Mavrovo em katastrofa em skapotija ziva, sega im se moze nemaat podobri tuka... Ama patot nakaj Bugarija se otvara taka da...

Супер на Маврово уште ќе се возиме со едноседот како пред 50 години!? Каква катастрофа ем приватизиран ен ништо не е мрднато 



Edited by bob39 - 19-Nov-2013 at 12:32

ajde airliaa... pa ova zimo da gi postime cim se vaka spremni

Фото: Пристигна опремата за ски паркот „Станич“ во Крушево

Со донација на АД „Мепсо“ Скопје, во Крушево се реконструира постоечкиот ски парк „Станич“ каде се изгради вештачко езеро за потребите на снежните топови за правење на вештачки снег, а се изградија и патеки за сноуборд скијање.



Со цел овој проект да биде успешен и ски паркот да почне да функционира, вчера се изврши примопредавање на опремата потребна за одржување на ски паркот и тоа: ратрак (снежен тенк), 6 снежни топови, сандак со додатна опрема за топовите, снежна санка и елементи за сноуборд паркот.



„Крушево е познат зимски туристички центар кој заради поволните услови кои ги нуди како планинската клима, релативно топлите зими со изобилство на снег, жичарницата која е сместена во самиот град од каде за десетина минути сте на самите скијачки терени и пријатно расположените граѓани ја прави оваа дестинација атрактивна за туристите особено во зимскиот период. Затоа реконструкцијата и опремувањето на ски паркот „Станич“е одличен начин за подобрување и развивање на веќе постојниот зимски туризам, по кој Крушево е долги години познат на туристите но и привлекување на што поголем број туристи од Македонија и надвор од неа“, рече градоначалникот Ѓорги Дамчески.



извор: http://regioni.mk/pristigna-opremata-za-ski-parkot-stanic-vo-krusevo/

Moderatorot go molam da otvori uste dva podforumi na temava Ski centar Mavrovo i Ski centar Popova Sapka, za da bi bilo popravicno... vo odnos na Kozuf !!??

"Vladata ke bara koncesioner".

Se' e kazano so ova.Popova Sapka ne moze da stane nikakov "evropski centar za privlekuvanje tursti" od prosta privina sto Sapka e obicna vukojebina.Prazni9 muabeti za praznoglavi lugje.Do vcera bese "seriozna investicija" Kozuf,sega stana Sapka.Pa uste 30 miliona EUR???

Vo Mavrovo verojatno ke aknat 50 miliona...

Државата ќе инвестира 30 милиони евра во Попова Шапка
Сабота, 10 Ноември 2012 15:52

Владата го усвои мастер-планот за инвестирање во туристичкиот центар Попова Шапка, изработен од реномирана меѓународна компанија, која вакви планови правела и за најпознати зимски центри во светот.
Премиерот Никола Груевски соопшти дека планот содржи инвестирање во три фази. Во првата „Електрани на Македонија“ (ЕЛЕМ) ќе инвестира 30 милиони евра во нова шестоседна жичарница, во нови патеки и проширување на постојните, во поголеми паркиралишта и реконструкција на главниот пат. Ќе има и други активности со кои ќе се дуплира капацитетопт на туристи и скијачи на Попова Шапка.

Во втората и третата фаза ќе има големи инвестиции за изградба на хотели и ресторани и за нив Владата на меѓународен оглас ќе побара концесионер.

- Ова е сериозна инвестиција во Попова Шапка. Целта е таа да стане еден голем европски центар за привлекување туристи и скијачи. Се внимава и на тоа и во лето, кога нема снег, да има интересни содржини на Шапка. Мастер-планот дава сеопфатна содржина на активностите кои Владата заедно со потенцијални приватни партнери треба во иднина да ги прави, за Попова Шапка да прерасне во еден од најдобрите европски центри за скијање, изјави Груевски во Куманово по означувањето на почетокот на градежните работи за ревитализација на пругите од Коридорот 10.

