кло повторно заради толпа хулигани пробуваш сите да таму собрани контра протестанти да ги окарактеризираш како крстоносци, а капак и сите Христијани да ги обвиниш за монтировкава, не е проблемот дали некого ќе омаловажиш или добро исплукаш како би си ги самозадоволил сопствените лични фрустрации кои очигледно ги истураш со  посебен кеиф против иницијативата за Црква на плоштад, туку повеќе кажува за тебе колку си без осет за она што е суштина а што минливост во животот на еден човек и колку жолчно треба нешто од тие две крајности нешто да браниш!

верувај  дека ова со Црквата веќе е апсолвирано прашање, едно што и за таква работа има и потреба, но има и мнозинство, а друго што сега со ова исфингиранава иницијатива на силуваните жртви кои пишуваат геј поезија во МКД подршката станува уште поголема! само луд човек може да глуми востание организирано од филозофи и филолози, подсобирајќи нереализирани архитекти и естетски засегнати урбани еколози! патем со дрскиот речник со кој редовно настапуваш на форумов верувај дека на улица не само што ќе испровоцираш некој тифоз на вардар, туку сигурен сум дека можеш да да завршиш и со бастун по глава! ало незнам дали и до кога ќе го оправдуваш ова манипулирање заради себе исклучиво естетски причини, како не разбереш дека вака сега со вмешана политика и со веќе истакнатите ќерки на исмаил и грчев како организатори на востанието дека работава че биде на арно, факт е дека дури допрва ќе се организираат од спротивниот табор, што не ме чуди да предизвика и бетер сценарија.  

Македонија  | 29.03.2009 Инцидентите во Скопје повод за меѓупартиски пресметки   Централниот плоштад во Скопје каде се случија инцидентите Политичките партии од македонскиот блок меѓусебно се обвинуваат за инцидентите на плоштадот во Скопје. Кој е виновен и од каде доаѓаат ваквите тензии и провокации? Во зовриената изборна атмосфера на политиката и е лесно да испровоцира инцидент. Особено ако како повод искористи една чуствителна тема како меѓуетничките односи во мултиетничка Струга или пак спротивставените мислења на скопјани по прашањето - треба ли на централниот плоштад да се гради црква? Во Скопје се крена тензија токму кога почна да стивнува нервозата во Струга. Група студенти од архитектонскиот факултет кои протестираа против намерата на владата да изгради црква на плоштадот во Скопје беа нападнати од група луѓе кои се претставија како верници. Меѓусебни обвинувања Политичарите го искористија инцидентот како повод за меѓусебна пресметка. Премиерот Груевски го осуди насилство и ја обвини опозицијата за инцидентите. Премиерот не негира дека во групата поддржувачи за градењето на црквата имало активисти на ВМРО-ДПМНЕ, но вели нивниот собир бил спонтан и немало организација.За него друг е виновникот:  „Па мислам дека се работи за проект на Мирослав Грчев, којшто е директно против сите проекти на Владата. Тој е член на СДСМ, беше градоначалник на Центар, на времето од СДСМ, и тој се спротивставува на секој проект којшто го прави Владата, којшто ќе го промовира Владата, и се обидува во вакви времиња на избори да му помогне на СДСМ. Тоа е мое лично мислење, не мора да е така, но јас сум длабоко убеден во тоа“, изјави Груевски. Мирослав Грчев негира дека стои зад протестите на студентите. „Спонтано само-организирање на студентска младина, којашто очигледно беше во една мала, симболична бројка, со едни питоми протестни пораки, беше згазена и физички нападната од добро организирана фаланга на верски и партиски фундаменталисти“, изјави Грчев. Реагираше и СДСМ. „На Македонија и се случи фашизам во режија на Груевски и ВМРО-ДПМНЕ. Груевски, Јанкуловска и ВМРО-ДПМНЕ, немаат право затскривајќи се зад крстот и божјото име, да ги тепаат македонските граѓани , како што веќе ги тепаа и млекарите“, вели Макрадули. Собирањето на студентите беше најавено кај властите, додека собирањето на луѓето кои бараат изградба на црква на плоштадот официјално е означено како спонтан собир. Автор: Горан Петрески Редактор: Невена Георгиевски http://www.dw-world.de/dw/article/0,,4136698,00.html

