Коридор 8

Се сложувам дека и 100 километри на час пруга се подобри од ништо, но треба да се земе предвид фактот дека низ овој паневропски коридор нема да поминуваат пратки само од Македонија кон Драч, туку и од Турција, Романија, Израел кон Италија на пример. Не е сеедно дали пратката ќе стигне за 24 часа или за 48 часа.

Iscrew, твојата идеолошка определеност за да приватизираш СЕ не постои во ниту една држава во светот, па дури ниту во САД. Либерализација на железничкиот пазар е можна, но дај те молам прочитај како функционираат железничките претпријатија низ европски рамки, бидејќи како земја-кандидат за ЕУ треба да ги почитуваме нивните услови. Значи, инфраструктурата е на државата, а на пругите вози државното претпријатие во огромен дел(МЖ-Транспорт во земјава) плус неколку приватни претпријатија. Сите тие и плаќаат на инфраструктура за изминатите километри.

И пак ќе повторам, земја без квалитетна државна железница, образование, здравство, јавен радиодифузен сервис, социјалната политика итн. подобро да не постои.

Доколку Македонија треба да се базира само на државна полиција и судство, тогаш која е мојата полза од нејзе? Ваквата радикална идеологија е тоталитарна, барем според мене и води кон целосно угнетување на нејзините жители.

Originally posted by zookisk Originally posted by Vladimir P Дефинитиво ни треба алтернатива кон друго пристаниште кое е посигурно и поефтино. Неминовност и приоритет ни е изградба кон Албанија па макар тие се движеле и со 40-50 км/ч. Излезот кон Албанија би значело помалку приходи за МЖ...колку повеќе километри вагоните трчаат на македонска територија толку приходите се поголеми...Табановци-Гевгелија е одлична километража...а од Табановци до Албанска граница???

А колку не кошта само овие 5 дена урнебес на гевгелиска станица и низ целата мрежа, стави ги тука лежењето, пеналите, загубите не само на железницата него и на нејзините консументи кој ќе бидат принудени во иднина да потражат некој друг превоз, ... па дали не ни треба АЛТЕРНАТИВА

Па од Табановци до Ќафасан ништо чудно и повеќе километри да има него до Богородица. Не сфаќам како дополнителна пруга што ќе поврзува со соседна држава ќе ги намалела приходите.

Ние дискутираме за 20 км/ч повеќе или помалку, а денешната вест вели дека возовите ќе стојат 5 дена на железничката станица Гевгелија неможејќи понатаму.

Дефинитиво ни треба алтернатива кон друго пристаниште кое е посигурно и поефтино.
Неминовност и приоритет ни е изградба кон Албанија па макар тие се движеле и со 40-50 км/ч.

Originally posted by zookisk Владимир,максималната брзина за движење на товарните возови според возен ред е ограничена на максимум 80 km/h а не 100 km/h...

Зоки, лоше се изразив празни можат и до 100, но смислата ми беше колку на таја должина ќе се заштеди за разлика од 20 км/ч.

Ма нека се направи и нека трча бруто извоз и со 60 би бил пресреќен.

Originally posted by Cloverstack Се слагам 100%, мада дури и со 100km/h ќе има огромен ефект и бенефит од пругава.

Секогаш товарниот сообраќај носел пари, а за него брзината е ограничена на максимум 100 км/ч.
А за патнички за толку мала земја разликата би била максимум 30-тина минути.
Да се подигне на високи брзини прв услов помеѓу другите е да има правец, што во овој планински предел би коштало премногу.

Originally posted by Cloverstack Апсолутно Охрид треба да се поврзе, без трунка дилема. И мене ме зачуди што не фигурира во планов, ама ваљда таа врска не спаѓа формално во Коридорот 8. Ваљда се планира посебно, а и реално доколку се пробие онаа тешка траса низ планините, поврзување на Охрид (без разлика дали со Струга или со Мешеишта) би било многу полесна работа.

Тој крак е нормално дека ќе се врзе, точно не е коридор 8.