Груевски додаде и дека Владата паралелно инвестира во други зимски центри - за модернизација на скијачките центри во Крушево и во Пониква (подобрување на патеките и осветлување) вложени се околу 2,5 милиони евра. Во план се инвестиции и во Пелистер, како и во други зимски центри зашто, нагласи премиерот, турзимот е сектор кој може да и донесе многу приходи на државата.

http://kurir.mk/makedonija/vesti/91492-Drzavata-ke-investira-30-milioni-evra-vo-Popova-Sapka

Попова Шапка
Маврово
Пелистер

МЕПСО ќе гради сноу-борд патеки

среда, 08 август 2012, 17:53

Државната компанија за пренос на електрична енергија ќе гради терени за зимски спортови. Според тендерите објавени деновиве, МЕПСО бара изведувач на објекти планирани за Крушево и за Осогово а за националниот парк Галичица изработувач на студија.

- „Во ски-центрите Пониква и Крушево ќе се градат сноу борд паркови, ќе се постават машини за вештачки снег (водени топови) и осветлување на патеките. За Галичица ќе се прави физибилити студија и мастер план за да се утврди дали има економска оправданост за изградба на ски парк“- велат од МЕПСО.

Колку пари ќе чинат проектите ќе се знае кога тендерите ќе завршат. Од енергетската компанија уверуваат дека патеките и студијата нема да ја зголемат цената на струјата.

-„ Инвестициската програма е одобрена од Владата, во чија сопственост е АД МЕПСО. За овие инвестции МЕПСО има обезбедено финаниски средства од досегашното работење. Овие активности нема да предизвикаат зголемување на трошоците ниту МЕПСО ќе бара корекција на тарифата што ја добива од РКЕ.“- одговорија од МЕПСО

Причината што државната енергетска компанија финансира терени за зимски спортови, од МЕПСО го објаснуваат со нивната општествената одговорност. Проектите биле дел од инвестициската програма за јавен интерес.

Александар Димитриевски

http://www.time.mk/read/NONE/15b0061638/index.html

Датум: 08.02.2012, 18:07

СKИЈАЧKИОТ ЦЕНТАР ЗА ТРИ ГОДИНИ СО НОВ ЛИK

Австријци ќе ја дотеруваат Попова Шапка


Државната енергетска компанија ЕЛЕМ, која го стопанисува ски-центарот, склучи договор со фирмата „Екосајн Европа“, која во следните осум месеци треба да изработи мастер-план за развој на Попова Шапка


Изградба на жичница-шестосед, две нови скијачки патеки, нов хотел на местото на постојниот објект „Попова Шапка“, четири бачила наменети за одморање на посетителите, катна гаража, се само дел од новите содржини што во следните две-три години ќе ги понуди скијачкиот центар на Шар Планина.

Центарот Попова Шапка треба да го добие новиот лик до 2015 година. Студијата за тоа како треба да изгледа и како најефикасно да се искористи целиот простор ќе ја прави австриска консултантска компанија. Државната енергетска компанија ЕЛЕМ, која го стопанисува ски-центарот, склучи договор со фирмата „Екосајн Европа“ која во следните осум месеци треба да изработи мастер-план за развој на Попова Шапка. Се работи за обемна студија која, меѓу другото, ќе содржи и технички испитувања и анализа на локацијата, совети за уредување на земјиштето, просторно планирање и архитектонски услуги за уредување на центарот. Според договорот меѓу ЕЛЕМ и „Екосајн Европа“, објавен на интернет-страницата на Бирото за јавни набавки, изработката на студијата ќе чини околу 233.000 евра.



Амбициозен инвестициски план

Раководството на скијачкиот центар за оваа и за следната година најавува амбициозен инвестициски план за модернизирање на Попова Шапка. Се планира изградба на нова жичница-шестосед, која ќе се протега од скијачката патека под хотелот „Тетекс“ до месноста Ге. Во план е да се изградат и две нови скијачки патеки на Церипашина во должина од 7 километри. Паралелно со тоа ќе се гради нов хотел на местото на сегашниот „Попова Шапка“, кој ќе се урива, како и катна гаража. За одмор на посетителите планирана е изградба на четири бачила, од кои најголемото ќе има капацитет од околу 400 лица и ќе биде сместено на Ајдучка Рамнина.