Полицијата ги бара напаѓачите на протестот во Скопје   Скопје Викендов во Скопје се одржа протест против најавеното градење на црква на градскиот плоштад. Стотината демонстранти, од кои повеќето студенти на архитектонскиот факултет со паролите „Не го силувајте Скопје" и се спротивставија на владината идеја. Групата, според полицијата, го најавила протестот 24 часа пред неговото одржување. На истото место и во истото време, поголема група контра-демонстранти, излегоа да искажат поддршка на градењето на црквата. Тие не го најавија својот протест.   ПРОТА СТОЈКО РИСТЕВСКИ, претставник на МПЦ   ИВАНА ЦВЕТКОВИЌ, активист за човекови права При контактот беа нападнати демонстрантите кои протестираа против изградба на црквата. Двете најголеми партии, ВМРО-ДПМНЕ и Социјал-демократскиот сојуз на Македонија, меѓусебно се обвинија за организирање на различните групи демонстранти. Портпаролот на Министерството за внатрешни работи Иво Котевски, за Би Би Си, рече дека до полицијата дошла само една најава за протест, таа на Првата архибригада, против градњето на црквата. Контрапротестот воопшто не бил најавен. Според Котевски, сите што учествувале во насилните инциденти ќе одговараат. „МВР веќе заопочна со идентификување на лицата кои учествуваа во нарушувањето на јавниот ред и мир. Во текот на наредните денови, истите ќе бидат повикани на разговор и против сите оние за кои ќе се утврди дека се инволвирани, ќе бидат поднесени соодветни пријави“. Според портпаролот, организаторите на протестот не го најавиле два дена пред одржувањето, како што предвидува законот, и не обезбедиле своја редарска служба. Поради тоа, и тие ќе мора да се јават во полиција на разговор, а може и да бидат поднесени пријави, за лошата организација. Вчера изјави со своето видување за проблемот дадоа и политичките претставници. Претседателот Бранко Црвенковски: "Правото на мирен протест е загарантирано со Уставот на Република Македонија и неговото исполнување не може да биде попречено или оневозможено ниту заради религиозна посветеност, ниту заради партиска послушност. Недозволиво е да се случува вакво силеџиство и насилство на однапред најавен протест во присуство на полицијата. Тоа, во најмала рака само говори за неодговорен однос на Министерството за внатрешни работи, освен ако и самото не е дел од ова сценарио“ рече Црвенковски. Премиерот Никола Груевски: „Тепање и инциденти, тоа е недозволиво и против сите што на некој начин учествувале, треба да се преземат мерки, и ќе се преземат. Лично мислам дека се работи за проект на Мирослав Грчев, кој е директно против сите проекти ан Владата. Тој е член на СДСМ, беше градоначалник на Центар во времето на СДСМ и тој се спротиставува на секој проект кој што го прави и промовира Владата“ рече Груевски. http://www.bbc.co.uk/macedonian/news/story/2009/03/090330_mac_protest.shtml

И после - КРИВА Е ЕВРОПА

Поздрав rainman

Originally posted by rainman Мене не ми е проблем и можам да ви ветам дека ова нема да биде последен протест.

Ова особено ме радува... фронтот дефинитивно треба да се прошири, од маркичка 1.5 на цел Мал Ринг, од Мал Ринг на цел град итн. Предолго се унаказува градот а во последно време тоа доби уште повеќе на интензитет и сметам дека мора нешто да се направи.

Апел за тоа редовно да не известувате/координирате за акцииве овдека на форумов бидејќи сум сигурен дека во секое време ќе имате група искрени подржувачи поведени во сето тоа од истиот мотив.... Да не се силува Скопје.




Edited by pbanks - 30-Mar-2009 at 09:56

ало луѓе абе сеуште не сте свесни дека вие востаниците сте најефтино искористени и изманипулирани во политичка цел!? некој спомна не сум се оградил јасно од насилството, ова кажува колку пристрастно ги анализирате работите!  незнам кој би прифатил или оправдал насилство, уште помалку па истото да се случува како подражавање на Црквата.

