Тунел под Кале

А бе, ние не сме способни за една улица рамно да ја асфалтираме и шахти да изнивелираме, а вие разговарате тука за тунел под Кале, што е научна фантастика за неандерталското ниво на градење во државава. Дај, бидете малку посериозни.

Edited by Џоле - 25-Jan-2018 at 19:46

Zelenikovo, твојот став не може да биде потежок од цела дузина на докажани експерти од урбанизмот и транспортот. Тунелот под Кале не е фикс идеја на Шилегов, туку исклучително добар предлог за решавање на сообраќајниот метеж кај Бит-пазар и Мавровка. Друга работа е што ние имавме пари за глупости, како „Скопје 2014“.

Овој проект стои од периодот по земјотресот и досега не сум слушнал некаква реална критика за неговата реализација. Те молам изјасни се во детали, да слушнеме кои се алтернативите.

Изградбата на надземна траса од истиот овој проект некако ми се чини нелогична во случај кога имаме рид на самата траса.

Сетете се на Мостот на Пенов и шиканата на него, тоа една куќа не можеа да изместат, та Дуќанчик ќе го напраеле тепсија за да има прав излез некаде ваков Тунел, и ајде до пред некое време пред легализацијата на дивоградбите ова можеше да се стори, во случај тоа таму да беа дивоградби, што не ми се верува, но и да е така, после дополната на законот, сето ова е празен муабет, освен ако на тие такви ~10к диви објекти изградени врз патни коридори им го поништат дополнувањето на законот, нели за да си отворат sds простор за реализирање на оваа предизборна идеја

не дека нема опции http://www.build.mk/forum/forum_posts.asp?TID=1938&PID=223336#223336

хм дрскост и небулоза е што воопшто ова околу Тунелот под Кале и го немале во предвид кога некој од експертите им го предложил како ас идеја, бар да беа малку отворени та може и да дојдеа до некакво реално решение и во овие околности, но нели чаламот им е појак од разумот сеуште, ајде може ќе почнат да се менуваат, во спротивно пак ќе ја глават и тупат дека сакале ама не можеле

Не верувам дека ќе градат паралелна надземна сообраќајница од Соборна до Џон Кенеди. Многу поверојатно, поефтино, а според мене и попрактично и поефикасно е да се изгради мост на крајот на Свети Климент Охридски (позади Влада), да се изгради тунел лево од МСУ, а со Никола Карев и Македонско Косовска бригада да се спои со клучка.

Да се реализираа во минатото, сега ќе немавме проблеми со возењето низ Скопје и аерозагадувањето – “Партизанска” под плоштад и тунел под Кале – решенија за сообраќајниот јазол во центарот