- До 2015 година предвидени се 60 милиони евра инвестиции со кои Попова Шапка повторно ќе биде во самиот врв на зимскиот туризам на Балканот. Kакви предности нуди овој центар доволно зборува фактот што највисоката точка за скијање на Kопаоник е 1.900 метри, на Маврово 1.780, додека на Шапка е 2.610 метри - вели Перо Димитриески, директор на Друштвото за угостителство и туризам „Попова Шапка“.

Засега с` уште не се знае кој ќе ја финансира модернизацијата на ски-центарот, дали државата или пак тој ќе биде понуден на странски инвеститор. Природните поволности што ги нуди овој скијачки центар, но и неговата атрактивност, веќе им паднаа в очи и на британските инвеститори. При неодамнешната посета на принцот Мајкл од Kент на земјава, претставници на британската бизнис-група во Македонија ја изложија идејата Маврово и Попова Шапка во догледно време да се поврзат во единствен туристички центар. Тој зиме би се користел за скијање, а лете за маунтин-бајк и други спортови. Британците се заинтересирани да вложат во изградба на хотели и на други придружни објекти.



Се враќа стариот сјај

Раководството на центарот, но и посетителите, се согласни дека Попова Шапка го враќа стариот сјај, за разлика од периодот од 2001 до 2006 година кога целосно го изгуби чекорот со другите скијачки центри. Посетителите и планинарите сметаат дека доколку се реализираат најавените инвестиции, Шапка ќе биде врвен зимски туристички центар.

- Во моментов Попова Шапка е добра за домашен туризам, но не и за светски. За нешто повеќе пари во ски-центрите во Бугарија или Србија добивате многу повеќе. Природата дала многу, ски-патеките се врвни, но недостигаат инвестиции - смета Јован Божиноски, претседател на Планинарскиот клуб „Љуботен“.

Тој додава дека двајца новинари од Франција од специјализиран магазин за зимски туризам заминале презадоволни од природните убавини на Шар Планина, но тука завршува с`.

- Потребени се врвен менаџмент, инфраструктура, паркинг, алтернативни услови за забава, како и добра реклама - вели Божиноски.

Борис Стојановски од горско-спасителната служба, кој воедно е и претседател на планинарскиот клуб „Јелак“, има слични забелешки. Тој смета дека актуелното раководство успева да го врати сјајот на Попова Шапка, но требаат многу повеќе инвестиции за повторно да се искачи на врвот на Балканот.

- Господ дал многу, но малку се инвестира. Во Австрија има по околу 500 километри скијачки патеки, 50 ски-лифта во поголемите центри и нема потреба од чекање редови. Денеска луѓето не сакаат да чекаат многу, редиците пред ски-лифтови ги демотивираат - вели Стојановски.

Според него, потребни се повеќе патокази на патеките за нивна класификација, како и повеќе безбедносни мерки - обложување на столбовите, мрежи покрај карпестите предели.

- Нема киосци за брза храна, ресторани на крајните точки од ски-лифтовите, ноќен живот за младите и алтернативни начини на забава. Потребно е да се класифицираат патеките, да се знае која е за сноубординг, која за почетници, а која за деца со санки. Вака се создава голем хаос, што е лошо за безбедноста. Потребно е постојано да има лекар во центарот за да им даде помош на гостите - вели Стојановски.

Од неговото повеќегодишно искуство како член од горско-спасителната служба, која волонтерски и бесплатно им укажуваа прва помош на повредените скијачи, најчести повреди се скршеници на екстремитети. Главен проблем, според Стојановски, е што скијачите си ги преценуваат можностите, поради што настануваат повредите.



Даница ТУНТЕВСКА

Илчо ЦВЕТАНОСКИ
http://dnevnik.com.mk/?ItemID=DFBB626E474B4F4DAFCD6FFE7C554A75