но незнам како не ви е јасно дека сите овие случувања се добро испланирани и однапред исценирани, во смисла, јасно беше дека комити ќе се појават на собирот како "живо" засегнати, небаре наместо на утакмица секој ден во Црква одат, ова им беше добро познато на соросоидите, па затоа и 'згнаа сега и тоа ни помалку ни повеќе  "вербално" востание со бригади, кои ќе ја освојуваат маркицата на плоштад во сред изборна кампања,  па уште и сеир фаќале таму за да се ситат и утре истакнуваат ете колку биле умешни во манипулацијата на младите и од двете страни, како би набилдале колку толку подобар рејтинг од досега најголемата бламажа и на локалните и на претседателските избори. вака ете пак преку глумење жртви и етикетирање виновници истите ќе бидат морални победници! јас разбирам доколку нивни симпатизери се жртвувале за таквиот рејтинг, но како што јасно се спомна доста и не биле свесни во каков протест зеле учество ...   

факт е дека треба да има простор за изнесување на каков и да е протест во МКД, па макар и геј, но секој треба да има осет, ќе повторам по илјадити пат што, каде и кога може да помине без инциденти, но очигледно вчера тоа и не беше целта на организаторите, тие да сакаа да нема инциденти, прво и основно се ќе истемпираа како што треба, сетне сопствените редари немаше да ги ангажираат за делење бомбони, туку за спречување на ваква појава, штом видеа дека меѓу толпата "верници" се втурнале комити веднаш ќе го прекинеле протестот, а не дополнително да го распалуваат со изјави како нема жива сила која нас ќе ни забрани право на глас на плоштад! да не ме сватите погрешно не ги обвинувам естетски засегнатите протестанти (тие сигурно и се повлекле) туку инструиораните ревносни револуционери кои јасно е дека сакале фајт, ало со транспарентите упорно одат во комити, па доколку видам улав човек пред мене па макар и замаскиран со добри намери,  а со капуљача на глава, луѓе јас ќе се тргнам во тој случај ане по сто пати да се размавтувам со транспарент,  но како што кажав претходно целта не беше некој да избори и оствари некое право,  туку својата неспосоност за власт да ја компензира со очиггледно најчуствително прашање во најчуствилен момент.

инаку GM соросоиди не се ни левица ни десница ни центар, тие ти се паразити во невладиниот систем кој  ги спонзорираат подобните НВОа, по некоја случајност еден од татковците на СДС е моторот на таа збирштина од фекални интелектуалци кои ја терале, ја тераат и ќе ја тераат фондацијата ЗАТВОРЕНО општество, патем од таму можеш да добиеш трајна финансиска помош единствено доколку си безрбетник, кој е спремен на секаква интервениција во полза на инструираната демократија. патем за да нема забуни и погрешно да не си го толкуваат сите поимот СОРОСОИД, еве текст од еден нивни бивши прв соработник, кој од позиција на освестен безрбетник ги демистифицира нивните демократски амбиции!

инаку гледано естетски доколку некој сакаше нешто да промени тоа дефинитивно ќе го правеше на начин како што Иван Мирковски го направи со форум на експерти, со стручна дебата, со кревање најнапред со медиумска прашина, а дури на крај  после вака поткрепена и исцрпена вербална  и медиумска атака, може да стане збор за протест. ќе повторам за прилично осетлива работа, но дефинитивно помалку осетлива доколку се направеше за работен ден и вон избори. во тој случај целта би била исклучиво да се привлече јавното внимание за одредено прашање. но во случајов целта беше специјален т.е. едноставен начин како одредена проблематика да се искористи за тесно партиски цели, манипулирајќи со цел народ! 

добро не дека им е првпат да тераа вакво нешто и на ваков начин, имало и бетер, но во случајов како што спомна АД во најнезгодно време и за самите избори, индиректно и за самата држава,  очигледно пресметаниот ризик за амортизирање на сопствениот политички нокаут.    

Edited by beTon - 30-Mar-2009 at 03:40

ЕДИТ: веќе си додал линк


Edited by gotsomekicks - 29-Mar-2009 at 18:02

Се надевам само дека ќе има организирано уште еден протест, овој пат не за црквата на плоштад, туку против континуираното замолчување на студентите. Неможе секаде студентите да се авангарда и општествен двигател, а кај нас пацери што се јаки само на фејсбук. Тие малкуте кои излегуваат да го искажат својот став или се игнорирани или тепани.

Последните неколку протести каде излегоа масовно студентите кај нас беа од националистички карактер. Катастрофа.

