyBoy - 07-May-2010 at 22:31

Еве линкови и до еден куп ДУПови и ГУПот на Гостивар

http://www.gostivari.gov.mk/index.php?option=com_content&task=view&id=23&Itemid=23

urbanisticki planovi od tetovo

Edited by my Macedonia - 20-Apr-2010 at 17:15

Детални урнанистички планови за езерото Младост кај Велес

Автор: Редакција ФОРУМ     17:50 | 16 април 2010

Општина Велес набрзо ќе донесе два нови детални урбанистички планови за езерото Младост, со кои се очекува да се одреди натамошниот изгчед на ова излетничко рекреативно место

од Орданче Николов, Велес

Плановите се во фаза на изготвување а набрзо се очекува службите да ја презентираат финалната верзија. Доколу советот на општина Велес се изјасни позитвно плановите ќе станат оеративни и ќе започне нивната реализација.

„Намерата е на Езерот Младост да се предвидат нови содржини кои досега ги намаше. Најмногу ќе се стави акцент на туризмот ,угостителството ,рекреацијата ,како и на изградба на викенд населба“, вели Горан Петров, градоначалник на Велес

Преку реализацијата на овие детални урбанистички планови општината ќе има финансиска корист. Во касата ќе се слеат 80 проценти од парите при продажба на градежното земјиште и целокупната сума за надоместок на истото.

„Тоа е финансиската корист ,но градот ќе има и друг бенефит. Ќе се отворат нови работни места ,а езерото ќе стане една туристичка дестинација за многу граѓани. Јас сметам дека по индустријата и стопанството Езерото Младост има најголем потенцијал„вели Петров.

Сопред велешкиот градоначалник Езерото Младост многу брзо може да стане препознатлива туристичка дестинација. Дел од змјиштето кое ќе се урбанизира е приватна сопственост ,за која газдите покажале интерес за градба. За државното земјиште ќе се побара од министерството за транспорт и врски постапката да биде итна за што побрзо да се изградат предвидените објекти.

http://www.forum.com.mk/_home/home#21358

Ова баш профи направено... Во наслов ставиле „измена на ДУП“ и толку. Одиш на „прочитај повеќе“, ти ја дава истата слика и ниту еден збор објаснување. Ниту на самата слика нема име на ДУП-от или било какви податоци 

Јасно е само дека се работи за една единствена парцела и според опкружувањето оретпоставувам дека се работи за оваа локација:
42° 6'44.51"N  21°44'57.67"E

Шифрата Г2 што едвај се чита би требало да значи лесна и незагадувачка индустрија

Здраво,имам едно прашање до сите на форумов ако може да ми одговорете....Сега се донесе кај мојата локација ДУП и сега ме интересира,дали може после донесувањето на ДУП да се направат некој измени на градежната парцела,пример ние сакаме да ја направиме малце помала заради двор и сл....фала ви однапред

Добро а досега не ли можеле во ГУП-от да ги внесат сите две-три опции, колку и да биле, што беа веројатни и да си донесат урбанистички план колку да не се кочи развојот на градот, па после тоа од кога се дозна која ќе биде трасата да се искористи и тој простор вишок предвидениот? Знамк деа сега вака изгледа малку луда идејава дека вцртување една пруга драстично ги менува и плановите за околината, но зборуваме за нужен нус ефект, па и прашање е дали воопшто може да се нарече нус, кој впрочем и не нанесува воопшто штета тука само овозможува развој на градот.

Старата автобуска станица е на местото кадешто сега е музејот на холокаустот. Тука единтсвена црква во близина е Св. Димитрија.

Инаку ваквата вест не би ја сватил озблно, мислам дека е само опипување на пулсот на јавноста да се испита терен дали е можно вакво алоцирање на таков проект. Намерно е на ниво на гласина да се осети расположението и реакциите во јавноста.

Да бе! До секоја црква е планирана по една бурмали! 
Малку шала не е на одмет!

