Radisson Blu Skopje

Британскиот весник “Телеграф“ открива како Ендру Фелдман, помошник на лидерот на Конзервативната партија Дејвид Камерун го добил договорот за изградба на хотел во центарот на Скопје во 2007 година.

 

Според информации до кои дошле новинарите на “Телеграф“ се’ почнува со средба на Камерун со македонскиот премиер Никола Груевски во 2003 година при престојот на Камерун во Скопје за време на фудбалскиот натпревар меѓу Македонија и Англија.

 

 

Врската меѓу двајцата политичари, открива весникот, ја воспоставуваат помошникот на Камерун, Фелдман и познатиот македонски бизнисмен Орце Камчев.

Камчев и Фелдман веќе неколку години биле блиски соработници преку нивните фирми за облека македонската “Орка“ на Камчев и “Џајрома“ на Фелдман.

 

“Во септември 2003 година, Фелдман го однел Камерун на патување во Скопје. Орка обезбедила билети за фудбалскиот натпревар Македонија – Англија и ја платила сметката во хотелот Александар Палас, каде престојуваше и англиската репрезентација“, пишува “Телеграф“.

 

Фелдман, кој собирал финансиски средства за лидерот на Ториевците, во 2007 година добива договорот за изградба на хотел со пет ѕвезди и покрај тоа што нема претходно искуство со градење и водење хотели.

 

А, според весникот, договорот за изградба на хотелот бил добиен со ветување на Македонија ќе ја добие поддршката од Конзервативната партија за влез во ЕУ и НАТО.

 

 “Минатиот ноември, Камерум одржал приватен состанок со македонскиот премиер – клучна фигура во доделувањето на договорот со хотелот – на кој тој ја  ветил неговата поддршка во напорите на земјата за членство во меѓународните организации. Влезот во Европската Унија вреди милијарди фунти за мала истоно европска земја“, пишува британскиот весник.

 

Камерун, пишува “Телеграф“, беше еден од најгласните поддржувачи на Македонија да и биде одобрен влез во Европска Унија и НАТО. Четири месеци откако договорот беше потпишан, Камерун при неговата прва официјална посета на Вашингтон ги повика американските политичари да ја поддржат Македонија.

 

Конзерватиците демантирале дека Фелдман влијаел на партиската политика кон Македонија и дека бил вклучен во состанокот меѓу Камерун и македонскиот премиер во Лондон минатиот ноември.

 

 

Огласот за тендерот за изградба на хотел со пет ѕвезди во центарот на Скопје беше објавен во март 2007 година во два македонски весници и “Фајненшл тајмс“. Секој кој сакаше да учествува беше потребно да  поседува 250 хотели со четири или пет ѕвезди низ светот и да има изградено хотел. Многу малку компании можеа да ги исполнат критериумите и никој не се пријавуваше за тендерот. Повторно беше објавен тендер, но и овој пат неуспешен.Тогаш македонската влада влезе во ексклузивни преговори со ХЛХ Македонија.

 

Македонските политичари се сомневаат дека договорот намерно е направен за да се обезбеди ХЛХ ќе го добие, иако не ги исполнува условите од тендерот. ХЛХ Македонија, според информациите на “Телеграф“ е основана во јули 2007 година, само неколку дена пред да биде потпишан договорот за хотелот. Заедничка сопственост на фирмата на Фелдман, мала хотелска компанија од Британија и фонд од Лихтенштајн. Адресата на компанијата е деловна зграда сопственост на Камчев.

Фелдман за весникот изјавил: “Во целост отфрлам било какви наводи за неправилности од себе, Џајрома Лондон Лтд или кои било други компании или физички лица кои се вклучени во оваа трансакција.  Вкупната инвестиција на Џајрома Лондон  беше 450 илјади евра и секоја добивка што ќе биде направена ќе биде само дел од тоа. Одделот за правда во Македонија при истрагата не најде апсолутно никакви докази за неправилности.“

Тој додава дека ниту Орце Камчев ниту Никола Груевски имале било каква врска со договорот на конзурциумот.

“Никогаш во било која прилика не сум разговарал за нешто околу оваа трансакција со некој што е активно инволвиран во Конзервативната партија. Не знам за некој состанок со г-динот Груевски во 2009 година“, вели Фелдман за “Телеграф“.

Изградбата на хотелот започна во август 2007 година и требаше да биде завршен за два и пол години. Но, досега изградбата не е стигната ниту до приземјето. А, според најавите хотелот треба да биде на шест ката со 200 соби.

http://netpress.com.mk/vest.asp?id=67783&kategorija=1