Урбанистите сметаат дека Скопје ќе го избегнеше аерозагадувањето ако во минатото се водеше сметка за поставување на зградите што се градеа и се спроведуваше т.н. аеродинамичен модел на градот, според кој, за секоја новопроектирана зграда да се направеше макета, како и да се решеше сообраќајниот јазол во центарот на градот со пробивање на булеварот “Партизански одреди” под плоштадот “Македонија” и да се направеше тунел под Калето. – “Партизанска” требаше да почне со постепено пропаѓање под нивото на теренот од Соборниот храм и под зградите што се направија на крајот на булеварот да помине под плоштадот. Требаше да има отворен амфитеатрален простор кај споменикот на “Воинот на коњ” со автобуска и трамвајска станица и потоа повторно булеварот да излезе кај Градската болница “Св.Наум Охридски”. Но, со градењето на зградите на крајот на “Партизанска” таа можност сега се блокира, така што се изнаоѓаат нови можности да сообраќајот од “Партизанска” сврти према мостот “Гоце Делчев” и покрај Вардар и покрај кејот излезе кај зградата на НБРМ. Ова решение од сеизмички и од еколошки аспект е многу понеповолна состојба. И тунелот што се заговара што го спомена таткото на градот, Петре Шилегов треба да помине покрај Владата и под Калето да излезе кај Битпазар. Такво решение е зацртано и во плановите на Кензо Танге и со тоа сите гужви кај Мавровка можат да бидат избегнати – вели професорот на Архитектонскиот факултет во пензија и основачот на движењето на екологисти на Македонија, Михаил Токарев кој смета дека во Просторниот план на РМ треба да се размислува за деурбанизација на Скопје. Токарев вели дека многу брзо треба да се воведат зелените налепници за возилата и оние што не ги исполнуваат еколошките стандарди да не можат да се движат во периодите кога има загаденост на воздухот. – Треба да се знае во деновите на аерозагадување возилата од другите градови кои ќе немаат зелена налепница да не се пуштаат во Скопје уште на пристапот кон градот – на првата патарина. Го собравме целото европско ѓубре од возниот парк, го донесовме во Скопје, испушта енормно загадување и сакаме градот да ни биде чист. Не може. Исто така, под итно да се спроведе гасификацијата и да се елиминира употребата на фосилните горива – вели Токарев. Инаку, во Министерството за економија се подготвува нов Закон за возила кој во иднина ќе ги опфати сите автомобили да имаат еколошки налепници што ќе бидат во различна боја и ќе покажуваат кое возило колку загадува. Законот треба да биде готов до крајот на февруари. Потоа законските измени ќе бидат доставени до Владата, па до Собранието, при што реално се очекува до крајот на првото полугодие да бидат донесен и да стапат во сила. Градот Скопје, како што дознаваме, има побарано да се подготви модел за нов јавен автобуски превоз во Скопје, бидејќи постојниот не ги исполни очекувањата. Тој предвидува брзи автобуски линии низ поширокото централно градско подрачје кои физички ќе бидат одвоени на коловозите на булеварите. Ќе има и нов начин на наплата на билетите. Реализацијата на новиот модел на автобуски превоз во Скопје би коштал меѓу 12 и 13 милиони евра. Од Центар до Чаир преку тунел под Кале Тунел под Кале беше дел е од нацрт-верзијата на ДУП за локалитетот Тетовска трошарина, како продолжение на булеварот “Свети Климент Охридски”. Според плановите, тунелот треба да биде долг 180 метри и да минува во близина на Калето под Музејот на современата уметност. Тој постои во генералните урбанистички планови уште од 1965 година, потоа е потврден и во плановите од 1985 и 2002 година. Неговата реализација ќе има олеснителна функција во однос на сообраќајниот метеж. Според проектот на градежниот инженер Лазо Чакаровски, сообраќајницата би требало да тргнува кај Мала станица, односно во близина на зградата на “Нова Македонија”, се движи по булеварот “Климент Охридски”. По вкрстувањето со “Партизанска” и откако ќе се измине Соборниот храм, булеварот “Свети Климент Охридски” се издигнува на мостовска конструкција. Под мостовската конструкција си останува булеварот “Климент Охридски” по кој како и сега, може да се одвива сообраќај. Улицата ќе лежи на единечни столбови кои предвидено е да се издигнат во средишното зеленило на “Климент Охридски”, така што новата сообраќајница ќе биде токму паралелна на сегашниот булевар. По издигнувањето после Соборниот храм, сообраќајницата продолжува кон Влада и излегува на Вардар минувајќи низ надземниот паркинг на Владата, покрај “Жабарот” го минува Вардар и во близина на лизгалиштето, каде депресијата на ридот е најниска, со тунел влегува под Кале. Од другата страна на Кале тунелот излегува на крстосницата кај касарната “Илинден” каде е предвидена кружна клучка, и од тука, избегнувајќи ја Топаана излегува на улицата “Македонско-косовска ударна бригада”, во близина на крстосницата со Џон Кенеди. Оваа нова сообраќајница предвидено е да биде брза. По неа ќе се вози со 80 километри на час, без застој. Таа нема семафори, ниту пак вкрстувања со други улици, а со неа се скокаат “Илинденска”, “Димитрие Туцовиќ”, “Загрепска”, “Лазар Личеновски” и улицата “Топаанска” после тунелот. Со овие поголеми улици новата сообраќаница би се вкрстувала доколку се гради по земја. По неа би се пренасочил целиот сообраќај запад – исток во Скопје, вклучувајќи ги тука и оние кои од Куманово одат кон Тетово или обратно. Експертите велат дека ова ќе биде улица која ќе биде основа на примарната сообраќајна мрежа во Скопје. Главната придобивка од реализацијата на проектот е растоварување на целиот сообраќај кој минува преку Бит-пазар, а особено метежот на крстосницата кај Судска палата и “Мавровка”, каде што е проценето дека дневно поминуваат и повеќе од 86.000 возила. (С.Блажевска)

