Археологија

Дома > Македонија	< name="txtBaraj" id="txtBaraj" size="30" maxlength="70" ="text"> < ="if ofPage_ClientValidate == '' Page_ClientValidate''; " name="ctl04" value="Барај" style="font-family: Verdana; font-size: 10px; font-weight: bold;" ="submit">

Американски грант за истражување на локалитетот Стоби

Александра Бубевска	Коментари (0)

10.06.2010 16:23

Филип Рикер

Во Македонија културата е жива и се развива. Најголем дел од тоа се одвива без поддршката на амбасадите и министерствата.

Имате земја со разнолики култури и мислам дека треба да бидете горди на тој факт, рече американскиот амбасадор Филип Рикер вчера на забавата во чест на Македонската Филхармонија.

„Друга област која ја прославуваме е и чувањето на културното наследство. Синоќа ги пречекавме добитниците на наградите за наследство. Нив ги додели американскиот фонд за сочувување на културата, во присуство на претседателот Иванов.

Беше доделена најголем грант за црквата Перивлепта во Охрид. Тоа е всушност најголемата грант доделена во Европа од програмата на Стејт департментот. Многу сме горди на тоа.

Сакам да објавам дека, благодарение на одличната соработка со културните организации во Македонија и вредните наоѓалишта во земјата, нашата амбасада, ќе додели уште еден грант за сочувување на културата. Ќе го поддржиме проектот за сочувување на раните византиски фрески од базиликата во Стоби“, изјави Рикер.

Голем број музичари, уметници, министерката Канчева Милевска, директори на културни институции се дружеа во градината на резиденцијата на амбасадорот Рикер.

Македонската филхармонија чиј што верни проследувачи се амбасадорот и неговата сопруга, својата сезона ја завршува во среда со традиционалниот мултимедијален спектакл „Види музика, слушни слика, добиј книга“.

„Благодарност за амбасадорот Рикер кој е голем пријател, голем фан на оркестарот на Македонската филхармонија, наш пријател, слободно можам да кажам, кој се дружи во текот на целата сезона со нашиот оркестар, бидејќи е очигледно е најчест посетител на нашите концерти“, вели Маја Чаначевиќ.

Директорката на филхармонија му заблагодари на амбасадорот Рикер и му подари слика од Мирослав Масин.

http://www.a1.com.mk/vesti/default.aspx?VestID=124115

Не се разбирам во археологија, но се си мислам дека единствена логика прави да се изберат приоритетни локации за истражување (и во размер со реалните ресурси кои стојат на располагање), да се истражуваат темелно, и кога некаде процесот ќе заврши локалитетот да се конзервира и заштити.

А да се раскопаат 200 локалитети па да се баталат на пола пат, тоа е крајно несериозно и неодговорно. Претпоставувам дивите копачи сега тријат раце - еден куп локалитети баш им ги припремија за да улетаат и да направат 'ршум 

На Таор пронајдени шлемови од петтиот и шести век

Се интензивираат археолошките истражувања во Хераклеја

Битола, 25 мај 2010 (МИА) - Стручни тимови на НУ Завод и Музеј-Битола и логистика со повеќе од 300 лица, продолжија со интензивните археолошки истражувања и ископувања во античкиот локалитет „Хераклека Линкестис“.

- Во моментов се работи во делот околу амфитеатарот, кај јужниот бедем и уште на неколку пунктови. Се обработуваат движните материјали и се изработуваат елаборати за конзервирање на археолошките наоди, посочи Зоран Николовски, директор на НУ Завод и Музеј-Битола.

Експертите од оваа национална установа очекуваат годинава да биде завршен објектот гимназион и да биде истражен театарскиот плоштад

http://www.mia.com.mk/default.aspx?vId=74163097&lId=1&pmId=505

Откриена вековната тајна, античкиот град Равен-лулката на словенската азбука?!