Имаше некои гласини од ивз дека наводно земјиштетото каде што се гради се филхармонијата наводно не била завршена постапката за денационализација, а пред стотина години било нивно земјиштето. Па после се испостави дека биле парично обештетени. Па едно време се најавуваше резиденција за поглаварот (Реис или како и да се вика) позади филхармонијата, во тој празниот дел што гледа према чаршија. Дурги муабети од ивз за оваа околина досега не се сеќавам да сме имале.

Јас не, ама еве да го регистрираме текстов кој содржи дополнително инфо:

Згради од 30 метри ќе ја покријат Пресвета Богородица Според советниците од СДСМ, планот е криминален оти на јавната расправа на граѓаните им биле презентирани згради високи десетина метри, а пред усвојувањето височината пораснала на 30 метри Во околината на црквата „Пресвета Богородица“ ќе се градат плоштад, пешачки мост на реката Вардар, понирачка улица, резиденција на архиепископот, библиотека, трговски центар, објект за државни институции, како и три фонтани и шест споменици. Тоа е предвидено со новиот детален урбанистички план за оваа локација, кој Советот на Општина Центар го усвои завчера попладне по долга и жолчна расправа. Во јавноста се појавија претпоставки дека и зградите што ќе се градат во овој дел ќе бидат во ист стил како тие во строгиот центар, предвидени со проектот „Скопје 2014“. Според советниците од СДСМ, планот, кој беше донесен како приоритет на Владата, е криминален. Своето тврдење го темелат на фактот што на јавната анкета на граѓаните им бил презентиран план со помали висини на објектите, а пред неговото усвојување во Советот, висините се двојно зголемени. - На јавната расправа на граѓаните им беше понуден план со објекти со височина по десетина метри. На седницата на Советот, без најава ни се понуди за усвојување план во кој има објекти високи и по триесет метри. Згора на се', парцелата каде што се наоѓа „Пресвета Богородица“, која беше наменета за изградба и на други верски објекти, сега е пренаменета и таму се предвидени трговски центри, државни објекти и два објекта со недефинирана намена. Ако на проектантите им било наредено да ги сменат димензиите на објектите, тие според законот треба планот повторно да го вратат на јавна расправа. Значи, целата постапка за неговото донесување не е легална и е спротивна на законите. Ако Владата сака со овој пример да им покаже на граѓаните дека може да прави се' и сешто без да ги почитува правилата, успеа во тоа и даде добар пример како функционира државата - изјавија од советничката група на СДСМ. Од проектантското биро на „Инпума“, кое како и секогаш има екслузивитет да проектира детаљни урбанистички планови за Општина Центар, на советниците им објаснија дека димензиите на објектите се променети по сугестија на градските власти. Со новите објекти, практично, црквата „Пресвета Богородица“ ќе биде скриена од поглед со високи објекти, кои ќе излегуваат на булеварот Кочо Рацин и на улицата Васил Аџиларски и убаво ќе се гледа само од страната на реката. Пред црквата ќе има три фонтани со споменици во средината, а два споменика се предвидени на краевите на самиот кеј. Шестиот споменик е всушност споменикот на свети Климент Охридски, за кој неодамна Советот на Општина Центар усвои одлука за негово подигање пред Универзитетската библиотека. Во новиот план ја нема претходно планираната црква, „Света Мина“, која требаше да се гради близу „Пресвета Богородица“. Според претходниот детален план, кај црквата требаше да се гради цел црковен комплекс, музеј и зграда на Синодот и дом за студентите од Теолошкиот факултет. На аголот од страната на МАНУ се предвидуваше и маркичка за изградба на резиденција за официјални приеми на поглаварот на МПЦ. Кога се носеше претходниот план, планерите сметаа дека целиот простор што се наоѓа на земјиштето, кое е сопственост на МПЦ треба да добие нова димензија со тоа што ќе биде плоштад. Марија Тасев

http://dnevnik.com.mk/?ItemID=8335B2F441290242A403A80EF7518C7D