http://vecer.press/%D0%B4%D0%B0-%D1%81%D0%B5-%D1%80%D0%B5%D0%B0%D0%BB%D0%B8%D0%B7%D0%B8%D1%80%D0%B0%D0%B0-%D0%B2%D0%BE-%D0%BC%D0%B8%D0%BD%D0%B0%D1%82%D0%BE%D1%82%D0%BE-%D1%81%D0%B5%D0%B3%D0%B0-%D1%9C%D0%B5-%D0%BD%D0%B5/

Откаде ќе почнуваат и завршуваат тие тунели под Кале? Кај Старата Чаршија или Бит-Пазар?Претпоставувам дека еден тунел ќе следи во продолжение на булеварот Свети Климент Охридски кој допрва треба да се изгради.

Еве некои ориентациони цени:

https://www.greaterauckland.org.nz/2016/10/05/the-costs-of-tunnelling/

Инаку, треба и тунел под Водно, но ми се чини дека ем ова е преголем залак за Скопје, ем не им никаков приоритет на локалните власти, кога веќе не се нафаќаат да решат далеку понекомплексни проблеми како што се јавниот сообраќај, градска железница и изградба на паркинзи или катни гаражи кај Хиподром и Сарај за нескопјаните да си ги оставаат своите возила и да продолжат со градски превоз кој Коце поради своите каприци им го ускрати.

Со тунели под Кале сообраќајно ќе го споиме градот

Како го перципирате градот откако станавте градоначалник? Претходно како граѓанин проблемите ги гледавте од една страна, а верувам дека сега е поинаку... (...) Горлива и неизбежна тема е загадувањето на воздухот, но не само тоа загадување. Гледаме диви депонии насекаде. Хигиената генерално е на ниско ниво, а таква е и свеста на граѓаните. Што конкретно планирате, како прв човек во градот, да сторите како план или програма за надминување на овие поразителни состојби? (...) Најавивте еден вид борба против насилната незаконска градба и урбанизација на градот, а паралелно со тоа и зачувување на оние зелени површини што останаа и правење нови. Што конкретно презедовте досега на овој план и што ќе преземете наредниве години? (...) Граѓаните бараат нова инфраструктура, поправка на дотраената... и покрај новите булевари и улици се гледа дека сообраќајот не се растовари и сѐ уште имаме паркирани автомобили на тротоарите и на улиците, многу од селата имаат лоши локални патишта. Што ќе преземете кога се во прашање сообраќајниот метеж, улиците, тротоарите...? Ќе најавите ли некој голем инфраструктурен потег што ќе се реализира во време на вашиот мандат? - Инфраструктурата не подразбира само патни инфраструктури, тоа подразбира и развој на комуналната инфраструктура. Можете да видете во рамките на она што во буџетот е предвидено проектирање сериозни инфраструктурни објекти, за жал, градот нема таков вид капитал, а моите претходници не вложувале средства предвидени на инфраструктурните објекти. Доктрината што ја застапуваме е да загубиме повеќе време на добро планирање и средување на документацијата за да биде изградбата побрза, да не ни се случи еден булевар да се гради три години. Подобро е да загубите една година на планирање на тој булевар и да ги исчистете правните состојби отколку да почнете со нерасчистени работи и да се влече работата на терен. Затоа што секој таков зафат го нарушува секојдневието на граѓаните и треба што е можно помалку да го попречуваат движењето на луѓето. Јас и најавив можност дека многу скоро градот ќе влезе во изградба на барем еден или два моста преку Вардар. Очекувам дека напролет ќе бидеме подготвени да почнеме со реализација. Инаку инфраструктурата за која зборувам во кампањата е императивот што јас во овој мандат или ќе го реализирам во целост или ќе почнам да го реализирам. Почнуваме и геолошки истражувања на ридот на скопската тврдина, Калето, за да може таму да се изведе зафатот со изградба на тунелите под ридот за сообраќајно да го споиме градот од двете страни на Калето. Таа идеја е неопходна ако сакате Скопје да функционира. Ние сме одлучни како администрација во овој мандат да го реализираме тоа. Скопје е град што постојано расте и по бројот на населението и по површина, и по изградени станбени единици. Проблемот со пренаселеност одамна се чувствува. Миграцијата од село во град, а конкретно во Скопје, не запира. Што мислите за овој проблем, кој не е само градски туку навлегува и пошироко? Има ли решение за ваквиот тренд и дали ќе се ангажирате во врска со тоа? (...) Првиот човек на градот станува своевиден синоним за градот во мандатот додека го води. Каков белег сакате да оставите на Скопје по завршување на мандатот или по добиените мандати во иднина? Едноставно каде се гледате вие а каде градот по поминати години? Какви промени очекувате да се случат? (...) Што би им посакале на скопјани во новава година кога е градското живеење во прашање, но и општо како нивен сограѓанин? (...)