На Балтепе се копа во историјата

Педесетина работници се ангажирани на ископувањата и археолошките истражувања на Тетовското кале, каде што независно од овој проект се врши и обнова на црквата „Св. Атанасиј“, која беше оштетена во конфликтот од 2001 година

Тетовското кале деновиве личи на големо градилиште на кое се работи на секој агол. Од пред некој ден продолжија археолошките истражувања на тврдината, а паралелно се вршат и градежните работи на црквата „Св. Атанасиј“ на Балтепе. Двете активности, истражувањето на тврдината од османлиски период и санацијата на црквата не се поврзани, но се одвиваат паралелно. Археолошките и конзерваторските зафати се дел од проектот на Министерството за култура за истражување на локалитетот. Активностите започнаа во 2008, а ќе траат до 2012 година. Тука од пред некој ден, по неколкумесечна пауза, повторно се истражува. Сега се работи и на црквата на која се обновува нејзината надворешност, а се санираат скалите и ѕидовите, кои беа оштетени во војната од 2001 година.

Според раководителот на проектот за истражување на археолошкиот локалитет Тетовско кале на Балтепе, Љулјета Абази, оваа година приоритет ќе им се даде на археолошките истражувања.

- Годинава имаме три милиони денари за работа. Ќе се концентрираме на откривање на објектите кои се под земја, сондажни истражувања за да видиме дали има траги од постари, предосманлиски, културни остатоци и на ископување на гробовите што се наоѓаат во околината на тврдината - рече Абази. На археолошките истражувања се ангажирани педесетина работници. Дел од стручниот тим е од Косово, тројца археолози и еден конзерватор. На локалитетот ќе се работи до крајот на јуни.

Стручниот соработник Ирена Колиштркоска-Настева, од Музејот на Македонија, која е вклучена во проектот, вели дека на калето му се случила хаварија од негрижа изминативе 200 години.

- Калето е изградено во периодот кога османлиската архитектура била во најголем подем. Од него може многу да се научи за тој период. По целосната конзервација и реставрација, калето би требало да прерасне во туристичка атракција - рече Колиштркоска-Настева.

Тврдината е од 18 век и ја сочинуваат повеќе објекти, главно со војничка намена, сарај, трпезарија, касарна, конак, стражарница, затвор, подземен тунел. Дел од објектите целосно се покриени со земја. Лани откако беше откопана трпезаријата, таа беше реставрирана. Се планира да прерасне во изложбена просторија или угостителски објект.

Од пред некој ден почнаа и работите на црквата „Св. Атанасиј“. Црковниот одбор со помош од неколку донатори започна да ја реновира црквата, која се наоѓа во внатрешноста на тврдината и која беше запоставена.

- Потребно е да се уреди и внатрешноста. Многу икони се оштетени, уништен е фрескоживописот. Ако има донатори, ние ќе продолжиме и понатаму да работиме. Сега се ангажирани седум лица и сите работиме без надомест. Од 2001 година досега имало околу пет кражби - рече Трпе Ѓорѓевски, домар на црквата.

Таа е изградена во 1922 година врз темелите на црква од 13 век.

Калето е изградено во 1820 година од Абдурахман-паша како стратегиски објект, но никогаш не било вселено. Со него се врзани неколку легенди. Во истиот момент кога турската војска дошла по Абдурахман-паша и го протерала во Истанбул, до калето дотекла и водата од водоводот што го направил пашата. Во таа пригода тој рекол: „Ти, водо, дојде, а јас отидов“. Исто така се верува дека еден од трите тунели за бегство од калето води директно до центарот на градот во непосредна близина на старото медицинско училиште. Другите водат до блиското село Лавце и до горниот дел од Тетово во близина на реката Пена.

Во ископините на Кале најдени бомби од Втората светска војна

На „Цареви кули“ пронајден накит со ликот на Александар Македонски

Edited by Buliwyf - 24-Apr-2010 at 16:26

Штипските археолози почнаа со истражување на тврдината Исар

Археолозите од Заводот за заштита на споменици и Музеј на град Штип почнаа со археолошките истражувања на тврдината Исар.

Директорот на Заводот за заштита на спомениците и Музеј на град Штип Зоран Читкушев истакна дека истражувањата ќе се одвиваат во наредните два и пол месеци.

„На тврдината Исар ќе се работи на три пункта - на акрополот, тунелот и на црквата ’Св. Власие‘. Со овие истражувања очекуваме да направиме и активности за изготвување на проект за конзервација на тврдината“, рече Читкушев.