Originally posted by Cloverstack Сигурно имале некаква математика кога ја граделе пругата во 50-тите години на минатиот век. Прво што ми паѓа на памет е Југохром (сега Силмак)... нормално е железничката мрежа во голема мерка да се планира за тешката индустрија. Плус тоа, од око тешко се проценува дали теренот покрај автопатот е баш толку поволен. Патишта многу полесно се провлекуваат отколку пруги (пругите се лимитирани со потреба за далеку помали нагиби) А дека сега кога веќе има сосем добра пруга низ Дервенската клисура, ќе размислуваат за изградба на нова покрај автопатот, тоа нема шанси. Барем да ја планираа новата пруга после Кичево за поголеми брзини, па да останеше некој простор за размислување што помеѓу Скопје и Тетово. Вака нема ни шанси ни било каква реална потреба.

Веќе е речено се со одговорот на Clov. Плус замисли пруга на тој веќе „урбан“ дел на правецот Тетово - Гостивар.

Долго сме дискутирале за оваа работа, имам замерка и за трасата и за проектираната брзина. Во 2010 година да се проектира максимална брзина од 100 километри на час за да се гради во наредните 10-тина години истата пруга е катастрофално.

Во развојните европски и светски фондови нема да не разберат сериозно, бидејќи сите пруги што денес се проектираат имаат минимална брзина од 160 километри на час, а да не говориме тоа што се работи за паневропски коридор.

Ова е како да правите автопат со коцки или макадам или да направите автопат и да ја ограничите брзината на 60 или 70 километри на час.

Втората моја аматерска замерка е тоа што се потрудиле трасата да мине што е можно подалеку од Охрид!

Знам дека покрај сегашниот магистрален пат, треба да се гради и нов автопат во иднина има и аеродром а конфигурацијата на теренот е лоша, но барем да се потрудиле да направат и план за евентуално поврзување на Струга-Охрид со пруга која би минувала покрај езерото, барем да има план за пруга која нема да биде магистрална.

Охрид е туристички центар во пошироки рамки и тие десетина километри пруга до Охрид неколкукратно ќе се повратат од домашниот и меѓународниот патнички сообраќај барем на дестинациите од Софија, Белград и Тирана.
 

Интересно. 

Во кој случај и да е, ако се обезбеди брзина од 100км на час (солидно) и сигурен транспорт ќе биде од одличен бенефит за цела држава...

Сум го гледал тој терен од ГЗ, навистина е зафркнат, и сум правел свои варијанти, но како што гледам овде е доста размозгано....

И ми е мило што барем има некој концепт, студија.... еден чекор напред...

Ако се обезбеди и собраќај на патнички возови, ќе биде одлично..... ~170-180 км за ~2 часа и најмногу 30 минути со се застанување....

Ако се обезбеди ова време.... мислам дека оваа линија ќе биде доста искористена и профитабилна.... многу луѓе поготово летно време би користеле воз до Охрид, за повратна, па и ~600 денари да е.... а и поатрактивно, поинтересно е со воз..... поготово младите кои би оделе.....

Е сега неколку прашања....

1. Кривина со радиус 500м? Нормално е тоа, во дозволеното и дали е пригодно за самите возови? На кратко, колку изнесува, некоја претстава ако може....

2. Кои локомотиви би влечеле.... Најверојатно и тие сега што се за Кичево, ако во меѓувреме не се подновиме со нешто ново, или пак ако се електрифицира трасата.... ?

3. ова не е прашање.... мислам дека најдобро од Струга до Ќафасан да се оди по варијанта 1, пошироко е, а и полесен терен е..... поефтино сигурно....

Edited by FoSsiL - 21-Oct-2010 at 21:28

Еве мапа каде е таа акумулација. Не се гледа многу убаво од мапата, браната треба да е тука (41°28'53.77"N 20°53'41.30"E).

Незнам таа акумулација каде точно треба да биде и колкава треба да биде но трасава не ми изгледа најповолна. Не се сомневам дека не се истражило и ставило на маса секоја можна опција, сепак не ми е јасно зашто неможе да иде покрај идното езеро. 5км тунел и не е ниту мала, ниту ефтина работа во ситуација кога има можна траса што немора да иде со тунел.


Edited by lslcrew - 21-Oct-2010 at 18:50