Originally posted by lslcrew Види незнам дали знаеш дека постои светска фондација СОРОС која спознорира невладини организации во повеќе земји и слично. Е сега кајн во Македонија фондацијата е малку понаклонета кон моменталната опозиција, кон левата идеологија, и како некој вид јавна тајна е дека голем дел од парите се наменети за ширење таканаречена "западњачка пропаганда". И сега радикалното крило ова го осудува, десниларите се поконзервативни и многу многу нејќат странски агенции и фондови. Е од тамо произлезе тој збор Соросоиди. Десничарите такво име користат за левичарите. А пак левичарите за десничарите користат збор Македоноиди. Идвата израза се навредливи и се на некој начин мешанива од зборт идиот+македонец, или пак идиот+сорос. Да немаш забуни овде станува збор за двете крајнолевичарски и крајнодесничарски сили. Оние кои се нашле измеѓу се само жртва на случувањата на ова "сред село".

Каква врска може да има еден магнат како Сорос со екстремните левичари? СДСМ и сличните се божем социјалдемократи а и тоа е далеку од крајна левица. Можеш да ги наречеш неолиберали али со крајна левица те молам немој да ги мешаш.

да додадам нешто, кога градиш црква треба целиот народ да биде задоволен од неа и да ја користи како нормална црква
што корист има народот од црква ако пола од него ја гледа како политички инструмент и истата ја одминува со револт

Незнам само зашто се ова излегува и антирелигијски.

И јас себеси се сметам за верник (можеби не незнам каков, зашто не поднесувам попови и свештени лица кои ја злоупоетребуваат идеологијата на самата религија) , меѓутоа не сум за црква на плоштадот и можам да потврдам за уште најмалку 7-8 лица кои се православни верници но беа излезени вчера со став против црквата.

Значи да се разбереме се работи какко ПРВО: против било каков објект на таа маркица, од урбанистички причини кои незнам колку пати се наведени на форумов, а полсле како ВТОРО: доаѓа самата намена на верски објект знаејки дека има две преку вардар на радиус не поголем можеби од 300м, што значи намената црква не дршжи, ТРЕТО: кога веке правиш црква, таа самата по себе треба да генерира некаков плоштад, а не да направипш црква на плоштад само заради тоа што најпознатите светски плоштади имаат црква (значи обратен пристап на нештата ), ЧЕТВРТО: самата естетика на црквата, во која има премногу канони, се пркоси со се она што веке постои на самиот плоштад, ПЕТТО: кога веке се оди накај верски плоштад се знае какко треба тој да изгледа, формата на целиот плоштад треба да ти ја нагласи перспективата кон црквата, сaмиот плоштад посебе да ти го насочи погледoт кон неа и да и даде најголемо значење на неа, а не оваја како задскриена во некое тесно грло, и ШЕСТО последни но според мене и најпровокативно : нашата црква на плоштад ја гради владата од една причина која сто можам да ја увида, а тоа е дека на плоштад ке пишува -ктитор (основач) на црката е никола груевски или вмро - се едно кое и да стои од овие две, а мора да стои а како што знам најчесто има и некоја фреска и од основачот.

Ова е само мој став произнесен од факти кои ми се мене познати, за нивна точност бујрум ја имате цела интернет мрежа, и крајно е сеедно дали целиот протест бил инициран од некоја опозиција, или само она си го употреби целиот настан за предизборни поени

Види незнам дали знаеш дека постои светска фондација СОРОС која спознорира невладини организации во повеќе земји и слично. Е сега кајн во Македонија фондацијата е малку понаклонета кон моменталната опозиција, кон левата идеологија, и како некој вид јавна тајна е дека голем дел од парите се наменети за ширење таканаречена "западњачка пропаганда". И сега радикалното крило ова го осудува, десниларите се поконзервативни и многу многу нејќат странски агенции и фондови. Е од тамо произлезе тој збор Соросоиди. Десничарите такво име користат за левичарите. А пак левичарите за десничарите користат збор Македоноиди. Идвата израза се навредливи и се на некој начин мешанива од зборт идиот+македонец, или пак идиот+сорос. Да немаш забуни овде станува збор за двете крајнолевичарски и крајнодесничарски сили. Оние кои се нашле измеѓу се само жртва на случувањата на ова "сред село".