Патување низ Европа со воз!

Па може да се собереме и друштво од форумов и да направиме едно патувње. Може на пример преку лето, за да има време за една поголема тура низ европа

Точно така...

Јас имам едно друго прашање. Можеби "железничарите" на форумов ќе знаат. Како што знаете со Грција ќе ни треба некој си посебен формулар што ќе може да се потигне од амбасада или на самата граница. Па сега како ќе функционира тоа доколку се патува со воз. Дали ќе треба да се симнеме во Гевгелија на железничка и да се потгне форумларот и пак да се качиме во воз, или па на станицата во Сехово (Ειδομενη), или па ќе го делат во воз?!

Визната либерализација за Република Македонија започнува на 19 декември, а со тоа се зголемува и интересот за патување во европските држави. За жал, првата помисла во нашата земја за патување низ Европа е превозот со авион. Во недостиг на доволно информации за патување со воз до европските метрополи, се решив да ги поставам поволностите што ги нуди патувањето со воз. Најудобниот и убедливо најефтин превоз е патувањето со картичките Balkan Flexipass за Србија, Црна Гора, Романија, Бугарија, Грција, Турција и Inter Rail за патување во сите европските држави. Овие две картички се достапни и во Македонија и истите може да се купат од Македонски железници.
Најатрактивната понуда за патување низ балканските држави е неограниченото патување со воз за 5 дена во рамките на 1 месец за само 51 евро за младинци, 43 евра за деца до 12 години, 86 евра за возрасни и 69 евра за сениори.
Интересна е и понудата за неограничено патување со воз за 15 дена во рамките на месецот за само 103 евра за младинци.
Купувањето на картичката Balkan Flexipass овозможува неколкукратна заштеда на трошоците за патување и е убедливо поевтина од автобускиот, авионскиот и автомобилскиот превоз. Со картичката самиот патник одлучува каде ќе патува, кои денови во месецот ќе патува и колку ќе остане во одреден град. Интересно е и да се напомене дека повратната карта со воз и автобус за Белград чини од 30 до 35 евра, додека неограниченото патување со воз во Србија за 5 дена ќе ве чини само 51 евро.
Во однос на користењето на Inter Rail картичката, најатрактивна е понудата за неограничено патување со воз цел месец што чини 399 евра за младинци. Интересна е и понудата за патување за 10 дена во рамките на 22 дена што чини 239 евра за младинци.
Доколку сакате да патувате низ одредена држава од Европа, ќе поминете уште поевтино. Доколку сакате да ги разгледате убавините на Шпанија или Италија, тука е понудата за неограничено патување за 6 дена во месецот за само 123 евра. Патувањето за 6 дена во месецот низ Русија ќе ве чини само 77 евра, додека убавините на Франција можете да ги доживеете за 175 евра. И конечно, разгледувањето на Прага и на целата Чешка Република за 6 дена патување со воз во рамките на 1 месец ќе ве чини само 64 евра. Треба да напоменеме дека покрај патување за 6 дена, постојат опциите и за патување за 3,4, 8 дена во рамките на месецот, што се исто така поволни.
Затоа не чекајте, патувањето со воз е убедливо најевтино и најинтересно, изберете го возот како превозно средство за вашите патувања низ државите во Европа.