Булевар Трета Македонска Бригада

РАСПИШАН ОГЛАС ЗА ВТОРАТА ФАЗА ОД „ТРЕТА МАKЕДОНСKА БРИГАДА“

ГРАДОТ СЕ ПОДГОТВУВА ЗА БУЛЕВАР ОД 2,5 КИЛОМЕТРА ВО АЕРОДРОМ

Јорданка Ивановска

По неодамнешното пуштање во употреба на првиот дел од реконструираниот булевар Трета македонска бригада во Аеродром, градската власт се подготвува за проширување на втората етапа од делницата, во која ќе се градат две нови ленти кон Тутунскиот комбинат. Веќе е распишан оглас за изработка на проектот што се однесува на потегот од точката од каде заврши првата фаза, а тоа е бензинската пумпа близу средното училиште „Димитар Влахов“ во Мичурин до раскрсницата кај Тутунскиот комбинат. Должината на која и овој пат ќе се работи изнесува околу 1,2 километар.

Можен почеток до Нова година

По завршување на работите ќе се добие целосно ново булеварско решение од вкупно 2,5 километра во источниот дел од градот, кое ќе овозможи брз и непречен проток на возилата од Лисиче и Аеродром кон централното подрачје. Проектот треба да даде сообраќајни решенија за две нови ленти, велосипедски патеки, тротоари, канализација и ново осветление. Огласот за изработка на проектот трае до денеска.

Првата фаза од претворањето на улицата во булевар заврши во минатиот месец. Улицата беше проширена на потегот од булеварот Србија до бензинската во Мичурин. Градежните работи се одвиваа во должина од 1,3 километар, при што сообраќајницата доби две нови ленти со целосно нова инфраструктура, особено патеки за пешаци и велосипеди. Сумата што градската власт ја инвестира е 147 милиони денари, нешто над два милиона евра.

Во врска со почетокот на градежните работи од втората фаза, во Градот се надеваат дека сите технички работи ќе завршат брзо, по што ќе може да се фокусираат на изградбата.

- Се надеваме градежните работи да почнат до Нова година, но во секој случај тоа зависи од проектот и изборот на изведувач - изјавија од Одделението за односи со јавноста.

Во моментов, на наведената траса од Лисиче до бензинската пумпа во Мичурин, возилата се движат по четири ленти, а потоа патот се стеснува и возењето се одвива по две коловозни ленти. Тоа создава тесно грло на семафорите кај Тутунскиот комбинат, каде што се приклучуваат и возила од улицата кај Транспортниот центар. Таму каде што допрва треба да се проширува и реконструира нема никакви тротоари, а од другата страна тие се испокршени, па по нив едвај може да се движат пешаците.

http://dnevnik.mk/?ItemID=8696D10254F3604A9CB6DCDDE104E163

Originally posted by one1 И во принцип во Европа секаде велосипедска патека е спуштена до улицата односно е на исто ниво со улицата и секако е физички одвоена.

Колку ви е лесно вака да давате произволни и непроверени информации чудо едно.

Така е тоа кај нас. Простите и будалите се негуваат. Премногу треба да си будала за да почитуваш правила. И во принцип во Европа секаде велосипедска патека е спуштена до улицата односно е на исто ниво со улицата и секако е физички одвоена. Од една страна нема препреки како тротоари и разни чуда и неможат возила да попречуваат. Меѓутоа кај нас проблемот е во главите. Се се менува ама во глава за промени требаат по неколку децении...

Originally posted by Џоле Мислам дека горнава слика зборува многу. Додека еден куп луѓе и коли стојат на велосипедската патека на новоизграден булевар, кутриот велосипедист го ризикува животот и вози на самата улица.

сликата зборува многу, ама не го зборува тоа
да, на патеката има пешаци (нема возила освен тоа полото) ама тие се во многу мал број и велосипедистот може да се размине со нив... едноставно кај нас фали култура, велосипедистите ова го прават и на улици каде имаат чисти велосипедски патеки, а возат по коловозот или пешачката патека
а и во гужва мислам дека може да се функционира, барем додека не добиеме нешто подобро, како решението на гитардемон горе... проблемот е што нема култура и меѓусебно разбирање, ни кај велосипедисти, ни кај пешаци, ни кај возачи... а тоа не се решава ни со закони и физички оградувања, туку едноставно треба да е вроден осет кај луѓето

Originally posted by dimemk VELOSIPEDSKA PATEKA NE SE PRAVI OD PAVER ELEMNET , TUKU OD MAZEN BETON....

Originally posted by jyvation Па постојката ќе се стави позади патеката нема на самата патека.

Алудирав на тоа дека луѓето што ќе чекаат автобус, ќе го прават тоа стоејќи токму на велосипедската патека (како и што прават на сликата). Затоа, можеле да одат со нешто што не го ограничува автобускиот патник (дури и мене природно ми доаѓа да чекам поблиску до асфалтот), и да ја заобиколат постојката со велосипедска патека отпозади.

Нешто вакво е применето во Аеродром:


А нешто вакво кај нас е научна фантастика:


Мислам дека имаше простор и можност ова последното решение за велосипедска патека да се изведе долж целиот булевар, при што и од визуелен и од безбедносен карактер би било полн погодок!

Edited by гитардемон - 09-Sep-2014 at 11:57

Originally posted by kultuzin Јас сеуште си стојам на ставот дека место столбови треба да има шилци на тротоарите кои ќе ги бушат гумите на автомобилите. Тоа според мене е најприфатливо и најефикасно решение. Само така може да се спречи лудилото со паркирањето.

Зошто не се примени многу поедноставно решение - наместо коси да се постават вертикални рабници?

втора фаза кога ќе се почнува до после железничкиот мост? Практично почнати се ископи ако не се лажам околу атмосферата/канализација од после бензинската па надоле.

Јас сеуште си стојам на ставот дека место столбови треба да има шилци на тротоарите кои ќе ги бушат гумите на автомобилите. Тоа според мене е најприфатливо и најефикасно решение. Само така може да се спречи лудилото со паркирањето.

Па постојката ќе се стави позади патеката нема на самата патека.

Edited by jyvation - 08-Sep-2014 at 18:56