Тој додава дека во акцијата, што е финансирана од Министерството за култура и од Управата за заштита на културно наследство, се вклучени 10 археолози и 40 теренски работници. Штипските археолози за половина месец ќе почнат и со истражувањата на локалитетот Баргала. „На овој локалитет ќе се работи меѓу бедемот и градската базилика, потоа североисточниот бедем заедно со влезот, исто така, ќе работиме и на конзервација“, вели Читкушев.

Во тек се и истражувања на археолошкиот локалитет во селото Радање. (К.Р.)                                                                                                                                                     http://www.utrinski.com.mk/?ItemID=01ECC2C934B2D748968C03C867C674D9 

СЕ ПОДГОТВУВА ТЕРЕНОТ НА ИСАР МАРВИНЦИ, ХЕРАКЛЕЈА, СТОБИ Нови големи археолошки ископувања Кате Антевска Обемни археолошки истражувања ќе почнат од следната недела на наоѓалиштата низ цела Македонија. На списокот се и капиталните археолошки зафати во Исар Марвинци, Хераклеја, Стоби, скопско Кале и на Зрзе. Од Управата за заштита на културното наследство велат дека оваа година од буџетот на Владата се издвоени најмногу пари за оваа сфера, по 15 до 20 милиони денари за секое од големите наоѓалишта, односно речиси 350.000 евра по локалитет. - Ова е највисока сума досега одвоена за ископувања на еден археолошки локалитет - вели Паско Кузман, додавајќи дека речиси три милиони денари се резервирани за помалите наоѓалишта. Археолозите во помал обем ќе истражуваат и на Цареви кули во Струмица, на островот Голем Град во Преспа, на локалитетите Големо Градиште во Неготино, Тумба Маџари во Скопје, Баба и Трештна Стена во Прилеп, потоа во Кнежевски манастир во Кичевско, а ќе се засилат и конзерваторските и реставраторските зафати на Горна Порта во Охрид, на бедемите од Баргала, на Вардарски Рид и на други места. Очекувањата на експертите од годинешната археолошка акција се големи, а зафатот, судејќи според обемноста на најавените проекти, веројатно ќе биде во центарот на културните случувања, впрочем како и во минатите години на интензивни археолошки истражувања. Златко Видевски, раководителот на ископувањата на локалитетот Исар Марвинци, каде што лани беа пронајдени најмногу предмети со високо уметничко значење, очекува слични резултати и оваа година. - Ископувања ќе се прават на три некрополи на површина од 28.000 квадратни метри. Некрополите се од рана антика, од римско време и од праисторискиот период. Таму лани наидовме на навистина вредни наоди, како црвенофигуралните и црнофигуралните фазни, потоа златниот накит, многу бронзени апликации со претстави на божества и друго. Годинава ќе се прави доистражување на гробниците, па очекуваме богати прилози - вели Видевски. Тој објаснува на Исар Марвинци најмногу ќе се ископува во раноантичката некропола бидејќи токму таму се открија највредните парчиња со потекло од 1 до 6 век пр. н. е, каков златниот накит. Гробните прилози од тоа време, вели тој, се прилично богати и укажуваат на богат статус на луѓето што се погребувале. Инаку, на Исар Марвинци ќе работи стручна екипа од 50 луѓе и 500 работници, студенти и други соработници. Ланските пронајдоци на Хераклеја, пак, ја урнаа старата теорија за потеклото на ова наоѓалиште, која вели дека тоа датира од 2 век пр. н. е. Една монета со ликот на Касандер, војсководец и пријател на Александар Трети Македонски, што беше најдена во јужниот бедем на локалитетот, покажа дека Хераклеја живеела и во 4 век пр. н. е, во времето на Александар Македонски, велат археолозите. - Ќе истражуваме таму каде што застанавме: во новата базилика, во Гимназионот и на театарскиот плоштад од македонско хеленистичкиот период. Никогаш не се знае што кријат подолните слоеви од овие објекти - вели Аница Георгиева, раководителката на ископувањата на Хераклеја Линкестис. Предизвикот да се истражува Хераклеја е голем, коментира таа, токму поради тоа што лани се утврдило дека ова наоѓалиште живеело и во период од 7 до 9 век, факт кој беше непознат во науката. http://vreme.com.mk/DesktopDefault.aspx?tabindex=0&tabid=1&EditionID=1962&ArticleID=135780