http://novamakedonija.com.mk/NewsDetail?title=%D0%A1%D0%BE-%D1%82%D1%83%D0%BD%D0%B5%D0%BB%D0%B8-%D0%BF%D0%BE%D0%B4-%D0%9A%D0%B0%D0%BB%D0%B5-%D1%81%D0%BE%D0%BE%D0%B1%D1%80%D0%B0%D1%9C%D0%B0%D1%98%D0%BD%D0%BE-%D1%9C%D0%B5-%D0%B3%D0%BE-%D1%81%D0%BF%D0%BE%D0%B8%D0%BC%D0%B5-%D0%B3%D1%80%D0%B0%D0%B4%D0%BE%D1%82&id=3a3d33cd-80c1-49d1-9896-f5deb82362c5

А има ли воопшто потреба од насипи? Неможе ли да се реши мостов како надвозникот кај Кале?

@ alexgizh & lslcrew

Момци, веќе беше споманто во вестите за ДУП-от дека Климент Охридски треба да влегува во тунел на 7 метри над Лазар Личеноски.

alex, ова меѓудругото би значело и дека пред тунелот би бил мост, а со оглед на вкупната висинска разлика можеби мостовска конструкција би била потребна на целиот потег од кај „Жабар“ до влезот во тунелот... не премногу висок мост, но сепак веројатно е неопходна некаква конструкција по целата таа должина или делумно насип.

Всушност и немора никаков дополнителен пешачки мост кога ќе се земе во предвид дека горе треба да проаѓа новопроектирана улица за нововцртаните објекти. Така да таа улица ќе има и тротоари и нема потреба од никаков дополнителен мост. Калето ќе ќе се оддржи како еден континуум. Потпорните ѕидови ги вцртав така без врска, незнам ни каков е теренот детално ниту какви нагиби треба да има.

Но по сите изгледи до сега ми се чини дека подобро решение и попрактично би било вертикален ископ.


Edited by lslcrew - 16-May-2010 at 22:37

Во контекст на дискусијата http://www.build.com.mk/forum/forum_posts.asp?TID=923&PID=65560#65560

Колку што гоогле еартх е точен во однон на висините и колку тие може прецизно од сателит да измерат се обидав да добијам некоја висинска разлика од најниската и највисока точка на Кале. Значи сега идам со груба проценка. 15-тина метри е висината на ридот во тој дел. Ако еве груба проценка тунелот влегува на половина од тој тунел нека биде тоа на 8 метри и висина на тунелот од некои 5 метри (4 и нешто ситно висина над коловоз + дополнително уште еден оставам поради плочи и инсталации) се доаѓа до 13. Два метри висина воопшто не се исплати туку дополнително треба да се плати цена за изградба на комплетен тунел, инсталации, константно осветлување што е трошок, намалена безбедност и видливост. А со ископ единствено ќе треба да се направат два потпорни ѕида од страна и завршена работа. А незнам што би добиле со тунел. Стварно мислам дека некаков континуитет на ридот не вреди таа цена.

Нормално би можело над ископот да се направи некаков пешачки мост преку кој кога ќе се проаѓа би се имало одличен поглед на новиот некој репрезентативен мост за Скопје.

Ах како незнаев малку да рчнам нешто 3д, милијарда идеи низ глава ми се свртеа.


Edited by lslcrew - 18-May-2010 at 14:31